‎ጠቅላይ ሚኒስትር ዐቢይ አሕመድ(ዶ/ር) የአፍሪካና የዓለም አቀፍ መሪዎችን ወደ ኢትዮጵያ እንኳን በደኅና መጣችሁ በማለት፣ የአፍሪካን ታሪካዊ ዐሻራና ጽኑ ርዕይ አፅንዖት ሰጥተው ገልጸዋል።

‎የአኅጉሩ ትልቁ ሀብት የተፈጥሮ ጸጋ ብቻ ሳይሆን፣ ጠንካራ ተቋማትን የመገንባት፣ ፈጠራን የማሳደግና ለዘላቂ ልማት ያለው አስተዳደራዊ ችሎታ መሆኑን አሳስበዋል። በውኃ ልማት፣ በኢነርጂ፣ በምግብ ዋስትና እና በኢንዱስትሪ ልማት ረገድ እየታዩ ያሉ መሻሻሎችን በማንሳት፤ የታላቁ የኢትዮጵያ ሕዳሴ ግድብ፣ በስንዴ ምርት ራስን የመቻል ጥረትንና እየተስፋፉ ያሉ የኢንዱስትሪ ኢንቨስትመንቶችን ለአፍሪካዊ መፍትሔዎችና ለጋራ ብልጽግና ማሳያ ምሳሌዎች አድርገው ጠቅሰዋል።

‎አኅጉሩ የደረሰበት ጠንካራ የዕድገት ጉዞ፣ የኢትዮጵያን የ10 ነጥብ 2 በመቶ ተጠባቂ ዕድገት፣ እንዲሁም የአኅጉሩን የስነ-ሕዝብ ብልጫ ለመጠቀም በወጣቶች፣ በጤና እና በትምህርት ላይ ኢንቨስት ማድረግ ያለውን አስፈላጊነት ገልጸዋል።

‎በተጨማሪም ጠቅላይ ሚኒስትር ዐቢይ አሕመድ በአረንጓዴ አሻራ መርሃግብር አማካኝነት የሚታየውን የአየር ንብረት መሪነት፣ በ"ዲጂታል ኢትዮጵያ 2030" ሥር እየተከናወነ ያለውን የዲጂታል ትራንስፎርሜሽን፣ በአርቴፊሻል ኢንተለጀንስ የታዩ ስኬቶችን እና የአኅጉራዊ ትስስር መስፋፋትን አጉልተዋል።

በመጨረሻም ዓለም አቀፋዊ አጀንዳዎችን የመቅረጽ አቅም ያለው እና ለሁሉም አፍሪካውያን የሚተርፍ፤ ልማትን፣ ዕድልንና ክብርን የሚያረጋግጥ በራሱ የሚተማመንና የተባበረ የአፍሪካ ሕብረት እንዲኖር ጥሪ በማቅረብ ንግግራቸውን አጠቃለዋል። #AUSummit #PMOEthiopia

በሐረር ጥንታዊ ጀጎል ውስጥ የሚገኘው የቱርክዬ የቀድሞ ቆንስላ ጽ/ት ቤት ፤ የአሁኑ ሙዚየምና የባህል ማዕከል አሁናዊ ገፅታው በፎቶ