ጠቅላይ ሚኒስትር ዐቢይ አሕመድ (ዶ/ር) ነገ ጥር 26 ቀን 2018 ዓም በህዝብ ተወካዮች ምክር ቤት 5ኛ ዓመት የሥራ ዘመን 10ኛ መደበኛ ስብሰባ በፌዴራል መንግስት የ2018 በጀት ዓመት የስድስት ወራት የስራ አፈጻጸም ሪፖርት ላይ ከምክር ቤት አባላት ለሚቀርቡላቸው ጥያቄዎች ምላሽና ማብራርያ ይሰጣሉ።

የምክር ቤቱን ስብሰባ በጠቅላይ ሚኒስትሩ ይፋዊ የፌስቡክ፣ የቴሌግራም፣ የቲክቶክና የኤክስ 𝕏 (ትዊተር) ገጾች በቀጥታ እንድትከታተሉን እንጋብዛለን፡፡ #PMOEthiopia #የጠሚሩምላሾች #PMAbiyResponds

በቀጣይ አምስት ዓመታት 1 ነጥብ 5 ሚሊዮን ቤቶች ይገነባሉ
++++++++++++++++

#ጋዜጣ_ፕላስ | በቀጣይ አምስት ዓመታት 1 ነጥብ 5 ሚሊዮን ቤቶች ለመገንባት እየተሰራ መሆኑን ጠቅላይ ሚኒስትር ዐቢይ አሕመድ (ዶ/ር) ገለጹ፡፡

የሕዝብ ተወካዮች ምክር ቤት 5ኛ ዓመት የሥራ ዘመን 10ኛ መደበኛ ስብሰባ ጠቅላይ ሚኒስትር ዐቢይ አሕመድ (ዶ/ር) በተገኙበት ተካሂዷል።

ጠቅላይ ሚኒስትር ዐቢይ አሕመድ (ዶ/ር) ከምክር ቤት አባላት ለተነሱ ጥያቄዎች በሰጡት ምላሽ፤ ያለውን የመኖሪያ ቤት ችግር ለመቅረፍ በቀጣይ አምስት ዓመታት 1 ነጥብ 5 ሚሊዮን ቤቶች ለመገንባት እየተሰራ ነው ብለዋል፡፡

ቤቶቹን በመንግስት፣ በግል፣ በመንግስትና በግል አጋርነት ለመገንባት ስራዎች መጀመራቸውን ጠቅሰው፣ የባንክ፣ ዲዛይን፣ የመሬትና የፖሊሲ ዝግጅት እየተደረገ መሆኑንም ጠቁመዋል፡፡

የግብዓት አቅርቦት ችግር ለመቅረፍ ብረት፣ ሲሚንቶና ሌሎች ግብዓቶችን ለማምረት እየተሰራ ነው ብለዋል፡፡

በዳግማዊት አበበ
#ጋዜጣ_ፕላስ #gazette_plus #የጠሚሩምላሾች #PMOEthiopia

የሆራይዘን ፋይበር ኢንሼቲቭን እውን ለማድረግ የሚያስችል የሦስትዮሽ ስምምነት ተፈረመ
+++++++++++++++++++++

#ጋዜጣ_ፕላስ_ ኢትዮ ቴሌኮም፣ ጅቡቲ ቴሌኮም እና ሱዳቴል ግሩፕ የሆራይዘን ድንበር ተሻጋሪ የፋይበር መስመር ዝርጋታን እውን ለማድረግ የሚያስችል የሦስትዮሽ ስምምነት በዛሬው ዕለት በጅቡቲ ተፈራርመዋል።

ስምምነቱ ከፍተኛ አቅም ያለው ድንበር ተሻጋሪ የኦፕቲካል ፋይበር መሠረተ ልማት ለመዘርጋትና የቀጣናውን ዲጂታል ትስስር ወደ ላቀና አስተማማኝ ደረጃ ለማሸጋገር የሚያስችል መሆኑ ተገልጿል።

የኢትዮ ቴሌኮም ዋና ሥራ አስፈጻሚ ፍሬህይወት ታምሩ፤ በኢትዮ ቴሌኮም፣ በጅቡቲ ቴሌኮምና በሱዳቴል ግሩፕ መካከል የተደረገው የሦስትዮሽ ስምምነት፤ የጋራ የሆነ የዲጂታል አቅም ለመገንባት የሚያስችል ነው ብለዋል።

የሆራይዘን ፋይበር ኢኒሼቲቭ ጠንካራና ከፍተኛ አቅም ያለው፣ አፍሪካን በዲጂታል የሚያስተሳስር የኮኔክቲቪቲ ኮሪደር ለመፍጠር የተወሰደ ወሳኝ እርምጃ ነው ያሉት የኢትዮ ቴሌኮም ዋና ሥራ አስፈጻሚ፣ የጅቡቲን የባሕር ውስጥ የፋይበር ኬብሎች በኢትዮጵያ በኩል አድርጎ ከሱዳን ጋር በማስተሳሰር፤ ቀጣናዊና ዓለም አቀፋዊ ትስስርን የሚያጠናክር፣ አስተማማኝ የየብስ መስመር ተግባራዊ እንደሚያደርግ ገልጸዋል። ዋል።

“ይህን ፕሮጀክት እጅግ ልዩ የሚያደርገው አፍሪካዊ አጋርነትን ነው” ያሉት ዋና ሥራ አስፈጻሚዋ፤ የዲጂታል መሠረተ ልማት ሀብትን በማቀናጀት፤ የአፍሪካ ኦፕሬተሮች ተጨባጭ የኮኔክቲቪቲ ተግዳሮቶችን በመፍታት ለደንበኞች፣ ለኢንተርፕራይዞችና ለግዙፍ የዳታ ኩባንያዎች አዲስ እሴት ለመፍጠር በትብብር መሥራት እንደሚቻል በተግባር እያሳየን ነው ሲሉ ተናግረዋል።

የጅቡቲ ቴሌኮም ዋና ሥራ አስፈጻሚ ሚስተር መሐመድ አሶዌ ቡህ በበኩላቸው፤ የሆራይዘን ፕሮጀክት ለአገራቱ የጋራ እድገትና ብልጽግና ባለን ራዕይ በቀጣናው የቴሌኮም መሠረተ ልማት ትስስር አዲስ ምዕራፍ የሚከፍት ነው ብለዋል።

በዓለም አቀፍ ደረጃ ተወዳዳሪ የሆነ ስትራቴጂካዊ መሠረተ ልማትን በጋራ የመገንባት አቅማችንን የሚያሳይ መሆኑን የጠቀሱት ዋና ሥራ አስፈጻሚው፤ የዲጂታል ሉዓላዊነትን በማጠናከር በዓለም አቀፍ መድረክ ያለንን ሚና ያጠናክራል።

የሱዳቴል ዋና ሥራ አስፈጻሚ ሚስተር ማግዲ ኤም አብደላ ታሃ በበኩላቸው፤ "የሆራይዘን ፕሮጀክት ከመሠረተ ልማት ግንባታነት ባሻገር በአፍሪካ የቴሌኮም ኦፕሬተሮች መካከል ለሚደረግ የፈጠራ አጋርነት ህያው ምስክር ነው" ብለዋል።

ፕሮጀክቱ የጋራ ራዕይና ቅድሚያ የሚሰጣቸው ጉዳዮች ሲጣጣሙ፣ ፉክክር በትብብር ሲተካ የሚገኘውን ውጤት በተግባር የሚያሳይ መሆኑን የገለጹት ዋና ሥራ አስፈጻሚው፤ ሆራይዘን ለመላው የአፍሪካ አህጉር እንደ መልካም ተሞክሮ ሊወሰድ የሚችል ፕሮጀክት ነው ማለታቸውን ኢትዮ ቴሌኮም ለጋዜጣ ፕላስ በላከው መረጃ አስታውቋል።

#ኢትዮቴሌኮም #ጅቡቲቴሌኮም #ሱዳቴልግሩፕ #የኦፕቲካልፋይበር #horizon #connectivity

ኢትዮጵያ ቀይ ባህር ካለው ሃብት....

#ጋዜጣ_ፕላስ #ቀይባህር #ኢትዮጵያ

ኢትዮጵያ በጉባኤው ብሄራዊ ጥቅሞቿን ለማስጠበቅ በቂ ዝግጅት አድርጋለች - አምባሳደር ነቢያት ጌታቸው

✍️ ለአፍሪካ ህብረት ጉባኤ 179 የበጎ ፈቃድ አገልግሎት ሰጪ ወጣቶች ስልጠና ወስደዋል
++++++++++++++++

#ጋዜጣ-ፕላስ_ ከየካቲት ሰባት እስከ ስምንት 2018 ዓ.ም በሚካሄደው 39ኛው የአፍሪካ ህብረት ጉባኤ ኢትዮጵያ ብሄራዊ ጥቅሞቿን ለማስጠበቅ በቂ ዝግጅት ማድረጓን የውጭ ጉዳይ ሚኒስቴር አስታውቋል።

የዘንድሮው የህብረቱ መሪ ቃል በውኃ ሀብት አጠቃቀምና በንፅህና አጠባበቅ ላይ ያተኮረ ነው ተብሏል።

ጉባኤውን አስመልክቶ የውጭ ጉዳይ ሚኒስቴር ቃል አቀባይ አምባሳደር ነቢያት ጌታቸው በሰጡት መግለጫ እንዳሰታወቁት፣ ኢትዮጵያ ብሄራዊ ጥቅሞቿን ለማስጠበቅ በቂ ዝግጅት አድርጋለች። የኮንፈረንስ ቱሪዝምን ለማሳደግ እየተሰራ መሆኑን ጠቅሰዋል።

ከየካቲት አራት እስከ አምስት 2018 ዓ.ም 41ኛው የሥራ አስፈፃሚ ምክር ቤት ስብሰባና ከየካቲት ሰባት እስከ ስምንት 2018 ዓ.ም ድረስ 39ኛው የመሪዎች ጉባኤ ይካሄዳል። ጉባኤውን በስኬት ለማጠናቀቅ አስፈላጊው ዝግጅት ተጠናቋል።

ኢትዮጵያ ጉባኤው ስኬታማ ሆኖ እንዲጠናቀቅ የይዘትና የሎጅስቲክ ዝግጅቷን አጠናቃለች። የአገርን ገፅታ ለመገንባትና ለማስተዋወቅ ጉባኤው ልዩ ጠቀሜታ እንዳለውም ቃለ አቀባዩ ገልጸዋል።

ለዘንድሮው የአፍሪካ ህብረት ጉባኤ 179 የበጎ ፈቃድ አገልግሎት ሰጪ ወጣቶች አስፈላጊውን ዝግጅት ማድረጋቸውን አምባሳደሩ ጠቅሰዋል። ለጉባኤው የሚያስፈልገውን ዝግጅት እንዲያደርጉ ስልጠና መሰጠቱን ገልጸዋል።

በሞገስ ጸጋዬ

#የዲፕሎማሲከተማ #ጋዜጣ_ፕላስ #ምክክር #AfricaUnion #NationalDialogue