በፈታኝ ሁኔታዎች አመርቂ የዲኘሎማሲ ስኬቶች ተመዝግበዋል - የውጭ ጉዳይ ሚኒስቴር

👉 በተለያዩ ሃገራት በችግር ውስጥ የነበሩ 33ሺህ ዜጎች ወደሀገራቸው ተመልሰዋል፣

👉 ለ968 የአጎራባች ሀገራት ተማሪዎች ነፃ የከፍተኛ የትምህርት ዕድል ተሰጥቷል፣
*****
(ኢ ፕ ድ)

ባለፉት ስድስት ወራት የተሰሩት የውጭ ግንኙነት ስራዎች በፈታኝ ሁኔታዎች አመርቂ ስኬቶች መመዝገባቸውን የውጭ ጉዳይ ሚኒስቴር አሰታወቀ።

የውጭ ጉዳይ ሚኒስቴር ቃል አቀባይ አምባሳደር ነብያት ጌታቸው፣ ባለፉት ስድስት ወራት በውጭ ግንኙነት የተሰሩ ዋና ዋና ስራዎችን እና ወቅታዊ የዲኘሎማሲ እንቅስቃሴዎችን አስመልክተው መግለጫ ሰጥተዋል።

ባለፉት ስድስት ወራት የኢትዮጵያን ብሔራዊ ጥቅም በማራመድ ተጨባጭ ውጤቶችን ማግኘት ተችሏል ብለዋል።

ኢትዮጵያ ከጎረቤት ሀገራት ጋር ያላትን ሁለንተናዊ ትስስር የሚያጠናክሩ ተግባራት መከናወናቸውን ጠቅሰው በቀጣናው ሰላም ማስከበር ያላት ሚና እውቅና እንዲያገኝ ማድረግ መቻሉንም ገልፀዋል።

ከሃገራት ጋር የሁለትዮሽ ግንኙነትን ለማጠናከር ያስቻሉ ከ128 በላይ የከፍተኛ ባለስልጣናት ጉብኝቶች መደረጋቸው ተገልጿል። የኢትዮጵያን ዘላቂ ጥቅሞችና ወቅታዊ አቋሞች ለማስረፅ ያስቻሉ እንደሆኑም አብራርተዋል።

ኢትዮጵያ በመንግስታቱ ድርጅት ሰብዓዊ መብት ምክር ቤት አባል ሆና መመረጧ ባለፉት ስድሰት ወራት ከነበሩ ስኬቶች አንዱ መሆኑን የጠቀሱት አምባሳደር ነብያት፤ ይህም በባለብዙ ወገን ዲኘሎማሲ መስክ የኢትዮጵያን ሚና ከፍ እንደሚያደርገው ተናግረዋል።

ከተለያዩ ሃገራት ጋር የህዝብ ለህዝብ ግንኙነትን ለማጠናከር በርካታ ስራዎች መሰራታቸው የተገለጸ ሲሆን፣ ኢትዮጵያ ለ968 የአጎራባች ሀገራት ተማሪዎች ነፃ የከፍተኛ የትምህርት ዕድል መስጠቷንም አብራርተዋል።

በሌላ በኩል በተለያዩ ሃገራት በችግር ውስጥ የነበሩ 28 ሺህ ዜጎችን ወደ ሃገር ቤት ለመመለስ ታቅዶ 33ሺህ ዜጎችን መመለስ መቻሉን የውጭ ጉዳይ ሚኒስቴር መረጃ ያመላክታል።

ጥር 8 ቀን 2017 ዓም

#የጎንደር_ከተማ_አዲሱ_ዕይታ

"አረጀች እያሉ ሰዎቹ ሲያሙሽ፤ ሙሽራ ነሽ ጎንደር ይሰፋል ልብስሽ"

#PMOEthiopia

ሥራ ፈላጊ ነዎት❓
መልካም ዕድል‼️
ለተጨማሪ የመረጃ አማራጮች‼️
ትዊተር https://twitter.com/PressEthio
ድረ ገጽ https://www.press.et

ከውጭ ጉዳይ ሚኒስቴር የተሰጠ ማሳሰቢያ

በካናዳ የሥራና ትምህርት ዕድል ለማመቻቸት ህጋዊ ውክልና በውጭ ጉዳይ ሚኒስት ዶ/ር ጌዲዮን ጢሞትዮስ የተሰጣቸው በማስመሰል ህገ ወጥ ደብዳቤ አዘጋጅተው እያሰራጩ ያሉ አካላት መኖራቸውን ተገንዝበናል።

የሚኒስትሩ ስም ተጠቅሶ በተለያዩ ማህበራዊ ሚድያ አውታሮች እየተዘዋወረ የሚገኘው ደብዳቤ ሀሰተኛ መሆኑን የውጭ ጉዳይ ሚኒስቴር አስታውቋል።

እንዲህ አይነት የወንጀል ተግባር እየፈፀሙ የሚገኙ አካላትን በህግ ተጠያቂ ለማድረግ ከሚመለከታቸው ጋር እየተሰራ መሆኑን በመግለፅ ህብረተሰቡ ይህንን ተገንዝቦ ራሱን ከአጭበርባሪዎች እንዲጠብቅ የውጭ ጉዳይ ሚኒስቴር አሳስቧል።

#ለከተራና_ለጥምቀት በዓል

ከጥር 10 እስከ ጥር 12 ቀን 2017 ዓም ድረስ ጃንሜዳና አቃቂ ቃሊቲ ታቦት ማደሪያ በሚከበረው የከተራና የጥምቀት በዓል ምክንያት የተወሰኑ መንገዶች ለተሽከርካሪ ዝግ ስለሚሆኑ አሽከርካሪዎች አማራጭ መንገዶችን እንዲጠቀሙ የአዲስ አበባ ፖሊስ አስታወቀ፡፡

👉 ከ6 ኪሎ አደባባይ - ምኒልክ ሆስፒታል

👉 ከምኒልክ ሆስፒታል - መከላከያ 3ኛ ሻለቃ አደባባይ

👉 ከ3ኛ ሻለቃ አደባባይ - 6 ኪሎ አደባባይ እንዲሁም አቃቂ ቃሊቲ አካባቢ

👉 ከዋልያ ቢራ - ጥሩነሽ ቤይጂንግ ሆስፒታል

👉 ከአቃቂ ዋናው መንገድ - ጥሩነሽ ቤይጂንግ ሆስፒታል

👉 ከ08 - አቃቂ ድልድይ ድረስ ከጥር 10 ቀን 2017 ዓም ከጠዋቱ 4:00 ሰዓት ጀምሮ ዝግ ይሆናሉ።

"የሠላም አማራጮችን በመቀበል ለሚመጡ የመንግስት የሰላም በር ዛሬም ክፍት ነው" - ለገሰ ቱሉ (ዶ/ር )
******
(ኢ ፕ ድ)

የመንግስት ኮሚዩኒኬሽን አገልግሎት ለገሰ ቱሉ (ዶ/ር) በወቅታዊ ጉዳዮች ላይ በሰጡት መግለጫ፣ መንግስት ባለፉት አመታት ሠላም ለማስጠበቅ ያከናወናቸው ተግባራት አበረታች ውጤት ተመዝግቦባቸዋል።

በቤኒሻንጉል፣ ጋምቤላ እንዲሁም በአፋርና ሶማሌ አዋሳኝ አካባቢዎች የተገኙት ውጤቶች ማህበረሠቡ ወደ ሠላማዊ እንቅስቃሴው እንዲገባ አስችሏል።

በቅርቡም በኦሮሚያ ክልል በትጥቅ ትግል ውስጥ የነበሩ ወደሠላማዊ እንቅስቃሴ አየተመለሱ ናቸው።

በአማራ ክልልም በሺዎች የሚቆጠሩ የተደረገውን ጥሪ ተቀብለው ስልጠና ወስደው ወደ ሠላማዊ እንቅስቃሴ የገቡ ሲሆን። ሌሎችም በሺዎች የሚቆጠሩ በአሁኑ ወቅት በስልጠና ለይ ይገኛሉ። አብዛኛው የአማራ ክልል አካባቢዎችም ወደ ሠላማዊ እንቅስቃሴ ተመልሰዋል።

በመንግስት በኩል እነዚህ ተግባራት ተጠናክረው የሚቀጥሉ ሲሆን ዛሬም የሠላም አማራጮችን በመቀበል ለሚመጡ የመንግስት በር ዛሬም ክፍት ነው ብለዋል ።

በተጨማሪም በኢኮኖሚውም ዘርፍ የብር ምንዛሬ ተመን በገበያ እንዲወሠን መደረጉ ኢመደበኛና የኮንትሮባንድ ንግድና አጠቃለይ ህገወጥ እንቅስቃሴዎች ወደህጋዊ መስመር እንዲገቡ አስችሏል።

ብሔራዊ ባንክ በታሪኩ ለመጀመሪያ ግዜ ከፍተኛ ወርቅ ለመቀበልም ችሏል። የተፈጠረው ሠላምና እየተከናወኑ ያሉ የከተማ ልማት ስራዎችም የቱሪዝም ዘርፍ ከፍተኛ አስተዋጽኦ እያበረከተ ይገኛል። በነዳጅ አቅርቦት ረገድ የሚታዩ ተገቢ ያልሆኑ እንቅስቃሴዎችን ለማስቆምም የተጀመሩ የቁጥጥር ስራዎች ተጠናክረው የሚቀጥሉ ይሆናል ብለዋል።

በራስወርቅ ሙሉጌታ

ጥር 9 ቀን 2017 ዓም

ሥራ ፈላጊ ነዎት❓
መልካም ዕድል‼️
ለተጨማሪ የመረጃ አማራጮች‼️
ትዊተር https://twitter.com/PressEthio
ድረ ገጽ https://www.press.et