"በኢትዮጵያና ፈረንሳይ መካከል ያለው ግንኙነት በትላልቅ የጋራ ፕሮጀክቶች ላይ የተመሰረተ ነው"
- የፈረንሳይ ፕሬዚዳንት ኢማኑኤል ማክሮን
******
(ኢ ፕ ድ)
በኢትዮጵያና ፈረንሳይ መካከል ያለው ግንኙነት በታሪክ ሂደትና በትላልቅ የጋራ ፕሮጀክቶች ላይ የተመሰረተ ነው ሲሉ የፈረንሳይ ፕሬዚዳንት ኢማኑኤል ማክሮን ገለጹ።

የብሔራዊ ቤተ መንግሥት እድሳት ፕሮጀክትንም ሰርተን ዛሬ የሚያኮራ እውነታ ሆኖ እየታየ ነውም ብለዋል።

ፕሬዚዳንት ማክሮን በኤክስ ገጻቸው በአማርኛ ቋንቋ ባስተላለፉት መልዕክት፤ ኢትዮጵያ ለሰው ልጅ መገኛነት የመጀመሪያ አሻራ ያላት ሀገር ናት ብለዋል።

በሁለቱ ሀገሮች መካከል ያለው ግንኙነት በታሪክ ሂደትና በትላልቅ የጋራ ፕሮጀክቶች ላይ የተመሰረተ ነው።

እ.ኤ.አ በ2019 መሰረታዊ የሆኑ የባህልና የቅርስ ጥበቃን ከሳይንሳዊ ፕሮግራም ጋራ አያይዘን ለመስራት ወስነን ተነስተናል ያሉት ማክሮን፤ በላሊበላም የሰራነው በዓለም ላይ ልዩ የሆነ የቅርስ ጥበቃ ፕሮጀክት በሚቀጥሉት ወራት ውስጥ ፍጻሜውን የሚያገኝ ይሆናል።

ወደፊትም የኢትዮጵያን ኢኮኖሚ ማሻሻያ ማዘመንን ለመደገፍ እና በትግራይ የሰላምና የመረጋጋት መሰረት የሆነውን የፕሪቶሪያ ስምምነትን ተግባራዊ ለማድረግ ትብብር እናደርጋለን ብለዋል።

የተከበሩ ጠቅላይ ሚኒስትር @AbiyAhmedAli የወደፊቷ የኢትዮጵያ ተስፋ የብልጽግናና የሰላም እንደሚሆን ፈረንሳይ እምነቷ ነው ብለዋል በመልዕክታቸው።

ፕሬዚዳንቱ በኢትዮጵያ የነበራቸውን የስራ ጉብኝት አጠናቀው ወደ ሀገራቸው ተመልሰዋል።

ታህሳስ 13 ቀን 2017 ዓም

የፈረንሳይ ፕሬዝዳንት ኢማኑኤል ማክሮንን በብሔራዊ ቤተ መንግስት ያደረጉት ጉብኝት በፎቶ‼️

ታህሳስ 13 ቀን 2017 ዓም

ለተጨማሪ የመረጃ አማራጮች
ትዊተር https://twitter.com/PressEthio
ቲክቶክ https://www.tiktok.com/@ethiopianpressagency...
ድረ ገጽ https://www.press.et

አትሌት ስለሺ ስህን የኢትዮጵያ አትሌቲክስ ፌዴሬሽን ፕሬዝዳንት ሆኖ ተመረጠ
*****
(ኢ ፕ ድ)

በ28ኛው የኢትዮጵያ አትሌቲክስ ፌዴሬሽን መደበኛ ጠቅላላ ጉባኤ ለቀጣይ አራት አመት ፌዴሬሽኑን በፕሬዝዳንት ለመምራት አትሌት ስለሺ ስህን የኢትዮጵያ አትሌቲክስ ፌዴሬሽን ፕሬዝዳንት ሆኖ ተመርጠዋል፡፡

አትሌት ስለሺ ስህን የኢትዮጵያ አትሌቶች ማህበር ፕሬዚዳንት በመሆን አገልግሏል።

ከስድስት ክልሎችና ከተማ አስተዳደሮች የቀረቡ ዕጩዎች በምርጫው ተሳትፈዋል። በዚህም ከኦሮሚያ ክልል የተወከለው አትሌት ስለሺ ስህን የኢትዮጵያ አትሌቲክስ ፌዴሬሽን ፕሬዝዳንት ሆኖ ተመርጠዋል፡፡

አትሌት ስለሺ በአቴንስና ቤጂንግ ኦሊምፒኮች 10ሺ ሜትር የበር ሜዳሊያዎች ለሀገሩ ማስገኘት ችሏል። በፖሪስ፣ ሄልሲንኪና ኦሳካ የዓለም አትሌቲክስ ቻምፒዮናዎች ሜዳሊያዎችን አግኝቷል።

ብርሃን ፈይሳ

ታህሳስ 13 ቀን 2017 ዓም

ለተጨማሪ የመረጃ አማራጮች
ትዊተር https://twitter.com/PressEthio
ቲክቶክ https://www.tiktok.com/@ethiopianpressagency...
ድረ ገጽ https://www.press.et

የኢትዮጵያ ክብር ዘብ አሰላለልፍና ምልከታ በብሔራዊ ቤተመንግስት‼️

#PMOEthiopia