በምዕራብ ጉጂ ገላን ወረዳ ከዚህ ቀደም ታርሶ የማያውቅ መሬት በቀርጫንሼ ትሬዲንግ አማካኝነት ወደ ምርታማ የቡና እርሻ ስፍራነት ተቀይሯል።
በቀርጫንሼ የለማው መሬት ሜካናይዝድ እርሻን በመጠቀም አመርቂ የሆነ በሄክታር የ60 ኩንታል ምርት የሚያስገኝ ነው።
በጉብኝቱ ወቅትም ጠቅላይ ሚኒስትር ዐቢይ አሕመድ እና ቀዳማዊት እመቤት ዝናሽ ታያቸው የቡና ችግኝ ተክለዋል።
#PMOEthiopia
ታህሳስ 1ቀን 2017 ዓ.ም

የኢትዮጵያ አየር መንገድ ግሩፕ ከቻይና ኩባንያዎች ጋር የትብብር ስምምነቶችን ተፈራረመ
******
(ኢ ፕ ድ)

የኢትዮጵያ አየር መንገድ ግሩፕ ከዢያሜን ኤርፖርት ግሩፕ ኩባንያ የስትራቴጂክ ትብብር እና ከቻይናው ሄናን አቪዬሽን ግሩፕ ኩባንያ ጋር የጋራ መግባቢያ ስምምነቶችን ተፈራርሟል።

የስትራቴጂክ ትብብር ስምምነቱ የአየር ካርጎ ንግድ ትስስርን ማጠናከርና በዘርፉ ያለውን የጥራት እድገት መጨመር፤ በዓለም የኢኮኖሚ ስርዓት ውስጥ ያላቸውን የትብብር አድማስ ማስፋትን አላማ ያደረገ መሆኑ የአየር መንገዱን መረጃ ያመለክታል።

ታህሳስ 2 ቀን 2017 ዓም

ጠቅላይ ሚኒስትር ዐቢይ አሕመድ እና ልዑካቸው ዛሬ ከቀትር በኋላ አንካራ ቱርክ ገብተዋል። ፕሬዚዳንት ሬሲፕ ጣይብ ኤርዶጋን ለጠቅላይ ሚኒስትር ዐቢይ በጽሕፈት ቤታቸው አቀባበል ያደረጉላቸው ሲሆን ሁለቱ መሪዎች ከልዑካን ቡድናቸው ጋር የሁለትዮሽ ውይይት አድርገዋል።

የኢትዮጵያ እና የሶማሊያ ድርድር በስምምነት ተጠናቀቀ
******
(ኢ ፕ ድ)

በቱርክ ፕሬዚዳንት ረሲፕ ጣይብ ኤርዶሃን አደራዳሪነት በአንካራ ለሶስተኛ ጊዜ የተካሄደው የኢትዮጵያና የሶማሊያ ድርድር ሁለቱንም አገራት በሚያግባባ ስምምነት ተጠናቋል፡፡

ጠቅላይ ሚኒስትር ዐቢይ አሕመድ (ዶ/ር) እና የሶማሊያ ፕሬዝዳንት ሐሰን ሼክ ሞሐሙድ በቱርክ ተወያይተዋል። ሁለቱ መሪዎች ውይይቱን ካደረጉ በኋላም በጋራ መግለጫ ሰጥተዋል።

በመግለጫቸው ኢትዮጵያ በሶማሊያ የባሕር ዳርቻ በኩል ዘላቂና ደኅንነቱ የተጠበቀ የወደብ አማራጭ በምታገኝበት አማራጭ ላይ የቴክኒክ ውይይቶችን ለመጀመር መስማማታቸውን ገልፀዋል።

ጠቅላይ ሚኒስትር ዐቢይ አሕመድ (ዶ/ር) በመግለጫቸው፤ ቱርኪዬ በአፍሪካ ቀንድ ሰላም እንዲሰፍን ለምታደርገው ከፍተኛ አስታዋፅኦ ምስጋና አቅርበዋል፡፡

የኢትዮጵያና የሶማሊያ ህዝቦች በቋንቋ፣ በባህል እና በደም የተሳሰሩ መሆናቸውን ጠቅሰው፣ ኢትዮጵያ ለጋራ ሰላምና ልማት ከሶማሊያ ጋር ለመስራት ቁርጠኛ መሆኗንም ተናግረዋል፡፡

ፕሬዝዳንት ሐሰን ሼክ ሞሐመድ በበኩላቸው፤ የሶማሊያ መንግስት የኢትዮጵያ ወታደሮች ለሶማሊያ ሰላም የከፈሉትን መስዋዕትነት አይዘነጋም ሲሉ ገልፀዋል፡፡

ሁለቱ ሀገራት በቀጣይም ሰላምን ለማፅናት በሚያደረጉት ጥረት መንግስታቸው ቁርጠኛ መሆኑንም ተናግረዋል፡፡

ፕሬዚዳንት ረሲፕ ጣይብ ኤርዶሃን በበኩላቸው፤ ሁለቱ ሃገራት የፈረሙት ሰነድ ትብብርን፣ የኢኮኖሚ እድገትንና ብልጽግናን የሚያረጋግጥ መሆኑን ገልፀዋል፡፡

ታህሳስ 3 ቀን 2017 ዓም

ሥራ ፈላጊ ነዎት❓
መልካም ዕድል‼️
ለተጨማሪ የመረጃ አማራጮች‼️
ትዊተር https://twitter.com/PressEthio
ድረ ገጽ https://www.press.et