ለጠቅላይ ሚኒስትር ዐቢይ አሕመድ (ዶ/ር) በአርባምንጭ የተደረገላቸው አቀባበል

19ኛውን የብሄር ብሄረሰቦች ቀን "ሀገራዊ መግባባት ለህብረብሄራዊ አንድነት" በሚል መሪ ቃል ነገ ለማክበር የተዘጋጀችው እንግዳ ተቀባይዋ የአርባ ምንጭ ከተማ፣ ለጠቅላይ ሚኒስትር ዐቢይ አሕመድ፣ ቀዳማዊት እመቤት ዝናሽ ታያቸው እና ለከፍተኛ የመንግስት ሀላፊዎች ደማቅ አቀባበል አድርጋለች።

ህዳር 28 ቀን 2017 ዓም

የልጅነት ህልሙን ያሳካው ወጣት

ካፒቴን ልዑል ማሙዬ ይባላል፡፡ የኢትዮጵያ አቪዬሽን ዩኒቨርሲቲ በአብራሪነት ለሁለት ዓመት ስልጠናውን በመከታተል በከፍተኛ ውጤት አጠናቋል ፡፡

ካፒቴን ልዑል አብራሪ መሆን የልጅነት ህልሙ እንደነበር ይናገራል፡፡ ለልጅነት ህልሙ መሳካት ጊዜ እና ትኩረት ሰጥቶ ሲሰለጥን እንደቆየ ያስረዳል፡፡

ህልሙን ለማሳካት ከራሱ ጥረት ባለፈም ወላጆቹና የኢትዮጵያ አቪዬሽን ዩኒቨርሲቲ እገዛ እንዳደረጉለት ያብራራል፡፡

የኢትዮጵያ አቪዬሽን ዩኒቨርሲቲ ስልጠናውን በንድፈ ሀሳብ እና በተግባር የሚሰጥበት የተሟላ የትምህርት መሳሪያ ያለው መሆኑ ለእኔ ከፍተኛ ውጤት ማምጣት አንዱ ምክንያት ነው ሲል ያስረዳል፡፡

አሁን ሀገሬ እኔ ላይ ኢንቨስት ያደረገችውን የምከፍልበት ጊዜ ነው የሚለው ከፒቴን ልዑል፤ ያለኝን ጊዜ እና የተማረኩትን ትምህርት ሀገሬ ላይ ኢንቨስት አደርጋሉ ነው ያለው፡፡

የሀገሬን ባንድራ የያዘወን የኢትዮጵያ አውሮፕላን በተለያዩ የዓለም ሀገራት በማብረር የአየር መንገዱን ስኬታማነት ለማስቀጠል ጥረት አደርጋለሁ ሲል ተናግሯል፡፡

ለኢትዮጵያ ኩራት በአፍሪካ ደግሞ አንደኛ በሆነው የኢትዮጵያ አየር መንገድ አባል በመሆኑ መደሰቱን ገልጿል፡፡

የካፒቴን ልዑል ወላጅ እናት ወይዘሮ ሀና አንበሴ በበኩላቸው፤ ልጄ ከልጅነቱ ጀምሮ ስነስርዓት ያለው እና ትምህርቱን በአግባቡ የሚከታተል ነው፡፡ ልጄ በከፍተኛ ውጤት እንደሚመረቅም እርገጠኛ ነበርኩ ተሳክቶልኛል ይላሉ፡፡

ልዑል ከልጅነት ጀምሮ አብራሪ የመሆን ህልም አለው የሚሉት ወይዘሮ ሃና፤ ህልሙ ተሳክቶለት ለዚህ ደርሷል ነው ያሉት፡፡

የካፒቴን ልዑል ወላጅ አባት ኮሎኔል ማሙዬ ወሰና በበኩላቸው ልጄ በአብራሪነት በከፍተኛ ውጤት በመመረቁ በጣም ደስተኛ ነኝ፡፡

በሄለን ወንድምነው

ህዳር 28 ቀን 2017 ዓም

የምክትል ጠቅላይ ሚኒስትር ተመስገን ጥሩነህ መልዕክት‼️

በልምላሜ ከተሞሸረችው፣ ከውበት ሰገነቷ ስፍራ፣ ከተፈጥሮ የቅኔ መዳረሻ፣ ከሰው አክባሪዎቹና ከሸማ ፈታዮቹ ምድርና ከአርባ ምንጮቹ መገኛ፣ አርባ ምንጭ ከተማ ገብተናል፡፡

አርባ ምንጭ አውሮፕላን ማረፊያ ስንደርስ ደማቅ አቀባበል ላደረጉልን የደቡብ ኢትዮጵያ ክልል ከፍተኛ አመራሮች እንዲሁም ለአርባ ምንጭ ከተማ ህዝብ ላቅ ያለ ምስጋና አቀርባለሁ።

ህዳር 28 ቀን 2017 ዓም

ጠቅላይ ሚኒስትር ዐቢይ አሕመድ (ዶ/ር) መልዕክት‼️

ከአምስት ወራት በፊት ከነበረኝ ጉብኝት በመቀጠል ዛሬ የአርባምንጭ ገበታ ለትውልድ ፕሮጀክት የደረሰበትን የእድገት ደረጃ ገምግመናል። ይኽ ሥራ የሀገራችንን የቱሪዝም አቅም የሚያጠናክር የአካባቢውን አስደናቂ የተፈጥሮ መልክዓ ምድርና የተትረፈረፈ ሀብት ቆጥሮ የሚጠቀም ሁሉን ያካተተ ነው።

ቱሪዝምን ከማሳደግ ባሻገር ለአካባቢው ማኅበረሰብ ፕሮጀክቱ ትርጉም ባለው ደራጃ የሥራ ዕድል ይፈጥራል። እነዚህን መሰል ሥራዎች በስኬት ሥራ ሲጀምሩ ለዘላቂ ልማትና ብልፅግና መንገድ የሚጠርጉ ይሆናሉ።

ህዳር 28 ቀን 2017 ዓም