የትላንቷ "ፀሐይ" አውሮፕላን‼️

✍️ "ፀሐይ" ከሁለተኛው የዓለም ጦርነት በፊት በኢትዮጵያ የተሰራች ብቸኛ አውሮፕላን ናት ፣

✍️ የ1930ዎቹ የኢትዮጵያ የአቪዬሽን ጥረት ማሳያ ናት፣

✍️ "ፀሐይ" አውሮፕላን ከጣሊያን በየካቲት ወር 2016 ዓም ወደ ሀገሯ ተመልሳለች፣

የዛሬዋ "ፀሐይ 2" አውሮፕላን‼️

✍️ ''ጸሐይ 2 '' የተሰኘችና በአየር ኃይል የተሰራች አውሮፕላን ለበረራ ብቁ ሆናለች፣

✍️ አውሮፕላኗ ግዳጅን በብቃት መፈጸም የሚያስችል ቴክኖሎጂ የታጠቀች ናት፣

✍️ በኢትዮጵያ አየር ኃይል 89ኛ ዓመት የምስረታ በዓሉን ላይ ለዕይታ በቅታለች

በሁለተኛው የጣሊያን ወረራ ወቅት ወደ ሮም ተወስዳ የነበረ ሲሆን ጠቅላይ ሚኒስትር ዐቢይ አሕመድ (ዶ/ር) ከጣሊያን መንግሥት ጋር በተደረሰ ስምምነት ጥር 21 ቀን 2016 ዓ.ም በይፋ መረከባቸው ይታወሳል።

ህዳር 24 ቀን 2017 ዓም

ለተጨማሪ የመረጃ አማራጮች
ትዊተር https://twitter.com/PressEthio
ቲክቶክ https://www.tiktok.com/@ethiopianpressagency...
ድረ ገጽ https://www.press.et

የከንቲባ አዳነች አቤቤ መልዕክት‼️

የመጀመሪያው ዙር የኮሪደር ልማት ስራ በጥራት እና በፍጥነት ስኬታማ ሆኖ መጠናቀቁን ተከትሎ የተገኙ ልምዶችን ቀምረን የጀመርነው 2ኛው ዙር የኮሪደር ልማት ስራችን በተያዘለት ጊዜ እና ጥራት በማጠናቀቅ ለነዋሪዎች አገልግሎት ክፍት ማድረግ በምንችልባቸው መንገዶች ዙሪያ ከባለድርሻ አካላት፣ ከኮንትራክተሮች እና አማካሪ ድርጅቶች ጋር ተወያይተናል።

በውይይታችን የሁለተኛው ዙር የኮሪደር ልማት ስራ ከመጀመሪያ ዙር አንጻር ሰፊ እና የሁሉንም ርብርብ የሚጠይቅ በመሆኑ፣ ሁሉም ባለድርሻ አካላት ዘላቂ ልማትን ታሳቢ ባደረገ መልኩ በትብብር፣ በተያዘለት ጊዜ፣ በጥራት እና ስታንዳርዱን ጠብቀው እንዲያጠናቅቁ ተግባብተናል።

በትራፊክ መጨናነቅ እና አንዳንድ ምቾት በማይሰጡ ጊዜያዊ ሁኔታዎች የተንገላታችሁ የከተማችን ነዎሪዎችን ይቅርታ እየጠየቅኩ፣ እንደከዚህ ቀደሙ ሁሉ በውጤቱ እንደምንክሳችሁ ቃል ለመግባት እወዳለሁ።

ፈጣሪ ኢትዮጵያን እና ህዝቦቿን ይባርክ

ህዳር 24 ቀን 2017 ዓም

ለዓባይ ግድብ ግንባታ ከ311 ነጥብ አምስት ሚሊዮን ብር በላይ ተሰበሰበ
*******
(ኢ ፕ ድ)

በበጀት ዓመቱ አራት ወራት ለዓባይ ግድብ ግንባታ ከ311 ሚሊዮን ብር በላይ መሰብሰቡን የታላቁ ህዳሴ ግድብ ማስተባበሪያ ፕሮጀክት ጽህፈት ቤት አስታወቀ፡፡

ግድቡ ከተጀመረ ጀምሮ እስከ ጥቅምት 30 ቀን 2017 ዓም ድረስ ከ20 ነጥብ ሁለት ቢሊዮን ብር በላይ ተሰብስቧል።

የታላቁ ህዳሴ ግድብ ማስተባበሪያ ፕሮጀክት ጽህፈት ቤት የፐብሊክ ዲፕሎማሲ ህዝብ ግንኙነትና ኮሙኒኬሽን ስራ አስፈጻሚ ሰለሞን ዳንኤል ለኢፕድ እንደገለጹት፤ በ2017 በጀት ዓመት አራት ወራት ለግድቡ ግንባታ ከ311 ሚሊዮን 573 ሺህ ብር በላይ ተሰብስቧል፡፡

የግድቡ አጠቃላይ የግንባታ ሂደት 97 ነጥብ 6 በመቶ ደርሷል ያሉት ስራ አስፈጻሚው፤ የዲያስፖራው ማህበረሰብ ቦንድ በመግዛትና በተለያዩ ዌብ ቤዝድ መተግበሪያዎችን በመጠቀም ድጋፍ ማድረግ እንደሚችሉ ገልጸዋል፡፡

በተጨማሪም ላይ በተመሳሳይ ከየትኛውም አካባቢ የሚገኝ ዲያስፖራም ይሁን ሀገር ውስጥ የሚገኝ ዜጋ አፕሊኬሽኑን በማውረድ እና ስልካቸው ላይ በመጫን በየጊዜው መደገፍ ይችላሉ ብለዋል፡፡

በሀገር ውስጥም በውጭም የሚገኙ ኢትዮጵያውያን ቦንድ በመግዛት፣ በ8100 ላይ A ብለው በመላክ፣ የኢትዮዳይሬክት የሞባይል መተግበሪያን በመጠቀም ድጋፍ ማድረግ እንደሚችል ጠቁመዋል፡፡

ዓባይ ግድብ የወል ትርክት በመሆኑ እንድነታችንን ከሚያጠናክሩ እሴት መካከል አንዱ የታሪክ አሻራ ነው ብለዋል፡፡

በሄለን ወንድምነው

ህዳር 24 ቀን 2017 ዓም

የፖለቲካ ፓርቲዎች የጋራ ምክር ቤት የውይይት አጀንዳቸውን ለሀገራዊ ምክክር ኮሚሽኑ አስረከቡ
******
(ኢ ፕ ድ)

የኢትዮጵያ ፖለቲካ ፓርቲዎች የጋራ ምክር ቤት የውይይት አጀንዳቸውን ለሀገራዊ ምክክር ኮሚሽን አስረክበዋል።

የሀገራዊ ምክክር ኮሚሽን ዋና ኮሚሽነር ፕሮፌሰር መስፍን አርዓያ በወቅቱ እንደገለፁት፤ የፖለቲካ ፓርቲዎች ለሀገራዊ ምክክር ሂደቱ ተባባሪ አካላት ናቸው።

በዚህም የጋራ ምክር ቤቱ ተወያይቶ ያፀደቀውን የውይይት አጀንዳ በዛሬው ዕለት አስረክቧል ብለዋል።

ሀገራዊ ምክክሩ የተሳታፊ ልየታ፣ መረጣና የአጀንዳ የማሰባሰብ ሥራዎችን በማጠናቀቅ ላይ ነው ብለዋል።

በቀጣይ ቀናት የፌዴራል ባለድርሻ አካላትና ተቋማት መንግስትን ጨምሮ አጀንዳ እንዲያስረክቡ ይደረጋል ያሉት ፕሮፌሰሩ፤ በአማራ፣ በኦሮሚያና በትግራይ ክልሎች ቀሪ ሥራዎችን ለማጠናቀቅ እየተሠራ መሆኑን ገልፀዋል።

የኢትዮጵያ ፖለቲካ ፓርቲዎች የጋራ ምክር ቤት ሰብሳቢ አቶ ሰለሞን አየለ በበኩላቸው፤ ምክር ቤቱ ያስረከበው አጀንዳ በጠቅላላ ጉባኤው የፀደቀ ነው። በዚህም ታሪክና ትርክት፣ የሀገርና የተቋማት ግንባታ፣ የማንነትና የአስተዳደር ጥያቄዎችን መሠረት ያደረጉ አጀንዳዎች ለኮሚሽኑ መግባታቸውን ተናግረዋል።

ከሀገራዊ ምክክር ኮሚሽኑ በጋር እንደሚሰሩ ገልፀው፤ በመተባበርና በመከባበር ሀገርን በጋራ እንገነባለን ብለዋል።

እውነተኛ ዲሞክራሲ ለመገንባት የፖለቲካ ፓርቲዎች ሚና ወሳኝ መሆኑን አጽንኦት ሰጥተዋል።

በሳሙኤል ወንደሰን

ህዳር 25 ቀን 2017 ዓም

ሥራ ፈላጊ ነዎት❓
መልካም ዕድል‼️
ለተጨማሪ የመረጃ አማራጮች‼️
ትዊተር https://twitter.com/PressEthio
ድረ ገጽ https://www.press.et