የድሬዳዋ ነፃ ንግድ ቀጣና እና የአዘርባጃኑ አላት ነፃ የንግድ ቀጣና በትብብር ለመስራት ተስማሙ
*****
(ኢ ፕ ድ)
የድሬዳዋ ነፃ ንግድ ቀጣና እና የአዘርባጃኑ አላት ነፃ የንግድ ቀጣና በትብብር ለመስራት ተስማሙ።

በኢትዮጵያ ከፍተኛ የመንግስት የስራ ሃላፊዎች የተመራ ልዑክ በአዘርባጃን የአላት ነፃ የኢኮኖሚ ዞንን ጎብኝቷል።

ጉብኝቱ በቅርቡ ወደ ሙሉ ትግበራ ለገባው የድሬዳዋ ነፃ ንግድ ቀጣና የአንድ መስኮት አገልግሎት አሰጣጥን ጨምሮ የተለያዩ ዓለም አቀፍ አሰራሮች ፤ ልምድና ተሞክሮዎች የተቀሰሙበት እንደነበረም ተገልጿል።

የመስክ ምልከታው በአላት እና በድሬዳዋ ነፃ ንግድ ቀጣና መካከል ተቋማዊ ግንኙነት በመፍጠር በቀጣይ በትብብር ለመስራት የሚያስችል መደላድል የፈጠረ መሆኑ ተገልጿል።

ከተለያዩ መንግስታዊ ተቋማት የተውጣጣው ልዑካን ቡድኑ ከአላት ነፃ ኢኮኖሚ ዞን በተጨማሪ ከኢንዱስትሪ ፓርክ ተቋማት ከጥቃቅንና አነስተኛ ኤጀንሲ የስራ ኃላፊዎች ጋር ውይይትና የመስክ ምልከታ አድርገዋል።

የአላት ነፃ ኢኮኖሚ ዞን በአዘርባጃን ርዕሰ መዲና ባኩ በ719 ሄክታር መሬት ላይ ያረፈ መሆኑን ከኢንዱስትሪ ፓርኮች ልማት ኮርፖሬሽን የተገኘው መረጃ ያመለክታል።

ህዳር 22 ቀን 2017 ዓም
ለተጨማሪ የመረጃ አማራጮች
ትዊተር https://twitter.com/PressEthio
ቲክቶክ https://www.tiktok.com/@ethiopianpressagency...
ድረ ገጽ https://www.press.et

ሥራ ፈላጊ ነዎት❓
መልካም ዕድል‼️

ኢንስታግራም/Instagram👇
https://www.instagram.com/agencyethiopianpress/

የከንቲባ አዳነች አቤቤ መልዕክት ‼️

ከሳርቤት አደባባይ_መካኒሳ_ፉሪ ሀና በመገንባት ላይ የሚገኘውን የኮሪደር ልማት የስራ ሂደት ገምግመናል።

18 ኪሜ የሚሸፍነው የኮሪደር ልማት ስራ በአካባቢው ያለውን ከፍተኛ የትራፊክ መጨናነቅ ለማቃለል የመንገድ ደረጃውን ማሻሻል፣ የአረንጓዴ ልማት፣ የህዝብ መዝናኛ ፕላዛዎች፣ የህጻናት መጫዎቻዎች፣የእግረኛ መንገድ፣ የተሽከርካሪ ማቆሚያዎች፣ የታክሲና አውቶቡስ መጫኛና ማውረጃ ተርሚናሎች እንዲሁም ለረዥም ጊዜ ግንባታቸዉ ሳይጠናቀቅ የቆዩ ህንጻዎችን በፍጥነት በማጠናቀቅ ወደ አገልግሎት የማስገባትና ነባር ህንፃዎችን የማደስ ስራዎችን ያካተተ ነዉ።

በከተማ ደረጃ ከጀመርነው የኮሪደር ልማት ስራ በተጨማሪ የንፋስስልክ ላፍቶ ክፍለከተማ ማህበረሰቡን በማስተባበር የአረንጓዴ ልማት ስራዎችን በመገንባት ላይ የሚገኝ ሲሆን ይህም በአቃቂ ቃሊቲ ከተጀመረው ጋር የሚገጥም ይሆናል።

በዛሬው ጉብኝታችን አንዳንድ ቅሬታ የቀረበባቸዉ ጉዳዮችን በቦታዉ በመገኘት ከባለ ጉዳዩቹ ጋር ተመካክረን የፈታን ሲሆን፣ ስራው በፍጥነትና በጥራት እንዲከናወን ከከተማ አስተዳደሩ ጎን በመቆም እየደገፋችሁ ያላችሁ የአካባቢው ነዋሪዎች በራሴ እና በከተማ አስተዳደራችን ስም ላመሰግናችሁ እወዳለሁ።

ፈጣሪ ኢትዮጵያን እና ህዝቦቿን ይባርክ

ህዳር 22 ቀን 2017 ዓም
ለተጨማሪ የመረጃ አማራጮች
ትዊተር https://twitter.com/PressEthio
ቲክቶክ https://www.tiktok.com/@ethiopianpressagency...
ድረ ገጽ https://www.press.et