በሙስና ምክንያት ከሁለት ቢሊዮን ብር በላይ ሀብት ለብክነት መዳረጉን የኮሚቴው ሰብሳቢ አቶ ተመስገን ጥሩነህ ገለፁ
*****************************
(ኢ ፕ ድ)
በሙስና ምክንያት ከ2 ነጥብ 2 ቢሊዮን ብር የህዝብና የመንግስት ሀብት ለብክነት መዳረጉን የፀረ ሙስና ብሔራዊ ኮሚቴ ሰብሳቢ አቶ ተመስገን ጥሩነህ ገልፀዋል።
እስካሁን በተከናወኑ የሙስና ተግባር 759 የሙስና ወንጀሎች ከህብረተሰቡ ጥቆማ የቀረበ ሲሆን፤ ከተጠቆሙት መካከል 175 የሙስና ወጀሎች በመለየት ምርመራ እየተደረገበት እንደሆነ ገልፀዋል።
25 ሺህ 885 ካ.ሜ በምርመራ የሙስና ወንጀል ተፈፅሞ መገኘቱን ጠቁመዋል። የክልሎች ሲጨመር ምን ያክል እንደሚሆን ለመረዳት ይቻላል ሲሉ ተደምጠዋል።
የሙስና ወንጀልን ለመቀነስ የትስሰር ገመድን መበጠስ ይገባል፤ ችግሩ የፖሊሲ የማስፈፀም አቅም የሚያዳክም ነው ብለዋል።
በመሆኑም ችግሩን ዳር ለማድረስ ህብረተሰቡ ከፀረ-ሙስና ኮሚቴው ጎን በመቆምና የተጀመረውን ጥቆማ የመስጠት ተግባር ተጠናክሮ መቀጠል እንዳለበት የኮሚቴው ሰብሳቢና የኢፈድሪ የመረጃና ደህንነት አገልግሎት ዋና ዳይሬክተር ክቡር አቶ ተመስገን ጥሩነህ መልክት አስተላልፈዋል።
ውይይቱ በፌደራል፣ በክልልና በከተማ መስተዳድር የተቋቋመው የፀረ-ሙስና አስተባባሪ ኮሚቴ አባላት በተገኙበት እየተካሄደ ያለው።
እስካሁን የተከናወኑ ተግባራትን የጋራ ግምገማ ለማካሄድና የቀጣይ አቅጣጫዎችን ለማስቀመጥ ያለመ መሆኑ ከኮሚሽኑ ያገኘነው መረጃ ያመለክታል።

የብሔራዊ የአደጋ ሥጋት አመራር ምክር ቤት አስቸኳይ ስብሰባ በጠቅላይ ሚኒስቴር ጽ/ቤት ተካሂዷል
***********************
(ኢ ፕ ድ)

ብሔራዊ የአደጋ ሥጋት አመራር ምክር ቤት በምክትል ጠቅላይ ሚኒስትር እና የውጭ ጉዳይ ሚኒስትሩ ደመቀ መኮንን ሰብሳቢነት በዛሬው ዕለት አስቸኳይ ስብሰባ ተካሂዷል።

በዋነኛነት በአየር ሁኔታ መዛባት መንሥኤነት በተለይም ላለፉት አምስት የዝናብ ወቅቶች በተፈጠረው ከፍተኛ የዝናብ እጥረት የተነሣ በሀገራችን ድቡባዊ፣ ደቡብ ምስራቃዊና ደቡብ ምእራባዊ ክፍሎች ድርቅ ተከሥቶ ዘርፈ ብዙ ችግሮችን አስከትሏል።

የፌደራል መንግሥትና ክልሎች ከሕዝብ እና ከአጋር ተቋማት ጋር በመሆን ለችግሩ ተገቢ ምላሽ ለመስጠት ከፍተኛ ጥረት አድርገዋል።

በሌላ አንጻር በሰው ሰራሽ አደጋዎች መንስኤነት ተፈናቅልው የሚገኙ ዜጎች ጉዳይ ከፍተኛ ትኩረትን የጠየቀ ስራ ሆኗል።

ምክር ቤቱ የድርቁን ዝርዝር ሁኔታ፣ የደርሰውን የጉዳት መጠን፣ የተከናወኑ የአደጋ ምላሽ ሥራዎችን የሚያሳዩ ሪፖርቶችን በሚገባ ገምግሟል። ጥንካሬዎችና ጉድለቶችን ለይቷል።

በአጭርና በረጅም ጊዜ ሊከናወኑ የሚገባቸውን የአደጋ ምላሽ እና የዘላቂ ልማት ሥራዎች በመለየት በቅንጅትና በርብርብ ለመተግበር አቅጣጫ ተቀምጧል።

በመጭዎቹ አራት ወራት በልዩ ትኩረት ቅድሚያ ተሠጥቷቸው የሚሰሩ ሥራዎችን የለየ ሲሆን ፈጣን ምላሸ ለመስጠት ሥራዎችን በቅርበት እየገመገመ እንደሚሠራ አስታውቋል።

👉 "በከተማዋ በቂ የጤፍ አቅርቦት የለም" - ነጋዴዎች
👉 "የጤፍ ዋጋ መናር ፈተና ሆኖብናል" -የአዲስ አበባ ከተማ ነዋሪዎች
👉 "የኑሮ ውድነት ጉዳይ የእኛ ኃላፊነት አይደለም" -የንግድና ቀጣናዊ ትስስር ሚኒስቴር
*********************
(ኢ ፕ ድ)
በቂ የጤፍ አቅርቦት ባለመኖሩ እና በጤፍ ዋጋ ላይ ከፍተኛ ጭማሪ በመደረጉ ጤፍ ገዝተን እንጀራ መብላት አልቻልንም ሲሉ የአዲስ አበባ ነዋሪዎች ገለጹ።
ጤፍ ሲገዙ ያገኘናቸው የአዲስ አበባ ነዋሪ ወይዘሮ አረጉ ጥፍጤ ለኢትዮጵያ ፕሬስ ድርጅት እንደተናገሩት፤ የጤፍ ዋጋ በጣም ጨምሯል፤ በወፍጮ ቤቶች ጤፍ የለም።
በአንዳንድ ወፍጮ ቤቶች ቢገኝም እንደጤፉ ዓይነት እስከ ስምንት ሺህ አምስት መቶ ብር ድረስ እየተሸጠ ይገኛል።
25 ኪሎ ጤፍ በሁለት ሺህ ብር .....
ሙሉውን ለማንበብ ሊንኩን ይጫኑ
https://www.press.et/?p=94085