የኢትዮጵያ ኢንቨስትመንት ኮሚሽንና የውጭ ጉዳይ ሚኒስቴር ከፓኪስታን የኢንቨስትመንትና የንግድ ልኡክ ጋር ውይይት እያደረጉ ነው
****************
(ኢ.ፕ.ድ)
የኢትዮጵያ ኢንቨስትመንት ኮሚሽንና የውጭ ጉዳይ ሚኒስቴር ከፓኪስታን የኢንቨስትመንትና የንግድ ልኡክ ጋር ውይይት እያደረጉ ነው። ውይይቱ ለቀጣይ አምስት ቀናት የሚቆይ ነው ተብሏል።
በውይይቱ ወቅት ንግግር ያደረጉት በፓኪስታን የኢትዮጵያ አምባሳደር ጀማል በከር በኢትዮጵያ በርካታ የኢንቨስትመንት አማራጮች መኖራቸውን ገልጸዋል።
ይህ መድረክ የኢትዮጵያና የፓኪስታንን ዲፕሎማሲያዊ ግንኙነት ለማጠናከር አዲስ ምእራፍ ነው ያሉት አምባሳደሩ፣ ኢትዮጵያ ካላት የኢንቨስትመንት አማራጭ በተጨማሪ ያለችበት ስትራቴጂያዊ አቀማመጥ ተመራጭ እንደሚያደርጋት ገልጸዋል።
ኢትዮጵያና ፓኪስታን ከፍተኛ የሆነ ዲፕሎማሲያዊ ግንኙነት አላቸው። እንዲሁም በአለም አቀፍ መድረክ ያላቸው ግንኙነት ጠንካራ ነው፣ ወደፊትም ተጠናክሮ እንደሚቀጥል ገልጸዋል።
በሰላምና ደህንነት፣ በአየር ንብረት ለውጥ፣ በቴክኖሎጂ ሽግግር፣ በኢኮኖሚ ዲፕሎማሲና በህዝብ ለህዝብ ግንኙነት ሁለቱ ሀገራት ጠንካራ ዲፕሎማሲ ግንኙነት እንዳላቸው አምባሳደር ጀማል ገልጸዋል።
በኢትዮጵያ የፓኪስታን አምባሳደር ሻዛብ አባስ እንደተናገሩ፣ ኢትዮጵያ የአለም አቀፍ የዲፕሎማሲ መናከሪያ ናት። ሁለቱ ሀገራት ዲፕሎማሲያዊ ግንኙነት ከጀመሩበት ጊዜ ጀምሮ ከፍተኛ የሆነ የኢኮኖሚ ግንኙነት ተፈጥሯል። ኢትዮጵያ የሁሉም የስልጣኔ ምልክት ናት ብለዋል።
በኢትዮጵያ ያሉ ምቹ የኢንቨስትመንት አማራጮችም ለፓኪስታን ልኡካን ቀርበዋል።
በሞገስ ጸጋዬ

“የኢትዮጵያንና ፓኪስታንን ዲፕሎማሲያዊ ግንኙነት ለማጠናከር እየተሰራ ነው”
አቶ ደመቀ መኮንን
********************
(ኢ ፕ ድ)
የኢፌዲሪ ምክትል ጠቅላይ ሚኒስትርና የውጭ ጉዳይ ሚኒስትሩ አቶ ደመቀ መኮንን ከኢትዮጵያ ኢንቨስትመንት ኮሚሽን የስራ ሃላፊዎች ጋር በመሆን ከፓኪስታን የኢንቨስትመንትና የንግድ ልኡክ ጋር ውይይት እያደረጉ ነው።
በውይይቱ ላይ ንግግር ያደረጉት አቶ ደመቀ መኮንን፤ የሁለቱ ሃገራት ግንኙነት በጣም እየተጠናከረ የመጣ መሆኑን ተናግረዋል።
አቶ ደመቀ የኢትዮጵያ መንግሥት ምቹ የሆነ የኢንቨስትመንት ሁኔታን ለመፍጠር እየሰራ መሆኑን አብራርተዋል።
ፓኪስታን እና ኢትዮጵያ የቆየ የሁለትዮሽ ግንኙነት ያላቸው መሆኑን የገለጹት አቶ ደመቀ፤ ይሄንን ግንኙነት የበለጠ በኢኮኖሚ እና በተለያዩ ዘርፎች ለማጠናከር ጠንካራ ሥራ እየተሰራ መሆኑን ገልፀዋል ።
በቅርቡም የኢትዮጵያ አየር መንገድ በረራውን ወደ ፓኪስታን ያደርጋል ብለዋል።
የፓኪስታን ባለሀብቶች በግብርና፣ ቱሪዝም፣ ኬሚካል፣ ጨርቃጨርቅ ፣ ማዕድን ፣ እና በተለያዩ ዘርፎች መሰማራት የሚያስችል ገለፃ ተደርጐላቸዋል ።
በሞገስ ፀጋዬ

የሕዝብ ትራንስፖርት አገልግሎት በሽረ
***********
(ኢ ፕ ድ )
ተሳፋሪው ወደ አውቶብስ መናኸሪያ እየተጣደፈ ይገባል፤ ተሽከርካሪዎች ተሳፋሪዎችን ይዘው፤ ይወጣሉ፣ ይገባሉ። ተራ አስከባሪዎች የሕዝብ ትራንስፖርት ሰጪ ተሽከርካሪዎችን ሥርዓት ሲያሲዙ ይታያል። ሕይወት በመናኸሪያ ሩጫ ናት። የሰው ግርግር፣ተሽከርካሪዎች ተሳፋሪን ጭኖ ለመውጣት የሚያደርጉት ጥድፊያ የትራንስፖርት እንቅስቃሴው ወደ መደበኛ ተግባሩ እየተመለሰ መሄዱን ያረጋግጣል።
መቐለ፣አክሱም፣ዓድዋ፣ሽራሮ፣አዲግራት፣ውቅሮ…..እያሉ የሚጠሩ ረዳቶች ተሳፋሪን ጭኖ ከመናኸሪያ ለመውጣት ይቻኮላሉ።
ሙሉውን ለማንበብ ሊንኩን ይጫኑ
https://www.press.et/?p=93836

ቀዳማዊት እመቤት ዝናሽ ታያቸው የቦንጋ ከተማ ቀላል የአውሮፕላን ማረፊያ ግንባታን አስጀመሩ
*****************
(ኢ ፕ ድ)
ቀዳማዊት እመቤት ዝናሽ ታያቸው የቦንጋ ከተማ ቀላል የአውሮፕላን ማረፊያ ግንባታን አሰጀመሩ።
ቀዳማዊት እመቤተ ዝናሽ ታያቸው ከጤና ሚኒስትሯ ዶክተር ሊያ ታደሰ ጋር በመሆን ቦንጋ ከተማ ገብተዋል።
ቦንጋ ከተማ ሲደርሱ የደቡብ ምዕራብ ኢትዮጵያ ክልል ምክትል ርዕሰ መስተዳድር ዶክተር ኢንጂነር ነጋሽ ዋጌሾ አቀባበል አድርገውላቸዋል።
እንደ ኢዜአ ዘገባ ቀዳማዊት እመቤት ዝናሽ ታያቸው ወደ ቦንጋ የመጡት የቦንጋ ከተማ ቀላል የአውሮፕላን ማረፊያ ግንባታ ለማስጀመርና በቀዳማዊት እመቤት ፅህፈት ቤት ከመቶ ሚሊዮን ብር በላይ በሆነ ወጪ በቦንጋ ከተማ የተገነባውን የዳቦና ዱቄት ፋብሪካ ለማስመረቅ ነው።