ያልተጠናቀቁ የጋራ መኖርያ ቤቶች ግምባታ እስከ ሰኔ ወር ድረስ እንዲጠናቀቅ ከንቲባ አዳነች አሳሰቡ
****************
(ኢ ፕ ድ)

የጋራ መኖርያ ቤቶችን ግንባታ በተያዘላቸው ጊዜ ያለማጠናቀቅ ክፍተት መኖሩን የገመገሙት ከንቲባ አዳነች፣ ለዚህ ክፍተት የሲሚንቶ እጥረት፣ የተለያዩ የግንባታ ግብዓቶች ዋጋ ልዩነት እንዲሁም የወሰን ማስከበር ችግር መኖሩን ተገንዝበናል ብለዋል

ሆኖም እነዚህን ችግሮች በመቅረፍ፣ የጋራ መኖርያ ቤቶችን መሰረታዊ ግንባታ መንግስት በአፋጣኝ በማጠናቀቅ፣ ቀሪውን ተጠቃሚው እንዲያሟላ የሚደረግ ሲሆን የመሰረተ ልማት አቅራቢ ተቋማት ቀሪ ስራዎችን በቅንጅትና በፍጥነት እንዲያጠናቅቁ አቅጣጫ የሰጡ ሲሆን ይህንንም የሚከታተሉ ተቋማትና ኮሚቴዎች በየሳምንቱ የግንባታውን ሂደት ይከታተላሉ ብለዋል።

የተነሱት የግብዓት እጥረትና የዋጋ ልዩነቶችም አፋጣኝ እልባት አግኝተው እስከ ሰኔ ወር ባለው ግዜ ግንባታዎች ተጠናቅቀው ለተጠቃሚው ተገቢውን አገልግሎት እንዲሰጡ አቅጣጫ መቀመጡን የከንቲባ ጽሕፈት ቤት ገልጸዋል።

የጠቅላይ ሚነስትር ዶከተር ዐቢይ አሕመድ መልዕክት‼️

ዛሬ ከሼክ ተሚም ኢብን ሀማድ አልታኒ ጋር በመገናኘታችን ደስተኛ ነኝ። የሁለትዮሽ ግንኙነታችንን ጨምሮ በቀጣናዊ ጉዳዮች ላይም ተወያይተናል። #ኢትዮጵያ ውስጥ በተለያዩ ዘርፎች ለኳታር ኢንቨስትመንቶች ብዙ ዕድሎች አሉ።

በቶክዮ ማራቶን ኢትዮጵያዊያን አትሌቶች ድል ቀንቷቸዋል
******
(ኢ.ፕ.ድ)

ሌሊት በተካሄደው የ2023 የቶክዮ ማራቶን ላይ የተሳተፉ ወንድና ሴት ኢትዮጵያዊን አትሌቶች ድል ቀንቷቸዋል።

በወንዶች ውድድር አትሌት ደሶ ገልሚሲ አንደኛ ሆኖ ሲያጠናቅቅ፤ አትሌት መሀመድ ኢሳ ሁለተኛ ደረጃን በመያዝ ውድድሩን አጠናቋል። አትሌት ፀጋዬ ጌታቸው ደግሞ የሶስተኛ ደረጃን ይዞ ፉክክሩን ጨርሷል ።

በሴቶች በተደረገው ውድድር አትሌት ፀሀይ ገመቹ በኬንያዊቷ ሮዝመሪ ዋንጂሩ ተቀድማ በሁለተኝነት ውድድሯን ስታጠናቅቅ አሸቴ በከሬ ሶስተኛ አትሌት ወርቅነሽ ኢዶሳ ደግሞ በአራተኝነት ውድድራቸውን ፈፅመዋል።

ብሔራዊ የሽግግር ፍትህ ፖሊሲ አማራጮች ላይ የሚመክር ጉባኤ እየተካሄደ ነው
**************
(ኢ.ፕ.ድ)
ብሔራዊ የሽግግር ፍትህ ፖሊሲ አማራጮች ላይ የሚመክር ጉባኤ በአዲስ አበባ እየተካሄደ ይገኛል።
በፍትህ ሚኒስቴር አስተባባሪነት እየተካሄደ በሚገኘው የምክክር መድረክ ፣ የሕዝብ ተወካዮች ምክር ቤት አፈጉባኤ ታገሰ ጫፎ፣ የክልል ርዕሳነ መስተዳድሮች፣ የሀገራዊ ምክክር ኮሚሽን ሠብሳቢ ፕሮፌሰር መስፍን አርዓያ፣ ሚኒስትሮችና የተለያዩ ሀገራት አምባሳደሮች ተገኝተዋል።
በመድረኩ ላይ የተገኙት ምክትል ጠቅላይ ሚኒስትርና የውጭ ጉዳይ ሚኒስትሩ አቶ ደመቀ መኮንን ባደረጉት ንግግር፤ ባለፉት ጊዜያት በነበሩ ግጭቶች የተፈጠሩ የሰብዓዊ መብት ጥሰቶችን በሕግ ለመፍታት ተገቢው ትኩረት ባለመሰጠቱ የበዳይ ተበዳይ ትርክትና ቁርሾ ተበራክቷል ብለዋል።
በተለያዩ ጊዜያት የተፈጸሙ ጉልህ የሰብዓዊ መብት ጥሰቶችንና ቁርሾዎችን አግባብነት ባለው መልኩ ለመፍታት ብሔራዊ የሽግግር ፍትህ ፖሊሲ አስፈላጊ በመሆኑ ለውጤታማነቱ መስራት ይገባል ሲሉ ተናግረዋል።
ግጭት ወቅት የተከሰቱ የሰብዓዊ መብት ጥሰቶችን በተገቢው መንገድ ለመፍታት በሀገራችን ብሔራዊ የሽግግር ፍትህ ፖሊሲ የሚያስፈልግበት ወቅት ላይ ነን ሲሉም ነው ምክትል ጠቅላይ ሚኒስትርና ውጭ ጉዳይ ሚኒስትሩ የተናገሩት።
በጌትነት ተስፋማርያም

የኢትዮጵያ ኢንቨስትመንት ኮሚሽንና የውጭ ጉዳይ ሚኒስቴር ከፓኪስታን የኢንቨስትመንትና የንግድ ልኡክ ጋር ውይይት እያደረጉ ነው
****************
(ኢ.ፕ.ድ)
የኢትዮጵያ ኢንቨስትመንት ኮሚሽንና የውጭ ጉዳይ ሚኒስቴር ከፓኪስታን የኢንቨስትመንትና የንግድ ልኡክ ጋር ውይይት እያደረጉ ነው። ውይይቱ ለቀጣይ አምስት ቀናት የሚቆይ ነው ተብሏል።
በውይይቱ ወቅት ንግግር ያደረጉት በፓኪስታን የኢትዮጵያ አምባሳደር ጀማል በከር በኢትዮጵያ በርካታ የኢንቨስትመንት አማራጮች መኖራቸውን ገልጸዋል።
ይህ መድረክ የኢትዮጵያና የፓኪስታንን ዲፕሎማሲያዊ ግንኙነት ለማጠናከር አዲስ ምእራፍ ነው ያሉት አምባሳደሩ፣ ኢትዮጵያ ካላት የኢንቨስትመንት አማራጭ በተጨማሪ ያለችበት ስትራቴጂያዊ አቀማመጥ ተመራጭ እንደሚያደርጋት ገልጸዋል።
ኢትዮጵያና ፓኪስታን ከፍተኛ የሆነ ዲፕሎማሲያዊ ግንኙነት አላቸው። እንዲሁም በአለም አቀፍ መድረክ ያላቸው ግንኙነት ጠንካራ ነው፣ ወደፊትም ተጠናክሮ እንደሚቀጥል ገልጸዋል።
በሰላምና ደህንነት፣ በአየር ንብረት ለውጥ፣ በቴክኖሎጂ ሽግግር፣ በኢኮኖሚ ዲፕሎማሲና በህዝብ ለህዝብ ግንኙነት ሁለቱ ሀገራት ጠንካራ ዲፕሎማሲ ግንኙነት እንዳላቸው አምባሳደር ጀማል ገልጸዋል።
በኢትዮጵያ የፓኪስታን አምባሳደር ሻዛብ አባስ እንደተናገሩ፣ ኢትዮጵያ የአለም አቀፍ የዲፕሎማሲ መናከሪያ ናት። ሁለቱ ሀገራት ዲፕሎማሲያዊ ግንኙነት ከጀመሩበት ጊዜ ጀምሮ ከፍተኛ የሆነ የኢኮኖሚ ግንኙነት ተፈጥሯል። ኢትዮጵያ የሁሉም የስልጣኔ ምልክት ናት ብለዋል።
በኢትዮጵያ ያሉ ምቹ የኢንቨስትመንት አማራጮችም ለፓኪስታን ልኡካን ቀርበዋል።
በሞገስ ጸጋዬ