#ዓድዋ_127 ‼️
127ኛው የአድዋ ድል በዓል በመስቀል አደባባይ‼️
127ኛው የአድዋ ድል በዓል የኤፌድሪ ፕሬዝዳንት ሳለወርቅ ዘውዴ፣ ፊልድ ማርሻል ብርሀኑ ጁላ፣ የተወካዮች እና የፌዴሬሽን ምክርቤቶች አፈጉባኤዎች፣ የክልል ርዕሰ መስተዳድሮች፣ ሚኒስትሮች፣ አምባሳደሮች፣ የመከለከያና የፌዴራል ፓሊስ አባላትና አመራሮች፣ የአዲስ አበባ ነዋሪዎች በተገኙበት በመስቀል አደባባይ እየተከበረ ነው።
የአባት አርበኞችን የአድዋ ክተት ዘመቻ የሚያሳይ ትርዒትን ጨምሮ የተለያዩ ትርኢቶች እየቀረበ ነው።
በትርዒቱ የንጉስ ምኒልክንና የንግስት ጣይቱ የጦርነት አዋጅ ጥሪ በድራማዊ ተውኔት ለታዳሚው ቀርቧል።
በርካታ ፈረሰኞች በዓሉት በልዩ ትርዒት አድምቀዋል።
የባህልና ስፖርት ሚኒስትሩ ቀጄላ መርዳሳ ባደረጉት ንግግር የዓድዋ በዓል በደማቅ ሁኔታ እንዲከበር ላደረጉ ሁሉ ምስጋና ማቅረብ እወዳለሁ ብለዋል።
በመክሊት ወንድወሰን እና ጌትነት ተስፋማርያም

#ዓድዋ_127 ‼️
የዓድዋ የድል በዓልን በማስመልከት ወታደራዊ ትርዒት በመሰቀል አደባባይ ቀርቧል
127ኛውን የዓድዋ ድል በዓልን ምክንያት በማድረግ በሀገር መከላከያ ሠራዊት የተመራ ወታደራዊ ትርዒት በመስቀል አደባባይ ቀርቧል።
የጀግናው የሀገር መከላከያ ሠራዊት ምድር ኃይል ሠልፈኞች፣ የአየር ኃይልና የባህር ኃይል አባላት እንዲሁም የተለያዩ የፀጥታ አካላት በረድፍ በአደባባዩ በማለፍ ትርዒት አሳይተዋል።
በበዓሉየኢፌዴሪ ፕሬዚደንት ሣህለወርቅ ዘውዴ፣ የሕዝብተወካዮች ምክርቤት አፈጉባኤ ታገሠ ጫፎ፣ የፌዴሬሽን ምክር ቤት አፈጉባኤ አገኘሁ ተሻገር ፊልድ ማርሻል ብርሀኑ ጁላና ጄነራል አበባው ታደሰ እንዲሁም የተለያዩ እንግዶች ተገኝተዋል።
ሞተረኞች፣ የፌዴራል ፖሊስ ተሽከርካሪዎች እንዲሁም የተለያዩ ወታደራዊ ተሽከርካሪዎችና ዘመናዊ ትጥቆች የትርዒቱ አካል ናቸው።
በጦር ጄት እና ተዋጊ ሄሊኮፍተሮች የታጀበ የአየር ላይ ትርዒትም ቀርቧል።
የጦር ጄቶቹ በመገለባበጥ ከተለያዩ አቅጣጫዎች ተነስተው በአዲስ አበባ አየር ላይ የተለያዩ ትርኢት አሳይተዋል።
በጌትነት ተስፋማርያም

ዓድዋ_127 ‼️
127ኛው የዓድዋ ድል በዓልን በማስመልከት የኢፌዲሪ አየር ኃይል ትርዒት በመሰቀል አደባባይ አቅርቧል‼️