የፊታውራሪ ሃብተጊዮርጊስ ዲነግዴ መኖሪያ ቤት የነበረው ታሪካዊ ቅርስ ዕድሳት ተጠናቆ ተመረቀ
*****************
(ኢ ፕ ድ)

የአሜሪካ ኤምባሲ ከዓለም ቅርሶች ፈንድ ጋር በመተባበር በአሜሪካ ግቢ የሚገኘውን በፊታውራሪ ሃብተጊዮርጊስ ዲነግዴ የታነፀ ታሪካዊ ሕንፃ አድሶ አስመረቀ።

በኢትዮጵያ የአሜሪካን ጉዳይ ፈፃሚ አምባሳደር ትሬሲ ጃኮብሰን በምርቃ ሥነ-ሥርዓቱ ላይ እንደተናገሩት፤ የአሜሪካ ኤምባሲ ከዓለም ቅርሶች ፈንድ ጋር በመተባበር ታሪካዊ ቅርሱን የማደስ ሥራ አጠናቆ አስመርቋል። https://www.press.et/?p=92930

የኢትዮጵያ መንግስት በጄኔቫ ከሚገኙ የባለብዙ ወገን ተቋማት ጋር ያለው ትብብር አጠናክሮ እንደሚቀጥል ገለጸ
******************
(ኢ ፕ ድ)

በተባበሩት መንግሥታት ድርጅት የጄኔቫ ቢሮ እና በስዊዘርላንድ የሚገኙ ዓለም አቀፍ ተቋማት የኢትዮጵያ ቋሚ መልዕክተኛ አምባሳደር ፀጋአብ ክበበው በጄኔቫ የተመድ ቢሮ ዳይሬክተር ጄኔራል ለሆኑት ታቲያና ቫሎቫያ የሹመት ደብዳቤያቸውን አስገብተዋል።

አምባሳደር ፀጋአብ ከዳይሬክተር ጄኔራሏ ጋር በነበራቸው ውይይት መንግሥት በጄኔቫ ከሚገኙ ዓለም አቀፍ የባለብዙ ወገን ተቋማት ጋር ያለውን ትብብር ይበልጥ ለማጠናከር ቁርጠኛ መሆኑን ተናግረዋል።

በኢትዮጵያ ወቅታዊ ሁኔታ ላይ ውይይት ማድረጋቸውም ተገልጸዋል።

አምባሳደር ፀጋአብ ከበበው ጄኔቫ ዓለም ዓቀፍ አውሮፕላን ማረፊያ ሲደርሱ ምክትል ቋሚ ተጠሪ አምባሳደር ያኒት አበራን ጨምሮ የሚሲዮኑ ባልደረቦች አቀባበል አድርገውላቸዋል።

አምባሳደር ፀጋአብ በቅርቡ በተደረገው የአምባሳደሮች ሹመት ወደ ጄኔቫ ከመዛወራቸው በፊት በአውስትራሊያ የኢፌዲሪ ልዩ መልዕክተኛና ባለሙሉስልጣን አምባሳደር በመሆን ሲያገለግሉ ቆይተዋል።

👉 “የነዋሪነት መታወቂያ እድሳት እንዲደረግልን ከጠየቅን አንድ ወር ቢሆነንም ማግኘት አልቻልንም”- ነዋሪዎች

👉 “ችግሩ ዘላቂ መፍትሔ እንዲያገኝ ኤጀንሲው ከከተማ አስተዳደሩ ጋር እየሠራ ነው” -የአዲስ አበባ ወሳኝ ኩነት
*****************
(ኢ ፕ ድ )

የነዋሪ መታወቂያ እድሳት ለማድረግ ከጠየቅን አንድ ወር አልፎናል፤ የሚመለከተው አካል ችግሩን በፍጥነት ሊፈታልን ይገባል ሲሉ የአዲስ አበባ ነዋሪዎች አሳሰቡ። የአዲስ አበባ ወሳኝ ኩነት ምዝገባ እና መረጃ ኤጀንሲ በበኩሉ፤ ችግሩ ዘላቂ መፍትሔ እንዲያገኝ ኤጀንሲው ከከተማ አስተዳደሩ ጋር እየሠራሁ ነው ብሏል።
https://www.press.et/?p=93155

ባለፉት ስድስት ወራት ከብልሹ አሰራርና ሌብነት ጋር በተያያዘ ከ200 በላይ አመራርና ሰራተኞች ላይ ክስ ተመስርቷል
*******************
(ኢ ፕ ድ)
ባለፉት ስድስት ወራት ከብልሹ አሰራርና ሌብነት ጋር በተያያዘ ከ200 በላይ አመራርና ሰራተኞች ላይ ክስ ተመስርቷል ሲሉ የአዲስ አበባ ከተማ ከንቲባ አዳነች አቤቤ ተናገሩ።

ከንቲባ አዳነች አቤቤ ብልሹ አሰራርና ሌብነትን የመከላከል ስራ ትኩረት ተሰጥቶት እየተሰራ መሆኑን ገልጸው አገልግሎት አሰጣጥን ከወቅቱ ጋር እንዲሄድ ለማስቻል በርካታ ዘርፎችን የማዘመን እና የተገልጋዩን እርካታ ለማረጋገጥ የሚያስችል ስራ እየተሰራ መሆኑንም ገልፀዋል።