Waldaan Hojii Gamtaa Qusannoo fi Liqii Itiyoo-Xirriit, Yaa'ii Idilee Walii Galaa waggaa 3ffaa marsaa 7ffaa geggeesse
‎
‎ Finfinnee, Adoolessa 6, 2017 ALI
‎
‎
‎Bara Baajetaa 2017 ALI'tti  liqii miseensota isaa hedduuf kan gadhiise, miseensota hedduu kan horate, waraqaa ragaa qaamolee garaa garaa irraa kan fudhate,  sadarkaa federaalaatti galmaa'uun beekamtii kan argate, namoota baay'eef caarraa hojii kan uume, miseensota daraan tajaajiluuf damee isaa iddoo garaa garaatti kan bane, Waldaan Hojii Gamtaa Qusannoo fi Liqii Itiyoo-Xirriit,  Yaa'ii Idilee Walii Galaa waggaa 3ffaa marsaa 7ffaa guyyaa har'aa Koondoominiyeemii Galaan, Mana Barumsaa Yaadannoo Aartistii Haacaaluu Hundeessaatti geggeesse.
‎
‎ Walitti qabaa Boordii Waldichaa kan
‎ ta'an Obbo Izraa W/Sanbat  saganticha hasaa baniinsaatiin kan saaqaan yoo ta'u, saganticha irratti  gabaasni raawwii hojii bara 2017, gabaasni koree to'annoo,  karoorri tarsiimawaa waggaa shanii, karoorri bara baajetaa 2018'ti fi seeronni  fooyya'an dhiyaachuun kan itti raggaasifamaniidha.
‎
‎ Sagantaa kanarratti  hundeessaa fi hoji raawwachiisaa olaanaa  waldichaa kan ta'an obbo Indaashawu Taganyi,  ergaa kan itti dabarfatan yoo ta'u,  ergaa isaanii keessatti  dhaabbilee fi namoota dhuunfaa  humnaan, maallaqaan,  beekumsaan waldicha bira dhaabataa jiran, akkasumas hojjettoota waldichaa, halkanii guyyaa dhama'uun milkaa'ina waldichaatiif utubaa ta'an galateeffatan.
‎
‎
‎ Dabalataan Obbo Indaashawu,  haala guddina waldichaa kan bara baajetaa 2016 fi 2017 wal cinaa qabuun dhiyeessan.
‎
‎  Gabaasa raawwii hojii  bara baajetaa 2017 kan dhiyeessan  Itti Aanaa Hojirawwachiisaa waldichaa kan ta'an  Obbo Mulaatu Ba'idee  yoo ta'an,  gabaasicha keessatti barri baajetaa 2017 ALI bara waldichi   liqaa Miiliyoonaan lakkaa’amu itti kenne fi miseensota hedduu itti horate,  kan waraqaa raga gahumsa hedduu itti argate fi sadarkaa federaalaatti kan  itti galmaa’e akka ta'e bifa ifaa fi nama hundaaf galuu danda'uun dhiyeessan.
‎
‎Saganticha irratti gabaasa koree  to'annoo kan dhiyeessan, walitti qabaa koree  to'annoo kan ta'an Obbo Kaffaalenyi Abbabaa yoo ta'an Obbo Kaffaaleen  hojimaataa fi haala waliigalaa waldichaa,  korichi bifa  to'atee gamagamaa tureen  dhiyeessan.
‎
‎Ya'ii kana irratti,  karoorri tarsiimawwaa waggaa shanii, daarektera gabaa fi. biizinasii waldichaa kan ta'an Dr. Ataakilti Hayiluutiin kan dhiyeete yoo ta'u, Dr.Ataakilti  waldichi waggoottan shanan dhufaniif  maaf maal akka hojjetu karaa ifa ta'een dhiyeessan.
‎
‎ Karoorri bara baajetaa  2018. Itti gaafatamtuu waajjira hoji raawwachiisaa waldichaa kan taate, Aadde Alamtsahaayi Tazuutiin kan dhiyaate yoo ta'u, Alamtsahaayi, waldichi bara baajetaa 2018 tti maal  maal hojjechuu akka qabu bifa nama hundaa galuun dhiyeessan.
‎
‎
‎ Karaa biraatiin, keessummaa kabajaa kan ta'an,  daarektarri Baankii Gadaa 'Distinct' Kibba Bahaa, Obbo Walabummaa Tasfaayee  haala guddinaa fi hojimaata waldichaa hedduu dinqisiifachuun, gara fuulduraatti, Baankiin Gadaa waan  baay'ee waldicha waliin akka hojjetu dubbatan.
‎
‎Ya'ii walii galaa kanarratti, seeronni haara'an  dhiyaachuun kan raggaasifaman yoo ta'u,  hirmaattonni sagantichaas milkaa'ina waldichaatti gammadoo ta'uu isaanii ibsachaa,  gara fuulduraattis cimee akka hojjetuuf dhaamsa isaanii dabarfataan.
‎
‎ Dhumarratti, dhaabbileen yaa'iin waliigalaa haala ho'aan akka geggeeffamuuf deegarsa taasisan, miseensonni  qusannoo isaanii osoo adda hin kutiin qusatan, miseensonni liqii fudhatan walii galtee liqii sanaan dura dafanii galchan fi miseensonni  hirmaannaa ho'aa waldicha keessatti taasisaa jiraan waraqaa beekamtii argatan.
‎
‎
‎