ባህር ዳር ከተማ በጸሃይ ብርሃን የሚሰሩ የመንገድ ላይ መብራቶችን መገንባት ጀመረች፡፡


በከተማዋ በጸሃይ ብርሃን ወይም ሶላር ሲስተም የሚሰሩ እና 5 ኪሎ ሜትር የሚሸፍኑ የመንገድ ላይ መብራቶችን ግንባታ እንደተጀመረ የከተማዋ ኮሙኒካሽን አስታዉቋል፡፡

ከሃያ አራት ሚሊዮን ብር በላይ የሚሆን ወጪ የሚደረገበት በከተማው አምስት ቦታዎች ላይ የመንገድ ላይ መብራቶችን ግንባታ የከተማ አስተዳደሩ ከንቲባ ዶክተር ድረስ ሳህሉ አስጀምረዋል።

ይህም የባህርዳር መንገዶችን ምንጊዜም መብራታቸው የማይጠፋ ለማድረግ ያስችላል ተብሏል፡፡


ኢትዮ ኤፍ ኤም 107.8 የኢትዮጵያዊያን
መስከረም 13 ቀን 2015 ዓ.ም

ውድ አድማጮቻችን እና ተከታዮቻችን የኢትዮ ኤፍ ኤም ወቅታዊ አዳዲስ መረጃዎችና ፕሮግራሞችን ለማግኘት ከታች ያሉትን ገፆቻንን ይጎብኙ ቤተሰብ ይሁኑ ።

Telegram https://t.me/ethiofm107dot8
Twitter https://twitter.com/EthioFM
YouTube https://www.youtube.com/channel/UCn4D20GPsAtNqN5bIC1BhFA/videos

ቤተክርስቲያኗ ምዕመኑ የመስቀል ደመራ በዓልን መንፈሳዊ ይዘቱን በጠበቀ መንገድ እና በክርስቲያናዊ ሥነ ምግባር እንዲያከብር ጥሪ አቀረበች::


የኢትዮጵያ ኦርቶዶክስ ተዋህዶ ቤተክርስቲያን ህዝበ ክርስቲያኑ የመስቀል ደመራ በዓልን መንፈሳዊ ይዘቱን በጠበቀ መንገድ እና በክርስቲያናዊ ሥነ ምግባር እንዲያከብር መልዕክት አስተላለች።

በኢትዮጵያ ኦርቶዶክስ ተዋህዶ ቤተክርስቲያን የመንበረ ፓትርያርክ ጠቅላይ ቤተክህነት ዋና ሥራ አስኪያጅና የባህር ዳር ሀገረ ስብከት ሊቀ ጳጳስ ብፁዕ አቡነ አብርሃም የ2015 ዓ.ም የመስቀል ደመራ በዓልን አስመልክቶ ለመገናኛ ብዙሃን መግለጫ ሰጥተዋል።

በመግለጫቸው የመስቀል ደመራ በዓል ያለምንም የጸጥታ ችግር በሰላም እንዲከበር ቅድመ ዝግጅት መደረጉን ተናግረዋል።

ለዚህም በቤተክርስቲያኗ በኩል የተለያዩ ኮሚቴዎች ተቋቁመው ከመንግስት የጸጥታ አካላት ጋር በቅንጅት እየተሰራ እንደሆነም አስረድተዋል።

ህዝበ ክርስቲያኑ የመስቀል ደመራ በዓልን መንፈሳዊ ይዘቱን በጠበቀ መንገድ እና ክርስቲያናዊ ሥነ ምግባርን በተላበሰ ሁኔታ እንዲከበር መልዕክት አስተላልዋል።
ምዕመኑ የመስቀል ደመራ በዓልን ለማክበር ወደ መስቀል አደባባይ ሲመጣ የቤተክርስቲያኗን ስርዓት የሚገልፅ አለባበስ ለብሶ መምጣት እንዳለበት ማሳሰባቸዉን ኢዜአ ዘግቧል።

በበዓሉ ላይ ፖለቲካዊ ይዘት ያላቸው፣ ሃይማኖትን ከሃይማኖት የሚያጋጩ መልዕክቶችንና ዓርማዎችን ይዞ መግባት የተከለከለ መሆኑንም አስታውቀዋል፡፡
ብፁዕ አቡነ አብርሃም አክለውም ለመላው የክርስትና እምነት ተከታዮች በዓሉ የፍቅር የሰላምና የአንድት እንዲሆን እንዲሆን ተመኝተዋል፡፡

ህዝበ ክርስቲያኑ በዓሉን የተቸገሩትን በመርዳት፣የታመሙትን በመጠየቅ እንዲያከብርም መልዕክታቸውን አስተላልፈዋል፡፡

ሳዑዲ አረቢያ ከፍተኛ የወርቅ ክምችት ማግኘቷን አስታወቀች፡፡

ሳዑዲ አረቢያ በመዲና ዉስጥ ከፍተኛ የወርቅ ክምችት ማግኘቷን አስታዉቃለች፡፡

የተገኘዉን ከፍተኛ የወርቅ ክምችት የተቀረዉ ዓለምም እንዲጠቀምበት ዕድሎችን እያመቻቸች መሆኗንም ገልጻለች፡፡
ሳዑዲ አረቢያ በእስልምና ቅዱሷ ከተማ ተብላ በምትጠራዉ መዲና ዉስጥ ከፍተኛ የሆነ የወርቅ እና መዳብ ክምችት ማግኘቷን የገለጸዉ የሀገሪቱ ጅኦሎጂካል ሰርቬይ ነዉ፡፡

የዚህ ክምችት መገኘት የሀገሪቱን በነዳጅ ላይ ጥገኛ የሆነ የኢኮኖሚ ዘርፍ ወደ ሌላ መስመር ያሸጋግርላታል ሲልም ያለዉን ተስፋ ገልጿል፡፡

እንደ አል አረቢያ ሪፖርት የሳዑዲ ባለስልጣናት የተገኘዉ ወርቅ በዓለም ዓቀፍ ደረጃ የ5 መቶ 33 ሚሊዮን ዶላር ኢንቨስትመንት መሳብ ይችላል ፤ ለ4ሺህ ዜጎችም የስራ እድል ይፈጥራል ሲሉ ከአሁኑ ተስፋቸዉን ጥለዉበታል፡፡

የሀገሪቱ የአፈር እና የከበሩ ማዕድናት አጥኚዎች ቡድን እንዳለዉ ሳዑዲ አረቢያ ከ 5 ሺህ 3 መቶ በላይ የሆኑ የማዕድን ስፍራዎች አሏት፡፡
በነዚህ ስፍራዎችም ብረት፣ የህንጻ መሳሪያዎች፣ የማስጌጫ ድንጋዮች እና ዉድ የሆኑ የጌጣጌጥ ድንጋዮች ይገኙበታል ሲል የዘገበዉ ሚረር ነዉ፡፡

በእስከዳር ግርማ
መስከረም 14 ቀን 2015 ዓ.ም
ውድ አድማጮቻችን እና ተከታዮቻችን የኢትዮ ኤፍ ኤም ወቅታዊ አዳዲስ መረጃዎችና ፕሮግራሞችን ለማግኘት ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
Twitter https://twitter.com/EthioFM
YouTube https://www.youtube.com/.../UCn4D20GPsAtNqN5bIC1BhFA/videos

የፀደይ ባንክ ስራ መጀመሩን በይፋ አበሰረ፡፡


የቀድሞው የአማራ ብድር እና ቁጠባ ተቋም (አብቁተ) የአሁኑ የፀደይ ባንክ በይፋ በዛሬው ዕለት የሥራ ማስጀመሪያ ሥነ ስርአት አካሂዷል፡፡

ባንኩ በ8 ቢሊየን ብር የተከፈለ ካፒታል በ148 ቅርንጫፎች በዛሬው ዕለት በመላ ሀገሪቱ ሥራ እንደሚጀምር ተገልጿል።

አብቁተ ወደ ፀደይ ባንክ የተቀየረው የነበሩትን 471 ቅርንጫፎችን ይዞ ነው።

46 ቢሊየን ብር የሚገመት ሀብት ያለው ፀደይ ባንክ ቁጠባ እና ኢንቨስትመንትን በማበረታታት እንዲሁም የሴቶችን እና የወጣቶችን ተሳትፎ በማሳደግ በኢትዮጵያ የኢኮኖሚ ዕድገት ላይ ጉልህ አስተዋፅኦ እንደሚያበረክት ተገልጿል።

አሁን ላይ የፀደይ ባንክ የተፈረመ ካፒታል 7 ነጥብ 75 ቢሊየን ብር ሲሆን፥ የ10 ሺህ ብር ዋጋ ያላቸው 774 ሺህ 907 አክሲዮኖች አሉት፡፡


ኢትዮ ኤፍ ኤም 107.8 የኢትዮጵያዊያን

መስከረም 14 ቀን 2015 ዓ.ም

ውድ አድማጮቻችን እና ተከታዮቻችን የኢትዮ ኤፍ ኤም ወቅታዊ አዳዲስ መረጃዎችና ፕሮግራሞችን ለማግኘት ከታች ያሉትን ገፆቻንን ይጎብኙ ቤተሰብ ይሁኑ ።
Telegram https://t.me/ethiofm107dot8
Twitter https://twitter.com/EthioFM
YouTube https://www.youtube.com/.../UCn4D20GPsAtNqN5bIC1BhFA/videos