የኢትዮጵያ ንግድ ባንክ እና የኩባንያችን ከፍተኛ የሥራ ኃላፊዎች በሁለቱ ተቋማት የሥራ ጉብኝት አደረጉ

በኢትዮጵያ ንግድ ባንክ የኢንፎርሜሽን ሲስተም ምክትል ፕሬዝዳንት አቶ አማረ አሰፋ እና በኩባንያችን ቺፍ ቴክኖሎጂ ኦፊሰር ኢንጂነር ታሪኩ ደምሴ የተመራ የከፍተኛ ኃላፊዎች እና ባለሙያዎች ቡድን በሁለቱ ተቋማት በመገኘት የቴክኒካል ሳይቶችን የጎበኘ ሲሆን በጋራ እየሰሯቸው ባሉ ስራዎች ዙሪያ ገንቢ ውይይት አድርገዋል።

የጋራ ቡድኑ አባላትም የኢትዮጵያ ንግድ ባንክ የኔትወርክ እና የሴኪውሪቲ መቆጣጠሪያ ማዕከላትን እንዲሁም የኩባንያችንን የኔትወርክ መቆጣጠሪያ ማዕከል እና ሞጁላር ዳታ ሴንተር በጋራ ጎብኝተዋል።

በሃገራችን ቀደምት አገልግሎት ሰጪ የሆኑት ሁለቱ ተቋማት በትብብር በመስራት ረጅም ዓመታትን አብረው የዘለቁ እንደመሆኑ በቀጣይም ይህንኑ አጠናክረው በመቀጠል በበርካታ መስኮች አብረው ለመስራት ቁርጠኛነታቸውን ኃላፊዎቹ አረጋግጠዋል፡፡