"ከዛሬ ጀምሮ ማንኛውንም በነዳጅ የሚሰራ ትራክ ወደ ኢትዮጵያ ማስገባት የተከለከለ ነው፤ በአንፃሩ ማንኛውም ባለሀብት ጋዝ የሚጠቀሙ ቦቴዎች እና ከባድ ተሽከርካሪዎችን የሚያስገባ ከሆነ ከቀረጥ ነፃ እንዲያስገባ አስፈላጊው ድጋፍ ይደረግለታል" - ጠቅላይ ሚኒስትር ዐቢይ አሕመድ (ዶ/ር)

በሶማሌ ክልል ካሉብ በአመት 111 ሚሊዮን ሊትር ማምረት የሚችለውን የኦጋዴን ፈሳሽ የተፈጥሮ ጋዝ ፕሮጀክት ተመርቋል።

ከፈሳሽ ተፈጥሮ ጋዝ ምርት ባሻገር በኃይል ማመንጫ ዘርፉም 1000 ሜጋ ዋት የማመንጨት አቅም በመያዝ ከፍተኛ አስተዋጽኦ ይኖረዋል።

ከሁሉም በላይ ፕሮጄክቱ የጋዝ ማምረቻ ብቻ አይደለም። ለማዳበሪያ ማምረቻ ወሳኝ የሆነውን ግብዓት በማቅረብ ለምግብ ሉዓላዊነት ጥረታችን የማዕዘን ድንጋይ ሆኖ ያገለግላል ነው ያሉት ጠቅላይ ሚኒስትሩ።

ይህም ለኃይል ማመንጫ እና የክሪፕቶ-ማይኒንግ ሥራዎቻችን አስፈላጊ የሆኑ ግብዓቶችን ያቀርብልናል ነው ያሉት።

ጠ/ሚ ዐቢይ አሕመድ (ዶ/ር) የኦጋዴን ፈሳሽ የተፈጥሮ ጋዝ ፕሮጀክት የመጀመሪያ ዙር ምርቃት እና ሁለተኛ ዙር ማስጀመሪያ መርሐ ግብር ላይ ባስተላለፉት መልዕክት ከዛሬ ጀምሮ ማንኛውንም በነዳጅ የሚሰራ ትራክ ወደ ኢትዮጵያ ማስገባት የተከለከለ ነው ብለዋል።

በአንፃሩ ማንኛውም ባለሀብት ጋዝ የሚጠቀሙ ቦቴዎች እና ከባድ ተሽከርካሪዎችን የሚያስገባ ከሆነ ከቀረጥ ነፃ እንዲያስገባ አስፈላጊው ድጋፍ እንደሚደረግለት አስታውቀዋል።

በአንድ ጊዜ ውስጥ 2 ሺህ የሚጠጉ ወደአዲስ አበባ ከተማ እና ወደ ክልል የሚሄዱ ባሶች አሁን ከሚጠቀሙት ነዳጅ ወደ ጋዝ እንቀይራለን ብለዋል።

ወደ ሁለት ሺህ መኪናዎች ወደ ጋዝ ሲቀየሩ የትራንስፖርት ዋጋ ቢበዛ ወይም ቢያንስ አሁን ካለው ግማሽ በመቶ በሚቀጥለው ዓመት እንደሚቀንስ ገልጸዋል።

    T.me/ethio_mereja
  

ክልሎች "ማንኛውንም ጫና ተቋቁመው" የደሞዝ ጭማሪውን ከመስከረም ወር ጀምሮ እንዲከፍሉ ጥብቅ ትዕዛዝ ተሰጠ

የፌዴራል ሲቪል ሰርቪስ ኮሚሽን አዲሱ የመንግስት ሰራተኞች የደሞዝ ጭማሪና የአበል ክፍያ ከመስከረም ወር 2018 ዓ.ም ጀምሮ ተግባራዊ እንዲሆን ለክልሎችና ለከተማ መስተዳድሮች ጥብቅ መመሪያ አስተላልፏል።

የኮሚሽኑ ኮሚሽነር የሆኑ መኩሪያ ኃይሌ፣ ለሁሉም የሲቪል ሰርቪስ ቢሮ ኃላፊዎች ባስተላለፉት መመሪያ፣ የደሞዝ ማስተካከያው የተደረገው መንግስት የመክፈል አቅም ኖሮት ሳይሆን፣ የመንግስት ሰራተኛውን የኑሮ ጫና ስለሚያውቅ ነዉ ሲሉ አስረድተዋል።

ኮሚሽነሩ በተለይ ለክልሎች እና ለአንዳንድ አካባቢዎች በሰጡት ጥብቅ ማሳሰቢያ "ምንአልባት አንዳንድ አካባቢዎች በዚህ ወር ካልደረሰ ያለውን ማንኛውንም ጫና ተቋቁማችሁ ለሰራተኛው ከዚህ ወር ጀምሮ አዲሱን የመግስት ሰራተኞች ደሞዝ መክፈል እንዳለባቸው" ትዕዛዝ አስተላልፈዋል ሲል ካፒታል ዘግቧል። ሲቪል ሰርቪስ ኮሚሽን ትላንት መስከረም 22 ቀን 2018 ዓ.ም አዲሱ የመንግስት ሰራተኞች የደሞዝ ስኬል ይፋ ማድረጋቸው ይታወቃል።

የሆረ ፊንፊኔ ኢሬቻ በዓል በድምቀት ተከብሯል!!

እጅግ በርካታ የኦሮሞ ህዝብ፣ አባገዳዎች፣ ሀደ ሲንቄዎች፣ ከተለያዩ የሀገራችን አካባቢዎች እና ሀገራት የመጡ እንግዶች እንዲሁም የውጭ ሀገራት ቱሪስቶች የታደሙበት የሆራ ፊንፊኔ የኢሬቻ በዓል በዛሬው ዕለት በደማቅ ሁኔታ ተከብሯል።

በነገው ዕለትም በቢሾፍቱ ሆረ አርሰዴ ተከብሮ ይወላል።

    T.me/ethio_mereja
        ኢትዮ-መረጃ