#"ትልቁ_ስህተት_❗️❓"
👀👀👀👀👀👀

✔️ የአንድ ወቅት ስኬትን ለዘላለም እንደሚሰራ ቀመር መቁጠር።
አንድ ቀን አንድ አህያ ሁለት ከባድ የጨው ከረጢቶችን ተሸክሞ ወንዝ እየተሻገረ ነበር። ድንገት ተንሸራቶ ወደቀ።
ሲነሳ ግን የተሸከመው ሸክም ቀሎታል። ጨው በውሃው ውስጥ ስለሟሟ ነበር።

✔️ አህያው ይህን እንደ አጋጣሚ ከማየት ይልቅ እንዲህ ሲል አሰበ፦
“እንግዲህ ብልሃቱ ይሄ ነው... ዝም ብሎ ወንዝ ውስጥ መውደቅ።”
በሚቀጥለው ጉዞ፣ ሁለት የጥጥ ከረጢቶችን ተሸክሞ መጣ። ያው ወንዝ። ያው “ስልት”።

✔️ በዚህኛው ጉዞ ሆን ብሎ ወንዙ ውስጥ ዘለለ።
ነገር ግን ጥጥ እንደ ጨው አይሟሟም፤ ይልቁንም ውሃውን ይጠጣል።
ሸክሙ ከመቼውም ጊዜ በላይ ከበደው። አህያው በራሱ መቆም እንኳን እስኪያቅተው ድረስ ተጫነው።

✔️ የእውነተኛ ዓለም አስተሳሰብ 3 ህጎች❗️❓
========================
✅ ህግ 1፡ በችሎታ እና በእድል መካከል ያለውን ልዩነት ይለዩ።

የአህያው “ስኬት” የመጣው ከጨው ባህሪ እንጂ እሱ ካደረገው ተግባር አልነበረም። ለምን እንዳሸነፉ ካላወቁ፣ በሚቀጥለው ጊዜ የመሸነፍ እድልዎ ከፍተኛ ነው።

✅ ህግ 2፡ “ኮፒ-ፔስት” (ደፍኖ መገልበጥ) አስተሳሰብን ይጠንቀቁ።

ባለፈው ዓመት የሰራው ዘንድሮ ላይሰራ ይችላል። በአንድ ሁኔታ ላይ የተሳካው በሌላው ላይ ሊከሽፍ ይችላል። ዘዴውን ከመተግበርዎ በፊት የጉዳዩን ባህሪ (ቁሳቁስ) ይመርምሩ።

✅ ህግ 3፡ ጊዜ ያለፈበትን ተሞክሮ ይቆጣጠሩ።

✔️ ተሞክሮ ሀብት ነው፤ ነገር ግን ያልታደሰ (Update ያልተደረገ) ተሞክሮ ሸክም ነው። አዳዲስ ተለዋዋጭ ሁኔታዎችን ሳይገመግሙ ጊዜያዊ መፍትሄን ወደ ቋሚ ስርአት አይቀይሩት።

✔️ ወደ ቀጣዩ የዕድል ወንዝ ከመዝለልዎ በፊት ራስዎን እንዲህ ብለው ይጠይቁ፦
የተሸከሙት ሸክምዎን የሚያቀልልዎትን “ጨው” ነው ወይስ ዘቅዝቆ የሚይዝዎትን “ጥጥ”?
➖➖➖➖➖➖➖➖➖➖➖➖➖➖➖➖➖➖➖➖➖
**መልካም ሰንበት *****

“ዛሬ ለምን ከፋሽ? ከፍቅረኛሽ ጋር ተጣልተሻል እንዴ?” ብሎ ጠየቃት።

እሷም በንዴት መለሰች፦ “እሺህ ጊዜ ፍቅረኛ እንደሌለኝ ነግሬሃለሁ”

እሱም እሳቀ፦“እና ለማን ነው በስልክሽ እንዲህ ተመስጠሽ የምትጽፊው?”

ልጅቷም ዓይን አይኑን እያየች፦“ለአንድ ደደብ ሰውዬ ነው የምጽፈው?” ብላ መሰለችለት።

ጠያቂው ወንድ በመገረም፦“ምን ማለትሽ ነው?”

ልጅቷ፦“እንደምወደው አያውቅም። ፍንጭ ለመስጠት ብዙ ሞከርኩ ግን ሊገባው አልቻለም። ለዚህ ነው ደደብ እንደሆነ የደመደምኩት!።”

ጠያቂው፦“እንዳንቺ አይነት ሴት እምቢ የሚል ወንድ ጤነኛ አይመስለኝም።”

ልጅቷም ተስፋ በመቁረጥ ውስጥ ሆና፦ “ደደብ ነው ባክህ” ትለዋለች።

ጠያቂው ወንድም የልጅቷን ስልክ ተቀብሎ፦ “በዚህ አጋጣሚ እዚህ ብትሆን ኖሮ ምንኛ ደስ ባለኝ። ምንአልባት ትረዳኝ ነበር።” የሚል ቴክስት ጻፈና “ለተፈቃሪው ሰው ነው” ከተመቸሽ ላኪለት አላት። ልጅቷም ስልኩን ተቀብላ ከአይኑ እይታ እስከምትሰወር እርቃ ሄደች።

ትንሽ ቆይቶ የጠያቂው ወንድ ስልክ ላይ ሚሴጅ ገበና አነበበው፦ “ምን አለ እዚህ ብትኖር..” አልጨረሰውም ይልቅ ለራሱ እንዲህ አለ፦ “ምን አይነት ደደብ ነች መልዕክቱን ለእሱ ልካለሁ ብላ ለእኔ እኮ ነው የላከችው” 😕

አንድ ሰው ነበር በባህር ብቻውን በመርከብ እየተጓዘ በመዓበል ተመታና መርከብ ተሰባብራ በባህሩ ውስጥ ሰመጠች ሰውዬው እንደምንም እራሱን አድኖ አንድ ደሴት ላይ ያርፍና ጎጆ ነገር ሰርቶ ለቀናት ለብቻው እዛች ደሴት ላይ ይኖራል …ምግብን ዓሳ ያጠመደ እየተመገበ ብዙ ቆየ።
🌹*አንድ ቀን ዓሳ ሊያድን ወደ ባህሩ እየሄደ በመሀል እዛች ባህር ላይ ጭስ ሸቷት ዞር ብሎ ሲመለከት ያቺ ጎጆው እየነደደች ነው ።
እየሮጠ ቢመለስም ጎጆዋን ሊያድናት አልቻለም ለካ ዓሳ ለማብሰል ያቀጣጠለው እሳት ተያይዞ ጎጆውን አንድዷታል አለቀሰ ፈጣሪውን ወቀሰ እንዴት እዚህ ባህር ላይ ብቻዬን ጥለህኝ ከቤተሰቦቼ ነጥለከኝ ስታበቃ በስንት ልፍት የሰራዋትን ጎጆ ታቃጥልብኛለህ ? ብሎ አለቀሰ አማረረረ…
ከደቂቃዎች በዋላ አንድ ድምፅ ሰማ ወደ ድምፁ ፊቱን ሲያዞር አንድ ትልቅ መርከብ አየ ተደሰተ ……የመርከብ ሰዎች መጥተው ጭነው ወሰዱት ከዚያም ለመርከብ ሰዎች ጠየቃቸው !
እንዴት አገኛቹኝ እዚህ አካባቢ እዚህ ባህር ላይ ማንም አይመጣም እኮ እናንተ እንዴት አገኛቹኝ ? አላቸው
መርከበኞቹም እኛም በዛኛው በኩል ዞረን እየሄድን ነበር ከዚያ በኩል ጭስ አየንና እዚህ ሰው ይኖራል ብለን መጣን አንተ አገኘን አሉት ።
አቤቱ ጌታዬ ለካ ከዚህ ከስቃዬ ልታወጣኝ ፈልገህ ነው ትንሻን ጎጆዬን ያፈረስከው ወደ ትልቁ ቤት ልትወስደኝ ነው አለ ።
*~ አንዳንዴ የሆነ ነገር ስናጣ ሲበላሽብን ሰውንም ፈጣሪንም ስንማረር እንኖራለን ነገር ግን ካጣ ነው ነገር ከጎደለብን ነገር ጀርባ ብዙ ጥሩ ነገር ልናገኝ እንደምንችል እንዘነጋዋለን በችግራችን ጊዜ መጠጋት ያለብንን አንድዬን እንረሳዋለን ከዚያም አልፈን የሁሉ ነገር ፈጣሪውን እንኮንነዋለን ።
♥️ያጣነውን አህምሮችን ከሚያስበው በላይ ሊሰጠን እንደሚችል ማመን አለብን !!
😍ለሌሎችም ሼር ያድርጉት

#የመኖር_ምስጢር_ምንድነው❗️❓
====================
#አስተማሪ_ታርክ ነዉ #ይጠቅማቸዋል አንብቡት
አንድ ወቅት አንድ ወጣት የሕይወትን ምስጢር ፍለጋ ረጅም መንገድ ተጉዞ አንድ ጥበበኛ ሽማግሌ ዘንድ ይደርሳል።

✔️ ሽማግሌውም ለወጣቱ አንድ የሻይ ማንኪያ ሰጡትና ሁለት ጠብታ ዘይት በላዩ ላይ አፈሰሱበት።
​"አንድ ነገር አደራህ" አሉት ሽማግሌው፣ "ይህንን ማንኪያ ይዘህ በቤተመንግስቴ ውስጥ ዞረህ ተመልከት፤ ነገር ግን በምንም ተአምር በላዩ ላይ ያለው ዘይት እንዳይፈስ ተጠንቀቅ።"
​ወጣቱ አይኑን ማንኪያው ላይ ተክሎ፣ ዘይቱ እንዳይፈስ እየተጠነቀቀ ቤተመንግስቱን በሙሉ ዞሮ ተመለሰ።

✔️ ሽማግሌውም "እንዴት ነበር? በግድግዳው ላይ የተሰቀሉትን ውድ ስዕሎች አየሃቸው? የአትክልት ስፍራውስ ውበት እንዴት ነበር?" ብለው ጠየቁት።
​ወጣቱ አፍሮ "አላየሁም፤ ትኩረቴ በሙሉ ዘይቱ እንዳይፈስ ነበር" አላቸው።

✔️ ​ሽማግሌውም "እንግዲያውስ ተመለስና የቤቱን ውበት እያየህ ና" አሉት። በዚህ ጊዜ ወጣቱ በቤተመንግስቱ ውበት እየተደነቀ፣ ስዕሎቹንና አበቦቹን እያደነቀ ተመለሰ። ነገር ግን ወደ ሽማግሌው ሲመለስ በእጁ የነበረው ዘይት ፈሶ ነበር።
​በዚህ ጊዜ ጥበበኛው ሽማግሌ እንዲህ አሉት፦

✔️ ​"የመኖር ምስጢር ማለት ይህ ነው፦ በዙሪያህ ያለውን የዓለም ውበትና ድንቅ ነገር ሁሉ እያየህ፣ በእጅህ ያለችውን ሁለት ጠብታ ዘይት (ኃላፊነትህን) አለመርሳት ነው።"❗️❓

✔️ #share_Follow+like እንዳይረሳ!!!

📚ርእስ: ሕግጋተ ስልጣን 48ቱ የኃይል ሕጎች(the 48 low of power)
📝ደራሲ: ROBERT GREENE
👤ትርጉም : ጌታሁን ንጋቱ
📜ይዘት:- ምክረ አእምሮ
📖የገፅ ብዛት:- 322
📆ዓ. ም:- 2013

ውድ ሁን!
፨፨///፨፨
በዚህ ዓለም በነፃ የሚታደል ነገር ብዙ ቢሆንም፣ በቀላሉ የሚገኝ ነገር ግን ዋጋ የለውም። ርካሽ ነገር ሁሌም ዋጋቢስና ፈላጊ ያጣ ነገር ነው። ውድ መሆን ሲባል በኪስህ ስላለው ገንዘብ ወይም ስለለበስከው ብራንድ ልብስ አይደለም፤ ውድነት የማንነት፣ የሥነ-ምግባርና የራስን ዋጋ የማወቅ ጉዳይ ነው።

ውድ ለመሆን
1. ለራስህ ያለህ ግምት ከፍ አድርግ፦
አልማዝ ውድ የሆነው ለምን ይመስልሃል? በየመንገዱ ስለማይገኝና ለማግኘት ብዙ ስለሚደከም ነው። አንተም ለማንም ክፍት መሆን የለብህም። ለጊዜህ፣ ለሐሳብህና ለክብርህ መስፈርት ይኑርህ። ሁሉም ሰው እንዲቀርብህ፣ ሁሉም ሰው እንዲወድህ አትጣጣር፤ ምክንያቱም ለሁሉም ሰው የሚሆን ነገር ርካሽ ነው።

2. በእውቀትና በክህሎት እራስህን አሳድግ
ባዶ ዕቃ ይጮኻል እንጂ ዋጋ የለውም። ውድ የምትሆነው በውስጥህ በምታከማቸው እውቀቶች፣ በምታዳብራቸው ተሰጥኦዎችና በምትገነባው ጠንካራ ስብዕና ነው። ዛሬ ላይ የምታጠፋው እያንዳንዱ ሰዓት ነገ ለምትሆነው ሰው እንደ ግብዓት ይቆጠራል። ስለዚህ በየቀኑ አዲስ ነገር ተማር፣ አንብብ፣ ተለማመድ።

3. "አይ" ማለትን ልመድ
የማይመጥኑህን ቦታዎች፣ የማይጠቅሙህን ጓደኞችና ጊዜህን የሚበሉ ወሬዎችን አይ ብለህ መግፋት ስትጀምር ውድነትህ ይታያል። ዝም ብሎ በነፋስ የሚነዳ ሰው ሳይሆን፣ የራሱ አቋምና መርህ ያለው ሰው ሁልጊዜም ይከበራል።

4. እንደ ወርቅ በእሳት እለፍ
ወርቅ ውድነቱ የሚረጋገጠው በእሳት ውስጥ አልፎ ደምቆ ሲወጣ ነው። አንተም የሚያጋጥሙህ ፈተናዎች፣ ድካሞችና ውድቀቶች ሊያጠፉህ ሳይሆን ሊያጠሩህ የመጡ መሆናቸውን እወቅ። በፈተና ውስጥ የምታሳየው ጥንካሬ ነው ልዩና ውድ የሚያደርግህ።

አዎ! ጀግናዬ..! ውድ ሁን! ምክንያቱም አንተን የሚተካ ሌላ ሰው በዚህ ምድር ላይ የለም። የራስህን ዋጋ ካላከበርክ፣ ዓለም ዋጋ እንዲሰጥህ አትጠብቅ። አንፀባራቂና የማይደፈር ማንነት ይኑርህ። ለሰው ሳይሆን አስቀድመህ ለራስህ ታመን፣ ውስጥህን አዳምጥ፣ ልብህን ተከተል። ዓለም እንዲወድህ ምንም የተለየ ነገር አታድርግ። መወደድ ስለፈለክ የሚመጣ ሳይሆን ስለሆንክ የምታገኘው ነው።
ውብ ምሽት ይሁንልን! 🌘

#የቆጡን_እያየህ_የብብትህን_አትጣል!
7ቱ ሀብቶች፦

እውነተኛ ሐብት
መኪናና ቤት ብቻ አይደለም!

👉 ጊዜ
👉 ጤና
👉 ሰላማዊ አእምሮ
👉 የሰከነ ማለዳ
👉 ያለ ጸጸት ማረፍ
👉 የቤት ምግብ
👉 ጥልቅ እንቅልፍ

ነው!!! የሌለህን ለማግኘት ያለህን አትጣ

#ኃያል_አመለካከት_የምታዳብርባቸው_7_ፍቱን_መንገዶች፦

1. ሁልጊዜ ረጋ በል
ለሚተነኩሱህ መልስ አትስጥ

2. ያላሰብክበትን
አታውራ

3. ብዙ አስተውል!
ማውራት አለማየት ነው።

4. ሰዎችን አይናቸውን
ተመልከት

5. ሁልጊዜ አክባሪ ሁን!

6. በዝምታ ስራ!

7. ድንበሮች ይኑሩህ!

#ይሰውርህ፦

1. በሰው ፊት ገዝፎ
በራስ ፊት ከማነስ

2. ለሌላ አልጋ
ለራስ ቀጋ ከመሆን

3. እንደ ጠንቋይ ለሌላ የሚተርፍ
ለራሱ የሚሰንፍ

4. ራስን ከድቶ
ለሌላ ከመታመን

5. ራስን በጦር እየወጉ
ለሌላ መከታ ከመሆን

ይሰውርህ።

ቸርነትህ እንደዝናብ ይሁን ማን ላይ እንደሚፈስ አትጨነቅ!

Rumi

💫💫የጊዜ አያያዝ መሰረታዊ መርሆች💫

ሁሉንም ነገር በአንድ ጊዜ ለመስራት ከመሞከር ይልቅ፣ በጣም አስፈላጊ እና አስቸኳይ የሆኑ ስራዎችን መርጦ መጀመር።

የእለቱን ስራዎች በዝርዝር (To-do list) መፃፍ። ይህም አእምሮህ በሌላ ነገር እንዳይከፋፈል ይረዳል።

ስራ ብቻ ሳይሆን ለእረፍት እና ለግል እድገት የሚሆን በቂ ጊዜ መመደብ ምርታማነትን ይጨምራል።

ጊዜህን ለሚያባክኑ እና አላማህ ላልሆኑ ነገሮች በቆራጥነት "አይ" ማለት መቻል አለብህ።
አነቃቂ ጥቅስ

💫💫ለተሻለ ውጤት የሚረዱ ዘዴዎች💫💫

◈ለ25 ደቂቃ በትኩረት መስራት እና ለ5 ደቂቃ እረፍት መውሰድ።

◈ትላልቅ ፕሮጀክቶችን ወደ ትናንሽ እና በቀላሉ ወደሚሰሩ ክፍሎች መከፋፈል ስራው እንዳያስፈራ ያደርጋል።

◈የማያወላውል የጊዜ ሰሌዳ: ለተወሰኑ ተግባራት የተወሰነ ሰዓት መመደብ::

ጊዜ ማለት ህይወት ነው። ስለዚህ ጊዜህን በአግባቡ መጠቀም ማለት ህይወትህን በአግባቡ መምራት ማለት ነው።

💫💫ስሜትን መቆጣጠር (Emotional Management )

እንደ ሰው ስሜትን በአግባቡ መያዝ የውስጥ ሰላም እና የስኬት ቁልፍ ነው፤ ምክንያቱም ስሜቶቻችን በህይወት ጉዟችን ላይ እንደ ኮምፓስ የሚያገለግሉ እንጂ እኛን ሊዘውሩን የሚገቡ ኃይሎች አይደሉም።

የሰው ልጅ መሆን ማለት የተለያዩ ስሜቶች ማስተናገድ ማለት ነው ደስታ፣ ቁጣ፣ ፍርሃት ወይም ሀዘን። እነዚህን ስሜቶች ሳያፍኑ እውቅና መስጠት፣ ነገር ግን በምክንያታዊነት መምራት የባህሪ ልዕልናን ያሳያል። ስሜቱን መቆጣጠር የሚችል ሰው በውጫዊ ሁኔታዎች አይናወጥም፤ ይልቁንም በፈተናዎች መሃል ቆም ብሎ በማሰብ ትክክለኛውን ውሳኔ የመወሰን ጥበብ ይኖረዋል።


ራስህን በረጋ መንፈስ መምራት ስትችል፣ የህይወትህ ባለቤት ትሆናለህ፣ ግንኙነቶችህ ይሻሻላሉ፣ እንዲሁም ለማንኛውም አስቸጋሪ ሁኔታ የማይበገር ጥንካሬን ትገነባለህ።

✨እውነተኛ ጓደኝነት በሕይወት ጉዞ ውስጥ የሚገኝ ትልቅ ሀብት ነው።  

ጓደኝነት ማለት እንዲሁ አብሮ መሳቅ ወይም ጊዜ ማሳለፍ ብቻ አይደለም!!!

ጓደኝነት በጨለማ ውስጥ የሚበራ ፋኖስ፣ በውድቀት ጊዜ የሚዘረጋ እጅ፣ እና በከፍታ ጊዜ አብሮ ደስ የሚለው ልብ ነው።

  ብቻህን በሮጥክ ቁጥር ፍጥነህ ልትሄድ ትችላለህ፤ ከጓደኛህ ጋር ስትሆን ግን ሩቅ ትጓዛለህ። ሕይወት ውጣ ውረድ አላት። በዛ ውጣ ውረድ ውስጥ "አይዞህ፣ አብሬህ ነኝ" የሚል ድምፅ ሲኖርህ፣ የማይቻለው ይቻላል፤ የማይታለፈውም ይታለፋል።

እውነተኛ ጓደኛ እንደ መስታወት ነው። ስትሳሳት የሚነግርህ፣ ስታዝን የሚያጽናናህ፣ እና ማንነትህን ያለ ምንም ቅድመ ሁኔታ የሚቀበልህ ነው። ጓደኝነት ማለት አንዱ ሌላውን ለመቅረጽ የሚጠቀሙበት መሳሪያ ነው።

ጥሩ ጓደኛ ካለህ፣ አንተም የተሻለ ሰው እንድትሆን ያደርግሃል::   አለም ላይ ብዙ ሰዎች በዙሪያህ ሊኖሩ ይችላሉ፤ ነገር ግን ሁሉም ጓደኛ አይደሉም። እውነተኛ ጓደኛ የሚለካው በሀብትህ ወይም በስኬትህ ጊዜ ሳይሆን፣ ዓለም ፊቷን ባዞረችብህ ሰዓት አብሮህ በመቆሙ ነው።

"አንድ ታማኝ ጓደኛ ከአስር ሺህ ዘመዶች ይበልጣል።"

ሞኝ ከብልህ ከሚማረው የበለጠ ብልህ ከሞኝ ይማራል!


—Epictetus

●ማንም ሳይገፋህ ራስህን ገፍተህ፣ ማንም ሳይደግፍህ ራስህን ደግፈህ የምትወጣው የህይወት ዳገት፤ነገ ለምትቆምበት ትልቅ ማማ መሰረት ነው።

#ስኬት በምኞት ሳይሆን በላብ ነው የሚገኘው። እንደ ብረት የጠነከረ ፈተና ቢገጥምህም፣ እንደ ብረት ጠንክረህ በፅናት እለፈው።

#ድካም የጥንካሬ መለኪያ እንጂ የሽንፈት ምልክት አይደለም።

ውድቀት ማለት መውደቅ ሳይሆን፣ መውጣት አቁሞ መቆም ነው። በዝግታም ቢሆን መጓዝህን ቀጥል!

ቆሻሻ መስሎ የታየህ... አልማዝ ሊሆን ይችላል! 💎✨
አንዳንዴ ህይወት በጣም ስታደክመን፣ እራሳችንን እንደ ተጣለ፣ እንደ የቆሸሸ ድንጋይ እንቆጥራለን። ግን እውነታው ሌላ ነው፡፡
አንድ ጊዜ አንድ አረጋዊ ሰው በጫካ ውስጥ ሲራመዱ፣ በመንገዱ ዳር በጭቃ የተሸፈነ ድንጋይ አዩ። አብሯቸው የነበረው ወጣት "ይህ ቆሻሻ ድንጋይ ምንድን ነው? ለምን ጊዜዎን ያጠፋሉ?" ብሎ ጠየቃቸው። አረጋዊው ግን ምንም ሳይሉ ፈገግ ብለው ድንጋዩን አነሱት።

በአቅራቢያው በነበረ ኩሬ ውሃ ውስጥ ድንጋዩን ቀስ ብለው አጠቡት። ጭቃው ሲለቅ፣ ከውስጥ የሚወጣው ብርሃን ዓይን ያጥበረብር ነበር። በወጣቱ እጅ ላይ ያስቀመጡት ቆሻሻ ድንጋይ ሳይሆን... በዋጋ የማይተመን፣ የሚያንጸባርቅ አልማዝ ነበር።

አረጋዊው ወደ ወጣቱ ዞር ብለው እንዲህ አሉ፡ "ልጄ ሆይ፣ ሰዎችም እንደዚሁ ናቸው። ብዙ ጊዜ የደረሰባቸው መከራ፣ ውድቀት ወይም ቆሻሻ ይመስለንና ዋጋ የላቸውም ብለን እንፈርጃቸዋለን። ነገር ግን በጥቂት ፍቅር፣ በትዕግስት እና በተስፋ ውሃ ካጠብናቸው... በውስጣቸው ያለው ብርሃን ይወጣል።"
በህይወትህ ውስጥ ተስፋ የቆረጥክበት ወይም "ዋጋ የለውም" ብለህ የተውከው ነገር፣ ምናልባትም ዛሬ ላይ ትልቅ ትርጉም የሚሰጥህ የተደበቀ አልማዝህ ሊሆን ይችላል።

አንተስ በህይወትህ ያገኘኸው ወይም የገነባኸው "የተደበቀ አልማዝህ" ምንድን ነው? አጋራን፣ ምናልባት የአንተ ታሪክ ሌላውን ሰው ሊያነቃቃ ይችላል።