ጠያቂው፡- << ራቢያ ሆይ! አምላክሽን ታፈቅሪያለሽ!? >>
ራቢያ፡- << በጣም አፈቅራለሁ!!>>
ጠያቂው፡- << ሰይጣንንስ ትጠያለሽ!?>>
ራቢያ፡- << አልጠላም!! ምክንያቱም ከአምላኬ ፍቅር ተርፎ ለጥላቻ የሚሆን ጊዜ የለኝምና!!>>
ጠያቂው፡-<< ራቢያ ሆይ! የፈጣሪን ነቢይ ታፈቅሪያለሽ!? >>
ራቢያ፡- << አፈቅር ነበር፡፡ ነገር ግን የፈጣሪ ፍቅር እሱ ከፈጠረው ነገር ሁሉ በልጦ ልቤን ወሰደው!!>>
© ጥበብ ከ ጲላጦስ ቅፅ ፫
ኃይለጊዮርጊስ ማሞ

* የራስሽን ኮከብ ፈልጊ! *

አፍሪካውያን የሌላውን ሰው ኮከብ ተጠቅመህ አትነሳ የሚል አባላል አላቸው። ይህም ማለት አንድ ሰው አንድን ነገር ሲሰራ ስለተሳካለት አንቺም ተመሳሳይ ነገር በማድረግ ወይም በመስራት ስኬታማ ትሆኛለሽ ማለት አይደለም።

ሁሉም ሰው የራሱ የሆነ ፍላጎት፣ አቅም እና ህልም አለው። ሰው ማሳካት ያለበት የራሱን ህልም እንጂ የሌለውን አይደለም።

እናም ወዳጄ ሆይ የራስሽን ህልም ፈልጊው፣ … እናም ኑሪው!
ያሬድ ነኝ ከዱባይ

ስኬታማ እና የተባረከ ቀን ይሁንልሽ😘🥇!

የ እኔ ፡ ውብ

ከሁሉም ፡ ይልቅ ፡ ልብሽን ፡ ማውጋትሽን ፡ ስሜትሽን ፡ ሃሳብሽን ፡ መሰተርሽን ፡ አስቀድሜ ……

አትሞኚ ፡ አትቸኩዬ ፡ እንዲች ፡ ብለሽ ፡ በጥድፍያ ፡ ውስጥ ፡ ህይወትሽን ፡ እንዳትግዬ ……

ይልቅ ፡ መለስ ፡ በይ ፡ ይልቅ ፡ አረፍ ፡ ብይ ፡ ይልቅ ፡ መስኮትሽን ፡ ክፈቺ ፡ ብዕርሽን ፡ አንሺ ፡ ልብሽን ፡ ነብስሽን ፡ ደግፊ ፡ ከጥድፍያሽ ፡ ሩጠሽ ፡ አምልጪ ………
ረጋ ፡ በይ ፡ ሁሉን ፡ በአቅሙ ፡ ለኪ ፡ መጥኒ ፡ ስፈሪ ፡ የልብሽን ፡ ሸክም ፡ አቅልዬ ………🧚‍♂

ከንቱ ኩራትን ምን አመጣው?
ሟች መሆንሽ ተረሳ?

ምክንያትሽ ምንድን ነው?

ሰው ነሽና ሰው የማይረዳው ምክንያት አታጪም::

የምድር ህይወት መሰቃየት ነው::

የልጅነት የዋነት ተሰርቀሻል::
የአምላክ ፍቅርን ክደሽ በቁስ ፍቅር ተጠምቀሻል::

ባርነት ነው::ነፍስን አጥቶ አለምን ማግኘት ታላቅ ክስረት ነው::

ፊትሽ ይስቃል::አለባበስሽ ያንፀባርቃል::

ሰው ሁሉ አንቺን መሆን ሲመኝ ያአንቺ ውስጥ ግን ሞትን ይመኛል::

ምንድን ነው ግን ህይወት?
ምንድን ነው ግን የመኖር መጨረሻው?

ሞት?

ሞት አለ::
ሁሉን በዜሮ ያበዛል::
ከአፈር ጋር ይደምራል::

ታዲያ በምድር ቁስ መሰብሰቡ ሞትን ካላሸነፈ ምን ይሰራል?

ሞትን የሚያሸንፍ አንድ ነገር የነፍስሽ መንቃት ነው::

ነፍስ ስጋዊ ምኞትን ጥሳ መንፈሳዊ ውበቷን ስታገኝ የህይወት ብርሃን ወደ ህይወትሽ ይፈሳል::

ማንም የማያውቃቸው ልባዊ ህመሞች : በር ዘግተሽ ያፈሰስሻቸው እንባዎች ትክክለኛ መድህኒት ያገኛሉ::

ለምን እኖራለው? የሚለው አሰልቺ ጥያቄ አምላክን ስታገኚ ይቆማል::

ከንቱ የሆነው ህይወትሽ በአምላክሽ ብርሃን ትርጉም ያገኛል::

የፈጠረሽ አምላክ ባንቺ በኩል ወደ አለም ይመጣል::

ለሀሳብሽ ብርሃን ..ለስራሽ መንፈሳዊ ሐይል ..እና ..ለስኬትሽ በረከት ይችራል::

አላማሽ አላማውሲሆን
በትንሿ ልጁ ትልቁ አምላክ ይከብራል::

የመዳኛሽ ሰዓቱ አሁን ነው::

አንቺ ሺ ጊዜ ብታጠፊ እሱ ቢሊዬን ጊዜ ይረዳሻል::

ቢሊዬን ጊዜ ብትሳሳቺ ደግሞ ለዓለመ ዓለም ይጠብቅሻል::

ለከንቱ አለም ብለሽ ህያው አምላክሽን አታስጠብቂው::

አሁን ልብሽን ወደ አምላክሽ አድርጊ::

አሁን ወስኚ.........

አለም ይሻልሻል ወይስ አምላክ?

እናቴ ሁሌ ነበር አግቢ የምትለኝ ፣  በተረት ፣በታሪክ በሃዘን አስታካ ስለ ትዳር ነበር የምትወተውተኝ ። በመወትወት ከማይሆነው ነገር ውስጥ አንደኛው ትዳር ነው ።

ውትወታዋ በቶሎ  ፍሬ አላፈራም ። ውትወታዋ ስለሚያስጨንቀኝ ክፍት ያለ ፊት ሳሳያት ጨዋታ ትቀይራለች ።

አብሪያት ሳድር ፀሎቷ ውስጥ በየቦታው አለሁ ።

ሰመረልኝ እና ....!

" እናቴ ላገባ ነው የምወደዉ ልጅ አግኝቻለሁ መስመር እስኪይዝ ነው ያላጫወትኩሽ"

"ምን አልሺኝ ?"ብላ ብድግ አለች

እጮኛዬ ሽማግሌ ሊልክ ነው አልኳት።

    እምባዋ ቃላቷን ቀደመው !

ጥሩ ሰው ነው ?? ትዋደዳላቹ ??

"አዎ" አልኳት በፈገግታ ሌላ አልጠየቀችኝም ።

አገላብጣ ሳመቺኝ ። ደስታዋ ወደር አልነበረውም ።
አንጋጣ ተመስገን አለች  ።

ደስታዋ አንጀቴን በላኝ ። እናት  ከሃዘናችን በላይ ደስታችን  ያስለቅሳታል ።  የልጅ ሃዘን ለእናት እምባ አይደለም ስብራት ነው !!

መሰበር የምንፈራው ለሚወዱን ሰዎች ብለንም ነው ።......
......... እኛ እኮ የኛ ብቻ አይደለንም !!

    © Adhanom Mitiku

ከሚስቱ ይልቅ ለድመቱ ትኩረት ሰጥቷል የተባለው ባል ክስ ተመሰረተበት....

ባልየው ባህሪውን እንዲያስተካክል በሚስቱ ቢነገረውም አልተስተካከለም ተብሏል

ጉዳዩን ወደ ፍርድ ቤት ይዛ የሄደችው ሚስትም ፍትህ ይሰጠኝ ብላለች

ከሚስቱ ይልቅ ለድመቱ ትኩረት ሰጥቷል የተንባለው ባል ክስ ተመሰረተበት

ድመትን ጨምሮ ብዙ የቤት እንስሳት ከሰዎች ጋር በአንድ ቤት ውስጥ መኖር የተለመደ ሆኗል፡፡

አብራቸው እንድትኖር የተፈቀደላት አንድ ድመት ግን ለትዳር መፍረስ መነሻ ሆናለች ተብሏል፡፡ ነገሩ እንዲህ ነው፡፡ ሕንዳዊኑ ለዓመታት ጎጆ ቀልሰው በትዳር ተጣምረው እየኖሩ ነበር፡፡

አብራቸው እንድትኖር እና እናሳድጋት ያሏት ይህች ድመት ለፍቅራቸው መበላሸት መነሻ የሆነች ሲሆን ምክንያቱ ደግሞ ባልየው ድመቷ እንድትለየው አለመፈለጉ ነው፡፡

ባሏ ከእሷ ይልቅ ለድመቷ ትኩረት ማድረጉ ያበሳጫት ሚስትም ከዚች ድመት ጋር ያለህን ግንኑነት ቀንስ ስትል ስሞታ ታቀርባለች፡፡

ከድመቷ ጋር ማንም አይለየኝም ያለው ባልም የሚስቱን አስተያየት ከመቀበል ይልቅ ተቃውሞ ያሰማል፡፡

በዚህ ምክንያት ወደ አለመግባባት የገቡት ባልና ሚስቶች አላስፈላጊ ቃላት እስከመለዋወጥ እንደደረሱ ኦዲቲ ሴንትራል ዘግቧል፡፡

ጉዳዩ ያላማራት ሚስትም ፍትህ ይሰጠኝ ስትል ወደ ፍርድ አምርታለችም ተብሏል፡፡

ሚስትየዋ ለፍርድ ቤት በጻፈችው ማመልከቻ ላይ ባሌ ከእኔ ይልቅ ድመታችንን አብዝቶ ይንከባከባል ስትል ከሳለች፡፡

ከዚህ በተጨማሪም ድመቷ ለእኔ ጥሩ እይታ የላትም ልቀርባት ስሞክርም በጥፍሮቿ ጉዳት ታደርስብኛለች፣ ባሌ ይህንን ችግር እንዲፈታ ብጠይቀውም ትኩረት አልሰጠም ማለቷ ተገልጿል፡፡

ክስ የቀረበለት ፍርድ ቤቱም በጉዳዩ ዙሪያ እልባት ለመስጠት ተቸግሯል የተባለ ሲሆን ምን አይነት ውሳኔ እንደሚያሳልፍ በጉጉት እየተጠበቀ ይገኛል፡፡[አል አይን]

@Amazing_Fact_433
@Amazing_Fact_433

የሴት ልጅን ውበት ማወቅ ከፈለክ አናዳትና ዝም ብለህ ተመልከታት።

#oscar_wilde

እውነት ነው ወይ እንስቶችዬ?🤔😁

⁸“Love is a serious mental disease”

ሙሽራዋን ተመልከታት እስቲ እድሜ ዘመኗን ደሰተኛ እንደምትሆን ነጭ ቬሌዋ ያስታውቃል። በራስህ ቀብርህ ላይ ጥቁር ለብሰህ የታደምከው ብቸኛ ሰው እኮ አንተ ነህ። ደሞ'ኮ በሰርግህ ላይ ነጭ አበባ መስጠታቸው፤ ለቀብርህም ተመሳሳይ ነጭ አበባ ማምጣታቸው። አየ ቀድሞውንም ወደ ሞት እንደምትሄድ ገብቷቸዋል።

አንድ ወንድ የትዳር ህይወቱን እንዲህ ገልጾታል፦

ባለቤቴ የገዛዋችውን ዕቃ የምትሰበስብበት ጋሪ እየሳበች 🛍 በሱፐርማርኬት ትዘዋወራለች። የቤት ዕቃዎችን በጥንቃቄ ስትመርጥ ሳይ ትርጉሙን አውቄያለው "ወንድ ከሴት ውጪ ምንም ዋጋ የለውም" እና እያንዳንዱን ምርት የማብቂ ጊዜ ኤክስፓይርዴቱን ለማወቅ ለየብቻ እየመነጠረች ስትመረምር ሳይ ሴቶች ለምን የህብረተሰቡ ሁለት አጋማሽ እንደሆኑ ተረዳው። የእናትነት ደመ ነፍሷን እየተጠቀመች እያንዳንዱን የቤተሰብ አባል ምግብ ላይ የሚስማማውን ስትመርጥ። በእውነት አመንኩ "ሴቶች ትክክለኛ የፖለቲካ መሪዎች ናቸው"። ግን በመጨረሻ ካሸሯ ጋር ደርሳ የግዢ ደረሰኙን ለእኔ ስታቀብለኝ በርግጥ አሁን ተረዳው "ሴት ልጅ የኢኮኖሚስት አስተማሪ ወይም ነጋዴ መሆን ነው አለባት!"

እዚህ ጋር ሜክሲኮያኖች ስለትዳር እንዲህ ብለው ነበር፦

``ከጠላትህ ጋር የምትተኛበት ብቸኛው ጦርነት ትዳር ነው!።``

ምን መሰለህ ሁለት ጥንዶች ተጣልተው ከማውራት ተቆጠቡ። ለመኖር ሲባል አብረው እንደሆኑና ከዚህ በኋላ እርስ በእርስ ምንም ላለመነጋገር ቃል ተገባቡ። ባልየው ከመተኛቱ በፊት ለሚስቱ አንድ ነገር ጽፎ በወረቀት ሰጣት፦"ሴትዮ ጠዋት 11 ሰአት ቀስቅሺኝ ስራ አለብኝ!"

በማግሥቱ ባል ከእንቅልፉ ተነሥቶ ሰዓቱን ሲመለከት ከረፋዱ 3 ሰዓት ሆኖ አገኘው። ይኼ ያጋጠመው ባል በፍጥነት እየተበሳጨና እየተመናቀረ ልቡሱን እየቀየረ ሳለ ጠረቤዛ ላይ አንድ የተጻፈበት ወረቀት አገኘ፦

“አስራ አንድ ሰዓት ሞልቷል ተነስ..” 😌

ከአርምሞ..

## ...ምን አይነት ወንድ ይመችሻል?

የሰው መለኪያው ብዙ ነው። የኔ ልኬት ለአንተ፤ የ'ሷ ልኬት ላንቺ አይሰራም። የሁላችንም መስፈርት ለየቅል ነው። ነገር ግን አንድ የማይካድ ሃቅ አለ; የሁላችንም ልኬት ከአኗኗር ስርዓታችን(ባህል) እና ከምንኖርበት ማህበረሰብ የተቀዳ ነው።

የምንኖርበት ማህበረሰብ ለዘመናት በኖረበት ባህል ለወንድ እና ለሴት የራሱን ትርጉም ሰጥቷል። ወንድ እንዲህ ነው፤ ሴት እንዲህ ናት ከሚለው ተፈጥሯዊ እና ሳይንሳዊ ትንታኔ ባሻገር ባህል ወንድን ወንድ፤ ሴትን ሴት የሚልበት የራሱ መለኪያ አለው። በባህል ውስጥ ስትኖር ተፈጥሮ ወንድ ስላረገችህ ወንድ አትሆንም፤ ተፈጥሮ ሴት ስላረገችሽም ሴት አትሆኚም።

እናም የሰው ልጅ አብሮ መኖር ከጀመረበት የስልጣኔ ማግስት ባህል በክፍለ ዘመናት ውስጥ ሲያብብ ሲከስም ኖሯል። በነዚህ ክፍለ ዘመናት ውስጥ ባህል ሴትን ገፍቷል፣ ሴት ተጨቁናለች፣ ሴት ተበድላለች– የማይካድ ሃቅ ነው። ዛሬ ግን ብዙ ለውጥ አለ–የሴትነት ሞጋቾች በየቦታው አሉ። ችግር ቢኖርም ግን ካለፉት ዘመናት አንፃር ለሴት ልጅ ቀን ወጣላት ብል ውሸት አይሆንም። መፍትሄ የሚሰጣት ብታጣ እንኳ ዛሬ ሴት ልጅ ህመሟን እና ጉዳቷን የሚያይላት አታጣም።

ግን የወንዱስ?... በመነሻዬ ላይ 'ምን አይነት ወንድ ይመችሻል?' የሚል ጥያቄ አንስቻለሁ። ቆፍጣና፣ ጠንካራ፣ ደፋር፣ ቆራጥ እና ኮስታራ ወንድ– የሁሉም ሴቶች ምርጫ ነው ማለት ባልደፍርም ብዙ ሴቶች የሚማረኩት በእንዲህ አይነት ወንድ መሆኑን አስተውያለሁ። ይህ የወንድነት መስፈርት በተፈጥሮ የተሰጠ የወንድ ባህሪ ሳይሆን ማህበረሰቡ ወንድነትን የሚለካበት ሚዛን ነው።

አንቺም እኔም የማህበረሰቡ አካል ነን፤ ይህ ማለት ወንዱም ሴቱም ወንድነትን የሚለካው በቆፍጣናው ሚዛን ነው ማለት ነው። ግን ወንድ ሰው ነው አይደል? ወንድም እንዳንቺ ይደክመዋል፣ ይከፋዋል፣ ይሰበራል፣ ይወድቃል፣ ይሸነፋል! ግን ማህበረሰቡ ወንድ እንዲደክም አልፈቀደለትም፣ እንዲከፋው አልተፈቀደም፣ ስብራት እና መውደቅ ለወንድ ነውር ነው። ስለዚህ ቆፍጠን ለማለት ሲል ወንድ ድካሙን ችሎ፣ መከፋቱን ደብቆ፣ ስብራቱን ሸፍኖ፣ ላለመውደቅ እየተሳቀቀ እና ከሽንፈት እያመለጠ ወንድ ይሆናል።

የታፈኑ ደምፆች ጩኸት ረብሻ እና የተሸፈኑ ቁስሎች እያመረቀዙ ወንድነትን ይመርዙታል። ያልፈሰሱ እምባዎች አሲድ ሆነው ወደውስጥ ሲፈሱ የወንድነትን ውስጥ ያኮማትሩታል። በዚህ ማህበረሰብ ውስጥ ወንድ ስሜት አልባ አውሬ ፍጥረት ነው–ማረፍ የማይፈቀድለት፣ ማልቀስም መሳቅም የማይችል፣ ጨካኝ ፍጥረት!

ቢያንስ አንቺ ጋር እንኳን እንዲያርፍ፣ እንዲሸነፍ፣ እና እንዲወድቅ ካልፈቀድሽለት፤ ሁሌም ባልሽ ቆፍጣና እና የማህበረሰቡን ወንድ እንዲሆን የምትፈልጊ ከሆነ፤ አውሬ አግብተሽ ነው የምትኖሪው! ከቆፍጣናነት ጀርባ፤ ከወንድነት ባሻገር ብዙ ያልታዩ ሰባራ መስታወቶች አሉ–ከ'ሱ አልፈው የነካቸውን ሁሉ የሚያቆስሉ!

...አስተውይ!!!

~ "ምን አይነት ወንድ ይመችሻል?"©️

✍️ዮናታን በጋሻው (ቀዳማዊ)

የሴትልጅ ቁንጅና ምንድነው?
_______

(ውበትና ደም-ግባትስ?)

"ቁንጅና ምንድነው ሰዎች አስረዱኝ
እኔ እሷን ወድጄ ታምሜያለሁኝ...
ውበትና ቁንጅናሺ፣ ይማርካል ለሚያይሺ.."

- ድምፃዊ ማህሙድ አህመድ

በየዘመኑ "የሴት ልጅ ውበት" የሚባለውን አስተሳሰብና መስፈርት ማን ፈጠረው? "ቆንጆ" ሴት ከቆንጆ ሰው በምን ትለያለች? ሴቶች በ"ሽንጥና ዳሌሽ ሲታዩ..." ዓይነት መስፈርቶች እንዲለኩ የበየነላቸው ማነው?

ወንዶች ሴቶችን የሚስሉበት መንገድ ከስሜት ጋር የተያያዘ ለምን ሆነ? ከወሲባዊ መስህብ አሊያም ከመራባትና ከእናትነት አስተሳሰቦች ውጭ ሊታሰብ የሚችል የሴት ልጅ ሰብዓዊና ማኅበራዊ ፋይዳ ከየማኅበረሰቡ አንጎል የተነነው በምን ምክንያት ነው?

ውበት ምንድነው? ደርባባነትን ከሴት ልጅ ለምን እንድንጠብቅ ሆንን? በዘመናት ውስጥ የተቸራቸውን ማኅበራዊ ተክለሰብዕናና የተሰጣቸውን ሚና ለመጫወት እምቢ ያሉ ሴቶች ዕጣፈንታ ምንድን ነበር? አሁንስ ምንድነው?

ወንዶች በጥቅሉ ለሴቶች ያለን ዝንባሌ በጎችንና ፍየሎችን ሽንጣቸውን ለክተን፣ ጥርሳቸውን ፈልቅቀን፣ ሸሆናቸውን መትረን ለመግዛት ከምንሄድበት መንገድ ብዙም ያልተለየ ሆኖ የሚገኘው በምን የተነሳ ነው? ተፈጥሯዊ ነው? ወይስ ማኅበራዊ?

የሴቶች ተፈጥሯዊ ሰዋዊ አገልግሎት ምንድነው? ብለን ነው የምናስበው? ለምን?

የሴትን ልጅ አካላት ዕርቃን እያወጡ የተሳሉ አያሌ ክላሲካልና ሞደርን የጥበብ ሥራዎች (ሥዕሎች፣ ቅርፃቅርፆች፣ ስነፅሑፎች፣ ሙዚቃዎች፣ ወዘተ.) ለምን በየዓለሙ በሰዎች ዘንድ ተወዳጅ ሆኑ?

የሰውልጅ ሴትን ልጅ ከsensual pleasure ውጭ ለማሰብ ያልቻለበት አብይ ምክንያቱ ምንድነው? ሴቶችስ ራሳቸውን ከመኳኳልና ከማጊያጌጥ፣ ሽንጥና ዳሌያቸውን ከማጉላት፣ ፀጉራቸውን ከመሾረብና በአልባሳት ከመሸለም ውጭ ያለውን ጥልቅ የራስ ማንነታቸውን ለመፈለግ ብዙ ዝንባሌ የማያሳዩት ለምንድነው?

በሴትነት ውስጥ ከማኅበራዊው መስፈሪያ ሚዛን የማፈንገጥ ዋጋው ምን ያህል ነው? ይህች ዓለም የማን ዓለም ነች?

እውን It's a man's man's world እንደሚባለው.. ዓለማችን የወንዶች ብቻ ዓለም ነች? ከሆነች ሴቶች የተነጠቀ ሙሉ የሰውነት ክብራቸውንና ዋጋቸውን ለማስመለስ ምን ያድርጉ?

የፆታ አስተሳሰባችን በምን በምን ነገሮቻችን ውስጥ ሥር እንደሰደደ፣ እስከ ምን ከፍታ እንዳሻቀበና እንዴትስ ተብሎ እንደተድበሰበሰና እንደተሸነገለ ልብ ብለን አስተውለነዋል?

ሴትነት ምንድነው? ወንድነትስ? ውበትስ? የሴት ልጅ ውበት ምንድነው? ሴትን ልጅ ያለ ጭንና ባቷ ለማሰብ ፈቃደኝነቱ ያለው ወንድ ከመቶ ስንት ፐርሰንት ነው? ራሷን ከቀሚሷ ውጭ አድርጋ ማሰብ የምትችልስ ሴት ከመቶ መሐል ስንት ትገኛለች?

የነዳጅ ዘይትን የሚተኩ በርከት ያሉ የኃይል አማራጭ ቴክኖሎጂ ተገኝተዋል በዘመናዊዋ ዓለማችን። ግን የዔለም ኢንዱስትሪ ሁሉ ከነዳጅ ጋር የተያያዘ ነው። ዲዛይኑ፣ ሸቀጡ፣ ንግዱ፣ ኢኮኖሚው፣ ቴክኖሎጂው፣ መኪናው፣ መርከቡ፣ አውሮፕላኑ... ሁሉ ከነዳጅ ጋር የተሳሰረ ነው። በዚህ የተነሳ ዓለም የሚያውቀውንና ህልውናውን የመሠረተበትን ኋላቀሩን ነዳጅ ዘይት መተው አይፈልግም። የሴት ልጅ ውበትስ ተመሣሣይ ነገር ይኖረው ይሆን?

በዓለም ሁሉ "የሴቶችን ውበት" መሠረት አድርገው የሚመረቱ ምርቶች፣ ዲዛይኖች፣ ፅሑፎች፣ ሳይንሶች፣ ፊልሞች፣ ኢንደስትሪዎችና ማኅበራዊ አወቃቀሮች... ባንዴ ተንደው እውነተኛ የሴቶችን ሙሉ ሰውነትና ክብር ወዳረጋገጠ ዘመናዊ አስተሳሰብ መሻገር ይችላሉ? የሚቻል ነው? ሴቶች ቂጥና ፊታቸው እየታየ የሚመዘኑበት ዘመን እስኪያበቃስ ስንት ዓመት ይፈጃል?

ይህ የናዖሚ ዎልፍ መፅሐፍ ላለፉት 3ሺህ ዓመታት የተቀነቀኑ የስነውበት ፍልስፍናዎችን፣ ሳይንሶችንና አስተሳሰቦችን እጅግ ጥልቅ በሆነ መንገድ ይቃኛል። አጥብቆ ይሄሳል። እና የውበትን ትርጉም እንድንፈትሽ ያስገድዳል።

ሴቶች ከወንዶች የውበት መስፈርት ራሳቸውን ማላቀቅ አለባቸው፣ ነፃ መውጣት አለባቸው ትለናለች።

በምጥን ፈገግታዋና በመርገፍ ቀሚሷ ዓለምን የምታማልለው ሞናሊዛ የኋላቀሩ ዘመን ማስረጃ ሆና ተቀድዳ የምትጣልበት፣ የፒካሶና የሌሎች በዓለም የተደነቁ የእርቃን ሴቶች ሥዕሎችና ኃውልቶች ተጠራርገው ወደ ቆሻሻ ቅርጫት የሚጣሉበት፣ የሴት ልጅን ሉዓላዊነት ያከበረ፣ ኮርማዊውን የወንዶች ዓለም የገረሰሰ፣ አዲስ የሴቶች ነፃነት ዘመን መበሠር አለበት ትላለች።

ከዚህ በፊት "ዘ ሴክስ ኦፍ ቲንግስ" የሚል አስገራሚ መሠል ይዘት ያለው በአንዲት ጀርመናዊት-እንግሊዛዊት ሪሰርቸር ዶክተር የተፃፈ አንድ ዳጎስ ያለ መፅሐፍ አግኝቼ ስገረምና የያዝኳቸውን ሁሉ የሴትልጅ አስተሳሰቦች ስሞግት ቆይቼ ነበር።

ይህን መፅሐፍ ካነበብኩ በኋላ ደግሞ ብርቱካን ከንፈርሽ፣ ብርንዶ ትንፋሽሽ፣ የዘንባባ ማር ይመስላል ፍቅርሽ፣ ፅጌረዳ ስላንቺ ልጎዳ፣ ሐር ይመስላል ፀጉርሽ፣ ሎሚ ተረከዝሽ፣ ስልታዊ ውዝዋዜሽ፣ ዓይናፋርነትሽ፣ ችቦ አይሞላም ወገብሽ፣ ካንቺ ጋር አድሬ ሲነጋ ልሙት፣ እና አንቺን ያለውን በቴስታ ጥርሱን🤩... የመሣሰሉትን የምወዳቸውን የሙዚቃ ስንኞች ከአዕምሮዬ ለማጥፋት ምን ዓይነት ላጲስ መጠቀም እንዳለብኝ በማሰላሰል ላይ ነኝ🤓!!!

ይህች ደራሲና ተመራማሪ፣ ሶስተኛው የፌሚኒዝም አብዮት ተብሎ የሚጠራውን አስተሳሰብ ያፈለቀችና ለዓለም ያስተዋወቀች ጉምቱ ምሁር ስለመሆኗ ከተለያዩ ዜና መወድሶች ለመረዳት ችዬአለሁ።

ለማንኛውም ሃሳቦቿ የያዝካቸውን የሴት ልጅ ውበት ኮተቶች ሁሉ ያስጥሉሃል። ግን ፍራቻዬ ያለንን አስጥላን... በምትኩ የምትሰጠን ውበት ምን ዓይነት እንደሆነ ደራሲዋም ራሷ በትክክል ያወቀችው አልመሠለኝም።

ሽንጥና ዳሌሽ ሲታዩን ትተን... ወደ ምን እንሻገር? ውብ የምንላትን ሴት ከየት እናግኛት? ከስንደዶ አፍንጫና ከማር ከንፈር ውጭ ያለችዋ ቆንጆ ሴት ማነች? ከወዴትስ ትገኛለች? እውን አለችስ ወይ በዓለም ላይ? ሴቶቹ ራሳቸውስ ይቀበሏታል?

ደራሲዋ የምትሰብከን ሴቶች ከሙክትነትና ከጌጥነት አሊያም ከስሜት ማስተንፈሻነት የወረደ የወንዶች አስተሳሰብ ነፃ የሚወጡባት ዓለምስ እውን በዚህ የቅርብ ዘመን ትውልድ እውን ሆና እናያት ይሆን? ...

የወንዶች አሽኮርማሚነት፣ እና የሴቶች ተሽኮርማሚነት አብቅቶ፣ ማንም ማንንም የማያሽኮረምምባትን ዓለም የምናየው መቼ ነው? መቼ ነው ያቺ የፍፃሜ (ዋንጫ) ቀን መምጫዋ? ምን ምልክትስ እንጠብቅ?

ወንድሜ (እና እህቴ🤩)... በበኩሌ ጥይቴን ጨርሼያለሁ!

በዚሁ ባበቃስ?

መልካም ጊዜ!

©Assef Hailu

"የሴት ልጅ ክብር በትጥቅ ትግልም በአደባባይ ጩኸትም አይመጣም! በቤቱ ሚስቱ የገፋችው፣ ፍቅረኛው ያቀለለችው ወንድ ሺ ሕግ፣ ሚሊዮን መመሪያ ቢወጣ ሴትን ያከብራል ማለት ዘበት ነው።"
"አባትና እናቱ ሲደባደቡና ባለመከባበር አፍ ሲካፈቱ እያየ ያደገ ሕጻን ባባቱ ሲወጣ እያዩ፣ 'ልጅ የፍቅር ገመድ ነው' ይሉናል። በጥላቻና በመናናቅ ትዳር ውስጥ የበቀለ ሕጻን የፍቅር ሳይሆን የማሕበረሰቡን ሕግና ባሕል ማነቂያ ገመድ ነው! ብዙዎች 'ዘመናዊነት' ፍዳቸውን የሚያበላቸውን ሴቶች ታዘብ እስቲ፣ መነሻቸው ፍቅሩን አሟጥጦ እየተቋሰለ የኖረ ግድ የለሽ ቤተሰብ ነው። ካልተፋቀርን ምን አወላለደን! ልጅ አሻንጉሊት አይደለም! ቃላችንን ማፅናት ሲያቅተን፣ ሥጋ ለበስ ሐውልት ቤታችን ውስጥ ተክለን ልናመልክ ይዳዳናል! 'ልጅ ወለድን' ብለን አንመፃደቅ። በልጆቻችን እናት ካልተደሰትን የልጆቻችንን ግማሽ አንወደውም ማለት ነው። እናቶች ቢሆኑ 'ለልጄ ስል እንዲህ ሆንኩ፣ ለልጄ ስል ተፈለጥኩ…'፤ እስቲ መጀመሪያ ለእኛ ለባሎቻቸው ሲሉ ይፈለጡ፣ ይቆረጡ። የልጅሽ ግማሽ አካል እኛ ባሎች አይደለንም እንዴ? እነዚህ ኮተታም ዘፈኖችና ፊልሞች በቀጥታም በተዘዋዋሪ የወንድን ልክስክስነት ለሴቶቻችን ሲሰብኩ፣ 'ታዲያ ለማን ብለሽ ነው የምትታመኚው' እያሉ ለመደዴነት ሚስታችንን፣ እህታችንን እያዘጋጇት መሆኑን ዘግይቶ ነው የሚገባን።"

"ዙቤይዳ፣ ሚስቴን አከሸፏት"
✍️በአሌክስ አብርሃም

እናቴን እወዳታለሁ ቃል የማይገድበው ስንኝ የማይቋጥረው ፍቅር እንዲህ ያለው ፍቅር ነው ከሷ ያለኝ
ከሷ ጋ ያለኝን ብጥቅጣቂ ሰአቶች በጥቂት በጥቂት እየቆነጠስኩ ነው ለልቤ ጆሮዎች የማደርሰው በእርሷ የጠራ የነፍሷ ልብ ውስጥ እንደ ልእልት መንገሴን ሳስብ ለከት አልባ ከገፅ የተሻገረ የልብ ደስታ ይለኳኩፈኛል
ጠንካራ ናት ልባም የኔ የሴትነት መለኪያ እርሷ ናት ዝቅ ስትል እንደታናሽ እህት ሲያሻኝ እንደጓደኛ ደግሞ እንደ እናት በጉያዋ ወሽቃ ገበናዬን ትሰውርልኛለች ውይ እናቴ ባትኖር ታስብለኛለች
የእናቴ ሴትነት ሴትነቴን ያስወድደኛል🤍🤍
✍ፈትለወርቅ

.....ከሰዎች ጠብቀሽ ላታገኚው ትችያለሽ፣ በወዳጆችሽ መባል ፈልገሽ አልተባልሽም ይሆናል፣ የተለየ ቦታ በሰጠሻቸው ሰዎች እንዲሁ የተለየ ስፍራ አልተሰጠሽም ይሆናል፡፡ ነገር ግን አንድ ነገር አስታውሺ የትም ሳትሔጂ፣ ማንንም ሳትመስዪ፣ ከማንም ሳትወዳጂ፣ ማንም ሳይኖርሽ፣ ምንም ሳትጨምሪ እንዲሁ ውብ ነሽ። ውበትሽም የግድ በሰዎች ሊነገርና ሊደነቅ አይገባም። ዛሬ ውብ እንደሆንሽ የነገረሽ ሰው ነገም ውብ ስለመሆንሽ እንደሚመሰክር እርግጠኛ መሆን አትችይም፡፡ አዳማቂ የማይፈልገው ውበትሽ ከትምህርት ደረጃሽ የመጣ አይደለም፣ ከስራሽ የመጣ አይደለም፣ ከቤተሰቦችሽ የመጣ አይደለም፣ ከጓደኞችሽ የመጣ አይደለም፡፡ የውበትሽ ምንጭ የአምላክሽ ልጅ መሆንሽ ነው፤ የውበትሽ መነሻ ሴትነትሽ፣ አንቺነትሽና ጥልቁ ማንነትሽ ነው።

ልንገርሸ ውብ ነሽ! እስካከበርሽው ድረስ ሴት በመሆንሽ ብቻ ቆንጆ ነሽ፤ አሁን ያለሽበት ስፍራ በመገኘትሽ ብቻ ብርቱ ነሽ፣ እንዳቅምሽ ስለተንቀሳቀስሽ ብቻ ጠንካራ ሴት ነሽ፡፡ አለም የሚያደንቅልሽን ሳይሆን በአምላክሽ መንፈስ የተቃኘውን ውስጣዊ ውበትን የሚያዩ፣ የስብዕናሽን ጥልቀት የሚመረምሩ፣ እንዲሁ አይተው የሚማረኩብሽ ሰዎች እስኪከቡሽ ድረስ ውበትሽን ለእራስ ተናገሪ፣ ጥንካሬሽን ደጋግመሽ ለእራስሽ መስክሪ። የሚረዱሽን መምረጥ፣ የማይረዱሽንም የመተው ምርጫ አለሽ። ማንም እንዲያምንብሽ ዝቅ ብሎ የመለመን ግዴታ የለብሽም፡፡ አንደኛው ውበትሽ ክብርሽ እንደሆነ አስታውሺ፡፡ ለእራስሽ ብርታትና ሃይል መሆን ትችያለሽ፤ ለእራስሽ የሰጠሽውን ቦታ በመቀየር ብቻ አካባቢሽንና የተሰጠሽን ቦታ መቀየር ትችያለሽ።


..መልካም ቀን🙏🙏

.... @Meklite21

"ስሜቶችሽን በመጠቀም ዘና ስትይ በሕይወትሽ ውስጥ እንዲኖሩ ማትፈልግያቸው ነገሮችን ጉልበት መንጠቅ ትችያለሽ . . . ሳቅ ሕይወትን ይቀይራል. .
መጥፎ ስሜት ሲሰማሽ ፀጉርሽን እየነጨሽ ለመጥፎ ስሜት ጉልበት አትጨምሪለት. . እንደሱ ካደረግሽ ፈረሱን የበለጠ ብስጭት ወዳለበት ቦታ እየጋለብሽ ነው. . እኔ ምልሽ መጥፎ ስሜቶችን የመጥላት አይደለም. .. መልካም ስሜቶችን ሆን ብሎ የመምረጥ ነው. . እናም ደግሞ ደጋግሞ መምረጥ. ..መጥፎ ስሜቶች ልትቋቋሚያቸው ስትሞክሪ ይጨምራሉ. . የትኛውንም ነገር ልትቋቋሚው በፈለግሽ መጠን ወዳንቺ የበለጠ ይመጣል። ስለዚህ መጥፎ ስሜቶች ሲገጥሙሽ ፍፁም ትኩረት አትስጫቸው።በፍፁም ልትቋቋሚያቸው አሞክሪ። ያኔ ጉልበታቸውን ትነጥቂቸዋለሽ. . . እናም 'የኔ ውድ እኔ 'ሳቂልኝ እሺ!! የሆነው መሆን ስላለበት ነው. . በሚችለው አምላክ ስር ነሽ!. . "

ከዛሬ ሶስት አመት በፊት ለመውደቅ ስንገዳገድ ለራሴ ፃፍኩት . . . ስሜቴ በተደበላለቀ ቁጥር አነበዋለው . . . ያለፍኩትን ወይም ማይታለፈውን ያለፉትን ወይም ማይታለፉ የሚመስሉትን ያሳለፈውን አምላክ ነፍሴ ውስጥ ያበራልኛል ያኔ በሃዘን ሳይሆን በትህትና ና በምስጋና ጎንበስ እላለው !!

/ትዝታ/
@BetsinaD