Milliy sertifikat kitoblarida nashr etilgan esselarimdan namunalar😉https://t.me/esse_sirlari

So’nggi yillarda mamlakatimizda aholini ijtimoiy qo’llab-quvvatlash uchun yetarlicha islohotlar olib borilmoqda. Xalq orasida bu mulohaza bo’yicha turli qarashlar mavjud. Shunga ko’ra, ba’zilar banklar orqali olinadigan foizli to’lov pullari ijtimoiy ko’makning bir turi sifatida qaralishini aytishsa, boshqalar bunday mablag’ga ega bo’lishi xalqning moliyaviy muammolari ortishiga sabab bo’lishini ta’kidlaydilar. Xo’sh, jamiyat hayoti uchun kreditlarning ahamiyati qanchalik muhim?
Bizga ma’lumki, aholisi har tomonlama to’kis yashagan mamlakat taraqqiyotga yuz tutib boraveradi. Bu borada ommaga kreditlar ijtimoiy yordam berishini ta’kidlaydiganlar bir qator mulohazalarni keltirib o’tishadi: birinchidan, biznes va tadbirkorlikni boshlayotgan ishbilarmonlar uchun qulay vositadir. Bu orqali jamiyatda ishsizlar soni ortishi oldi olinadi. Ikkinchidan, yosh oilalar va ehtiyojmand xalq vakillarining uy-joy va hayotiy zarur bo’lgan buyumlarga ega bo’lishlari uchun imkon beradi. Natijada aholining o’z hayotidan qoniqish tuyg’ulari paydo bo’ladi. Uchinchidan, ta’lim kreditlarining joriy etilganligi kam ta’minlangan oila farzandlarining ham bilimli bo’lishlari uchun ayni muddaodir. Oqibatda kelajak avlodning ilm cho’qqilarini hech qanday to’siqlarsiz egallashlariga yordam beradi. Masalan, siyosatchi olima Dilsora Fozilova (Dilsora Komil) fan doktori darajasigacha yetib borishida ta’limning barcha turida shunday kreditlardan foydalanganligini e’tirof etishi yuqoridagi fikrlarga dalildir.
Fikrlar turlicha bo’lganidek, banklardan olinayotgan turli foizlardagi pullar aholining iqtisodiy imkoniyatlarini susaytiradi deydiganlarning ham fikrlarini inkor etib bo’lmaydi. Ular mulohazalarini quyidagicha izohlaydilar: avvalo, bunday qarzdorlikning foizlari yuqoriligi aholi o’rtasida ayricha noroziliklarga sabab bo’lishi ehtimoli bo’lishi yo’q emas. Shuningdek, oyma-oy to’lab boriladigan bunday to’lovlar ishchi xodimning ruhiy holatiga ta’sir qilishi mumkin. Natijada ish sifati ko’rsatkichlari pasayishi holatlari kuzatiladi. Qolaversa, kishilar kam miqdorda mablag’ topishsa ham pullarini jamg’argan holatda “Otang bozor-onang bozor” naqliga amal qilib, zaruriy mahsulotlarini istalgan do’konlaridan xarid qilishlari ham hamyon uchun barakali bo’ladi. Jumladan, dunyo miqyosida ko’rib chiqilganda kreditlar berilishi o’zini oqlamaganligi keltirib o’tilgan. Xususan, Amerika psixologlari assosatsiyasi so’rovnomalariga ko’ra, aholining 78 foizi banklardan qarzdorlik olinishiga qarshi ekanligi isbotlangan.
Mening fikrimcha, kreditlar olish yetarlicha moliyaviy muammolarini yuzaga keltiradi. Chunki bu to’lovlarni o’z vaqtida to’lay olmasliklari natijasida oilalarda kelishmovchiliklar kuzatilib, kishilarning yashash tarziga salbiy ta’sir ko’rsatmoqda. Masalan, baxmallik tadbirkor Sherali Husanov Agrobank orqali chorva uchun kredit olganligi va belgilangan muddatda qaytara olmaganligi sababli katta miqdorda jarimaga tortilib, mol-mulki davlat hisobiga musodara qilinganligi keltirgan dalillarimga asosdir.

Xulosa qilib aytganda, kreditlar aholiga ijtimoiy himoya vositasi bo’lishi bilan birgalikda, keragicha noxushliklarni ham olib keladi, bunday foizli to’lovlardan foydalanayotganda yetti o’lchab bir kesmoqlik maqsadga muvofiqdir.


Esse muallifi: Umida Botirovna‼️ 22.12.2024 1-smena

https://t.me/esse_sirlari

Сўнгги йилларда аёллар ҳам эркаклар каби ҳар бир соҳада биргаликда фаолият олиб бораётганлигига гувоҳ бўлмоқдамиз. Шунга кўра, баъзилар мамлакатда жинслараро тенгликка қатъий риоя қилиш кераклигини таъкидлашса,бошқалар бундай баробарлик бир қатор эътирозларга асос бўлишини айтишмоқда. Хўш, истиқболли жамият учун қайси томон фикрлари муҳим?

Эркак -шоҳ, хотин -вазир,- қабилида иш тутувчилар мамлакатда гендер тенглигини сақлаб қолиш бир қатор муҳокамаларга сабаб бўлишини айтиб ўтадилар. Фикрларини эса қуйидагича изоҳлашади: Биринчидан,менталлитет нуқтаи назари ҳам оилада эркакнинг бир поғона устунлигини тасдиқлайди. Бу эса кичик жамиятда соғлом ва барқарор муҳит шаклланишига имкон беради. Иккинчидан,фарзанд тарбиясининг бошланғич босқичида онанинг эътибори муҳим масала ҳисобланади. Бундай ҳолатларда оилада мукаммал ва етук шахслар улғаяди.Учинчидан, тарихда ҳам эркаклар давлат ишлари ёки рўзғор юмушлари билан узоқ сафарларда юришганида аёллар уйда қолиб уларни маънан ва руҳан қўллаб-қувватлаб туришган.Масалан, буюк саркарда-Амир Темур ҳарбий юришлар ёки иқтисодий-сиёсий масалалар билан бошқа ҳудудларда бўлган пайтларида, унинг рафиқаси Бибихоним, фарзандлар ва неваралар одоб-ахлоқи, қолаверса, салтанатни бошқаришда ҳам маслакдош бўлганлиги юқоридаги фикрларнинг далилидир.

Фикрлар турлича бўлганидек, демократик жамият барпо этиш учун гендер тенглигини қатъий сақлаш лозим,-дейдиганларнинг фикрини ҳам инкор этиб бўлмайди. Уларнинг фикрича,бундай жараённинг ижобий томонлари етарлича. Аввало, аёлларнинг сиёсий жараёнларда тенг иштироки юртда адолатнинг мустаҳкамланишига олиб келади. Бунда халқ манфаатларига мос келадиган қарорлар қабул қилишга ёрдам беради. Шунингдек, ватан равнақида турли мулоҳазалар ва креатив ғоялар етакчилик қилади. Натижада, ҳар бир йўналишда инновацион қарашлар юзага келиши мумкин. Бундан ташқари, ҳар бир инсоннинг билимлари ва ҳуқуқлари жинсига қараб эмас, балки, қобилиятига эътибор берилиши лозим.Мисол учун, одилона сиёсий билимга эга, Ўзбекистон Республикаси Сенати раиси-Танзила Норбоева, таълимга ўзининг етук салоҳияти бн кириб келган Ҳилола Умароваларнинг иш-фаолияти келтирилган мулоҳазаларнинг исботидир.


Менинг фикримча, адолатли мамлакат барпо этишда, гендер тенглигини қатъий сақлаш муҳимдир. Чунки бундай баробарлик давлатда зўравонлик ва жиноятчилик каби муаммоларнинг камайишига ёрдам беради. Қолаверса,бундай иллатлар урчиган юртда ижтимоий барқарорлик бузилади. Масалан, Афғонистонда хотин-қизларга нисбатан зўравонликлар натижасида ўлкада ички низолар ва жиноятлар тури ортиб бораётгани фикрларимнинг далилидир.

Хулоса қилиб айтганда,жамиятда гендер тенглигини менталитет билан уйғунлаштирган ҳолда, сақлаб қолиш мақсадга мувофиқдир. Зеро, бу бир хилликни қатъий ушлаш юртнинг умумий ривожланиши ва фаровонлигига ижобий таъсир ўтказади.

Эссе муаллифи: Умида Ботировна‼️‼️

https://t.me/esse_sirlari

https://t.me/esse_sirlari

Maʼlumotni ulashishda kanal linki bilan uzating🙏
https://t.me/esse_sirlari

Esse uchun chiroyli iqtibos, maqol, kirish so'zlar🥂


🔹 ... ni takomillashtirish uchun mislsiz ko'nikmalarni egallash imkonini taqdim etadi
🔹(Yosh avlod, tadbirkorlar, ishbilarmonlar) uchun mutlaqo farqli stimullar yaratadi = ko'p imkoniyatlar ochib beradi
🔹Bu (kommunizm, gender tengligi, inson huquqi) bo'yicha durustroq g'oyalar o'ylab topish sari qo'yilgan ilk qadamdir
🔹Dono odam dushmandan ham ko‘p narsa o‘rganadi. (ARISTOFAN)
🔹Terаn dаryо tinch оqаr deganlaridek
🔹Ulug’lik yоshdа emаs, bоshdа.
🔹o'z aql-u zakovati bilan dunyo tamadduniga munosib ulush qo'shgan ... (olim, yozuvchi ismi, ajdodlarimiz)
🔹bu fikr/statistika/manba o'quvchi/insonni mushohadaga chorlaydi
🔹"......" degan fikrlari har bir insonda iftixor tuyg'usini jo'sh urdiradi
🔹qalbini ma'nan boyitish bilan bir qatorda insonni .....ga undaydi
🔹Xotin aljiydi, el aljiydi deganidek
🔹maqtov osh bilan non bo'lmagani kabi (quruq so'z haqida)
https://t.me/esse_sirlari
🔹Zero kimning aravasiga chiqsang, o'shaning qo'shig'ini ayt deganlaridek (ikkiyuzlamachilarga ishlatsak bo'ladi)
🔹Yolg'iz yigit yov olmagani kabi (hamjihatlik ustun qo'yilsa)
🔹Axir kerakli toshning og'irligi yo'q deyishadi (foydasi zararidan ustunroq)
🔹Xalqimiz "Zamoning tulki bo'lsa, sen tozi bo'l" deyishgan (holatni o'z foydasiga ishlatish)

https://t.me/esse_sirlari