⚡II smena imtihoniga kiruvchi qadrdonlar uchun ba'zi so'zlar izohi:

TAHRIR - ozod qilish; tuzatish, muharrirlik qilish; yozish, asar yozish;  Yozma ishni, asarni tuzatishlar kiritib yaxshilash, tuzatish.

TA'SIROT - Ta'sir; ta'sirlar.

TANQID - baho berish maqsadida o'rganish, tahlil qilish va shu asosdagi xulosa; Ish-harakat, faoliyat, asar, ta'limot va sh.k. ning yutuqlarini qayd etish, kamchilik va nuqsonlarini belgilash va bartaraf etish maqsadidagi muhokama, tahlil.

TAASSUROT - ta'sirchanlik, hassoslik; g'am-anduh, xafagarchilik; Ko'rilgan, his etilgan hodisa, kishi yoki narsa to'g'risida ko'ngilda, xotirada qolgan iz, tug'ilgan fikr va his-tuyg'ular majmui.

Manfaatli bo'lsin!

+70 esse yozmoqchi bo'lsangiz, mana shu strategiyadan foydalaning👇

Kirish qism uchun
1.Hozirgi kunda,
2.So’nggi yillarda
3.Ko’pchilikka ma’lumki
4.Jamiyatimizda keng muhokama qilinayotgan masalalardan bir bu…

Asosiy qism
(1-band) uchun
Birinchi qarash tarafdorlarining fikriga ko’ra,
Birinchidan,
Ikkinchidan,
Aslida,
Darhaqiqat,
Shubhasiz,

Asosiy qism


(2-band) uchun
1.Har narsaning bahosi uning ziddi bilan o’lchanganidek,
2.Bu masalaga boshqa tomondan qarasak,
3.Tarozining ikki pallasi bo’lgani kabi,
4.Avvalo,
5.Jumladan,
6.Shuningdek,
7.Har narsaning aksi bo’lganidek

Shaxsiy qarash uchun
1.Mening shaxsiy nuqtayi nazarimdan kelib chiqadigan bo’lsak,
2.Mening fikrimcha
3.Bu borada shaxsiy qarashim quyidagicha
4.Hayotiy tajribalarimga tayanib aytadigan bo’lsam,
5.Shaxsiy kuzatuvlarimga ko’ra

Xulosa qism uchun
1.Muxtasar qilib aytganda, 2.So’ngso’z o’rnida shuni aytish lozimki,
3.Yuqorida keltirilgan fikrlardan kelib chiqib shuni aytish kerakki, 4.O’ylashimcha,
5.Shunday qilib

Dalil keltirish uchun
1.Statistik ma’lumotlarga tayanib, 2.Tarixiy manbalarga ko’ra, 3.Tadqiqotlar shuni ko’rsatadiki, 4.Mutaxassislarning fikricha
5.Bunga isbot sifatida…. ni keltirish mumkin.

1-smenada tushgan qit'a va uning tahlili

Quloqda asra garonmoya so‘zni-yu fikr et
Ki, dursiz o‘lsa, ne bo‘lg‘usidur sadaf holi.

So‘zungni dag‘i ko‘ngul ichra asrag‘ilkim, hayf
Kim, uyla durjni guhardin etkasen xoliy.

Nasriy bayoni:

  Qimmatbaho so‘zni quloqda asra, fikr et. Sababki, dursiz sadaf qay holga tushadi, sen sadafsan - so‘z dur. So‘zingni ko‘nglingda saqla, uni hayf etmagin. Uydan qimmatbaho toshlar saqlanadigan sandiqni olib chiqsa nima bo‘ladi? Bu sandiq va ikki sadafni dur bilan to‘ldirish qanday yaxshi, voh, oliydan-da oliy gavharlar-ku bu!

  Bir gapga quloq solmaslik insonning fitratida bor narsa. Oqillargina suhbatdoshini suhbatin oxirigacha eshitadi. Navoiy fikricha, sening foydangga aytilayotgan oltindan qimmatli so‘zlarga quloq sol, fikr et. Qalbingga jo ayla. Qulog‘ing ham tafakkuring ham sadafdir. Uni durlar bilan to‘ldir. Qalbing esa shu sadaflar turadigan sandiq. Uni ochiob qiymatini tushirma.

@esse_darslari

19-aprel esse mavzusi: (2-smena)

✍ Oʻzbekistonda taʼlim samaradorligini oshirish boʻyicha bir qator islohotlar amalga oshirilmoqda: Jamiyatning ayrim vakillari taʼlimga boʻlgan eʼtibor ruhiy bosim va tahlikalarga sabab boʻlishini taʼkidlaydilar, ayrim vakillar esa taʼlimni hayotiy zarurat hisoblab, yangi takliflarni taqdim etmoqda.

▪️Bugungi kunda O‘zbekistonda ta’lim tizimini zamon talablari asosida takomillashtirish bo‘yicha keng ko‘lamli islohotlar amalga oshirilmoqda. Bu jarayon davlat siyosatining ustuvor yo‘nalishlaridan biriga aylangan. Ta’lim sifatini oshirish, yosh avlodni raqobatbardosh va bilimli etib tarbiyalash jamiyat taraqqiyotining kafolatidir. Biroq bu boradagi sa’y-harakatlar jamiyatda turli munosabatlarga sabab bo‘lmoqda — ayrimlar bu bosqichdagi jarayonlarni ruhiy bosim sifatida baholasa, boshqalar esa bu islohotlarni ijobiy qabul qilib, o‘z takliflarini ilgari surmoqda.

▪️So‘nggi yillarda oliy ta’lim muassasalariga kirish imkoniyatlari kengaytirildi, zamonaviy maktablar barpo qilindi, o‘qituvchilarning mehnat haqlari oshirildi. Shuningdek, “Maktab ta’limini rivojlantirish” agentligi faoliyati yo‘lga qo‘yilib, ta’lim sifatiga oid muammolarga tizimli yondashuv kuchaytirildi. Bu o‘zgarishlar orqali davlat ta’limga e’tibor qaratayotganini ko‘rish mumkin.

▪️Shu bilan birga, ba’zi ota-onalar, o‘quvchilar va hatto pedagoglar bu jarayonlarni stress, bosim va haddan tashqari yuklama deb hisoblaydi. Uzoq davom etadigan darslar, ko‘plab uyga vazifalar, test sinovlari yoshlar salomatligi va psixologik holatiga salbiy ta’sir ko‘rsatmoqda. Ijtimoiy tarmoqlarda bolalarning dam olishga, ijod qilishga va oilaviy vaqtga ega emasligi ko‘plab muhokamalarga sabab bo‘lmoqda.

▪️Boshqa bir tomondan, ijtimoiy faol shaxslar, mutaxassislar va ota-onalarning bir guruhi esa bu islohotlarni hayotiy zarurat deb bilmoqda. Ularning fikricha, bugungi raqobatbardosh dunyoda o‘z o‘rnini topish uchun har bir inson chuqur bilimga, keng dunyoqarashga ega bo‘lishi lozim. Masalan, IT, chet tillari, muhandislik yo‘nalishlariga bo‘lgan talab ortib bormoqda. Bu esa ta’limga sarmoya qilishni hayotiy ehtiyojga aylantirmoqda.

▪️Shaxsan men bu ikki fikr orasida muvozanat bo‘lishi tarafdoriman. Ta’lim – jamiyat taraqqiyoti uchun muhim omil, biroq bu yo‘lda bolalar va yoshlarning ruhiy salomatligi e’tibordan chetda qolmasligi kerak. Ta’lim jarayonlari interaktiv, qiziqarli, ijodiy yondashuvlarga boy bo‘lsa, ham o‘quvchilar, ham ota-onalar bu tizimni ijobiy qabul qiladilar. Ta’limdagi yuklama me’yorida bo‘lishi, farzandlarning shaxs sifatida shakllanishiga to‘siq bo‘lmasligi lozim.

▪️Xulosa qilib aytganda, ta’lim sohasidagi islohotlar – mamlakat kelajagiga qilingan sarmoyadir. Biroq bu jarayonda o‘quvchilarning ruhiy va jismoniy holati e’tibordan chetda qolmasligi kerak. Maktab dasturlarini optimallashtirish, o‘qitish usullarini zamonaviylashtirish, dam olish va ijodga vaqt ajratish kabi chora-tadbirlar bilan bu muvozanatga erishish mumkin. Shundagina ta’lim islohotlari chinakam samaradorlikka erishadi va jamiyat tomonidan to‘liq qo‘llab-quvvatlanadi.

@esse_darslari