(Esse)Ona tili va adabiyot TIME oilasi

#esse namuna
Barchamizga ma’lumki, har qanday ta’lim tizimida baholash alohida o’rin egallaydi. U o’quvchilarning darajasini aniqlash , rag’batlantirish va o’qish jarayonini yaxshilash uchun xizmat qiladi.Ayrimlar test orqali baholash yaxshi samara berishini aytsa, qolganlar esa an’anaviy baholash shakli tarafdori . Aslida-chi, o’quvchilarning bilimni baholashda qaysi tanlov samaraliroq?

Bir tomondan olib qaraganda, test orqali baholash kerakligini aytuvchilarning ham o’ziga yarasha sabablari bor. Bu orqali o’quvchilar bilimini tez va aniq baholash imkoni vujudga keladi. Tanlangan javoblar asosida natijalarni avtomatlashtirilgan holda hisoblash mumkin. Bu esa o’qituvchilar uchun juda qulay.Shuningdek,testlar keng miqyosda mavzularni o’z ichiga olishi mumkin, bu esa turli bilimlarni baholashga yordam beradi. Hozirgi kunda maktablarda takrorlash mavzularda testlardan keng qo’llanilmoqda. Negaki har bir o’quvchidan birma -bir so’rashga vaqt yetmay qolishi mumkin. O’tilgan mavzular yuzasidan testlar orqali o’quvchining bilimini tekshirish tez va oson baholash imkonini beradi.

Tanganing ikki tomoni bo’lganidek , an’anaviy baholash shaklini tanlovchilarning ham o’ziga yarasha sabablari bor.Bu usul yozma ishlar yoki proyektlar orqali o’quvchilarning chuqur fikrlash va mantiqiy tahlil qilish ko’nikmalarini baholashga imkon beradi. Bu bolalarning mantiqiy tahlil qilishi,mustaqil fikrlashi va ijodkorligini baholash uchun mos. Bu orqali o’quvchini jamoat atrofida o’z mustaqil fikrini bildirishga o’rgatish ham mumkin.Shuningdek,an’anaviy baholash usulida o’qituvchi har bir o’quvchining ishini individual ravishda ko’rib chiqishi va buning natijasida o’quvchini shaxsiy fikrlashga undashi mumkin.Mustaqil fikr bildira oladigan inson kelajakda o’z o’rnini topishda qiynalmaydi.

Mening fikrimcha , baholash test shaklida bo’lgani ma’qul. Masalan ,fanlararo bo’ladigan milliy sertifikat imtihonini olsak.Bunda o’quvchilar bilimini aniqlash uchun test tizimidan keng foydalanmoqda. Negaki shu shaklda subyektivlik kam bo’ladi, testlar esa kompyuterlarda tekshiriladi. Shunda adolat barcha uchun birdek xizmat qiladi. Amir Temur bekorga: “Kuch -adolatda” ,-deb aytmagan.

Xulosa qilib aytganda,og’zaki va yozma olinadigan imtihonlarga qaraganda avtomatlashtirilgan baholash usulidan foydalanish afzalroq. Test tizimi ishonchli va tez . Bu orqali anchagina vaqtni tejash mumkin. Shunday ekan , bunday baholash tizimi sifatli kadr tayyorlash uchun alohida o’rin tutadi.

Milliy sertifikat uchun juda kerakli ma'lumotlar, testlar va qo'llanmalarni mana bu kanaldan olasiz.👇

https://t.me/milliysertifikat_Abdusaid

Mukammal esse namunalari, esse stragyalarni, kerakli tavsiyalarni mana bu kanaldan olasiz👇

@esse_Abdusaid

Youtubedagi kanalimizdan 40 dan ortiq mavzularni jamlagan holatda mukammal darslarni joylaganmiz, qiynalgan mavzularingizni ko'ring va muammolaringizni bartaraf eting👇

https://www.youtube.com/@milliysertifikatAbdusaid

Obuna bo'lib oling.

7.4K viewsedited 00:28