طول مانت مقتنع إنَّها مش هتتحل هي فعلًا مش هتتحل!
سيدنا عبد الله بن مسعود يقول "البلاء مُعلَّق بالنُطق به"
وافتكِر إن "كُل مُتوَقَّع آتٍ"
ربنا سبحانه و تعالى يقول (فَمَا ظَنّكم بِرَبّ العَالمِين)
خلّي ظنك بربنا خير مهما كانت الأمور مُعقَّدة

وتأكد تمامًا إن ربنا هيراضيك فالوقت الصح بالحاجة اللي نفسك فيها.

لما ربنا قال في سورة الحشر آية ١٩:

﴿نَسُوا اللَّهَ فَأَنسَاهُمْ أَنفُسَهُمْ﴾

ممكن تستغرب يعني ايه الإنسان ينسى نفسه
المقصود مش انه ينسى اسمه او هو مين
لكن لما الإنسان ينسى ربنا ويغفل عنه يبدأ ينسى مصلحة نفسه الحقيقيه
ممكن يجري ورا شهوته عشان يبسط نفسه
ويعمل الذنب عشان يريح نفسه
ويسيب الطاعه عشان ميتعبش نفسه
وهو مش واخد باله انه بكدا بيضر نفسه
وهنا عمق الآية
انك ممكن تعيش طول حياتك فاكر انك بتعمل كل حاجه عشان نفسك
وفي الحقيقه تكون انت أكتر واحد ناسيها
وعشان كدا الآية قالت

﴿نَسُوا اللَّهَ فَأَنسَاهُمْ أَنفُسَهُمْ﴾

كأن من أشد العقوبات على الإنسان
انه يفضل فاكر نفسه
وهو في الحقيقه ناسيها

ربنا مقالش في البداية لسيدنا آدم "متاكلش"
ربنا قاله أول حاجة (لا تقرب) لإن لو قربت أكيد هتاكل، فلازم تبعد عن مصدر المعصية ومتقربش لإنك ضعيف.
احترم ضعف قلبك.. إحترم ضعفك كَكُل .")

د. أحمد عبد المنعم

حقيقى لو فكرنا للحظه و فكرنا صح هاندرك

ان ربنا مدينا حاجات كتيير اوى لدرجه احنا ممكن منتخيلهاش
أبسطهم اننا صحينا من النوم النهارده
لان الصحيان من النوم دا فى حد ذاته فرصه اصلا ونعمه عظيمه اوى
يعنى هوا حد فينا يطول اصلا ربنا يديله فرصه لتوبه زى دى؟
فى ناس بتموت ومش بتلحق تتوب!
تخيل تنام تصحى تلاقى نفسك بتُسأل فى قبرك خلاص
صعبة أوى دى !!
لو كل واحد فكر فى النعم العظيمة دى الى كلنا مفكرين إنها بسيطة ومعتادة لانها متكرره او شبه دايمه معانا اصلا
و هايعمل اى لو فقد واحده بس منهم؟
ألسنتنا مش هاتبطل تحمد ربنا بجد
لو احنا مدركين فعلا اهمية النعم دى وعظمتها ؟
مش هتبطلو تحمدو ربنا ابدا!

الحمد لله الذى أنعم علينا بنعمه 🤎
الحمد لك يارب حتى ترضى🤎
الحمد لله كما ينبغى لوجهه وعظيم اكرامه 🤎

انت مش مخلوق علشان الدنيا...لو أخدت كل الدنيا مش هترضی ..
عایزین الدنيا ولا الاخره؟ ، إظبط البوصله

م/ أحمد عامر

قال سُفيان الثوري -رحمه الله-:

جلست يومًا أُحصِي ذنُوبي فإذا هي آلاف، فجعلتُ أقول: يا سُفيان! تقف بين يدي الله؛ فيسألك عن آلاف الذنوب؟ ماذا ستقول؟ والله لَيسقُطَن لحمُ وجهِك؛ خجلًا وأنت تعرِض قبائحك على الله... يا سفيان! هذا ما تذكَّرته، فكيف بما أحصاه الله ونسيتَه أنت؟

إذا رأيت الله يُجري عليك الأقدار التي لا تحبها،
فتذكر أن الطبيب قد يؤلم المريض ليعافيه.
​فليس كل ما يؤلمك شراً،
وليس كل ما تتمناه خيراً.
​وكم من نعمة جاءت في ثوب بلاء، وكم من خير
أخفاه الله لك خلف أمر ظننته شراً.
​

{وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ}

فاكر لما كنت بتصلي وبتقرأ قرآن وعلاقتك بربنا كويسة وكنت حاسس بقلبك بيضحك ووشك منور وكنت مستعد تقابله ، فينك دلوقت !

مش ناوي ترجع زي زمان !