#тўйга_тўёна_билан
#янги_китоб

Хайрли кун🤝

Тил сақланиб қолиши учун унда камида бир миллион киши сўзлашиши лозим, дейишади. Қарангки, ўзбек тилида ҳам кам эмас, кўп эмас 50 миллион киши сўзлашар экан.

Аммо туриб-туриб, қанийди, нариги маҳалладаги ажнабий ўртоғим ҳам ўзбекчани ўрганса, яқин ўртоғим (дугона, дўстим) ҳадеб бошқа тилни мақтайвермай, она тилимизни ҳам севса, шунда эллик-олтмишдан ўтиб, юз миллионни мўлжаллармидик, деб энтикиб қўясан...

Хаёлпарастлигингни кўриб, "Ўзбекчани ўргатадиган тузукроқ қўлланма йўқ-ку!" деб оғзингни юмишса, "Академнашр"да
(@akademnashr) чиққан "Ўзбек тили. Хорижликлар учун интенсив курс"ни шап этиб олдига ташлаб, "билағон" суҳбатдошни мот этасан-қўясан.

Мавзулаштирилган йигирма дарс нафақат хорижликларга, яна ўзбекчани бузиб-янчиб, бундан сира уялмай сўзлашадиган ўзимизникиларга ҳам ёрдам бермай қўймайди.

Тил ўрганиш фойда, лекин энг аввал она тилини мукаммал, тўлиқ ўрганган ютади!

Муаллифлар: Гулчеҳра Рихсиева, Меҳрибон Абдураҳмонова

➡️@sharq_xabar