JJ Talk бағдарламасына дайындық басталып кетті. Назарларыңыз @jibek_joly.tv телеарнасында болсын.

Сонымен қатар жаңа жобамыз басталады. Ол туралы алдағы уақытта хабарлаймыз.

Достар. Жылқы жануарына деген қызығушылығымды өздеріңіз жақсы білесіздер. Астанамызда ат спортының дамуына, тұрғындардың қызығушылығын тудыруға қадамдар жасап жүрміз. Әсіресе, журналист қауымының біразының атқа мінуіне себепкер болдым десем қателеспеймін.

Менің ойымша, жылқыға деген қызығушылық тек мінумен ғана шектелмеу керек. Ат спортының дамуына жан жақты қолдау көрсетуіміз керек.

Осыдан, 1 жыл бұрын Jibek Joly телеарнасында жобамызды бастар алдында, достарым «Ұлы Дала Жорығы» ат марафонына қатысуға шақырды. Негізінде 1300 шақырымды жүріп өтуім керек еді, бірақ телеарнадағы жобамызды реттеу үшін тек 100 км атпен 8,5 сағатта жүріп өттім. Шынын айту керек, ерекше әсер етті. Тіпті біраз заттарға басқаша көзқарас қалыптастыра бастадым.

Осы жолы да, танымал медиа-менеджер достарым Alibek Aldeney және Baqytzhan Turlybek «Ұлы дала жорығы» марафон-бәйгесінің екінші маусымын өткізейін деп жатыр. Былтыр бастаған кезде әлі есімде, кейбір әкімдердің сенімсіздік танытқанын көрген едім. Биыл керісінше, командаларын жақсылап дайындап, ертерек келіп жатыр екен.

Жорық 6 қыркүйекте сағат 14:00-де Қаражар (Ильинка) ауылында бастау алады. Ал 5 қыркүйекте елордадағы «Қазанат» ипподромында 18:00-де республикалық ұлттық спорт түрлерінің фестивалі аясында қатысушылар мен қонақтар үшін арнайы дайындалған Жорықтың тұсаукесері (презентация) өтеді.

P.S. «Ұлы Дала Жорығы» («Тур Великой Степи» – орысша) – Қазақстан аумағында өткізілетін, ал жалпы қашықтығы 1300 шақырымды құрайтын әлемдегі тұңғыш ат марафоны. Марафон Қазақстанның бос жатқан ен даласында, шөлейт жерлерінде, яғни ауа-райының күрт құбылуы жиі орын алатын климаттық аймақтарында, температура айырмашылығының табиғи жағдайында өткізіледі.

Марафонның бірегей ерекшелігі – жалпы сынақ уақытына арналған жарысты өткізудің командалық принципі.

📣Тікелей эфир. https://www.facebook.com/jibekjolytv/videos/2496646823827823/

Соңғы күндері тағайындаулар болуда. Әрине кейбір тағайындалған басшыларға сұрақтар баршылық.

Бірнәрсені нақты түсіну керек. Кез-келген мемлекеттік қызметкердің халық алдындағы жауапкершілігі болады. Жауапкершілік дегеніміз - абырой. Ал, Абыройды сатып ала алмайсың. Ол еңбекпен, тер төгіп қызмет етуіңмен келеді. Жылдар бойы жинайсың. Жалпы абырой қай салада болсаң да жинауға тура келетін бағасы жоғары зат.

Мысалы, АҚШ-да егер конгрессмен абыройын (имидж) жоғалтатындай іс-әрекет жасаса, және ол әрекеті ақпарат құралдарына жарияланып бүкіл халық біліп жатса, ертесінде сол конгрессмен ерікті түрде жұмыстан шығаруға арыз береді.

Ал Жапонияда, дәл сондай жағдай болса депутат немесе мемлекеттік қызметкер бүкіл халықтан кешірім сұрап, тіпті түрмеге өз еркімен отырып, мойындап жатады.

Менің ойымша, бұл саясаттың ең таза түрі. Яғни, айтқан сөзіңе, істеген ісіңе жауап беру. Бұл ерлік. Ер азаматтың ісі.

Біздің мемлекеттік қызметкерлер, депутаттар осы іс-әрекетті үйренсе және оны көрсетіп жатса бұл шынымен біздің саналы түрде мәдениетіміздің өскенін байқатады.

Ал қазіргі кезде, керісінше тәкәппарлану, ерегіс, өз абыройын сақтап қалу үшін бәріне барады. Сәл ойланып сабыр етіп, дұрыс іс-әрекет жасаса 100 есе артық екенін түсінген абзал.

Жақында “Ұлы дала жорығы - 2023” ат марафонының алғашқы кезеңіне қатысып қайттым. Әрбір кезең 50 км. Былтыр 1 күнде 2 кезең 100 км-ге шауып қайтқанбыз. Биыл түстен кейін басталған соң жартысын ғана жүрдік. Бір жағынан әңгімелесіп, аттарымызды сынап қайттық. Екінші жағынан ат марафонына әр облыстан келіп қатысып жатқан командаларға сәттілік тілеп шығарып салдық.

Осы жолы ұйымдыстырушылардың жоғары деңгейдегі дайындығын байқадым. Сапа тұрғысынан екі есеге артқан. Қонатын жерден бастап, аттың жолда ішетін суын жеткізу механизміне дейін өзгеріс бар. Мықты.

Қысқасы, мұндай жобаның өміршең болуы маңызды. Ұлттық тұрғыдан берері көп. Жылқысы бар қазақтың намысты болатыны сөзсіз. Әрбір қазақтың үйінде бір-бір арғымақ болатын күнге жеткізсін.

P.S. Айтпақшы, Республика партиясының төрағасы Айдарбек Қожаназаров, Аманат партиясының атқарушы хатшысы Дәулет Кәрібек және жақында ғана Президент әкімшілігі коммуникация бөлімінің жетекшісінің орынбасары болып тағайындалған Әлібек Әлденей төртеуіміз 20-шы команда болып шықтық. Соңғы шықсақ та, 50 км 4 сағаттың ішінде жүріп өттік. Жол қысқарды, біраз саяси әңгімелердің бетін шалдық)).

Келесі жылы басқа да партиялардың жетекшілерін шақырған дұрыс па екен деп ойланып қалдым, бірақ олардың көбісінің парламентте де дауысы шығып жатқан жоқ).

Кез келген шенеуніктің жазылмаған миссиясы халықты біріктіру болса,

Кез келген шенеунік сөзіне абайлап, мән беріп сөйлеп үйренсе,

Кез келген шенеунік, салқынқанды әрі эмоцияға берілмейтіндей болса,

Кез келген шенеунік шешім қабылдаудан қорықпай, жауапкершілікті ала білсе,

Кез келген шенеунік халықтың алдында берген уәдесінде тұра білсе…

Біз дамудың шын жолына түсер ме едік…

Президент Қазақстан БҰҰ Жарғысы негізінде соғыс қимылдарын дереу тоқтатуды және бейбіт келіссөздерді жақтайтынын атап өтті.

В общении с прессой по итогам встречи с канцлером ФРГ Шольцем президент Токаев направил сигналы по всем возможным векторам:

- в Украинском конфликте - необходимо немедленно прекращать военные действия и переходить к мирным переговорам;
- у Казахстана нет опасений относительно территориальных претензий со стороны России;
- тем не менее, Казахстан не будет нарушать санкционный режим в отношении России.

Бізде қоғамда адекватты ойлана алатын, адекватты пікірін білдіретін, шынайы жұмысын істейтін адамдар көбірек болған кезде өзгеріс болатын шығар. Оған әсер ететін білім жүйесі. Біздің қоғам сапалы болуы үшін білім жүйесіне толық өзгеріс керек.

Қазір қоғамға да ренжи алмайсың, себебі біздің жылдар бойы қалыптасқан сапасыз білім жүйесінің нәтижесі. Жасанды заттар көп жасалады білім жүйесінде. Кім үшін, не үшін деген сұрақтарға нақты жауап берілмейді…

Жуырда…

Жаңа жоба. Сәттілік тілеп қойыңыздар, достар!

Көпшілікке жариялайтын уақыт келді 😎.

Уәде беру! Жауапкершілік! Ашықтық. Халықпен байланыс орнату.

Көптен жүрген идея еді. Себебі шенеуніктердің біразына анализ жасап көрдім, Президенттің берген тапсырмасын және халыққа берген уәделерін орындау бойынша баяу қимылдау байқалады. Ал уақыт болса өтіп жатыр…

Сонымен, бұл авторлық жобамыздың негізгі мақсаты мемлекеттік және жергілікті органдардың басшыларынан уәде алу немесе берген уәдесін сұрау.

Назарларыңыз, JIBEK JOLY телеарнасында болсын. Қандай да бір ұсыныстарыңыз болса ашықпыз. Өздеріңізден қолдау күтемін!

УӘДЕ жобасының алғашқы қатысушысы Абай облысының әкімі Нұрлан Ұранхаев.

Жұма. 21:30 / JIBEK JOLY телеарнасы.

Ұлыбритания халқы бір елдің тағдыры үшін шынайы ниетпен митинг жасағаны, бұл елдің қоғамдық санасының жоғары екенін көрсетеді…

Шын мәнінде адамдар арандатушылыққа, әділетсіздікке, соғысқа қарсы. Арандатушылықтың нәтижесінде кішкентай балалар, аналар, қарапайым халық зардап шегіп жатқанын көріп отырмыз.

Тіпті CNN сияқты ірі ақпарат көздері фейк таратып, кейін кешірім сұрап үлгерді. Әлемде қазір өте қиын жағдайлар орын алуда. Солтүстік Корея мен Оңтүстік Кореяда сәл үрлесе тұтануға дайын тұр.

👤Ерболат Мұхамеджан

«MAQSUT NARIKBAYEV UNIVERSITY» АҚ
Басқарма төрағасының орынбасары, тележүргізуші