تمنيت الاصابع كون ألف بالأيد
لان بيه ندم مو مال أعض خمسه

قسيت آني
وچنت مجبور
أبينلك الحب هَين
ردودك علمتني
الألم بس ينعاش
مامسوحله يبين!

يا كل البگلبي
و انت لو ما بي چان هسه اني خالي
و كلشي ما عندي.

بيهــآ عناد روحي
وي الهوا من يفوت
اذا يثكل عليه للموت ماشمه.

المايحبك من تحب ليش يغار
وليش بحياته يريدك تضل تذكار
الجان يحضنك مو يحبك
محتااج !!
البردان رايد يدفه يحضنها النار.

الهوى يلتم علية منين ما ذكروك
وادگ رجلي واظل بعازة الخنكة

واغص بريحتك ما گمت اغص بالزاد
المفارگ النسمه العابره تغرگه .

نفرض شگگتهن خاف ما اطيب
شگ الثوب فوگ الميت شفاد ؟

ثلاث سنين طيفك لو ادري يغيب
چا ما خيطت راسي ويه المخاد.

الحچي الچنت محتاجه منك
سمعته بصوت مو صوتك.

لا تمد روحك نهر
ما يشربونك بعد همهم يعبرونك

ونَرجع بس بشرط !
تَرجع مثل ماريد
ولو ما نَرجع افضل ما اتمنَاها
گلمن وحدة
أذتنَي ! بس مرتاح
لازم تنتهي العله وچوينَاها
وعدلين نتلاكَة السالفة انسَاها
كبر يوصل كبر فَضت گطعناهَا

چلبلك بواحد باله مرتاح
انا واحد متت من الحَرامات ..

وحسَبالي گذلتج
ما جايسها غير المَاي
ثاريها چنازة
الرافعيَها هواي

تگلي احبك
بالشقة وتندم عليها
انتَ تدري !
اني باني احلام
على الكلمة الچنت تتشاقة بيها

خَل نتبادل انا وياك
الادوار
واغيب وانتَ
ضل اسئل عليه
وافرض تگدر تنام
فنك تفز ما حلمان بيه

اخاف اشتاكلك والكاك ما عايز
واخاف !
اخاف من البصدري البعده ماجايز
واخاف كبال عينك
نظره مني تصير
تشبه نظره الخسران للفايز

شمرتك لليشبهك زحمة تبقى وياي.

چزت روحي والمطروقة عفناها.

تاجر مكتفي وشاركتك المحصول
تتشرط عليه انوب فوگاها ؟