Քութայիսիում զինված տղամարդը ներխուժել է «Վրաստանի բանկի» մասնաճյուղ՝ պատանդ վերցնելով շուրջ 12 այցելուների ու աշխատակիցների։

💰🚁🇷🇺 Հարձակվողը պահանջում է 2 միլիոն դոլար, ուղղաթիռ, sprinter մեքենա, կարթ, ռուսական դրոշ

update 23:50 _ Վրաստանի ՆԳՆ հաղորդմամբ՝ զինված տղամարդը ձերբակալվել է, պատանդները ազատ են արձակվել։

Դոնեցկի և Լուգանսկի շրջաններում սեպտեմբերի 24-ից 27-ը Ռուսաստանին միանալու հարցով «հանրաքվեներ» են նախապատրաստվում. որոշման մասին հայտնել են ինքնահռչակ Դոնեցկի և Լուգանսկի «ժողովրդական խորհուրդները»: Նման որոշում է կայացրել նաև Խերսոնի մարզի՝ ռուսական բանակի կողմից օկուպացված տարածքի նոր ռազմաքաղաքացիական վարչակազմի ղեկավարությունը:

Կիևն ու Արևմուտքը հայտարարել են, որ այդ «հանրաքվեների» արդյունքները որևէ պարագայում չեն ճանաչելու։

Հիշեցնենք, որ Դոնեցկի և Լուգանսկի  անկախությունը Ռուսաստանը ճանաչել էր փետրվարի 24-ին՝ պատերազմ սկսելուց ժամեր առաջ։

«Սեպտեմբերի 20-ին, որոշակի պարբերականությամբ, Ադրբեջանի ԶՈւ ստորաբաժանումները խախտել են հրադադարի ռեժիմը` հայ-ադրբեջանական սահմանի արևելյան ուղղությամբ կիրառելով հրաձգային զինատեսակներ: Ժամը 22:30-ի դրությամբ իրադրությունը սահմանին կայուն է, կրակոցներ չկան», - հաղորդել է պաշտպանության նախարարությունը։

Սյունիքի մարզի Ներքին Հանդի գյուղապետն ավելի վաղ Սպուտնիկ Արմենիային ասել էր, որ երեկոյան հակառակորդը կրակ է բացել ինքնաձիգներից և խոշոր տրամաչափի զինատեսակներից։ Կրակը տևել է մի քանի րոպե։ Այս պահին իրավիճակը հանգիստ է։

❗️Պուտինը Ռուսաստանում մասնակի մոբիլիզացիա հայտարարեց

Վլադիմիր Պուտին - Զորակոչի կենթարկվեն այն քաղաքացիները, որոնք ներկայումս գտնվում են պահեստազորում ու առաջին հերթին նրանք, ովքեր ծառայել են, ունեն հատուկ զինվորական մասնագիտություն և համապատասխան փորձ։

Սերգեյ Շոյգու - Ուկրաինայում սկսած «հատուկ ռազմական օպերացիայի» հետևանքով ռուսական կողմն ունի 5937 զոհ։ Հայտարարված մասնակի զորահավաքի ժամանակ ընդհանուր առմամբ զորակոչվելու է 300 հազար պահեստազորային։

Զորահավաքի մասին օրենքի համաձայն՝
— Պետդումայի բոլոր պատգամավորները և սենատորները ենթակա չեն մոբիլիզացիայի։
— Զինվորական ծառայության հաշվառված քաղաքացիներին, զորահավաք հայտարարելու պահից սկսած, արգելվում է լքել բնակության վայրը՝ առանց զինկոմիսարիատների, դաշնային գործադիր մարմինների թույլտվության։

Առավոտյան Եռաբլուրում բերման են ենթարկել 44-օրյա պատերազմում զոհված զինծառայողների հարազատներին, որոնք գիշերը զինվորական պանթեոն էին գնացել՝ արգելելու վարչապետ Նիկոլ Փաշինյանի և նրա թիմակիցների մուտքը։ Նախքան պաշտոնյաների ժամանելը ոստիկանները փորձել են բացել ճանապարհը, ընթացքում՝ բերման ենթարկել փողոցը փակած ծնողներին։

Եռաբլուրից, ըստ ոստիկանության, 37 անձ է տարվել բաժիններ։ Քիչ անց նրանք ազատ են արձակվել և վերադարձել պանթեոն։

«Իրազեկ քաղաքացիների միավորումը» դեպքի առթիվ հանցագործության մասին հաղորդում է ներկայացնել։

Ռուսաստանում զորահավաք է հայտարարվել: Քրեական օրենսգրքի փոփոխությունները, որոնք նախօրեին հապճեպորեն ընդունվել են Ռուսաստանի խորհրդարանի ստորին պալատի կողմից, շուտով կհաստատվեն և ուժի մեջ կմտնեն․ այսպես կոչված «հատուկ ռազմական օպերացիային» մասնակցելուց հրաժարվելն այսուհետ կքրեականացվի։

Ուկրաինայի՝ ռուսական բանակի կողմից օկուպացված շրջաններում առաջիկայում «հանրաքվեներ» են անցկացվելու․ Դոնեցկի, Լուգանսկի, Խերսոնի և Զապորոժյայի մարզերի բռնակցումից հետո ռազմական գործողություններին, այժմ՝ արդեն օրինական, կներգրավվեն նաև պարտադիր ժամկետային զինծառայողները։

Ի՞նչ է սպասվում պահեստազորայիններին, պայմանագրայիններին, ժամկետայիններին և զորակոչիկներին

«Սուրմալու»-ում կրկին արտակարգ դեպք է տեղի ունեցել: Քամու հետևանքով փլուզվել է կիսաքանդ պատը:

Նախնական տվյալներով կա 3 վիրավոր. ԱԻՆ մամուլի քարտուղար

Հակապատերազմական հայտարարությունը՝ ստորագրված 224 հայաստանցիների, ադրբեջանցիների և այլ երկրների քաղաքացիների կողմից, հրապարակվել է սեպտեմբերի 18-ին։ Ադրբեջանական Feminist Peace Collective-ի հայտարարությունը տարածվել է դրանից մի քանի օր առաջ՝ սեպտեմբերի 14-ին։

Վերահրատարակում ենք դրանք ուշացումով և միասին

Իսկ երբ մտածողությունդ իներցիայով է, բանակն էլ է սովետական, դպրոցն էլ:

Որովհետև հիմքում ընկած է իշխանության հանդեպ ակնածանքը

❗️Սեպտեմբերի 21-ին, ժամը 20:00-ի սահմաններում Ադրբեջանի ԶՈւ ստորաբաժանումները ականանետերի և խոշոր տրամաչափի հրաձգային զինատեսակների կիրառմամբ կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:

Հայկական կողմից կա մեկ վիրավոր:

Ժամը 21:30-ի դրությամբ իրադրությունը սահմանին կայուն է, կրակոցներ չկան. ՊՆ մամուլի խոսնակ

«Քիչ առաջ վիրավորում ստացած զինծառայողի կյանքին վտանգ չի սպառնում», - ասել է ՊՆ մամուլի քարտուղարը։

Սեպտեմբերի 22-ի գիշերը Ռուսաստանն ու Ուկրաինան գերիների լայնածավալ փոխանակում են իրականացրել։ Մոսկվան Կիևին է հանձնել 215 ուկրաինացի ռազմագերիների, այդ թվում՝ Մարիուպոլի «Ազովստալ» գործարանից գերեվարված «Ազով»-ականներին։ Ուկրաինան Ռուսաստանին է փոխանցել պրոռուսական քաղաքական գործիչ, պետական դավաճանության մեջ մեղադրվող Վիկտոր Մեդվեդչուկին և 55 զինծառայողների։

Փոխանակումը տեղի է ունեցել Ռեջեփ Էրդողանի միջնորդությամբ․ պայմանավորվածության համաձայն, «Ազովի» հրամանատարներից 5-ը մինչև պատերազմի ավարտը կմնան Թուրքիայում։

Մենք ուզում ենք մեր հարցերի պատասխանը․ իսկ ի՞նչ կլինի Ղարաբաղի, նույնիսկ Հայաստանի հետ։ Ի՞նչ խաղ ենք մենք խաղում՝ շախմատ, շաշկի, ֆուտբոլ, գո․․․ Երևի էշ միլիցա, երբ մեկը թռնում է մյուսների վրա և վրայով․․․ Մոլլա Նասրեդինը մի հարուստից էշ է վերցնում և խոստանում քսան տարի հետո գրել ու կարդալ սովորեցնել։ Երբ հարցնում են, պատասխանում է՝ քսան տարի հետո կամ էշը կսատկի, կամ իշատերը։ Մեր դեպքում՝ ոչ մեկը։

Հայաստանում հասարակությունը կիսվել է․ մի մասը չի ուզում պատերազմ, մյուս մասը ուզում է խաղաղություն

Սա առաջին անգամը չէ, երբ ոստիկանությունը ուժ է կիրառում սևազգեստ մայրերի նկատմամբ։ Եթե առաջ նրանք բռնության էին ենթարկվում պետական շենքերին կամ պաշտոնյաներին մոտենալու համար, այժմ՝ բռնությամբ հեռացվում են իրենց որդիների գերեզմանից, որպեսզի պաշտոնյաները կարողանան այցելել այն։

35 ՀԿ-ներ պահանջում են պաշտոնանկ անել ոստիկանապետին, կանանց կազմակերպությունները՝ պատժել բռնարարներին․ ոստիկանությունը «ծառայողական քննություն» է անում

Ադրբեջանի սանձազերծած ագրեսիայի հետևանքով վիրավորում ստացած և ստացիոնարում բուժվող քաղաքացիական անձանցից մեկը մահացել է:

Երկուսի առողջական վիճակը գնահատվում է միջին ծանրության. Առողջապահության նախարարություն

— Երևանը հերքում է Բաքվի մեղադրանքները
— Ադրբեջանական զինված ուժերը երեկ երեկոյան կրակ են բացել Սրաշենի ուղղությամբ
— Նույն օրը Ալիևը Լաչինում էր․ դրոշներ էր բարձրացնում և սպառնում

մանրամասները

Ռուսաստանի տարբեր քաղաքներում բողոքի ակցիաներ են, բերման ենթարկված ցուցարարներին բաժանում են զինկոմիսարիատի ծանուցագրեր, արժեթղթերի շուկան անկում է ապրել 10%-ով, հարևան երկրների անցակետերում հսկայական հերթեր են, ավիատոմսերը մոտակա շաբաթների համար վերջացել են։

Արդյո՞ք սեպտեմբերի 21-ին հայտարարված մասնակի զորահավաքը կփոխի պատերազմի ընթացքը

— 22-ամյա Մահսա Ամինիի մահվանից հետո Իրանում զանգվածային բողոքի ցույցեր են սկսվել․ զոհերի թիվը հասել է 17ի
— Երկրով մեկ հանրահավաքներ են, միացել է նաև ուսանողությունը
— Ոստիկաններն արցունքաբեր գազ և հրազեն են կիրառել
— Առնվազն որոշ շրջաններում ցույցերը վերածվել են բախումների․ տեսանյութերում այրված մեքենաներ և բարիկադներ են երևում

Իրանում 6 օր է՝ ցույցեր են․ կան զոհեր

Մայր Աթոռում այսօր հանդիպել են Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը, Բակո Սահակյանը, Արկադի Ղուկասյանը և Գարեգին Բ-ն

մանրամասները՝ հղումով
լուսանկարը՝ արխիվային

Ժամը 07։40-ի սահմաններում ադրբեջանական ստորաբաժանումները կրկին խախտել են հրադադարի ռեժիմը՝ հրաձգային զինատեսակներից կրակ բացելով հայ-ադրբեջանական սահմանի արևելյան ուղղությամբ տեղակայված հայկական դիրքերի ուղղությամբ։ Պատասխան գործողություններով հակառակորդի կրակը լռեցվել է։ Հայկական կողմում կորուստներ չկան. ՊՆ խոսնակ