🇦🇿 Azərbaycan bank sektorunda depozit yarışının liderləri dəyişmir — bazarın iki nəhəngi mövqelərini qoruyur. ABB və Kapital Bank yenə zirvədədir və hər ikisi artım nümayiş etdirir. Xüsusilə Kapital Bankın +206.6 mln manatlıq sıçrayışı onun güclü retail strategiyasının nəticəsidir. ABB isə daha sakit, amma stabil xəttini davam etdirir.

⚠️Amma əsas intriqa 3-cü yerdən başlayır...

PAŞA Bankın depozit portfelində -641.4 mln manat azalma qeydə alınıb. Bu artıq texniki dalğalanma deyil — iri korporativ depozitlərin çıxışı strateji dəyişiklik siqnalıdır.

📊 Orta seqmentdə vəziyyət daha gərgindir:
Xalq Bank, Bank Respublika (-203 mln), AccessBank və Yelo Bank – əksəriyyətində azalma var. Bu isə açıq mesajdır: orta banklar üçün rəqabət sərtləşir, müştəri isə daha seçici olur.

‼️‼️‼️👀Avtomobillərdə icbari sığorta sistemi dəyişir: Bonus-Malus sistemi ləğv edilir.

🟢Sığorta artıq maşına deyil, birbaşa sürücünün "sürücülük mədəniyyətinə" bağlı olacaq.

ℹ️​Budur ən vacib 4 məqam:
🔴​Qəza etməyən qazanacaq, qəza edən çox ödəyəcək

🔴​Əvvəllər sistem bir az qarışıq idi. İndi qayda konkretləşir.

🔴​Təmiz keçmiş: Əgər 9 ay (275 gün) ərzində heç bir qəzanız yoxdursa, sığorta qiymətiniz 5% ucuzlaşacaq.

🔴​Qəza törətmək: Törətdiyiniz hər bir qəzaya görə növbəti sığortanız 30% bahalaşacaq. Məsələn, 100 manat ödəyirdinizsə, bir qəzadan sonra bu 130 manat olacaq.

​ℹ️"Maşını satdım, təmizləndim" dövrü bitdi. ​Köhnə sistemdə kimsə çox qəza edəndə maşını satırdı və yeni maşın alanda sığortanı yenə ucuz qiymətə (təmiz səhifədən) yazdırırdı.

⚠️​Yeni qayda: Sizin qəza tarixçəniz şəxsiyyət vəsiqənizə (FİN kodunuza) yazılır. Hansı maşını alırsınızsa alın, o "qara ləkə" və ya "güzəşt" sizinlə gələcək.

​🔴Maşını başqasına verəndə diqqətli olun. ​Əgər maşın sizin adınızadırsa, amma onu həm siz, həm də qardaşınız idarə edirsə:
🗣️​Sığorta müqaviləsi bağlanarkən sistem hər ikinizin tarixçəsinə baxacaq.

🗣️​Kimin tarixçəsi daha pisdirsə (kim daha çox qəza edibsə), sığorta haqqı onun qiymətinə uyğun hesablanacaq. Yəni, bir ailədə intizamlı sürücü ilə intizamsız sürücü eyni maşını sürürsə, pul intizamsıza görə alınacaq.
​🗣️​Taksilər: Onlar üçün də eyni qaydadır, çünki çox qəza riski var.

🗣️​Şirkət maşınları: Əgər şirkət maşını ilə qəza etsəniz, bu şirkətin cibinə deyil, birbaşa sizin şəxsi sığorta tarixçənizə yazılacaq. Sabah işdən çıxıb özünüzə maşın alanda o qəza qarşınıza çıxacaq.

📋Yaxşı sürsəniz, hər il sığortaya daha az pul ödəyəcəksiniz. Qəza etsəniz, sığorta şirkəti sizdən bunun əvəzini növbəti illərdə artıqlaması ilə alacaq.

​Bu dəyişikliklər təxminən 2 aydan sonra tətbiq olunmağa başlayacaq.