الغيم مايحّزن على موت الأشجار
والشمس تشرق لي وتشرق ل غيّري

والناس تتزاحم على شرب الأنهَار
وانا مكفيني - عن الناس بيرَّي

ويوم الطيورّ تهاجر وتقطع إبحَار
انا مبرَقع داخل الصَّدر طيري

ماني لكل مضيّع دياره .. ديار
ولاهو ضروري كل يذوق خيّري

انا فدى الّلي ينتظرني على نار
ان غبت عنه مايعّوضه غيرّي

«لو تقتحمني عاصفة وتزلزل اركاني رياح
صوت الأمل فيني يقول إن العواصف بتهدأ»
- مهذل الصقور

"لو تذبل أغصانّي ضما من شوقها للماء القراح
صوت الأمل فيني يقول أنّ السمّاء غيم ونَدا"

حبيبي أنت يا سبّة شقاي وعلّتي ودواي
دخيلك لاتمادى في جفاك وتقتل أزهاري

دخيل الشّعر وإحساس الشعور وعزوتك وأعداي
دخيلك وين أولّي عنْ عذابك وأهجر أسواري؟

أمانه لا غزتك الذكريات ومرّتك ذكراي
تذكّر منْ هدر دمع الفراق إن جاب لك طاري!

‏هذي عشرين العُمر
‏متبعثره
‏مثل الرماد
‏ماكنها الا ليلةٍ بين النضوج— ومولدي

لحظة وصولك لمرحلة القناعة وألزم ما عليك
سلامة عقلك وراحته هي الأفضل
ومن منظور آخر—" قانع في مقبل أيامي وراضي/لو عطتني وجهها ولا قفاها " ما عاد تفرق

«أحب إللي محبّتهم تدوم سنين مْا تنعاف / ماهوب ياللي محبّتهم سحابة صيف .. خدّاعة»

‏———خلف بن هذال، وأنا كذالك

يارب تغفر لي ذنوبي وأنت غفار الذنوب
النفس تغريها ملذات الحياة الفانية

يسر لي التوبة تراني كل ما نويت أتوب
وسوس لي الشيطان لين أذنبت مرة ثانيه

فاقده فقد الأراضي للسّحاب الّلي مصبّه
‏يحيي الجرد القواحل لين ما تجري المساقي

‏أدري إن الميّت المؤمن منعّم عند ربّه
‏وأدري إن ما باقي غير الله المعبود باقي

‏بس أنا من الفقد مثل الّلي غدا في وسط غبّه
‏إنطفى نجم ونزف جرحٍ عطيب وجف ساقي

‏أذكره وأشتاق وأبكي وأحتضن قبره وأحبّه
‏والله إن ما أعظم منه ياكود فقده وإشتياقي

مالي يارب الكون دونك .. لا حياه ولا غناه
‏لو شدت حبال القدر بالضيق عندك حلها

دعيتك والكفوف المستغيثة خاليات يدين
‏يا ربّي لا تعوّد خاليات .. الَّا من ذنوبي

مثل اللي قال — عقب إتّساعة خاطري صرت حسّاس

تقسى الطبوع اللي من أوّل ليّنه
‏وش عاد يبقى لا بدت تقسى الطبوع

‏وجه الوصال اللي تعبت أزيّنه
‏أصعب علي أحيان من كسر الضلوع

‏خلّ الكلام .. مغلّظَه وحنيّنه
‏راح الكلام ولا بعد جات الدموع

‏الخوف من ليلة وداعٍ هيّنه
‏عقب الوداع الهيّن نعاف الرجوع

عن هواك العذب لا ناسي ولا متغاضي
‏وعن هوى غيرك عيّوف ولا طرا لي نية

‏— سعد بن لويبه

أنا أحمد الله وأشكره كل ما صليت
‏له الحمد والتمْجيد والشكر والمنّه

‏وأنا ما سجدت إلَّا لوجهك يارب البيت
‏أبي الخير في الدنيا والفوز بـ الجنّه