دخل عليا زوج وزوجته يعملوا سونار ، بصيت على الملف لقيت الاسم: عبد الله ، ناديت: “اتفضل يا أستاذ عبد الله.”

لقيت الست قامت و الراجل قاعد ! قلت له: “هو مين اللي هيكشف؟” قال: “هي.”

قلت: “أمال عبد الله ده مين؟ قال : “أنا.” و بناديها بـ اسمي برده

بعد الفحص اكتشفت إن الحالة غالبًا محتاجة عملية، فقلت له:
“بص يا حاج، التقرير ده ورقة رسمية، ولو الاسم مش صح ممكن بعد كده يقولوا ده تقرير حد تاني. قولي اسمها الحقيقي زي البطاقة عشان اكتبه ”

فضل يلف ويدور و يكلمني عن العادات و التقاليد وبعد محاولات إقناع كتير قدرت أغير طريقة تفكيره و قالي خلاص يا دكتور اكتب اسمها .. أم كريم !


Dr Mohamed elshemee

مفيش قمّة وقاع
التفكير دا لازم يموت
بعد اكتمال ظهور النتيجة خليك حنيّن على نفسك وتقبّل مشاعر أهلك.
هم كافحوا عشان انت توصل وليهم احلام وآمال فيك حتى لو انت شفت انهم غلطانين.
مهما حصل في النتيجة اِفْهم ان اللي وصل بالغش عمل حرام ويفضل حرام ليوم الدين لأنه اخد حق العباد، واللي وصل بمجهوده حقيقي وصل بس برحمة الله ، واللي ما وصلش لحلمه ما يزعلش، ولازم يفضل فاهم انه ممكن يبقى قمّة في اي مكان احسن ما يكون قاع في مكان الناس بيقولوا عليه قمة.

د. حازم عبد التواب

🔥 هام جداً لأطباء الطوارئ و الباطنة و العناية المركزة

الحالة اللي بنشوفها كل يوم في الطوارئ: عيان داخل عليك بيقولك "يا دكتور عيني زغللت فجأة ومبقتش شايف بيها لمدة ٥ دقائق والموضوع فك"، أو "إيدي وقفت خالص لمدة ربع ساعة ودلوقتي زي الفل".

بتبص عليه بتلاقي الـ Neurological Examination سليم تماماً، فممكن تتغر وتقول "الحمد لله دي جت سليمة" وتطلعه بـ Aspirin وتروحه.. بس خلي بالك! إنت غالباً بتتعامل مع قنبلة موقوتة.

عينى وأنا بطالع وقعت على مؤتمر اسمه Journées de Neurologie de Langue Française (أيام الجمعية الفرنسية لطب الأعصاب / المؤتمر السنوي لطب الأعصاب باللغة الفرنسية). و ده واحد من أكبر وأشهر المؤتمرات السنوية في مجال طب الأعصاب (Neurology) على مستوى فرنسا والدول الناطقة بالفرنسية، وبيصدر عنه أو يُعرض فيه أحدث التحديثات الإكلينيكية والـ Guidelines والملخصات العلمية الخاصة بأمراض المخ والأعصاب (زي الـ TIA، والـ Stroke mimics، واضطرابات الذاكرة العابرة).

خد بقى عندك "خلاصة" الـ JNLF 2026 عن الـ Transient Neurologic Symptoms وإزاي متقعش في الفخ:

1️⃣ الـ TIA مش مجرد "تشخيص إكلينيكي"
التعريف الجديد للـ TIA بيعتمد على الـ Clinical والـ Imaging مع بعض.
لو العيان عنده Transient deficit بس فيه "بقعة" ظاهرة في الـ DWI-MRI، ده بيتشخص Cerebral Infarction فوراً حتى لو الأعراض فكت.
الزتونة:
الـ Stroke risk بعد الـ TIA ممكن يوصل لـ ٢٥% خلال ٩٠ يوم، وأعلى ريسك بيكون في أول كام يوم. السرعة هي اللي بتحدد الـ Prognosis.

2️⃣ فخ الـ ABCD2 Score
ماتعتمدش بشكل كلي على الـ ABCD2 score. الدراسات لقت إن ٢٠% من العيانين اللي الـ Score بتاعهم أقل من ٤ (يعني مفروض Low risk) بيبقى عندهم High-risk lesions زي الـ Carotid stenosis

Clinical Pearl
أي حالة Suspected TIA لازم تتعرض على Specialist في خلال 24 ساعة، وتعمل MRI روتيني.

3️⃣ الـ Management الصح (Guidelines 2026)
Loading dose
أول ما تشك، ابدأ بـ 300 mg Aspirin فوراً

DAPT
الـ Combination بين الـ Aspirin والـ Clopidogrel بيدي حماية إضافية، بس ركز في المدة: أول ١٠ لـ ٢١ يوم بس بعد الـ Event.
الـ LDL target لازم ينزل لأقل من ٧٠ مجم لكل ديسليتر

4️⃣ الـ Mimics: إزاي تفرق بين الـ TIA والـ Epilepsy والـ Migraine؟
كتير من حالات الصرع (Seizures) بتتشخص غلط على إنها TIA. ركز في الفروقات دي:
Migraine Aura
بتبدأ بالتدريج (Gradual) وبتاخد من دقايق لساعة.

Epileptic Seizures
بتبقى قصيرة، Rapid onset، و Stereotyped (بتكرر بنفس الشكل)، وممكن يكون معاها Electrical sensations.

Todd’s paralysis
ضعف الحركة اللي بيجي بعد التشنجات ممكن يخدعك كأنه Stroke، والـ MRI والـ EEG في المرحلة دي ممكن يكونوا Inconclusive.

5️⃣ فزورة الـ Amnesia (فقدان الذاكرة العابر)

Transient Global Amnesia (TGA)
العيان بيفضل يسأل نفس السؤال لأنه مش عارف يخزن معلومة جديدة (Anterograde amnesia). مدتها من ٤ لـ ٢٤ ساعة، وغالباً بتحصل بعد مجهود بدني أو ضغط عصبي. الـ Imaging فيها بيبقى Normal.

Transient Epileptic Amnesia (TEA)
مدتها قصيرة (١٠ - ٣٠ دقيقة) وبتحصل غالباً Upon waking (أول ما يصحى). دي بتبقى Recurrent ومحتاجة MRI.

Transient Vascular Amnesia
دي بتيجي في السن الكبير (٧٠ سنة وانت طالع) مع Uncontrolled CV risk factors، ويكون معاها Neurologic signs تانية وصداع شديد.

💡 نصيحة للنبطشية:
لو جالك عيان بـ Dizziness أو Diplopia عابرة، متستسهلش وتقول "شوية دوخة". دي ممكن تكون Atypical presentation لـ TIA في الـ Posterior circulation.

Dr Ahmed bendary

خلي بالك ان مرضي ال cancer أياً كان مكانه بيزود الrisk of cerebrovascular events زي MI او stroke او Dvt او pulmonary embolism وجدير بالذكر بردو ان كل الanti cancer المستخدمه بتعمل نفس الشئ يعني الcancer وعلاجه الاتنين سهل يدخلوك فالمشاكل دي عن طريق أنهم بيعملوا arterial spasm وacceleration in atherosclerosis
and plaque repture and thrombosis
جدير بالذكر ان العيانين دول في نفس الوقت الrisk of bleeding فيهم عالي
المهم لو اتقالك دا دا مريض كانسر وبيشتكي من ضيق فالنفس وجع في صدرة وجع في رجله او ضعف فناحيه لازم تفكر انه ممكن يكون cerebrivascular events خصوصا MI و pulmonary embolism

د. أحمد أبوشنب

الهستوري والفحص الدقيق يعني فحوصات أقل -تكلفة ووقت أقل- تشخيص أدق يتبعه بلان مظبوطة، مريضة جاية تشتكي من كرشة نفس بقالها أسبوع معاها زادت عليها آخر يوم مفيش أي أمراض صدرية أو حساسية ع الصدر رسم القلب كويس ومعدل ضرباته 98 يعتبر ف الطبيعي أتطلب ليها إنزيمات قلب طلعت إيجابية فمعنى كده إنها جلطة غير مكتملة ف القلب (NSTEMI) لأن رسم القلب تمام فخلاص تم عرض الحالة عليا فقولت أخد هستوري بنفسي مفيش أي امراض صدرية ولا مشاكل ف القلب قبل كده فبدأت اسأل عن وجود أمراض مناعية كسور جلطات ف الرجل عدم حركة ملازمة السرير أورام فلقيت فيه تاريخ مرضي لسرطان الثدي وأخر فترة فيه ملازمة للسرير وقلة الحركة فمن هنا تفكيري بدأ يشك إنها وارد متكونش جلطة ع القلب وإنها تكون جلطة ع الرئة لوجود عوامل خطورة لده ألا وهي سرطان الثدي مع قلة الحركة الفترة الأخيرة طب الإنزيمات الإيجابية ازاي؟! عادي تكون بسبب إن الجلطة الرئوية قافلة الطريق ع البطين الأيمن فعملت حمل زائد عليه لأنه مش عارف يضخ الدم (RV strain pattern) فسببت ارتفاع في الإنزيمات وخاصة إن الارتفاع بتاعها مكانش مهول فطلبت أشعة مقطعية بالصبغة ع أوردة وشرايين الرئة وأما اتعملت طلعت فعلا جلطة رئوية قافلة الشريان الرئوي الأيمن تماما ومعاه جزء من الشريان الأيسر وتم حجز الحالة بالعناية، طب ما هي كده كده من الأول كانت هتتحجز خلاص بس فيه فرق بين إنك تسلمها إنها تتحجز كجلطة غير مكتملة بالقلب وكجلطة رئوية البلان هتختلف وده اللي اتنصحت بيه من سنايري وبنصح الشباب بيه لو skill الجراح تكمن ف إيده فأنت كدكتور باطني ال skill بتاعتك مش سهلة لأنها تكمن ف مخك بداية من هستوري مع فحص دقيق يخلوك تطلب فحوصات أقل وأدق توصل لتشخيص صحيح تحط بلان مناسبة ينتج عنها تحسن وضع الحالة وكل ده من البداية للأخر ما هو إلا توفيق من المولى عز وجل فنسأل الله أن يرزقنا وإياكم دوام توفيقه.

Dr Osama hefnawy

استخدامات للديكسا مش معروفة لكن نتايجها هايلة :

أولا لقرح الفم تكسر امبول على قطنة ويتحط موضعي على قرحة الفم الألم والقرحة بيخفوا بسرعة جدا جدا

ثانيا ألم الصداع النصفي اللي مش مستجيب للأدوية الروتينية لحالة acute migraine امبول ديكساميثازون بيفرق جدا جدا في تقليل ألم الصداع النصفي ( ده طبعا في حال إن مفيش ما يمنع إعطاءه زي السكر والضغط العالي) مع باقي العلاج

ثالثا مع فقدان حاسة الشم والتذوق في العدوى الفيروسية مع أى دور برد أو التهاب جيوب انفية مزمن لأنه بيقلل التهاب العصب الشمي olfactory nerve

رابعا هجمات النقرس الحادة

خامسا قبل جلسات الكيماوي لمرضى السرطان لتقليل الترجيع ك عرض جانبي

Dr Nadia hasan

كان رسول الله صلى الله عليه وسلم إذا سمع صوت الرعد والصواعق والزلازل؛ يقول: «اللَّهُمَّ لَا تَقْتُلْنَا بِغَضَبِكَ، وَلَا تُهْلِكْنَا بِعَذَابِكَ، وَعَافِنَا قَبْلَ ذَلِكَ».

رواه الترمذي

اللهم إنا نسألك السلامة والعافية، اللهم احفظنا واحفظ أهلنا وبلادنا من الزلازل والمحن والفتن، ما ظهر منها وما بطن.

بمناسبة الهجوم على الأطباء:

كنت نباطشي في الرعاية فجأة علي الساعه ١١الضهر اضرب كود بلو في الطوارئ نزلت جري لقيت واحده حامل في الشهر التامن (ودا اول حمل ليها ولسه صغيره أصلا ٢٥سنه) لقيتها بتتشنج بشكل عنيف فوراً انا اعتبرتها تشنجات تسمم حمل من غير اي تفكير سيطرنا علي التشنجات الحمدلله في الطوارئ وفورا اخدتها بالتروللي وطلعت الرعاية (وتخطيت كل بروتوكولات الحجز لا استنيت تذكرة حجز ولا اجراءت دخول ولا حاجه خدتها علي مسؤوليتي وطلعت الرعاية)ببص علي ضغطها لقيه ٢٢٠/١٢٠ سحبت تحاليل شامله وكلمت استشاري النسا قولتله عاوز البنت دي تولد في خلال ساعتين واستعجلت المعمل في ظرف دقائق كانو مطلعين التحاليل عشان تلاقي الصدمه حموضه عنيفة في الدم
PH:6.98     Co2:20       HCO3: 5
ومش بس كده خد عندك فشل في وظائف الكلي كريات ع اتنين ونص و انيميا تكسيريه شديده علي سبعه فشل حاد في وظائف الكبد فوق الالفين السيوله فوق 2 والصفراء وصلت 12كل دا في ظرف ساعات والبنت كل شويه تدخل في تشنجات دا غير الضغط اللي مش عاوز ينزل واصعب وضع ممكن حد يتخيله وقدرنا بفضل ربنا نحاول نصلح كل المشاكل دي عشان ندخلها العمليات تولد قيصري عشان دا الحل الوحيد والعلاج الاساسي وهو إنهاء الحمل فوراً لأن الموضوع مبقاش تسمم حمل بس دي دخلت في متلازمة عنيفه اسمها HELLP تكسير في الدم وفشل في الكبد والكلي ونقص شديد في الصفائح ودي وضعها اصعب لانها كانت
Impending Fulminant hepatitis
والبنت بقت encephalopathic فعلاً وغسلت كلى كمان
انا قضيت ٤٨ ساعه بتابعها من اصعب الحالات اللي تابعتها في حياتي منمتش في ال٤٨ ساعه غير تلات ساعات تقريباً والحمدلله البنت فوقت ووظايف الكبد اتحسنت وتكسير الدم اتحسن ووظائف الكبد بدأت تتحسن والوعي رجع تماما والbaby بقي كويس وفي الحضانه ومستقر وزي الفل وهي بقت مستقره مبقاش في غير شوية انيميا بس فصيلتها اصلا نادره كانت O negative واخدت كل مخزون المستشفى من الفصيله دي
ففجاه لقيت امن الرعاية بيقولي معلش يا دكتور محمد أهل المريضه دي عاملين مشاكل وعاوزين يتكلمو معاك قولتله مشاكل ليه دي بنتهم بقت كويسه والبيبي لسه كنت عنده في الحضانه وكويس جدا قالي معلش كلمهم
انا طالع ومتوقع الاقي أننا عملنا كارثه عشان يبقو مدايقين كدا بنتهم كانت بتموت والحمدلله ربنا أكرمها ورجعت دول مفروض طايرين من الفرحه
طلعت لقيتهم متشنجين جدا خير ياجماعه في ايه؟!
لقيت واحد من البهوات ازاي يا دكتور تقولولنا عاوزين دم للمريضه ونروح نلف في المستشفىات عشان نلاقي نفسك فصيلتها؟! يعني المستشفى بتاعتكم مفيهاش ولا كيس دم ولا عندكم ومانعينها عن بنتنا افرض بتموت دلوقتى وعاوزه دم  اي هتسيبوها تموت؟! وعلي فكره فضحناكم علي النت

انا كنت واقف مذهول دم اي وتموت اي دي البنت  بقت كويسه وفوقت والدنيا زي الفل بس الفصيله نادره وكل الاكياس المتاحة اخدتها ومش محتاجه دم بشكل عاجل أصلا احنا عاوزين نوفرلها دم عشان لو لاقدر الله احتاجته

المشكله أنهم ناس متعلمين 😅ومتخرجين من الكليات اللي بيسموها كليات قمه دي لكن عرفت اني بكلم عقليات عظيمه ماشاء الله قومت مخبط علي ايدي وقولت في وشهم لا حول ولاقوة الا بالله 😅بنفس الرياكشن دا وسيبتهم ودخلت الرعاية كملت فنجان القهوه بتاعي اينعم القهوه بردت لكن ولو شربتها برضو ☺️😊

د.محمد حسونه

ارتفاع حرارة المريض له اكثر من مسمي . المسمي الاول و هو ال Fever و ده بيحصل فيه upward resetting في ال hypothalamus و ده بيستجيب لل antipyretics . و بتكون اسبابه infection سواء بكتيريه او فيروسيه و لكن ممكن يحدث ايضا لاسباب non infectious زي ال pancreatitis و ال burn و ال intracranial pathologies.
اما ال hyperthermia فهي تمثل ارتفاع درجة الحرارة و لكن دون تغيير في hypothalamic set point و ده لا يستجيب بشكل كويس لل antipyretics . و بترجع اسبابه لعدم التوازن بين ال heat production و ال heat loss .
فالاسباب ممكن تكون ناتجه عن زيادة ال heat production زي في حالات ال serotonin syndrome و ال neuroleptic malignant syndrome .
او نقص في ال heat loss زي حالات ال heat stroke.
dr nabih mokhtar

ثلاثة من البشر… أوعى تخش معاهم في مشاكل حتى لو معاك الحق كله

خلّيني أقولك حاجة الناس الكبيرة اتعلمتها بعد خساير وتعب…
مش كل معــركة تستاهل تدخلها،
وفيه ناس مجرد دخولك معاهم في خلاف… خسارة ليك حتى لو إنت الصح.

أول واحد… الفاضي
اللي لا وراه شغل ولا مسؤولية ولا حياة يخاف عليها،
ده ما عندوش حاجة يخسرها أصلاً،
إنما إنت عندك بيت وشغل وسمعة وحياة كاملة ممكن تتأثر.
هو شغلته المشاكل، ووقته كله فاضي للخـراب،
فأوعى تنزل لمستواه حتى لو ليك حق.

التاني… قلــيل الأصـل
اللي لا ليه كبير يلمه ولا أصل يرجعه،
ده وقت الخلاف ما يعرفش حدود،
يلمّ الناس من كل ناحية ويعمل دوشة وخناقات علشان يثبت نفسه،
وفي الآخر إنت اللي تتعب وتخسر أعصابك ووقتك وكرامتك.

الثالث… السفــيه
وده أخطرهم،
اللي يدخل يحارب بالوكالة،
واحد مش قادر يواجهك يبعتهولك،
فيطلعلك القديم والجديد ويقلب أي موقف حـرب،
لأنه ببساطة ما عندوش عقل يوزن بيه الكلام.

وعلشان كده…
العاقل مش اللي يكسب كل خناقة،
العاقل هو اللي يعرف مين يستاهل يرد عليه ومين لا.

فيه ناس الرد عليهم إهانــة ليك،
وفيه ناس التجاهل معاهم أكبر انتصار.

ابعد عن الفاضي،
وابعد عن قلـيل الأصـل،
وابعد عن السفــيه…
علشان سلامك النفسي أهم من أي معــركة ملهاش لازمة.

حياة البلوجرز لا تناسبك.
حياة الأكل والمرعى وقلة الصنعة لا تناسبك.
حياة العلاقات المفتوحة والأوبن مايند بتاعتهم لا تناسبك.
الارتباط الشديد بالدنيا وتصوير زينتها على أكمل وجه يفسد عليك قلبك.
تصوير السفر والنجاح المزعوم والأكل باهظ الثمن والملبس اللي بالشيء الفلاني مش على مقاس حياتك.
هؤلاء لا يشبهونك، المجتمع بتاعهم مش إنت، وحتى لو ربنا فتح عليك، فأنت مش كده.
اعمل بلوك لكل الأشكال دي، واحفظ عليك نفسك.

إسلام منصور

Male patient 22 years old medical free
Presented to ER by RTA
,vomit once
No any red flags

Pupil : ERRR

لو انت في الاستقبال، العيان جاي سكره "HI" على الجهاز.
تعمل ketones؟ مفيش
تعمل VBG؟ تمام
فتقول "uncomplicated hyperglycemia" وتدي شوية fluids وجرعة SC insulin
كويس … بس في حاجة هتنساها 👀
---
🧠 الفكرة كلها في الرقم اللي ما شفتوش:
الجهاز بيقولك HI عند 500–600، يعني ممكن يكون سكره 800 أو 1000 وإنت مش عارف
فـ لازم تطلب serum glucose من المعمل عشان تعرف الرقم الحقيقي
ايوا ليه؟
لأن الرقم ده هتدخله في معادلة و تحسب حسبة معينة عشان تستبعد الHHS
---
🧮 المعادلة بتاعة التفرقة بين سكر عالي عادي و HHS:
عندك حاجة اسمها osmolality ، منها نوعين effective و total
🔸Effective osmolality →
و دي الأهم في تشخيص HHS (من غير BUN)
(2 × Na) + (Glucose/18)
لو الناتج:
أقل من 320 → غالبًا مش HHS
320 أو أكتر → ده HHS رسمي، وده يدخل رعاية مش طوارئ عادية🚨
🔸Total osmolality →
و دي للتقييم العام للجفاف أو الفشل الكلوي (بـ BUN)
(2 × Na) + (Glucose/18) + (BUN/2.😎
---
💉 تعمل إيه بقى لو الVBG مفيهاش acidosis و السكر HI بالجهاز glucometer؟
1. أول حاجة: اسحب معمل (Glucose BUN , Na)
2. احسب المعادلة
(لو الNa عالي أو طبيعي و glucose أكتر من 600 mg/dl
→ لازم تحسب المعادلة)
3. لو طلع HHS هتبدأ IV 0.9% NaCl ١ لتر في أول ساعة
بعد ما تتأكد إن العيان اتحسّن الدورة الدموية، تبدأ IV insulin infusion (0.1 وحدة/كجم/ساعة).
راقب الصوديوم ، و راقب السكر ماينزلش أكتر من 100 في الساعة عشان الcerebral edema
4. لو مش HHS يبقى fluids + SC insulin كفاية

د عمر رشوان

؟؟؟؟؟؟؟؟؟؟؟؟؟؟؟

✅ الحاجة الأولى اللي لازم تضيفها ذهنيًا
🔢 Corrected Sodium

لأن الـ Na اللي طالع في المعمل كاذب الانخفاض مع السكر العالي.

📌 المعادلة:

Corrected Na = Measured Na + 1.6 × ((Glucose − 100) / 100)
(بعض المصادر تستخدم 2.4 بدل 1.6 لو السكر > 400)

🔴 ليه ده مهم؟

لو الـ corrected Na طالع عالي أو طبيعي → ده يدعم تشخيص HHS

كمان بيساعدك تختار:

تكمّل 0.9% NS

ولا تحوّل لـ 0.45% NS بعد أول لتر

⚠️ الحاجة التانية الأخطر اللي ما ينفعش تتنسي
🧪 Potassium قبل الإنسولين

حتى لو مش DKA.

📌 القاعدة:

K < 3.3 → ❌ ممنوع إنسولين
👉 عوّض بوتاسيوم الأول

K 3.3 – 5.2 → إنسولين + K

K > 5.2 → إنسولين مع مراقبة

🔴 لأن:
الـ insulin infusion في HHS ممكن يعمل fatal hypokalemia بسرعة.

🧠 Pearls سريعة في HHS (تحطها في دماغك)

HHS =
✔️ سكر عالي جدًا
✔️ No acidosis
✔️ No ketones
✔️ Effective osmolality ≥ 320

أخطر مضاعفة: cerebral edema
→ ما تنزلش السكر أكتر من 75–100 mg/dl/hour

fluids أهم من الإنسولين في الأول

🧾 الخلاصة الذهبية في الاستقبال

أي مريض:

Glucometer = HI

No ketones

No acidosis

❌ ما تقولش uncomplicated hyperglycemia قبل ما:

Serum glucose

Na + corrected Na

BUN

Potassium

تحسب effective osmolality

ساعتها بس قرارك يبقى صح وآمن 👏

من فترة جات واحدة الاستقبال وطلع عندها أنيميا شديدة قولتها هنحجزك فى القسم عشان ننقل ليكي دم
قالتلى ليه يا ابنى أنا عملت إيه عشان تحبسوني 😂

شاب جميل 18 سنة جالنا من اسبوعين بحادثة موتوسيكل، اتحجز في العناية وعنده للأسف مشاكل كتير جداً.. نزيف في المخ وكسر في قاع الجمجمة واسترواح رئوي وقطع في المرئ والقصبة الهوائية وإصابات تانية متفرقة في الأوعية الدموية والأطراف.. كان جاي وحش جداً جداً بأمانة..

بيني وبينكم السن دا هو أكتر سن مابحبش حد يموت فيه.. ببقى عارف دماغ الشباب في الفترة دي، والولد كان باين عليه إنه من أوساط الشباب.. صابغ شعره وعامله موليت، قاشط حاجبه، راكب مكنته الصيني ومشغل أغاني... وأمر ربنا نفذ..

الشاب دا بقاله أكتر من اسبوعين في العناية على جهاز تنفس صناعي.. درجة وعية وحشة جداً.. داخل خارج من العمليات والمناظير.. اتعرض على أكتر من 6 تخصصات.. وبقدرة ربنا القادر على كل شئ بدأ يستعيد وعيه.. واليومين اللي فاتوا كان فايق تماماً بفضل الله على جهاز التنفس..

----

امبارح بالليل خبط ع السرير.. روحتله.. شاورلي حبيبي وهو محطوطله أنبوبة حنجرية إنه عايز يصلي.. قولتله صلي.. انوي الصلاة واعمل حركات الصلاة برقبتك.. شاورلي على القبلة.. قولتله صلي زي ما انت نايم.. شاولي على الوضوء.. قولتله صلي زي ما انت كدا... وصلى بالفعل وكان نايم بالأنابيب والخراطيم في كل جسمه، حاضن المصحف، ومبتسم.. وحقيقي دا كان من أحلى المناظر اللي شوفتها على مدار سنين شغلي..

----

المهم عزيزي الطبيب والممرض.. ماتقولش لعيان مهما كان درجة مرضه أنت معذور من الصلاة.. مفيش عذر للصلاة طول ما البني آدم واعي.. يصلي قاعد ع السرير.. نايم.. يحرك رقبته.. يصلي بعينه.. يصلي بقلبه... إنما مفيش عذر لترك الصلاة..

ماتصعّبش الصلاة على العيان زي اللي قالوا للصحابي يغتسل وهو مجروح في راسه ومات لما اغتسل.. لو العيان يقدر يتوضى خليه يتوضى.. لو مايقدرش، وضيه انت.. مايقدرش، خليه يخبط خبطتين ع الحيطة ويتيمم.. مايقدرش، يخبط خبطتين ع السرير ويتيمم.. مايقدرش، يصلي من غير وضوء ولا تيمم..

على رأي دكتور أكرم.. قالك عيان العناية المركزة يصلي بالقسطرة وبالكادلس وبالأنابيب وبدمه وبكل حاجته زي ماهو.. ماتمنعوش من الصلاة لأي سبب...

وطبعاً بعد الكلام دا مش محتاج أفكر نفسي وإياك عزيزي القارئ إن كل حججنا في تأخير الصلاة من نوم وشغل ومذاكرة هي حجج فارغة واهية بنضحك بيها على نفسنا.. وإن كل امرئ مُصبح في أهله والموت أدنى من شِراك نعله.. وإن الدار الآخرة لهي الحيوان لو كانوا يعلمون..

د.محمد فهيم