سؤال مقالى ، غالبا ما تؤثر الحروب فى تغير الخريطة لكن أثرت النظم الاقتصادية والسياسية فى تغيرات جوهرية على خريطة العالم ، اثبت ذلك

فكرة الاجابة : ان الحروب تغير الخريطة لكن فى التسعينات انهار الاتحاد السوفيتي وبناء عليه تفكك الى ١٥ دولة بالاضافة الى اندماج دول اخرى كاليمن والمانيا
وطبعا تفكك الاتحاد نتيجة اسباب سياسية واقتصادية

حد منكم بعتلى من يومين انه مش فاهم التكنولوجيا الحديثة وقولت هعمل فديو شورت صغير لمدة دقيقة اشرحهم فيه بس الوقت مخدمش ، فخد طرق حلهم اهو

الاستشعار عن بعد امتى تختاره : لما تلاقى حدود خارجية ، يعنى مثلا بقولك مين بيدرس الحدود بين مصر وليبيا ، تقولى الاستشعار اكيد
طيب لما اقولك مين بيدرس حدود القاهرة ؟ مينفعش تقولى الاستشعار لانه مش حدود خارجية ، فاهم الفرق ؟؟؟؟

ثانيا بختار الاستشعار فى اماكن المياه ، يعنى مين بيدرس مثلا السفينة الى ماشية فى قناة السويس ؟ تقولى الاستشعار عن بعد برده
اخيرا مين بيدرس الحروب على الحدود ؟ برده الاستشعار

يبقى الاستشعار ٣ نقط احفظهم
حدود خارجية ، والمياه ، وصراعات الحدود
بس كدا

تانى حاجة وسائل الاتصالات امتى تختارها ؟؟؟؟ بسيطة
لما يكون فيه حاجة تبع الانترنت
يعنى يقولك معرفة الاحداث الجارية هتعرفها منين ؟ من النت يبقى وسائل الاتصالات
متابعة أخبار زلزال تركيا هتعرفه منين ؟ من النت يبقى وسائل الاتصال برده
فاهم معايا القصد ؟ النت ومشتقاته ده وسائل المعلومات

متنسوش اللايف الساعة ٩ يا شباب 🥶

الاسئلة الى هنحلها كمان شويا

النماذج الاسترشادية للتاريخ والجغرافيا

مساء الخير
كل عام وانتم بخير ❤️
يحدثكم مستر ابراهيم من خلف الهاتف

عندى هدية صغيرة جدا ، متأخرة بس هتساعد جدا ان شاء الله ❤️

لمدة ١٤ يوم هنلم ١٤ درس جغرافيا كل يوم درس ان شاء الله
وهسلمك ملف pdf فيه حوالى ٨٠٠ سؤال بشرح اجابتهم كاملين بحيث تراجع الحل بتاعك مع تفسير الاجابة
الحصص هتبقى لايف على زوم بشكل مجانى للجميع ، وبمجرد ما نكمل عدد هنبدأها خلال ايام وهتكون كل يوم ١٠ مساء
لو متعرفش حاجة فى المنهج هتساعدك فوق ما تتخيل ولو تعرف فهى هتنقلك نقلة تانية ان شاء الله
حاول تشترك فيها هتفرق معاك

تقدر تكلم الرقم ده واتس وهو هيبقى يبعتلك لينك الحصص ، وطبعا متنساش تنزل برنامج زوم لو هتحضر

0101 138 8741

حياكم الله ، يحدثكم مستر ابراهيم عبدالله الى مكسل يشتغل 😂
ان شاء الله البداية الجمعة الجاية الساعة ١٠ بليل ، هنبدأ بالتمهيدى وناخد بعدها كل يوم درس زى ما اتفقنا بحيث بعد اسبوعين نبقى خلصنا المنهج كله شرح ان شاء الله ❤️
فرصة كويسة تجمع معلومات وتروق على نفسك بس متنساش بعد كل حصة ، الحل ثم الحل ثم الحل ، لا بديل عن الحل بعد الحصة عشان تضمن الدرس ان شاء الله

نشوفكم الجمعة بقى وكل سنة وانتم طيبين ❤️

ومتنساش تنزل برنامج زووم zoom عشان ده الى عليه اللايف