هل منطقي نصرف كل الصرف ده في ليلة؟

هل منطقي ندفع رقم كبير كده في فستان يتلبس مرة واحدة؟

هل منطقي نجيب ورد طبيعي وندفع فيه فلوس وهو كام يوم وهيدبل ويترمي؟

محور مهم قوي في سلسلة "اتجوز" هو المنطق..

المنطق نص المحور، والمشاعر النص التاني..

لأن الجواز له طرفين، راجل طبيعته بيفكر بالمنطق

وست طبيعتها بتفكر في المشاعر..

في سنة ١٩٩٧ اتعرفت على زوجي العزيز..

اتخطبنا..

جاء يوم ياخدني من بيت اهلى علشان نخرج

فتحت الباب لاقتيه ماسك بوكيه ورد كبير..

راشش عليه من البرفان بتاعته..

وعلى وشه ابتسامة عريضة..

الورد فعلًا بعد كام يوم دبل واترمى..

انما الذكرى.. من سنة ٩٧ لسه محفورة في ذاكرتي..

لسه متسجلة في قلبي..

ولسه بتحرك مشاعري..

لسه فاكرة ابتسامته ولامعة عينه..

ليه الرجالة مش عايزة تتجوز..

أو اللي اتجوزوا كتير منهم مش سعداء..؟

لأنهم بيفكروا بالمنطق وعايزين الست أنثى انما تفكر بالمنطق

وتقبل المنطق وتعيش بيه..

يعني زرعة محتاجة ترويها مشاعر علشان تزهر،

تقوم ترويها منطق وتتضايق منها انها تحولت الى صبار..

طيب مش حبة منطق ونشوف الزرعة دي اتحولت لصبار ليه؟

صحيح مش منطقي ندفع رقم كبير في ليلة..

انما لو افتكرنا ان البنت اللي بتتجوز بتكون دي بالنسبة لها "ليلة العمر"..

وتخلينا ان الليلة دي بالنسبة لها الذكرى بتاعتها هتفضل معاها لسنين..

وقسمنا مصاريف الليلة دي على السنين، يمكن نلاقي انه منطقي فعلًا..

ونقيس على كده الفستان او شهر العسل او السفرية او الورد..

مواقف كتير لسه فاكراها لزوجي العزيز..

موبايل هدية كان نفسي فيه جدًا اول ما الموبايلات طلعت..

ما طلبتش منه يجيبه لأنه كان غالي وقتها..

وهو فاجئني بيه.. وكان سعره مش منطقي..

انما، وبعد اكتر من عشرين سنة، لسه موقفه ده بيحرك مشاعر حب وامتنان وتقدير واحترام له..

الست مننا، البنت، الأنثى، محتاجة راجل يخرج كل فترة عن المنطق،

علشان يرويها بمشاعر.. لأن ده احتياجها..

والأهم، الإبتسامة اللي على وشه، الكلمة اللي بيقولها وهو بيرويها..

"علشان بحبك".. أو "علشان اشوفك مبسوطة".. او "نفسي اسعدك"...

فرق كبير بين اجيب بوكيه غالي واقدمه بدون تعبير عن مشاعر..

أو اجيب بوكيه اصغر واقدمه بكلمة حلوة وابتسامة ولامعة عين..

طيب والراجل؟

الراجل بتاع واحد زائد واحد..

بتاع منطق..

ولأن الجواز فيه طرفين،

محتاجة الست كمان ترويه بالمنطق..

يعني تسمع.. وتفكر..

تختار.. تساعد..

اه مش منطقي عمل فرح وندفع فيه كل المبلغ ده..

تعالى نكتب كل البنود ونلغي حاجة ونقلل حاجة ونبسط حاجة انما كله الا الحاجة دي..

دي اللي هتفرق معايا قوي ونفسي فيها..

منطق..

ايوه مش منطقي نسافر بكل المبلغ ده..

طلبت من اخويا يساعدني اعمل بحث ولاقيت شركة ارخص وعرض احسن

وكمان شامل الأكل..

منطق..

خطوات تاخدها الست، البنت، الأنثي، تحسس الراجل إنها برضه

"كائن يعقل ويفكر وحاسس بيه"..

ما هو مش تور يتحلب ولا متجوز اباجورة..

في سنة من السنين كنا بنتناقش في اجازة عيد..

هنعمل فيها ايه..

وزوجي قال انه مش عايز يسافر في حتة..

وطلب مني اختار حاجة اعملها بدون سفر..

فكرت واخترت اننا نروح النادي…

نفرش في جنينة الجولف ونعمل Picnic

ونلعب لعبة..

اخترت حاجة بسيطة.. سهلة عليه..

وتملا مشاعري..

ليه؟

علشان اخلي طلبي منطقي..

لحد مرهق ومش عايز يعمل مجهود كبير في فترة معينة..

وحصل ايه؟

الولاد قالوا ان ده كان احلى يوم في الأجازة..

من بساطته.. ولأن زوجي شاف طلبي منطقي..

وانا اخترت حاجة منطقية وتملا مشاعري..

سعادة ورضا وحب..

يا ترى انت المنطق موقفك عن الزواج؟

ويا ترى انتِ المشاعر موقفاكي عن الجواز؟

يا ترى متجوز وبتروي شريكة حياتك منطق بس..؟

يا ترى متزوجة وبتفكري في مشاعرك والحرمان بس..؟

ياللا نفهم بعض..

ياللا نروي بعض بلغة اسمها

"احتياجات كل طرف وفقًا لطبيعته"

طبيعة الراجل منطق..

طبيعة الست مشاعر…

#اتجوز؟_٢٦

#الزواج

#اﻷسرة

#المجتمع

#السنة

كلمة “شريك الحياة” مش كلمة وخلاص… دي حكاية كبيرة قوي!
شريك الحياة يعني حد اختار يكون معاك مش بس بالجسم، لكن بالقلب والعقل والروح كمان.
حد بيشاركك كل حاجة، حتى لو مش موجود جنبك ٢٤ ساعة، بس دايمًا حاسس بيك، حاسس بيه، بتفكروا سوا، بتحلموا سوا، بتزعلوا سوا، وبتفرحوا سوا.
شريك الحياة يعني سند، ضهر، أمان…
يعني شخص انت شايف فيه حاجات محدش بيشوفها، وهو كمان شايفك بنظرة مختلفة، بيحبك على حقيقتك بعيوبك قبل مميزاتك.
مش بيحاول يغيرك، ولا يسيطر عليك، بالعكس… بيسيبلك مساحتك، وبيحبك وانت حر، وانت على طبيعتك.
شريك الحياة يعني الاتنين بيبنوا رصيد حب عند بعض بكلمة حلوة، بضحكة من القلب، بحضن في وقت الزعل، بجدعنة وقت اللخبطة، بهدية بسيطة من غير مناسبة، بس جاية من القلب.
يعني نعرف بعض بجد، نحكي لبعض من غير خوف، نضحك لحد ما دموعنا تنزل، ونختلف و نزعل برحمة و طريقة آمنة … لأننا أصحاب قبل ما نكون أي حاجة تانية.
شريك الحياة مش بس حد تعيش معاه…
ده حد تعيش عشانه، وتعيش بيه، وتحس إن الدنيا أحن وأجمل وهو فيها.
حد لما تبصله تقول “أنا محظوظ”، وتحس إنك مش لوحدك، وإن قلبك بيتسند على قلب تاني، بيحبك بصدق، وبيخاف عليك من غير ما يوجعك.
في الآخر، شريك الحياة هو الشريك اللي بنقضي معاه مش بس العمر…
لكن كمان اللحظات، والتفاصيل الصغيرة، والنظرات اللي بتطمن، والسكات اللي مابيبقاش خالي… لأن فيه قلوب بتتكلم من غير ولا كلمة.
دي أجمل شراكة في الدنيا… شراكة حب، وود، ورحمة، وصداقة، ودفا.
#مصطفى_حسني
#fpy
#fypシ゚viralシ
#fypシ゚

"إنّ القلبَ ليُظلِم فيستنِيرُ بكثْرَةِ مُلازمةِ كتابُ اللهِ العزيز"

"الخيرُ كلُّهُ في الرضا، فإنّ استطعت فارضى وإن لم تستطع فاصبر"

‏العلاقاتِ لا يُبقيها الحُب، ما يُبقيها هُو الأماَن وعَدم الخَوف من الغدر وتقلُب الرأي، فحيثُما كان الأمَان، وُجد الاستِقرار والاطمَّئنان.♥️

طول فترة الثانويه ماسيبتش صلاة الفجر يوم، لما النتيجه طلعت أيامى إتلغبطت فبقيت أأكسل أصحي، فاكربابا يوم خبط ع أوضتي الفجر وقالي
"ومنهم من عاهد الله لئن آتانا من فضله لنصدقن ولنكونن من الصالحين.. فلما آتاهم من فضله بخلوا به وتولوا وهم معرضون"
من ساعتها ماسيبتش صلاة الفجر أبداً
#منقول

"يا ربُّ هذي يدي مبسوطة طمعاً
‏إذا وصلتكَ مَن في الكونِ يقطعُني؟
‏ لا يسمعُ النَّاسُ حولي ما أبوحُ بهِ
‏وأنتَ يا ربُّ فوقَ العرشِ تسمعُني.."

"سماع القُـرآن له لذَّة عجيبة على النَّفس !
من نعيم الدُّنيا ومن فضل الله علينا يسَّر لنا سماع القُـرآن فاستشعروا هذه النِّعمة العظيمة ❤️‍🩹."

"لا تَهجُروا القرآنَ إنَّ حياتكم
دونَ الكتـابِ مشقَّةٌ وعنَاء"

"باللهِ خطوكَ لا لوحدكَ سائرٌ"

"عالج فُؤادك بالكتاب فإنّما
‏طبّ القُلوب تلاوةُ القرآن"

«ولسوف تزهرُ في حياتك جنَّةً
ما دمت للقُــرآنِ تسعىٰ باذلًا»

من فترة كنت بعمل Interview لموظفة في الشركة، دهشتني خبرتها وشطارتها وكَم المشاريع والبرامج اللي اشتغلت فيها، لدرجة اني كنت بهز راسي بكل ثقه وابص في CV بدل ماتقرا في عيني قله خبرتي جنبها. "تخيل انت أمهر من مديرك في المكان بتاعه"
خلصنا المقابلة، وهي مستنيه تسمع قرار تَعينها اللي كانت متأكده اني هاخده خصوصا انها طلبت مرتب مش مبالغ فيه ولا حاجه، لكن انا قولتلها، لأ .
"لأ.. لانك Overqualified وخبرتك وإمكانياتك اعلي من إحتياج شركتنا والمطلوب مش محتاج يكون فيه كل المميزات دي وده مش كويس لينا وليكي، انتي ليكي مكان تاني علي مقاسك."
انهارده جالي Email منها بتقول فيه "انا لقيت مكان علي مقاسي، شكرا ليك"
انت كمان خليك عارف انك اوقات بتكون Overqualified ، علي شغل او علاقة او مكان، مابيكنوش علي مقاسك .
انت كبير في عين ربنا وتستحق الاحسن ،متسمحش لحاجه او حد يصغر منك علشان تناسب مقاسه .

‏"واهرع إلىٰ الرّحمٰن حين إجابةٍ
‏  ما خيّب الله الكفوف الداعية"

‏"اللهـم القلبْ وما دعا والخِيرة فيما ترى 🤍"

"‏يبقى القـرآن ملاذ وأمان لا نستغني عنه أبدا، ومن تولَّى عنه فقد أقبل على حياة موحشة."