ملخص حول درس الميراث للفهم
1// واش هو الميراث .. الميراث هو دراهم اللي يخليهم الميت .. يتقسموا على الورثة( لافامي )
صحا ..
2//كاين اسباب الميراث : كاين 2 برك
1- القرابة الحقيقية ( النسبية): يعني فاميلته من الاصل يعني اب ولا ابن ولا اخ الميت.
2- القرابة السببية : يعني من غير الاصليين في العائلة ..يعني من الزواج الصحيح
سواءا كانت الزوجة في عصمة الزوج او مطلقة طلااقا رجعيا ( يعني كون مازالها مرته .. او مطلقها طلااق 1 ولا 2)
3// موانع الميراث ( الصوالح اللي ماتخليش الواحد يورث )
عددها 3 برك
1- : الشك في اسبقية الوفاة
مثلا هادو زوج كانوا مسافرين في الطائرة أب وإبنه، ، ايا الطائرة هادي طاحت وماتوا وجاوا لغاشي لقاهم ميتين معا بعض وماعرفوش شكون لي مات فيهم الاول ...الوغ ماكانش توارث بيناتهم ..الأب مايورث على الابن والعكس.
2- : الكفر :
الاب كافر، ، ولده المسلم مايورثش عليه .. والا العكس
3-:القتل العمدي :
يعني ماشي تلعبها خشين ماحبش يموت تروح تقتلوا باش تقسم الورث وتورثه 😂😂🙌
........
صحا درك شروط الميراث : كاين 3 برك
1- وفاة المورث حقيقة او حكما ..
حقيقة ..يعني يموت يحبس قلبه وقاع يتاكدوا // حكما .. يعني يغيب لسنين طويلة .. حتى يحكم القاضي بموته
ويحكم بتقسيم ماله على الورثة
2- تحقق حياة الوارث بعد موت المورث ولو بلحظة حقيقة او حكما
يعني سمعنا بوفاة الاب والابن .. لكن تأكدنا انو الاب مات قبل الابن ..هنا الابن يرث من الاب لانه استوفى الشرط
3- العلم بجهة الارث كالقرابة والزوجية ... الخ
4// الحقوق المتعلقة بالتركة : وهي اللي ينحوها من دراهم الميت قبل مايقسموا الميراث
1- مؤن التجهيز وهي مايلزم الميت من وفاته الي دفنه
2- الديون
3- تنفيذ الوصايا في حدود الثلث ( يعني الدرام اللي وصا الميت باش يعطوهم لكاش واحد بشرط يكونوا ماتعداوش الثلث نتاع دراهمه )
4- الارث .
5// ودوك اصحاب الفرائض (لي يدو دراهم تاع الميت):
_1\2(النصف):الزوج&البنت&بنت الإبن&الأخت الشقيقة&الأخت لأب.
_1\3(الثلث):الأم&الإخوة لأم
_1\4(الربع):الزوج$الزوجة
_1\6(السدس):الأب$الأم&الأخت لأب&بنت الإبن فأكثر &إخوة الأم&الجدة&الجد
_1\8(الثمن):الزوجة فاكثر
_2\3(الثلثان):البنتان فاكثر$بنتا الإبن فاكثر&الأختان الشقيقتان فاكثر&الأختان الأب فاكثر
... اما التقسيم والمسائل سمعت بلي مايطيحوش ونحاوهم من المقرر مي مجرد اني سمعت انا درت لي نقدر عليه ربما تلقى نقائص تكملهم من كتاب 5 حوايج ولا 6 تحفظهم من كتاب
لكن انتوما... باش تنحوا الشك باليقين احفضوا الايات نتاع الميراث .. يخلوكم تفهموا مليح ..
.. ان شاء الله نكون فدتكم .. حاولت ننقص عليكم شوية من الحفظ .. كي تفهموا هاد الصوالح ماتسحقوش تحفضوا
اذا مهتم بدروس بلهجة جزائرية ادخل قناتنا
قناة تلغرام #الرسمية) بكالوريا جميع الشعب اضغط ✅👇👇✅
✅ 👉 https://t.me/bac_dztop
دعواتكم ليا بشفاء

😱😱هذا الملخص عند فؤاد فقط و اطغو بل برطاج لا يولي يبيعو فيهم كيما لي فاتو😱😱

شوفو في دزاير تأسسو عدة تيارات ديجا نعرفوهم منقبل

الاستقلالي بقيادة مصالي الحاج
الادماجي بقيادة فرحات عباس
الاصلاحي بقيادة البشير الابراهيمي

في الحرب العالمية الثانية فرنسا دارت قانون التجنيد الاجباري يعني قالت للدزريين يروحو يحاربو معاها ضد الالمان  واذا نجحت فرنسا تعطي الاستقلال لدزاير وافق الشعب وراح معاها ونجحت فرنسا

هنا الشعب فرح وخرج في احتفالات لانهم دو الاستقلال شغل مي فرنسا قاتلهم لا ماراحش نعطيكم الاستقلال وتحولت الاحتفالات لمظاهرات

والمظاهرات لمجازر

تسمت بمجازر 8ماي

وفرنسا اعتقلت القادة تع التيارات لي قلت عليهم قبيلة

وألغت الاحزاب لي كانو دايرينها

يعني مصالي الحاج كان مأسس حزب نجم شمال افريقيا ومن بعد بدلو لحزب الشعب الجزائري

مي الاخرين مش مهمين

يهمنا فتع مصالي الحاج

المهم كي خرجو من الحبس القادة عاودو اسسو احزاب جدد

ودارو اسماء جديدة

مصالي الحاج سما الحزب تاعو بحركة انتصار الحريات الديمقراطية

ومن هنا تبدا اهم المحطات لتفجير الثورة وهو اول عنصر في الدرس

حركة انتصار الحريات الديمقراطية صرات فيها ازمة والي هي انو تقسمت بين مجموعةاسمها (المكتب الوطني ) يأيدو فكرة مصالي الحاج واللي هي انو هو يقرر وكامل يطبقو وبين مجموعة اخرى اسمها(اللجنة المركزية ) تأيد بن يوسف بن خدة والي كان يقول لازم نتشاورو ونتفقو على قرار واحد كامل

بقاو يتعاركو وهنا ظهرت في النص 🥀المنظمة الخاصة 15 فيفري1947

الي كانت حيادية وتحوس غير على تفجير الثورة

مي اكتشفتها فرنسا في 1950

وتع المنظمة الخاصة ولى اسمهم الثوريون او الحياديون

راحو توحدو مع المركزيون تع (بن يوسف بن خدة) 💗وأسسو اللجنة الثورية للوحدة والعمل في 23مارس1954 باه يحضرو كيفكيف للثورة

😊وخيرو مجموعة فيها 22باه يقدرو يتحكمو في الوضع بحكم انو زوز مجموعات توحدو راح يكون العدد كبير (23جوان 1954)

وكي اجتمعو تع مجموعة 22 لقو انو من الاحسن يزيدو ينقصو في المجموعة وردوها 6اعضاء وتسمو بلجنة الستة

😍اجتمعو هاذو لجنة الستة اول مرة في(10اكتوبر1954)وومن اهم قرارات الاجتماع انهم ينصبو وفد خارجي يخدم على الثورة  من برا خارج دزاير شغل دبلوماسيين واللي هوما *احمد بن بلة *حسين ايت احمد *محمد خيضر

وعاودو دارو اجتماع ثاني في 《23اكتوبر1954》

❤والاجتماع هذا سموه باجتماع  (الحسم) لانو قررو فيه كلش ومن اهم القرارات تقسيم الجزائر الى خمس مناطق
تعيين قائد لكل منطقة لجنة الستة هوما القادة
تعيين العضو المنسق بين القادة واللي هو محمد بوضياف

😁واخر محطة اصدار بيان اول نوفمبر

يعني دارو وثيقة بيان اول نوفمبر فيها انو راح تندلع الثورة ووزعوها على الشعب باه يكون علبالو

لي غيهم الايموجي هاذو هوما اهم المحطات الرئيسية للتحضير للتففجير الثورة

●انشاء المنظمة الخاصة (15/16فيفري 1947)
●تأسيس اللجنة الثورية للوحدة والعمل (23مارس1954)
●اجتماع مجموعة 22في(23جوان1954)
●اجتماع مجموعة الستة الاول(10اكتوبر1954)
●اجتماع مجموعة الستة الثاني (23اكتوبر1954)
●اصدار بيان اول نوفمبر (1نوفمبر1954)

دعواتكم لطفلة لي ساعدتنا فيه ادعولها بنجاح

⛔️🆓لمزيد من #ملخصات #شروحات_لدروس و غيرها و #كل_شئ يخص #بكالوريا📖🔖
🟢 #جميع_الشعب
لا تترددوا في متابعة 🫴قناة تلغرام ✅ و إن شاء الله تستفادوا كامل ❤
رابط ( قناة تلغرام #الرسمية) بكالوريا جميع الشعب     
                      ✅👇👇✅
✅ 👉  https://t.me/bac_dztop