اصعب قرار انا خدته فى حياتى لما قررت ابعد عنك ، بحافظ على كرامتى والاصعب ان كنت ابطل اعرف كل تفاصيلك كان قرار صعب وكان فى ذكريات كتيرة مع نفسي بس الذكريات دى مش اغلى من كرامتي احساسي من جوايا ان انا شخص كويس رغم انك ضحكت عليا وقولت اني شخص وحش واحساسي بردو بيقولي ان انا اتحب وانت كنت اقنعتني ان انا متحبش وحاسس يعنى ان انا استاهل معاملة احسن من كدة منكرش ان بعدك صعب بس اسف كرامتي اهم

النهاردة كنت هدخل لشخص ما اقولوا ان هو واحشني دخلت الشات افتكرت ان انا هونت عليه ده اذاني نفسيا حسسني بحاجات انا مستاهلش ان انا احسها طب نفترض ان انا استاهلها بس منك انت بايخه اووى افتكرت لحظات انكساري وانكسار خاطري طلعت بسرعه من الشات وقفلت الشات ونسيت ان هو واحشني اصلا كرامتي ثم كرامتي ثم كرامتي

سمعت بودكاست يقول شيء عظيم
' أنا لا أخاصم أحداً ولكن اغير مكانته عندي' كييف؟؟لا اتواصل معه، لا استجيب له، لا اعطيه الوقت الذي كنت اعطيه له سابقاً، لا افكر فيه ولا اعطيه اهتمام كما كنت من قبل .
عظيمة الايه التي تقول" واهجرهم هجرا جميلا"
الفكرة كلها تكمن في ان تحسن التجاوز.

انا بس عايزك تعرفي ان الشخص اللي في حياتك اللي بيتأسفلك على كل حاجة وبيسامحك ديما وبيحاول يحل كل المشاكل حتى لو انتي اللي غلطانه ده مش الشخص الطيب العبيط الغلبان لا هو بيعمل كده بس معاكي انتي علشان هو شايف ان انتي حاجة كبيرة في حياته بس انتي مبتشوفيش هو بيعمل ايه مع الناس التانيه مبتشوفيش هو بيدوس عليهم ازاي عادي ومبيفرقش معاه فــ اوعي في يوم من الايام تفكري انك تستغلي حاجة زي دي علشان صدقيني هيجي يوم ويدوس عليكي انتي كمان عادي

المرايا اللى تطلعك وحش ماتبُصش على نفسك فيها، المسج اللى تتعبك احذفها، المكان اللى يضايقك اخرج منه، الحاجة اللى مش عجباك سيبها وشوف غيرها، والقعدة اللى تعملك وجع دماغ قوم منها، العلاقة اللى تعكّر مزاجك انهيها، المشوار اللى تروحوا شوف الطريق الأسهل بالنسبالك وبترتاح فيه وروح منه، متحاولش إنك تستهين بزعلك ونفسك مهما حصل ... بإختصار متحمّلش روحك فوق طاقتها .

نفسياً لازم تبقى مُستعد للتقلبات والحركات الناقصه فى أي وقت ومكان ومن أي حد، متتصدمش ولا تتفاجىء لأنه ببساطة النفس البشرية اكتر كائن مُتغير على وجه الأرض، لا الحلو مُنهم مُستمر ولا السيء دايم، حياتك رحلة ياما هتقابل فيها وشطارتك إنك تتعلم "ماتزعلش" ماتزعلش من أي دقة نقص أو تخلّي، بس علم على مصدرها وفلترة من حياتك، ضيف على كده إن محدش بيضيف لحد حاجة وإنك لو مدورتش على نفسك محدش هيدور عليك، الفكرة كلها إن الدنيا رايحه جايه وزي ما بتقدم هيتقدم لك، وقمة انصاف الذات هى "المُعاملة بالمثل".♥️

الوقت ديما بيثبتلنا ان مش لازم خالص يكون عندك 100 صاحب ولا لازم صاحبك ده يكون بقالوا سنين معاك ممكن يكون عندك صاحب واحد بس تحس معاه بأمان وراحة متحسهاش في اي حد تاني

وفي النهاية أكتشفنا
أننا ضيعنا وقت كبير جداً مع ناس متستاهلش..

مين قال اني مش بسامح بالعكس بقى انا شخص بيسامح مرة واتنين وتلاتة ومعنديش اي مشكلة في الموضوع دا خالص لكن لما الاقي اللي قدامي مصمم يكرر نفس الحاجات اللي بتضايقني رغم اني حذرته منها يبقى وقتها هو اللي عايز يخسرني مش انا اللي مش بسامح معلش انا مش هفضل اسامح واتحمل في شخص هو نفسه مش فارق معاه زعلي ولا باقي عليا اصلا وفي الحالة دي انا لازم ابعد وامشى

لكَ قلبٌ واحدٌ.. لا تُهدره

لو حسيت إنك مش كفاية أو مش واخد قيمتك اللى تستحقها فى أي علاقة بلاش منها وفُضها سيرة، ولو مالقيتش لوجودك الأهمية اللى تناسبك متجادلش كتير وتضيّع وقتك على حاجة غالباً صعب تتغيّر "الشخص اللى مايكلمكش إلا لو أنت كلمته متكلموش" الناس اللى من نوعيّة خُدوهم بالصوت لا يغلبونا بلاش تدخل معاهم فى عتاب عشان هتعكّر مزاجك وبس، ولما تحبّ تتكلم أو تناقش لازم تبقى عارف إن اللى قدامك بيعدّي الكلام من على عقله و قلبه قبل ما يرد، بلاش تستهلك وقود على الفاضي لا فى شغل، ولا علاقات.

مكانتك اللي انا اديتهالك في حياتي لو ضيعتها هتفضل تتنطط طول عمرك ومش هديهالك كانت نقله في حياتي وتفكيري لما فهمت ان انا مش لازم ادورلك على مبرر ادورلك ليه اصلا انا مالي انت مش غلط في حقي انا مش مضطر ان ادورلك على مبرر تكرار التقصير اللي منك ده معناه ان انت عارف وبتكرره ومعندكش مانع انك تخسرني

متنساش ان ليك الحق فى انك تنهي علاقة بتأذيك وتقفل كتاب مش مناسب ليك ، ويكون في حدود فى التعامل مع الناس او انك متردش على مكالمة تليفون هتضايقك ، وانك تتمسك بالحاجات اللي بتحبها مهما كانت مجنونة او غبية لان ابسط حقوقك انك تعيش زى ما انت عايز مش زى الناس ماهي عايزة..

بعد 25 سنه حياه وتجارب وناس داخله وناس خارجه من حياتي اكتشفت اكتشاف متاخر شويه هو انك متحاولش بجد متحاولش مع اي بنى ادم للحظه ولا تدي لحد فرص وتقول يمكن يطلع كويس الي بيبيع مره هيبيع عشره واللي هتهون عليه مره هتهون عليه طول العمر كفايه وجع لقلبكوا وعيشوا لنفسكم بس ولراحتكم ومتدخلش حد حياتك الا لو هو فضل يحارب عمره علشان يوصل

‏هل العالم يزداد قبحاً ام اننا نرى اكثر وضوحاً؟

لما اكون في السن ده واعصابي بايظه لدرجه اني مبقتش قادر اتحكم في نفسي و ايدي بتترعش طول الوقت، خسرت اكتر ناس بحبهم ، بتفهم غلط دايما بيشوفوني شخص وحش لدرجه اني وصلت لمرحلة مبقتش ابرر لحد وأثبت اني كويس ، بقيت اخاف اقرب من اي حد علشان عارف كده كده اخرتها ، مبقتش عارف انا بعمل اي في حياتي ، كل حاجه متلغبطة ، بدور على اصغر حاجه علشان تفرحني ، عمال اخد دروس بتوجع في الناس على أمل اني اتعلم بس انا تعبت والله🙂

ورَغم كُل هالهوسة
وزحمة الشوارع
وأصوات الناس
أنتَ على بالي .

متستعجلش، بلاش تكون مُتسرع وتخلِّي انبهارك يفتنك ويوقعك فى بير مالوش نهاية، سيب لكل حاجة وقتها وبعدها قرر، معرفة الناس عموماً عامله زي حاجة بتستخدمها فى حياتك بيبقى ليها لهفة وانبهار فى أولها و شوية شوية بيبقى عادي ولو الحاجة دي نضيفة بتقعد معاك اكتر وقت ممكن ولو تعبانه مبتكملش عُمرها الافتراضي حتى وتبوظ، الناس نفس الفكرة كل ما تتعمق معاهُم ويعدّي الوقت وتحصل مواقف بتبدأ تتأكد مين مُبهر فعلاً، ومين كان ملمَّع نفسُه لحد ما الوقت غسلُه وكشف حقيقته، فمتستعجلش.

متعملوش حاجه كويسه لحد ياجماعه ، محدش بيطمر فيه...