الا يا كلام الحق تشبه عويد الراك
بك الناس لا من شانت أفواهها استاكت.

"أخشّ اسمك عن أطراف الحديث و تفضحه دعواي
‏و تهتف له عروق القلب، و تجدد له البيعه"

‏VS

‏"لو أخش اسمك اللي يستحق الشِعر والتمجيد
‏تمحور حولك المعنى -ويدرون إنك المعني-"

"الكبير تْجي جروحه من أحبابه كبار
‏ليت ربي ماخلقني بأحاسيسي كبير"

‏__سعد علوش.

"أحد يصحى على صوتك ولا يصبح صباح النور؟
أحد يغفى على صوتك ولا يحلى له نْعاسه؟

أحد يقرا وصوفك لا ضحكت ويكتبك بسطور؟
أحد يشرب دموعك لا بكيت وينثرك كاسه؟"

__رشيد الدهام.

"آه مِنْ صوتٍ تَرَك كِلّ الحَناجِر
وانْتِثَر في دَفتري شِعر.. وقريته"

"مِنْ غَرَامك في غَلاك أرّحل و أهَاجر
و ان ضواني لِيلْ من يَمّك، سريته."

"يا مدى تاريخ ميلاد الحزين المرهف اللي:
‏قسّته كل الظروف وما نساك و جاك ليّن"

__عبدالملك الخربوش.

فيك يشغل وسيع البال تفكيره
عاقلٍ ما تجنن بك غريب أمره

للصباح الحلو ، للناس ، للديره
معك يتشفّق الواحد على عمره
🤍

"لو توقّفني مشاوير الليالي في النصيفة!
كل ليلٍ عاد عينك تسهره ما فات أوانه"

"مستحيل يعيش عيشه طبيعية
‏من لمَح شرارة الحبّ في عيونك"

‏__خالد مبارك.

‏والْمُسْتَغْفِرِينَ بِالْأَسْحَارِ‏

"طيوفك مرّت البارح وشبّت للسهر تذكار
‏سنين وسالفة قلبي، طيوفك ما تفارقها

‏تمرجح فالضلوع رماح رمشك والغلا جبّار
‏غرابيبه بحورٍ من قبل لا اسريك غارقها

‏قضيت الثلث من عمري احبك والعمر مشوار
‏دروبك ما تملّ وضحكتك من عام سارقها

‏كبار وننطح القاله ولكن فالغرام صغار
‏تزعزعنا رهيفات الخصور ان هب طارقها"

__عامر محمد بن مبشّر.

"أنا من كثر ما احبّها ما استخرت الله
‏أخاف استخير وخيرتي ماهيب معها."

‏__مبارك المطرباني.

"الحياة اللي معك وإلا بدونك.. مستمرّة
‏بس، تفرق مثل فرق اللي تشكك عن يقينه"

"لا تحمّلْك الخطايا همّ عذر ولا سموحه
‏ارجع أنت.. وكل شيٍ فات يرجع في مكانه"

‏__عبدالله السراهيد.

" من يلوم المفوّه ، فالوداع إن خانه التعبير ؟ "

" لك علي انسى ليالي الوصل .. بالقطّاره
وابكي ابكي، لين اصب القلب من جفنيني "