"هذي كويت العـز والسـور الحصين
‏دارٍ سماها من صباح إلى صبـاح

‏معها نشوف ان المحبه (فرض عين)
‏وان الولاء بابٍ من ابواب الصلاح

‏بنتٍ حلاهـا مـاتغيّـره السنـيـن
‏"درة بحر" مكنونها مايستبـاح

‏ماهوب مادون الحلوق الا اليدين
‏حتى عيون المال وخشوم السلاح

‏اللي حفظها؛ والجيوش معسكرين
‏ماهو مضيّعها وهي ظبية بـراح" 🇰🇼

"يا الغايب اللي لو الدنيا تردك علي
عيدت و العيد باقي له ثلاثين يوم"

"يا شبيه النور لا منّه تسلّل
‏للمكان اللي تغطيه الستاير

‏أنت رمشك مثل ما يذبح.. يضلّل
‏فيه ميلاف الحنون وفيه ثاير

‏السماء تمطر والأزهار اتبلّل
‏لا ضحك وجهك عقب هل العباير

‏أنت ما ينقال لك إلا تدلّل
‏الدلال اللي تغذيه الضماير"
‏__ناصر مناحي.

"أنا ادري إني كل ما نزلت راسي للسجود
‏يرفعني الله بالقبول الزين لأعلى مرتبه"

"جعل ضيعاتي بحبك حبيبي كثار
‏ياللي أسرفت في حبك وأحس بقصور

‏في خلا قلبي المليان هم ودمار
‏ربّع الحب وطارت في سماه الطيور

‏ما قلط فيه - غيرك - من طوال العمار
‏كنك اللي محاوط به عن الناس سووور" 🤍

"العمر كله مخاوف، وانت بس الآمان
‏مافيه احد يشبهك ان طاب ولا ندر

‏بين الشهور الطويلة، انت شهر رمضان
‏وبين الليال الكريمة، انت ليلة قدر"

"أوعدك كان حضوري مسبب إزعاج
‏بودعك وأغيب و ألغي حضوري

‏ماني بـ فاتح باب قلبي للإحراج
‏ولا احب أكون أنسان ما هو ضروري

‏يوم انت كنت لـ ظلمة أيامي سّراج
‏ما خافت الخطوات حزة عبوري

‏ببعد وأنا أدري ما ورى بعدك علاج
‏والهجر والله ما هو من دواعي سروري"

"مريت في كل الزمان.. وتأكدت
‏ان إنتظار العيد أحلى من العيد"
‏—سعد هندي.

"تمخطر بخصرٍ ما يحتاج تشبيه
‏من كثر ما هو مفرطٍ في الليانه

‏في خطوةٍ وحده تعدله و تثنيه
‏كنك بيدينك تثني الخيزرانه"

"زفّك النور في صبحٍ نسيمه خزامى
‏غرّتك من يصبّحها لقى ما تمنّى

‏عودك مْن الترف ياما تثنّى وياما
‏أهيف ٍما أستقام إلاّ عشان يتثنّى

‏جابك الله مثل غيث ٍمزونه تهاما
‏ترتوي من هماليله عروق المعنّى

‏جيتني كنك الماء لا تساقط على ماء
‏ديمتك ممطرة منّا ومنّا ومنّا"

‏__سعود مهدي.

"أنا العاشق اللي في بحور الهوى سباح
يا سهلي ويا صعبي ويا كثر تعقيدي

كلامك مهو واضح ويحتاج منك إيضاح
ولو ما أنت في حاجة لنفيي وتأكيدِي

أحبك تعيد الحكي بس أكره الإلحاح
تفضّل علي وعيد ما قلت يا سيدي

مخارج حروفك تسحر ومبسمك ذباح
وبحر عيونك أعمق من بحور الفراهيدي"
— بندر الدويش.

"كل فرصة تعدّتني أقول بـ تعاد
‏علها خيرة و قافي غبشها رعد

‏و المفارق ما يعني بأن قلبي جماد
‏العلاقات رزق إن ما صلحت ابتعد

‏الحشيمة بـ تبقى لو يروح.. الوداد
‏بـ احفظ العشرة بـ قلبي و اصون العهد

‏انشغلت بـ طموحاتي بـ ليل السهاد
‏لو عثرت بـ دموعي.. شلتها بـ الجهد"

‏«وأحبّه.. كثر ما كفّ الكريم تفتش جيوبه» 🤍

‏يا رب "أمهلني أتطهّر من ذنوبي إلين ألقى قبول
ثم خذني الخايف من إنه يحب شيءٍ دنيوي"

"تحلّين الحياة بعين من حاله طواه الياس
‏أجل وشلون لبسٍ تلبسينه ما يصير أحلى؟"

—ناصر مناحي.

"إن تبسّم، يدور النجم في حدّه
‏وإن تجهّم، تجيه الشمس نكّاسه

‏حاوطتْه الدروب وْ عيّت تهدّه
‏كل شارع يمرّه يكتم أنفاسه

‏ما يسوم الحلا فـ السوق ويحدّه
‏وهبة الله من جدوده ومن ساسه

‏ولا أنا.. يا وجودي له ومن مدّه
‏ودي ألمس يدينه وألمس إحساسه"