«أجفي الدنيا واعوّد واصير صْحيبها.»

"عن مشددة اللواحظ ومرخية السموع
‏ قافلٍ بيبان ودّ العلوم وجيبها

‏مادرى باللي تكنّ الضلوع إلا الضلوع
‏وش تبي تنفعني الناس لو تدري بها!"

اختلاف الراي فـ الناس شيٍ من قديم
‏العقول انواع واصناف مثل الألْسنه

‏لكن الواقع سواة السراط المستقيم
‏في عبوره تكتشف كل سيّه وحسنه

‏وين غابوا من تواصوا على النهج السليم
‏وكيف صاروا من مع الميسره فـ الميمنه

‏أشعر بغربه مثل غربة أصحاب الرقيم
‏يوم قاموا بعد ناموا «ثلاثمية سنه»

"‏يا حبيبي ما طمعت الا بشيّ من العداله
‏لا تجرّدني من احساسي ولا تنكر مسيري"
__ناصر مناحي.

"يتشجّر النسيان.. وأرتاح تحته
‏وتنصاني الذّكرى وفي يدها فاس!"
__حمد المشيعلي.

"أحبّك والشتاء موْغِل، وأحنّك والسّنين يْبَاس
‏أنا عينك أعَرْف إحساسها، وأعشَق مطالعها

‏عسى ما لك ديارٍ في هواها يتعب العسّاس
‏يا وجهٍ في تفاصيله لقت [روحي] مرابعها."
🤍

"ما كان ودّه يبللك المطر يا جميل
‏لكن يبي يحس كيف إليا نزل يرتقي"
__سعد علوش.

يا ليلٍ تقلّط في عيوني سهر وسْهاد
‏متى اشوفك تقلّط سكون وطمأنينة؟

"طْعونَها النّجْل، يوم الناس ملتمّه
‏ما سيّلتْ غير دَمّي من شراييّني"
__نايف صقر

"البارحه ما بين ليل وبين طاري
‏شحّت الفرحه وبلّلت الوساده

‏علّم الاسوار مشوار انتصاري
‏افتح الشبّاك واجمعلك إراده

‏ما كسبت مْن الفراق الا وقاري
‏ما جمعت مْن الحنين الا رماده

‏علمّتني كيف احن وكيف اداري
‏واتركتني ليل ما ملّت سواده

‏مرجحتني بين خوفي واعتذاري
‏واحفظتني حرف مسجون القلاده

‏اسهروني كل ما طال انتظاري
‏واسكبوني لو تبون الحب ساده."
__احمد البحّا.

"تعمدني غلاها لين حبّيت وعرفت أشتاق
‏وأنا ما كنت ألين من العلاقات الغراميه"
‏__علي الدعيه.

‏"والله ما كنت أطاوعها ولا أسمعها
‏لكنه الحب سمّعني وطوّعني"
‏__ضيدان بن قضعان.

"أمانة لا مسحتي الكحل، خلّي طيف أحلامي!"

"عفى وأصفح ورحل"
‏اللهم إنا نشهدك ان ⁧ #الشيخ_نواف_الاحمد_الصباح⁩ كان خير حاكم، اللهم اغفر له وتجاوز عنه واعف عنه وأبدله دار خير من داره وأهل خير من اهله.

"من قبل لا تشهد لك الناس بالخير
‏تشهد لك يابو فيصل ركون المساجد"
يا مال الجنّه.

والله انيّ في ربيع العمر مرخص لك سنيني
‏"ما نبت للعمر زهر إلا عشانك.. تقطفينه"

يا رب له جنهّ و روحً و ريحان
‏نستودعك وجهه و طيّب ختامه

‏تسأل عليه بمسجد "بلال" جدران
‏ويبكي على فرقاه قصر اليمامه

‏الزاهد المملي تسامح و تحنان
‏ما فارقت ذاك القبول ابتسامه
‏
‏حتى وداعه ممتلي رفق وأحسان
‏مرسوم عفوه كان "مع السلامه"

—اللهم ارحم الشيخ نواف الأحمد الصباح
برحمتك التي وسعت كل شيء.

بكى .. ما كنّه اللي كان يغرينا فرح ومزوح
سكت .. ما كنّه اللي كان ملهمنا وشاعرنا