فاتتني الفرصة وأنا ماودي الفرصة تفوت
‏يوم أنثنى جِيده ولالي غير ونَّاتي ذرى
‏-مساعد الرشيدي.

فيك يشغل وسيع البال تفكيره
‏عاقلٍ ما تجنن بك غريب أمره
‏َ
‏للصباح الحلو ، للناس ، للديره
‏معك يتشفّق الواحد على عمره
- ناصر مناحي

أقبل وكنّه يسحب أخطاه مذهول
‏ من الحيا لا من وطا القاع سمّا

‏بياض عنقه من ورى شاله تقول
‏نور القمر لاجا على .. راكد المّا

ما حسدت المطر على مكان النزول
‏لين بلّل جدايلها وهي ضاحكه

‏كانت كفوفنا ملامح من الذهول
‏مدري كفوف والا ارواح متشابكه

‏جعل غيمٍ يفرّح خاطرك ما يزول
‏وجعل كل الليالي فيك متباركه

أزعّل العالم عشانك، وأراضيك
‏ياللي بقلبي، ما تغير محلك

‏المستحيل إني أخونك، وأجافيك
‏والمستحيل إني " أعوفك وأملّك "

‏ما جيتك ألعب بالمشاعر وأخليك
‏وما جيت لأجل أستغفلك وأستغلك

‏جيت أهدي العمر لفخامة معاليك
‏وأضيع بدروب المحبة، وأدلّك

كيف أنشغل عنك؟ أنا منشغل فيك
‏ليت الشعور اللي بقلبي وصلك

‏وشلون ما أقدّر ظروفك وأداريك
‏وأنا أحشمك وأحفظ مقامك وأجلّك

‏يا لذة الدنيا، ويا نبض مغليك
‏روحي تفيت في وصالك وظلك

سحابةٍ مدلّهمة سالت مزابير ماها
الارض فيها تباشر والغصن منها تثنا

ماتدري أنها بصدري متفانيه في عطاها
تفتّق جروح منا وتداوي جروح منا

"علمي بوجهك فـ اسوَد العجّ غايب
‏والريح تدفعني.. وانا ما لي اقدام"

عالية مثل السحاب من بياض ومن طهر
‏ ماتضيق ولا تهاب، وماتبوح.. إلا مطر

اقرب تعال وطف ضيّ المصابيح
‏قل لي تشوف في داخل الصدر ضيحه؟!
‏.
‏قلبي حرقته يا سخي التباريح
‏لا تعذله ودموع عينك شحيحه
‏.
‏شبيت به نارٍ وعرضته لريح
‏لا يا بعد قلبي وجمره وريحه
‏.
‏قم ضمّني خل العيون الذوابيح
‏تذرف على صدري رذاذٍ يريحه
__بدر بن عبدالمحسن

عندك خبر إنك:" أعز اللي نوى إرهاقي؟ ورغم ذلك ماودّي ينام إرهاقي الا على راحتينك"

انثى القدم شفها خذت من صوتي الحافي مداك.

ولا يغرك ..أنا صابر
‏وترى من داخلي عاثر
‏أبين لك أنا الواقف على حيلي
‏وأنا المغلوب على أمره
‏وأبيّن لك أنا البارد
‏وأنا واقف على جمره

“ماكنّه الا علاجٍ يشفي آلامي”

‏"‏يا سحر آخر قصيدة في عيون الشاعر الغوّاي
‏يا وجه مستعد اعيش عمري في تقاطيعه

أمانه لا تغرّك مرحباي وضحكة محيّاي
‏ترى حزني مثل رمشك طويل وضيعتي ضيعه"

تركت وجيه خلاني وراي وجيتك من اقصاي
‏وانا بعض الوجيه اليا شريته ماقدر ابيعه
‏
‏أخشّ اسمك عن أطراف الحديث وتفضحه دعواي
‏وتهتف له عروق القلب وتجدّد له البيعة

لا تاخذك الليالي والليالي ماهي بشرواي
‏تداري خاطرك من كل تنهيده و تلويعه

يقولون ان حبيبك ما تهزه حشرجات الناي
‏واقول بصوت عاشق مابيدّه غير اصابيعه
‏
‏عفى الله عن حبيبي لو حبيبي ما هو بـ ويّاي
‏كثر ما اعاند الشوق بغيابه وارجع اطيعه
‏
‏عليه من السرور اللي ماهو في وجهي البكّاي
‏وعليه من السلام اللي ماهو في ليل توديعه

يا عطر الصبح مرّت نسمة طيوفك ولا مريت
جعل صبحٍ يجيبك ما أعدم ريحانه وشيحه

حزين! وكل ماصبحت في ذاك الثغر، غنّيت
يا وجهٍ يبتسم ثغر الضحى من نور تصبيحه

صباح الخير

كيف أشوفك في فتور من الهوى و أنت إندفاعي
شايفٍ فيك أجمل أيامي.. صباحات و مسرّه