أنا بخير في قربك وطيّب لامنّي صرت
أصبّح على وجهك وأمسّي على وجهك
- جابر آل دجران

أجنّب ما يكدّر خاطرك جنّابة المنقود
و أدوّر ما يصايد خاطرك دوّارة الضايع
this or nothing *

مْلكتني أربع حروف وتملّكني الذهول
من محيّاك لين رمشك وآخرك لين أولك

يا خشير الروح ما ترضيني أنصاف الحلول
لدّ عينك للحياة وشوفني مستقبلك

بإنتظار الليلة اللي نلتقي فيها وأقول
" يا بعيد وجابك الله لين عندي وصّلك "

لا تنشد عن غلاك وحُبك اللي ماعليه ظلال
أحبك والحياة اللي بدونك ما أتصوّرها .

يمكن اكذب ؛ بس مانيب في حبًك كذوب
كنت واضح والمحبّه عذاب الواضحين

و يوم في قلبي ضمنتي مكانك يا اللعوب
استويتي فوق عرشه وقمتي تلعبين

غطرسك عشقي و خلاك شرّابة هبوب
كنّك اخر بنت فوق البسيطة تدرجين

لين شفتك تلبسين المكابر لبس ثوب
والمكابر يخنق الشوق ويهين الحنين

مخارج حروفك تسحر ومبسبمك ذباح
وبحر عيونك اعمق من بحور الفراهيدي

علي الحرام إنك أغلى من عرفت وهويت
ولا معك من بنات الجيل ذا شاكله

يويلي لو سكت ويويلي لو حكيت
والله يا لو إن وجهك ينوكل لا آكله

قل للعذارى لا تتاجر بأهلها
المجتمع كذاب و الحب كذاب
فارس الحشار

لك صدق لبّايي اللي نابع من الضمير
وغيرك ؟
له الدارج المعتاد هاااااه وهلا

عقد الغلا من جيد الأيام مسروق .

على ذمّة التاريخ واللي روا التاريخ
محد حب من قلب وتهنى بـ محبوبه

- فالح الغنامي

ياللي لك الشعر يُكتب و المشاعر تذوب
الشوق ماهو بـ يرحم و الطواري بلا

تعال، ما فيه واحد خالي من الذنوب
اما كذا مواصل العشاق ولاّ فلا

ان كان للحب دوله تستضيف القلوب
من غيرك اباييعه و اقدّم لْه الولا

انا معك خاطري واسع و صدري رحوب
حتى لو اني حزين و خاطري ما سلا .

أحبك حسبي الله ليت مالك في سماي بروج
ولا لك في البسيطة كود شيٍ بينك وبيني

دخيلك لا تلفَّت و رح بفالك واترك المرجوج
تغانم ما بقى لك ولا أنا ما عاد يمديني

فمان الله سق ركبك على درب السنين العوج
و لـٰكن طالبك .. لا أقفيت عني لا تخليني .

انا القانع إللي في تفاصيلها مشفوح
وانا اللي يطيع الشوف والعفه تطيعه

رعى الله ليالٍ راسها بالوصل ممسوح
وتفاصيل حب ما جنينا منافيعه

مازلت أنتظر برق البشاير متى بـ يلوح
واعد الشهر لليله ويومه واسابيعه

نسيم الصباح الحدري اللي يرد الروح
يكفيني انه من جهتها ذعايعه