#نعي_وابوذيات_للقاسم _{ع}

يريت سهام البصدرك ٠٠٠لحني
نحت والدوح مايوصل ٠٠لحني
كون بزفتك جفي ٠٠٠لحني

*وصفت حناك من دم المنيه*

✍نور الولايه الفاطميه

#نعي_حوار_بين_مولاتنا_رمله_والسيده_زينب

#السيده زينب ⬇️

*اه يرمله* جاسم الباگو شبابه
*اه يرمله *واختلط دمه بترابه
*اه يرمله* يعينج الله ولمصابه

#جواب_ام القاسم⬇️

*ه يعمته*. نوحي زايد وي لهفته
*اه يعمته* بدم تحنه وانه شفته
*اه يعمته* جفل گلبي شلون عفته

#السيده_زينب⬇️

اشوفنك يجاسم محنه الجفوف
من دم حنتك وبيوم الطفوف
البگه براسج يرمله بموت الحتوف
يهد الحيل عمه  والگلب ذاب

#جواب_السيده_رمله⬇️

طفوا شمعتك يلولد
وطفوا شبابك باللحد
ياعمته راحوا بعد
جفي لطم فوگ الوجه

✍باقر جبار الشويلي

أول مرة أحس كسر الخواطر
من شفت الكمر بيــن العساكر
وحده بلا معين     ويدور عالحسين
أول مره أحس كسر الخواطر
.............................................
شراي الزلم معروف يحجي ألسانه سيفه
من يمشي يرجف الكــاع محرابه مضيفه
عالشاطي وكــــــف عباس يستقبل خريفه
وكفة حيـــــدر بصفين يستنكي أعله كيفه
من الخيمة للشاطي النواضر
حيدر لو كمر عدنان حاضر
بيه متحيرين       ويدور عالحسين
أول مره أحس كسر الخواطر
....................................................
جوده ورايته والسيـــــف بيمنه شحلاته
سورة من كمال النور وجه وكل صفاته
شال الماي جــف عباس والجمره بلهاته
دخن راسه من أنــــــــدار لحسين وبناته
يسولف وانه أسولف بالأشاير
كلتله الماي سكنه وكــال تامر
أمن اعيوني الثنين     ويدور عالحسيـــــن
أول مره أحس كسر الخواطر
.......................................................
توجه للخيـــــــــم عباس يمشي وكله غيرة
اليوصل حده غير الموت مايحصل مصيره
وصل حده العطش والحيل بده أيعثر مسيره
مره أيطيــــــــح مره أيكوم حيره والله حيره
مثل غصن وذبــل عباس صاير
أكل جبده العطش وبوعده صابر
رباة أم البنين       ويدور عالحسين
أول مره أحس كسر ألخواطر
................................................
وكع من طوله مثل السيل وايدور اليعينه
لكن عسكر أبــن ازياد أخذ دور الضغينه
من شافه وكع بالسيف أجــه يكطع يمينه
أواحد صوبه بيسراه كطعها وصاب عينه
طاح وطاحن أجفوفه ويكابر
يريد أيكوم كوه ويرد عاثر
ما عنده أدين    ويدور عالحسين
أول مره أحس كسر الخواطر
......................................................
أيس والتفت عبـــــــــاس صوب أخيامي كوه
وشفت حسين محني وراح يعثر خطوه خطوه
شاله وبالحضن خـــــــــــــلاه ويسأله راد توه
شم عطره ويكله حسيـــــــــن كله حسين هوه
كله خويه يحسين ألمشاعر
تجرح خاطر البعده يناطر
أهات او أنين    ويدور عالحسين
أول مره أحس كسر الخواطر
................................................
خادم خدمة الحسين
الشاعر
محمد الموالي

للماي  راح الماي   لجل الماي    يروينه
والجود   شال الجود  راح يجود   لسكينه
والرايه العلامه    ترجع بالسلامه
ياعباس والينه
،،،،،،،،
يااية النخوه       يامروه ياصفوه
يل رابي فوك متوني وضحكك بذاني
يايسرة العسره     ياكافل المسره
بكد ماتصدليه واصدلك جنك اني
جنت القبنك بصباي   عباس يابرد الماي  ياروح حسين واختك  
وبالمشي ادورج يمي   تسلم على امك امي  تكلك الزينب ردتك
والعود   كلك زود   يالمريود   بالمحنه
يازين  وحده حسين   والجفين   حامتنه
ياهيبة عمامه   ترجع بالسلامه
ياعباس والينه
،،،،،،،،،،،،،،،،،
يامانمت يمي     بحجري وتكلي امي
بعيني اشوفك وردت زهره بزماني
يعذيبي واشتمك      آنه اختك وامك
ترجعلي سالم للخيم راح ابقه اتااني
لو ماترد چا لتروح   الطولك زينب فدوه اتروح  حسين ويكلك نفسي
خويه اخذ كلبي يباريك   عن النبل لايرميك       ياكمرتي وياشمسي
عباس   هاي الناس  راس براس  متجمعه
وحسين صد بالعين  ماله معين    ويسمعه
ياحزام الامامه    ترجع بالسلامه
ياعباس والينه
،،،،،،،،،،،،،،،،
حسين احترك جوفه   وضل يفرك اجفوفه
حاير بقه يروح ويرد يم المخيم     
ويكلي ادعوله         وعالباري اقسموله
ابجاه الزجيه الطاهره كافلنه يسلم
ساعه وركض حافي حسين      صوب النهر وينادي
جيتك يروحي وذخري
ولمن رجع شفته بحال     يمشي وجسد مابي روح  
ماشفته هيج بعمري
ويلوع    يجري دموع   محني اظلوع   لعضيده
العامود     بيت الجود     هده الزود      وبأيده
ومتفيد الندامه     ترجع بالسلامه
                                ياعباس والينه
،،،،،،،،،،،،
حسين انكشف ظهره      وكوه ركب مهره
ويسمع كلام الشامت الشايل جفوفك
بي قلة الحيله               موتك هدم حيله
كل سا يرد للشاطي مايكدر يعوفك
من طحت داسوا بيتي       وتحول اسمي وصيتي     من حره للمسبيه
واكره صرت طاري لماي  بعدك يمرَّاد احشاي  ياشوفي خلافك عميه
مسلوب   خدري انوب    گلبي ايلوب    بغيابك
لاوين    وجهي الحين      بعد حسين  ومصابك
يالحرگوا خيامه    ترجع بالسلامه
ياعباس والينه
،،،،،،،،،،،،،،،،،،
للعلگمي ملكته           لاجن ولاضكته 
ومانيتك تشربه لمن اخرنه يشرب
جبدك جمر صالي    ومايطفه يالغالي 
ونارك على خدري اشد من الضمه اتشب
نار العطش ويه الثار     وخدري تصير اشجم نار   تتوجر بدلالك
نار الحميه الدينك    وعلى اخوتك وحسينك    وحال التلوع اعيالك
والسوط    بيه يحوط     كلبي يشوط    من طگته
   وعدوان       والنيران    للصيوان     حارگته  
تعديت الملامه     ترجع بالسلامه
ياعباس والينه
،،،،،،،،،،،،،،،،   
تمت بعون الله تعالى
٢٧ شوال 1440

للشاعر.. ثامر العارضي

شايل اصرار
شايل أصرار _ حار أبن حار
بي حراره _ تحرك النار
يحر يحر ماواحد يكدره
سبع سبع والجابتك حره
أمك كرمهه محير الوادم 
عزبت بيكم موش بلسفره
دخيل  أمك دخيل _ يبن الاطايب
خلفة زلمه _ يلوي الشوارب
كمر  كمر ناوي _ كمر كمر راوي
هاذه الكمر يطفي  _ ونته تضل ضاوي
          !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الجابتك صيف _ ماترد ضيف
ي البلكماط _ لعبتك سيف
شهم شهم يامصدر الواهس
الماي لو ماكصتك يابس
من تسمع بزينب يبو الغيره
أمك تكول بطني ويرافس
تسولف ألافعال _ بس انت ساكت
وترجف الاسباع _ بس انت ثابت
كلف كلف  عازم _ كلف كلف حازم
لو ما أمر الله  _ جا مابقت وادم
            ¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
يا لبنهه _ ماكو منهه
لعين الحسين _ تطي أبنهه
وفي وفي وماكو وفه مثله
بت الفحول تخلف فحله
يتبده يم حسين من يعطش
وماكله خويه سيدي يكله
بلا عين تنهاب _ ياكافل أم عون
يلما شلت باب _ بس شايل ضعون
كفو كفو حسينك _ شكبارهه سنينك
جاع السهم بلطف _ شبعته من عينك
             !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد الناس _ رفعت الراس
شرضعتك _ أمك يعباس
صلب صلب والكابلك يضعف
صلب صلب ويضيع يمه الطف
هوه الدرس من مدرسة حيدر
علمه جبير ومايشيله الصف
يلماكو عصمه _ تكعد عليك
خمس أئمه _ باسو أيديك
نزر نزر  أول _ هوه اللغز والحل
حته الهوه يحتر _ عباس من يزعل
               !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي..

--

شكراً

شكراً ابكبر السمه
للحسين وفاطمه
خادم صرت واتسجّلت
للحسين وفاطمه
ــــــــــــــــــــــــــــــــــــــ
انتظر شهر المجالس ٠٠ كل سنه واحسب إله
هالشهر ضيف اعله روحي ٠٠ وبالدموع أستقبله
هله بالخدمه الاحبهه ٠٠ وبالذبح لا مو هله
هله بعبدالله وضحكته ٠٠ وألف لعنه لحرمله

ياهله إبشهر اللطم
سَوه للدنيه طعُم
وبكــل سنه عاشگ أنه
للحسين وفاطمه
ــــــــــــــــــــــــــــــــــــــ
ياهله بشهر الكرامه ٠٠ إو مو هله بطاري السحگ
آنه أريد الخيمه حضره ٠٠ مو تطيح وتحترگ
زينب اسمعهه تنادي ٠٠ صارن امتوني زرگ
الدنيه چذابه ابطبعهه ٠٠ وبس الاحسين الصدگ

وآنه جاهل بالمهد
باقـي ثابت عالعهد
حد الگبر لطم الصدر
للحسين وفاطمه
ــــــــــــــــــــــــــــــــــــــ
احسين افضاله چبيره .. وتارسه اعيوني ترس
احسين ساترني بعباته ٠٠ وهوه نايم بالشمس
ثوب الاحسين العقيده ٠٠ مو سواد وينلبس
احسين ياناس اعله مودي ٠٠ بالحوافر ينرفس

إشتراني إبمنحره
وصعداني الـمنبره
واقرايتي وكل خدمتي
للحسين وفاطمه
ــــــــــــــــــــــــــــــــــــــ
امنيتي اشوف احسين عايش ٠٠ مو اشوفه ابلا نحر
كل سنه وهاي المصيبه ٠٠ واسمع بهاي الصور
رمح الامثلث يشيعه ٠٠ واصل الحد الظهر
الحافر ايجر بقميصه ٠٠ وصدره بالخيل انكسر

وزينب اتصيح انتظر
لا تذبحه يالشمر
وآنه استمع وأجري الدمع
للحسين وفاطمه
ــــــــــــــــــــــــــــــــــــــ
والزغيروني خواته ٠٠ ايلاعبنه ويبتسم
ماشفت جاهل يشيعه ٠٠ رايح ابعركة زلم
إشودّه عبدالله المنيته ٠٠ هذا الابگد الحلم
والسهم ذابح رگبته ٠٠ واُمه بثيابه تشم

يادللول الولد
تعّب امتوني المهد
يالسافرت يبني إو رحت
للحسين وفاطمه
ــــــــــــــــــــــــــــــــــــــ
بهاي الاجواء العجيبه ٠٠ آنه ياعالم عشت
اوي الحسين امن الطفوله ٠٠ وهسه كلش شيّبت
شيِّبت راسي رقيه ٠٠ الماتت بحضن الطشت
ولو عفت هاي المجالس ٠٠ يعني إحسبوني مِتت

ما أريد المنقبه
أرجو حسن العاقبه
ناذر نذر كل العمر
للحسين وفاطمه

محمد الجماسي

#اللهم_عجل_لوليك_الفرج

جينه ننشد عن رقيه وينها
وهم بلاحبال العده امكيدينها

╌────═❁═────╌

طفله بحضان الحسين اترعرعت
ومن صغر سنها رقيه اتلوعت
هم صدك مسبيه عل ناكه اطلعت
وهم تراجيها العده امسلبينها

╌────═❁═────╌

سلبوها والاذن تكطر دمه
اجدامها من الركض متورمه
اوهيه عل العز والدلال امعلمه
والحبل ضل طابع بجفينها
╌────═❁═────╌


تسال اعلى حسين ودير النضر
والدي ياعمه يايوم ايحضر
تكلها زينب والدج عمه ابسفر
علثرى ماتدري ضل احسينها

╌────═❁═────╌

شلون من راحت اسيره علهزل
جفوف ترفه وتالي مشدوده بحبل
وين ابوها حسين لمن تنسال
بالخرابه طفله ومكَعدينها
╌────═❁═────╌


من التعب طبك َجفنها بضلام
بحضن ابوها حسين متعوده  تنام
منالگفه مذبوح تاليته السلام
وعلى الراس الطفله غمضت عينها
╌────═❁═────╌

*
✍نور الولايه الفاطميه

https://t.me/+63HK-Y3_SrQzZTEy     رابط قناة الشاعرة نور الولاية قصائد حسينية مكتوبة

نعي
السيده زينب

تَـعَـنيّـتـه ورحـتـلـه بـهَـدوت الـلـيـل
ولـگـيـت حسين مابين الـمـچـاتـيـل
حـــر الـشـمـس والــتـرب والـخـيـل
امـغـيـّره الـرسـوم وجبتهه اتـسـيـل


تـعـنيـتـه ورحـتـلـه بـگـلـب ولـهـان
نــايــم نــظــرتــه وحـيـل تــعـبـان
امـسـويـه الــخيّـول اعـليه مـيـدان
ويـنـك صـحــت يـا سـيـدِ الاكـوان


تـعـنـيـتـه ورحـتـلـه ابحال ياحـال
حـافـي الـجــدم والــدمـع هَـمّــال
گـتـلـه يـخـويـه انـشـاف ألـخـيـال
وبـاچــر عـگـبـكــم يـاهـو جَـمّــال

                     *-------------------*----------------*

خادم الحسين ع
✍الشاعر رعد الجريخي

(اخت عباس)

أخـت عـبـاس  آنــه الـكـل  يـعـرفـونـي
مـشـيـت امـيـسـره يالـبـيـك حـسـدونـي

*----------------------*-----------------*

اجـيـت امـنـل الـوطـن ويـاك يالـوالـي
امـيـره ومـا تـشـاهـد عـيـن لـخـيـالـي
مـا ضـنـيت هـيـچ ايـصـيــر بـالـتـالـي

اروح ابـلا اهـل والـگـوم يـسـبـونـي

*----------------------*----------------*

عفتني اشلون وانـتـه الكافـل الضعني
يـعـبـاس الـدهــر  يـاحـيـف  ضـيـعـني
اصـيحـن يالاخو كـل ضني تـسـمـعـني

يـبـن لـيـث الـوغـه عدوان شـتـمـونـي

*---------------------*-----------------*

يالبـيـك  الـشـجـاعـه  اتـمثلّت  كـلـهـه
اخـتـك لـو رحـت ياهو الـيضـل ألـهـه
امـوت بـفــرگـتـك ما اگـدر احـملـهـه

يـعـنـوان الأخـوة ونـور لـعـيـونــي

*--------------------*------------------*

دگـيـت  الـصـدر  وتــكـفـلـت  بـيــه
ومـا خـلـيـت شـامـت ينظـر اعـلـيـه
تـالـي امـشـيـت يـاعـبـاس مـسـبـيـه

وحيده وبالسياط انـضـربت امتونـي

*------------------------*------------------*

نــار  اجــفــاك  بـالـدلال  لـهـابــه
رحت بليل والـدمـعـات سـجـابـه
كفيلي والـكـفـل ما بطِـل اعـتـابـه

هضموني الكفر وانگطعت اضنوني

*-----------------------*------------------*

ما ادري  خـذونـي الـيـوم  يـا ديـره
عـگـب عيناك والله اتـحـيرت حـيـره
ترضه اشلون خويه وانته ابو الغيره

صعدت اعله الهزل وابليل يحدوني

*----------------------*-------------------*

خـدري الـراح يـا مـهيـوب شيرجـعـه
دخـلـت الشـام والشمات مـجـتـمـعـه
يشتمني الـدعـي ومـا واحـد ايـردعـه

اعـلـيـك اهـل الحقد عمـداً يسألـونـي

*------------------------*-----------------*

✍ السيده زينيب ع
     الشاعر رعد الچريخي

هذا الغريب منين
وين أهله راحوا وين
وحده گضاها سنين غريب

گضّه العمر مسجون
كله بسبب هارون
و من دم بچه اله الكون غريب

بهداي يالشايل التابوت
وياه كلنا نريد نموت

ياموسى بن جعفر ..(٢)
ــــــــــــــــــــــــــــــــــــــــــــــــــــــــــــــ
ريّض يهل دفان
خلّي مثل ما چان
خل نرتّل القرآن غريب

هذا إمام الكون
منّنا يروح شلون؟
دم خل تهل عيون غريب

أحضريه يأُم الحسن أحضريه
ندريه وحده فلا تخليه

ياموسى بن جعفر ..(٢)
ــــــــــــــــــــــــــــــــــــــــــــــــــــــــــــــ
ليش بسجن خلوه؟
و من كل هَله حرموه
و بلا دمع شيعوه غريب

لا رحمه لا أحساس
ما عندها هاي الناس
وينك يبو النوماس غريب

عباس موسى أبن جعفر راح
مسموم و بگلبه كومه جراح

ياموسى بن جعفر ..(٢)
ــــــــــــــــــــــــــــــــــــــــــــــــــــــــــــــ
كل الخدم تنهان
بس خدمتك عنوان
خلتني أصير إنسان غريب

آنه و هلي نفداك
و على العهد وياك
و للحضره نتعناك غريب

ياريت سمّوني ما سمّوك
وبالقيد قيدوني ما قيدوك

ياموسى بن جعفر ..(٢)
ــــــــــــــــــــــــــــــــــــــــــــــــــــــــــــــ
- يا موسى بن جعفر
الرادود | نصير الساعدي
الكاتب | الميرزا محمد المياحي

زينب
في ليلة استشهاد امير المؤمنين ع

من جرح الجرح … من باب الرمح
چــم مره انذبح … وي كل معظلـه
………

انه الخلصت حياتي امدوهنه بحزني
ومـن زغـري المصــايب شيبن جفني
شلع گلبي الدهــر كل سـاع يجرحني
اخـــذ امي وبوي وعافنــــــي ابوني

عاشـرني الدمع … من كسر الظلع
كل ساع انفجع … عشـت امعلعله
………

ليلة واحــد وعشـــرين مـــن رمضــــان
ضگت بيــهه اليـــتم والفرگه والحرمان
ابريتي من الحزن حتى النفس خلصان
ميته ابلايه مــوت وعــوزي بس دفـان

مكســــورة گلب … ووداعك صعب
الدارك من اطب … اذكــــــــر كربله
………

طبــرت والدي هــزت عروش الدين
ومن كثر الدمع حومرت موگ العين
عيشـــني يتيمه وما رحمــني البين
اتبادل ونيني اويه الحسن وحسين

مليت الســهر … احچي اويالصور
دلالي انفطــر … بالفـــــــرگه ابتله
………

ششدن يا جرح وجروحي چتــاله
وگلبـي امن الألـم متبهذله احـواله
تعبت امـن الزمن وهمومه وهـواله
يون حتى الحجر من اشرح الحاله

هد حيلي الدهر … مكسورة ظهر
گلبي بس قهـــر … وهموم امتـله
………

وبعـــد طف كربله وجروحه گدامـي
وجرح حسين اخوي الينذبح ضامي
احيــر ابعيلتي وبلوعــــــة ايتـــامي
بالهــــــــم والنوايب خلصن ايامـــي

جمرة دمعتي … تشـرح حالتي
اليسمع ونتي … ادموعه اتبلله
………

        الخادم
✍كامل السعيدي

منهاج جرح وإستشهاد سيدي ومولاي أمير المؤمنين علي بن أبي طالب ع

جرح لو يختم أيامك ... تظَل عينك على ايتامك

………………………………………………………………………………………………………………………


إشْــدد حيازيمك يبــو اليتامه 

يلّي بسمــاء اللّه شِـفـت علامه 

هالمــرّه ما ظَــن ترجـع بسلامه

مدري شعجب ماصارت القيامه 


رغم جرحك وسط هامك  ... تظَل عينك على ايتامك

………………………………………………………………………………………………………………………


كل شي تغيّر هالمِسه يحيدر 

حتى سواد الليل صاير أحمر 

بيتك گبل فرض الجرح تكدّر 

ليله إختنگ حتى الهَوَه وتحسّر


گبل ما تبدي الآمك  ... تظَل عينك على ايتامك

………………………………………………………………………………………………………………………


كل اليتامه إتـعــوّدت حنـانك 

إنته الأمـــان ولو رحـل أمانك 

كل زمن قادم مو مثل زمانك

فارغ يظل يابو الحسن مكانك


الأجل لو شفته گدّامك  ... تظَل عينك على ايتامك

………………………………………………………………………………………………………………………


ساعات ظلّت والفرض ينـاطر 

زينب تشوفك بس گلبهه حاير

هالليله يَـمْـهه يا عـلــي وتكابر 

تِعمَه بدمعهــه باچــــر النواظر 


مثل عام الحزن عامك  ... تظَل عينك على ايتامك

………………………………………………………………………………………………………………………


بأُولادك احساس اليـتـم تجدد 

تنعاد لَچمت فاطمــه ومـحــمّـد 

بنظراتهم كــل الــحــزن تـجـسّد 

من دم جره فيض المدامع عالخد


مِثلْـهُمْ ينحب إسلامك  ... تظَل عينك على ايتامك

………………………………………………………………………………………………………………………


ناوي الرحيل وهالجــرح جوابـه 

شـــاء الآلـــه بهالشــهــر مَصابــه 

شخصك كلام اللّه يســـد غيابــه 

والروح تـصــعــد لو نــزل كتـابـه 


على جرحك بچه اصيامك ... تظَل عينك على ايتامك

………………………………………………………………………………………………………………………


روحك وَقُفْ بســم اللّه كل أثرهه 

ابْـنُـص بيته يبدي وينتهي عمرهه

إدْعـي اللّه أيتامــــك يظل صبرهه 

إنته يسرهه وفجْـعِـتَـْـك عســرهه 


علي وابشَدّت احزامك  ... تظَل عينك على ايتامك

………………………………………………………………………………………………………………………

خادم أمير المؤمنين ع 

عمار هليل الواسطي