‏ظنون المحبه لا تجرت على الأحساس
‏ماتملى فراغ أقواسها .. غلطة الشاطر

‏عقب ماني بمتناول أيدك، تركت الناس
‏على أعجابي تصارع هوى النفس وتخاطر

‏ماعاد العيون السود .. نظراتها تنباس
‏ولا ضحكتك عقب الجفا تجبر الخاطر

‏لعل السنين إن ميّلت عودك الميّاس
‏يداري هواها .. سيرةٍ ذكرها عاطر

زفّك النور في صبحٍ نسيمه خزامى
‏غرّتك من يصبّحها .. لقى ما تمنّى

ملاذ البيوت اللي جفال من التلّحين
أمانتك قبل أقرا محيّاك وش جبتي؟

تهادي على تركيبة البيت و البيتين
مثل ما تهادت نشوتي يوم قرّبتي

دعاك القصيد اللي يغنونه الغاوين
على كل مفرق حب لكن ماجاوبتي

تحوم الهقاوي بين الآمال و التخمين
وكم ظن خيّبتي وكم قاف شيّبتي

رهنت أجمل أيام العمر كلها مابين
أسابق مجيّك وأتحراك لا غبتي

على يمّتك متوجه ٍ لي ثمان سنين
أشرّق لا شرّقتي و أغرّب لا غرّبتي

تبعتك وحثيت القدم في طريقك لين
توارت وراك أحلامي و ضاعت أجوبتي

ذنوبي تراها في رقبتك لـ يوم الدين
مثل ماكتبك الله ذنبٍ على رقبتي

عشقتك وجربت أكتفي بـ الجناب الزين
وما أعمم على كل المحبين تجربتي

ضحايا الجفا قدام عينك يسار و يمين
عليك الله أكبر ما أتعضتي ولا تبتي!

أشوف المفارق في محيّاك شوف العين
مثل ما يشوفون الرياجيل موهبتي
- منيف الجراش

هلا مرحبا يا ملهمة صايغ القيفان
‏تباشر مجيك مثل غيث لمشافيقه

هفهَافة القّد مالي غير حضنك مكان
‏بلادي عيونك النجلاء و سلهامها

مرحبابك جيتنا قصدك تسلم
يوم شفتك يّبس ريقي من شفاتي

هو صحيح اني معك ولا أتحلم
مابعد صدقت هل معقول تاتي؟

لك على سطح القمر تسعين سلم
مايهمك مستوى .. كل البناتي

والنهاية واصلك لكن تولّم
بنهبك وأنحاش يالله النجاتي

عادتك ياناعم الهم يا مبطي الطرف
لا أستقلّت نجمة الليل في سقفك تنام

‏حنا تساهلنا المسامر لين طحنا فالغرام
‏ماتدري أنها فاتنة ولا أدري أني بنفتن

سوالفك تلهم كل راعي شغف وإحساس
‏يزاول معك من يملك إبداع موهبته

‏لقى بك غريب منعزل عن جميع الناس
‏وطن يحتويه ويحتوي عمق تجربته

‏من أول ماشاف السحر في قدك المياس
‏وهو داري إنه طاح في .. سوء عاقبته
- عبدالله السراهيد

أحبك وإذا ماكنت داري أنا داري
‏أنا كل يوم أقولها لو ما تسمعها
- سعد علوش

هذا الصباح اللي تشفّق له العين
‏يا سالبه من كل وصف إكتماله

‏من الغمامة مشي ومن الغصن لين
ومن الذهب لون ومن الفجر هالة

‏والله أن كن الهبايب، والنسانيس العليلة
‏ماتعرف تهّب من كل الجهات إلا جهتها

دام باب الموادع حول باب التجافي
‏لاحدٍ يدري إن بيني وبينك قطيعه

ياوليفي كان عادك فالهوى راعي طويله
‏لا تعودني على فرقاك وعيوني تخايل

‏القضى مافيه حيله والقدر مافيه حيله
‏وش أسوي والوصل مرفوض في سلوم القبايل

‏العرب يدرون بالمكتوم والفرصه .. قليله
‏سكروا كل الدروب وقطعو كل الوسايل

و قفّوا لي كلهم من دون نقّاض الجديله
الهنوف اللي غلاها فالصدر صايل و جايل

شبه ريمٍ ذيّروه أهل القنص و أخلى مقيله
راتعٍ وسط العريق و ذيّروه أهل القلايل

و العيون عيون حرٍ يذبح الصيده فصيله
أقطمٍ لا عرّضوه المقفيه سوّا الهوايل

دام ذا وصله عليّ مرفوق ما دوّر بديله
وله علي ألدّ عيني من عفيفات الحمايل

لا متى وأنا أعشقك في حدود الإحترام
‏المحبة مالها إلا البساط الأحمدي

أبي لي ساعةٍ تبتّل .. فيها للشفوف عروق
‏تعال وهات معك الساعة اللي نختلي فيها