" غلبك الفجر ياليل .. العنا والكبت
بعد ساد الظلام ، وكبّل أعماقي

اباري توبتي واليا اهتديت وتبت
اعود لين ، اجدد ذنبي ، الباقي

مثل ما حسرتي تكبر ليا جنبت
تدور الارض لين تضيق خناقي

مع إني لو تمادت لذتي ماطبت
مثل ميراد عـدٍ .. يفقد الساقي

يعذل الغيم عاق .. ما بقابه نبت
عسى صبه يعانُق لهفة اشواقي

وعساني كل ماقل الكلام وغبت
اثبت وجهتي واثبت على ساقي "

" ياربة الحسن انا بـ اسألك ؟ لاهنتي
مْن الزعل والجفا والصد وش باقي

البارحه ما يمر .. البال غير انتي
اقبل على المسا واستنطق اشواقي

طاولة ليلي وبان الصبح .. مابنتي
تشمتبي طيوفك وضاقتبي " افاقي

وان كان جيتي وطبعك مثل ماكنتي
انا على .. طبعي ومبداي واخلاقي

لاتنشدين الزمن وشلون ماشنتي
مادام حبك ترعرع " وسط خفاقي

ارضيك واعاملك ، بـ معاملة بنتي
واسلا لاشفت ابتسامة ثغرك الراقي "

" ‏كل صبحٍ ما تبسّم فيه نقّاض الجدايل
‏ ما فرق عن ليلة البارح بشيء ولا تنفّس "

" أنتي و لو مريتي بعمر آدمي حظّه شحوح
ما عاد يبي من عطايا الحظ حاجة تقنعه "

" ‏التظاهر بالقساوة مثل رد أعتبار
‏للقلوب اللي ملتها سكاكين الغدر

‏ياقصيدة من قصايد سعد ولا نزار
‏عاد انا ماهوب يصلح لي الا ماندر

‏انتي اطهر ذنب وأجمل غلط وأشجع قرار
‏حطك الله في ليال العمر ليلة قدر

‏الهزيمه في عيونك بطعم الانتصار
‏من يقاوم سحر عينك ورمشك لا خدر "

"مانيب خايف من أيام السَّهر والسّهاد
خايف من سنين عمرٍ ما تمرّينها"

اللهم صلِّ وسلم على نبينا محمد

" ماورا عينك مفازه وسلهامك عطوف
‏كم قصيدة في رجاها على الرمش تهوي

‏لا تخاف ان طاح فارس وجرّد بالسيوف
‏دونك التِرس المنقّى ومصقول حْموي "

"خلّي مقام النهاوند.. ومقام الصَّبا
‏أحبك لحالها من صوتك أكثر طرب"

"أتركيني يا عزيزة للشَّتات
و العنا و البعد و الليل الطويل

و ريِّحيني من غموض المفردات
و كبرياء الكذب و العُذر الهزيل

و حاصريني صمت من كل الجهات
و أذبحيني بوح في نبرة عليل

و أسألي غدر اليدين النَّاعمات
عن ثلاث طعون في صدر القتيل

و أفرحي لا قيل فارقت الحياة
و زغردي لا شيَّعوا جثَّـة خليل

و كل شيٍ بيننا يا بنت .. مات
و لا بقى بعد الرحيل إلا الرحيل

و أنتهت رحلة ثمان الطايرات
و أبتدت قصَّة لقانا مُستحيل!

كنتي أجمل من رأيت من البنات
و مالك بـ عيني مثيل ولا بديل

و صرتي أشنع جرح و أبشع ذكريات
للأنانيِّة و نكران الجمـيل

و لا تبقَّى من غلاك إلا الرُّفات
و لا تلاشى من عناي إلا القليل

ودِّعيني يوم فقت من السبات
و لا تعدِّيني سوى عابر سبيل

أقترف في حقَّ نفسه سيئات
و لا يكفِّرها سوى البعد الطويل"

‏عسى يداعب وَجنتك كل ما ضقت
‏صبحٍ نسانيسه تدفّ الستاير

أخذي سلامي عليك و حبي الواجد
‏مع كل صبحٍ تشوفينه الى أصبحتي

فمان الله والعذر السمين أبلغ من التبرير
‏عفا الله عن خطايا اللي خطايانا على شانه

‏وفمان الله يالغصن الليان اللي هجرك الطير
‏هذا طيرك يبلغك السلام بروس جنحانه

‏سمحت من المحبه وانت سامحني على التقصير
‏وصلنا آخر حدود العشره اللي ما لها خانه

الله خلق في وجهك المخملي صبح
غطّى على كل الصباحات بالنور

‏ظنون المحبه لا تجرت على الأحساس
‏ماتملى فراغ أقواسها .. غلطة الشاطر

‏عقب ماني بمتناول أيدك، تركت الناس
‏على أعجابي تصارع هوى النفس وتخاطر

‏ماعاد العيون السود .. نظراتها تنباس
‏ولا ضحكتك عقب الجفا تجبر الخاطر

‏لعل السنين إن ميّلت عودك الميّاس
‏يداري هواها .. سيرةٍ ذكرها عاطر