بِسْمِ ٱللَّهِ ٱلرَّحْمَٰنِ ٱلرَّحِيمِ
ረቂቅ የሥራ መመሪያው በውይይት ዳብሮ ሲፀድቅ መጅሊሱን የተማከለ ሥራ ለመሥራት ያስችለዋል ተባለ።

የካቲት 11፣ 2016 (አዲስ አበባ) - በአዲስ መልክ የተዋቀረው የጠቅላይ ምክር ቤቱ የትምህርት እና የማኀበራዊ አገልግሎት ዳይሬክቶሬት ለውይይት ያቀረበው ረቂቅ የሥራ መመሪያ የሙስሊሙን መብትና ሃይማኖታዊ እሴት የሚያስጠብቅ ሊሆን ይገባል ተባለ።

የጠቅላይ ምክር ቤቱ የትምህርትና ማኅበራዊ አገልግሎት ዳሬክተር ዶክተር አብደላ ኸድር የውይይቱን አስፈላጊነት ሲገልፁ አንድነትን ባስጠበቀ መልኩ የተቋማዊ ለውጥ ለማምጣት ዳሬክቶሬቱ ረቂቅ ሰነዱን አዘጋጅቷል ብለዋል።

ረቂቅ ሰነዱ ከውይይት በተገኙ ግብዓቶች ዳብሮ ሲፀድቅ ሁሉን ተጠቃሚ የሚያደርግና መጅሊሱን የተማከለ ሥራ ለመሥራት የሚያስችለው እንደሚሆን አብራርተዋል።

በትምህርትና ማኅበራዊ አገልግሎት ረቂቅ የሥራ መመሪያ ላይ ገለጻ ያደረጉት የማኅበራዊ አገልግሎት ኃላፊው ዶ/ር ቶፊቅ በራራ ረቂቅ የሥራ መመሪያው ጠቅላይ ምክር ቤቱ ተልዕኮውን እንዲያሳካ ትልቅ ፋይዳ እንዳለው አብራርተዋል።

የዳይሬክቶሬቱ የትምህርትና ሥልጠና ኃላፊ አቶ መሐመድ ይመር በበኩላቸው በረቂቅ የሥራ መመሪያው ላይ በሰጡት ማብራሪያ፣ የሕዝበ ሙስሊሙን የትምህርት ሽፋን ለማሳደግና ዘመኑን ሊመጥን የሚችል ተወዳዳሪ ሙስሊም ተማሪዎችን ለማፍራት ትጋት ያለው ተሳትፎ እንደሚያስፈልግ ተናግረዋል።

በቀረበው ረቂቅ የሥራ መመሪያ ላይ ጠንከር ያለ ክርክር እና ሰፋ ያለ ውይይት ተደርጓል።

ረቂቅ የሥራ መመሪያውን በማዘጋጀት ሂደት ላይ ከትምህርትና ማኀበራዊ አገልግሎት ዳይሬክቶሬት ጋር ለሦስት ወር ጥናት ሲያደርጉ የነበሩ ምሁራን በረቂቁ ላይ ባለድርሻ አካላት ያደረጉት የነቃ ተሳትፎና የሰጡት አስተያየት ያስደሰታቸው መሆኑን ተናግረዋል።

በኢትዮጵያ እስልምና ጉዳዮች ጠቅላይ ምክር ቤት የትምህርትና ማኅበራዊ አገልግሎት ዳይሬክቶሬት ባዘጋጀው ረቂቅ የሥራ መመሪያ ውስጥ የትምህርትና ሥልጠና ኃላፊነት ከፍ ያለ መኾኑን የጠቀሱት ዳይሬክተሩ ዶክተር አብደላ ኸደር፣ ዳይሬክቶሬቱ ልዩ ፍላጎት ያላቸውን የአካል ጉዳተኞች ሁኔታ ያማከለ፣ እስላማዊ እሴቶችን ያከበረና መማር ማስተማሩ ጤናማ እንዲሆን የሚሠራ መሆኑን በአጽንዖት ተናግረዋል።

ረቂቅ የሥራ መመሪያው ዳብሮ ከፀደቀ በኋላ ክልሎች እንደየአካባቢያቸው ተጨባጭ ሁኔታ ተግባራዊ በማድረግ የመጅሊስን ሥራ ለማሳለጥ የጋራ ትስስር መፍጠር ጠቀሜታው ከፍ ያለ መሆኑም ከመድረኩ ተነግሯል።

**
ሻዕባን 9፣ 1445 ዓ.ሒ
**
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ
ረቂቅ የሥራ መመሪያው በውይይት ዳብሮ ሲፀድቅ መጅሊሱን የተማከለ ሥራ ለመሥራት ያስችለዋል ተባለ።

የካቲት 11፣ 2016 (አዲስ አበባ) - በአዲስ መልክ የተዋቀረው የጠቅላይ ምክር ቤቱ የትምህርት እና የማኀበራዊ አገልግሎት ዳይሬክቶሬት ለውይይት ያቀረበው ረቂቅ የሥራ መመሪያ የሙስሊሙን መብትና ሃይማኖታዊ እሴት የሚያስጠብቅ ሊሆን ይገባል ተባለ።

የጠቅላይ ምክር ቤቱ የትምህርትና ማኅበራዊ አገልግሎት ዳሬክተር ዶክተር አብደላ ኸድር የውይይቱን አስፈላጊነት ሲገልፁ አንድነትን ባስጠበቀ መልኩ የተቋማዊ ለውጥ ለማምጣት ዳሬክቶሬቱ ረቂቅ ሰነዱን አዘጋጅቷል ብለዋል።

ረቂቅ ሰነዱ ከውይይት በተገኙ ግብዓቶች ዳብሮ ሲፀድቅ ሁሉን ተጠቃሚ የሚያደርግና መጅሊሱን የተማከለ ሥራ ለመሥራት የሚያስችለው እንደሚሆን አብራርተዋል።

በትምህርትና ማኅበራዊ አገልግሎት ረቂቅ የሥራ መመሪያ ላይ ገለጻ ያደረጉት የማኅበራዊ አገልግሎት ኃላፊው ዶ/ር ቶፊቅ በራራ ረቂቅ የሥራ መመሪያው ጠቅላይ ምክር ቤቱ ተልዕኮውን እንዲያሳካ ትልቅ ፋይዳ እንዳለው አብራርተዋል።

የዳይሬክቶሬቱ የትምህርትና ሥልጠና ኃላፊ አቶ መሐመድ ይመር በበኩላቸው በረቂቅ የሥራ መመሪያው ላይ በሰጡት ማብራሪያ፣ የሕዝበ ሙስሊሙን የትምህርት ሽፋን ለማሳደግና ዘመኑን ሊመጥን የሚችል ተወዳዳሪ ሙስሊም ተማሪዎችን ለማፍራት ትጋት ያለው ተሳትፎ እንደሚያስፈልግ ተናግረዋል።

በቀረበው ረቂቅ የሥራ መመሪያ ላይ ጠንከር ያለ ክርክር እና ሰፋ ያለ ውይይት ተደርጓል።

ረቂቅ የሥራ መመሪያውን በማዘጋጀት ሂደት ላይ ከትምህርትና ማኀበራዊ አገልግሎት ዳይሬክቶሬት ጋር ለሦስት ወር ጥናት ሲያደርጉ የነበሩ ምሁራን በረቂቁ ላይ ባለድርሻ አካላት ያደረጉት የነቃ ተሳትፎና የሰጡት አስተያየት ያስደሰታቸው መሆኑን ተናግረዋል።

በኢትዮጵያ እስልምና ጉዳዮች ጠቅላይ ምክር ቤት የትምህርትና ማኅበራዊ አገልግሎት ዳይሬክቶሬት ባዘጋጀው ረቂቅ የሥራ መመሪያ ውስጥ የትምህርትና ሥልጠና ኃላፊነት ከፍ ያለ መኾኑን የጠቀሱት ዳይሬክተሩ ዶክተር አብደላ ኸደር፣ ዳይሬክቶሬቱ ልዩ ፍላጎት ያላቸውን የአካል ጉዳተኞች ሁኔታ ያማከለ፣ እስላማዊ እሴቶችን ያከበረና መማር ማስተማሩ ጤናማ እንዲሆን የሚሠራ መሆኑን በአጽንዖት ተናግረዋል።

ረቂቅ የሥራ መመሪያው ዳብሮ ከፀደቀ በኋላ ክልሎች እንደየአካባቢያቸው ተጨባጭ ሁኔታ ተግባራዊ በማድረግ የመጅሊስን ሥራ ለማሳለጥ የጋራ ትስስር መፍጠር ጠቀሜታው ከፍ ያለ መሆኑም ከመድረኩ ተነግሯል።

**
ሻዕባን 9፣ 1445 ዓ.ሒ
**
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ

ዓሊሞችና ዱዓቶች እስላማዊ እሴቶችን የሚያጎለብቱ ትምህርቶችን ከመቼውም ጊዜ በበለጠ እንዲሰጡ ጥሪ ቀረበ።

የካቲት 10፣ 2016 (አዲስ አበባ) - ዓሊሞችና ዱዓቶች እስላማዊ እሴቶችን የሚያጎለብቱ ትምህርቶችን ከመቼውም በበለጠ መልኩ እንዲሰጡ የኢትዮጵያ እስልምና ጉዳዮች ጠቅላይ ምክር ቤት ዋና ሥራ አስኪያጅ አሳሰቡ።

ዋና ሥራ አስኪያጁ ሐጂ ከማል ሐሩን ይህን ያሳሰቡት ለክልልና ለከተማ አሥተዳደር እስልምና ጉዳዮች የሴቶችና የወጣቶች ዘርፍ ኃላፊዎች ለሁለት ቀናት የተሰጠው የአቅም ግንባታ ሥልጠና ማጠናቀቂያ ላይ ባደረጉት ንግግር ነው።

የመረጃ ዝውውሩ ፈጣን በሆነበት በዚህ ዘመን ሴቶችና ወጣቶችን ከዓላማቸው ሊያዘናጉ፣ ከእስላማዊ እሴታቸውም ሊያፋቱ የሚችሉ ማኅበራዊ ሚዲያዎች መበራከታቸውን ዋና ሥራ አስኪያጁ አውስተዋል።

የሴቶችና የወጣቶችን ስብዕና በእስላማዊ እሴቶች በመገንባት የኢኮኖሚ ተጠቃሚነታቸውን ማሳደግ እንደሚገባም ዋና ሥራ አስኪያጁ አሳስበዋል።

በሥልጠናው መክፈቻ ላይ ዋና ሥራ አስኪያጁ "በአሁኑ ወቅት አምራች ኃይል የሆነው ወጣቱ ትውልድ ውጤታማ እንዳይሆን የተለያዩ ሱሶች እየጎተቱት በመሆኑ ይህን በመቅረፍ ለሀገሩና ለዲኑ ውጤታማ ሥራ እንዲሠራ ማድረግ የሁሉም ባለድርሻ አካላት ኃላፊነት ነው" ማለታቸው ይታወሳል።

በጠቅላይ ምክር ቤቱ የሴቶችና ወጣቶች ዘርፍ "እስላማዊ የአመራር ክህሎትን በማጎልበት ሥራ ፈጣሪ ትዉልድን ማፍራት" በሚል መሪ ቃል ለሁለት ቀናት በተለያዩ ርዕሶች ላይ ምሁራን ሥልጠና ሰጥተዋል።

በምክር ቤቱ መሰብሰቢያ አዳራሽ በተካሄደው በዚህ ሥልጠና ላይ ከሁሉም ክልሎችና የከተማ አስተዳደር እስልምና ጉዳዮች ከፍተኛ ምክር ቤቶች የሴቶችና የወጣቶች ዘርፍ ተወካዮች ተሳታፊ ሆነዋል።

በሥልጠናው ማጠናቀቂያ ላይ ዋና ሥራ አስኪያጁ ሐጂ ከማል ሐሩን እና የሴቶችና ወጣቶች ዘርፍ ኃላፊዋ ዑስታዛ ፋጡማ ሁሴን ለሠልጣኞች የምስክር ወረቀት ሰጥተዋል።

​******
​ሻዕባን 8፣ 1445 ዓ.ሒ
******​
​ይከታተሉን | Follow us፡
ፌስቡክ | Ethiopian Islamic Affairs Supreme Council
​ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ

የሐጅ የምዝገባ  ጣቢያዎችን ቁጥር በማሳደግ ፈ ጣን የምዝገባ አ ገልግሎ እየሰጠ መሆኑን  የኦሮሚያ መጅሊስ ገለፀ።

የካቲት 12/16 (ፊንፊኔ)የሐጅ የምዝገባ  ጣቢያዎችን አምና ከ ነበረዉ  5  የምዝገባ  ጣቢያዎች ወደ 12በማሳደግ  ፈጣንና የምዝገባ   አ ገልግሎ እየሰጠ መሆኑን  የኦሮሚያ መጅሊስ  ፕረዚዳንት ገለፁ።

የኦሮሚያ እስልምና ጉዳዮች ከፍተኛ ምክር ቤት ፕረዚዳንት ሼይኽ  ጀማል ሙሳ እንደ ተናገሩት  ከአመታት በፊት  የሐጅ   ምዝገባ በጠቅላይ  ምክርቤቱ  ብቻ በመሆኑ ዑማው ለከፋ እንግልትና ለከ ፍተኛ ወጪ ይዳረጋል እንደነበር ተናግረዋል።

በዘንድሮ  አመት የአሏህን እንግዶችን እንግልት ለመቀነስ  የቅድመ  ዝግጅት ስራ መጅሊሱ  ሲሰራ  መቆየቱን  የ ተናገሩት  ፕረዚዳንቱ   አምና ከነበረዉ የምዝገባ ጣቢያዎች   በጥናት   ሰባት ተጨማሪ  የሐጅ የምዝገባ ጣቢያዎችን  በመክፈት ለሕብረተሰቡ  ተደራሽ  መሆን መቻሉን   ፕረዚዳንቱ ተናግረዋል ።

የኦሮሚያ መጅሊስ  የሐጅና ዑምራ ዳይሬክተር  ዑስታዝ ጀማል  አሊ በዘንድሮውን ሐጅ መስተንግዶ  የአላህን  እንግዶችን መስተንግዶ  ለማቀላጠፍ  መጅሊሱ  የአንድ ማ ዕከል  አገልግሎት  እየሠጠ  እንደሚገኝ  ተናግረዋል።

በዚህም  የተመዝጋቢዎችን እርካታ ከፍ ማድረግ መቻሉን   ዳይሬክተሩ  ተናግረዋል።

የዘንድሮ የሐጅ ምዝገባ  ቀድሞ መጀመሩ ን  ዳይሬክተሩ  ተናግረው በዘንድሮ አመት  ሐጅ የማድረግ ኒያ ያላቸው  የአላህ እንግዶች  ከወዲሁ  በአቅራቢያቸው የሐጅ የምዝገባ ጣቢያ  ቀድሞ በመመዝገብ በመጨረሻ ሊገጥማቸው ከሚችል እንግልት እራሳቸው ሊጠብቁ እንደመገባ  አሳስበዋል።

የመጅሊሱ ዋና ስራ አስኪያጅ  ሙሐመድ  ጋሊ  አባፊጣ  ጥር 25/16 ዓ.ል ረጀብ 22/1445  የሐጅ ምዝገባ  በኦሮሚያ  መጅሊስ ስር በሚገኙ 12 የሐጅ የምዝገባ ጣቢያዎች መጀመሩን  ገልፀዋል።

ለሐጅ ምዝገባ  የሚያስፈልጉ መስፈርቶችን አሟልቶ  የመጣ አንድ  ሐጅ ከአምስት   እስከ አስር ደቂቃ ምዝገባውን ማጠናቀቅ እንደሚችል  ተናግረዋል ።

የመጠቀሚያ  ግዜያቸው  የተጠናቀቀ አሊያም የጉዞ ሰነድ (ፖስፖርት ) የሌላቸው የአላህ እንግዶች ከኢሚግሬሽን የዜግነት ጉዳዮች ጋር  በመተባበር  መስተናገድ  የሚችሉበት ስርዐት መጅሊሱ  ማመቻቸቱን  ዋና ስራ አስኪጅ ሙሐመድ ጋሊ ተናግረዋል።

የዘንድሮውን ሐጅ " የዘመነ  መስተንግዶ ለአሏህ  እንግዶች " በሚል  መሪ ቃል  መሰየሙ ይታወቃል።

بِسْمِ ٱللَّهِ ٱلرَّحْمَٰنِ ٱلرَّحِيمِ
የሐጅ ምዝገባን በአምስት ደቂቃ እየሰጠ መሆኑን የአዲስ አበባ መጅሊስ አሳወቀ።

የካቲት 14፣ 2016 (አዲስ አበባ) - አስፈላጊውን መረጃ ይዞ ለሐጅ ምዝገባ የቀረበ የአላህ እንግዳ (ሐጃጅ) በአምስት ደቂቃ የምዝገባ ሥርዓቱን የሚያጠናቅቅበት የአሠራር ሥርዐት መዘርጋቱን የአዲስ አበባ እስልምና ጉዳዮች ከፍተኛ ፕሬዚዳንት ሸይኽ ሱልጧን አማን ተናገሩ።

የአዲስ አበባ እስልምና ጉዳዮች ከፍተኛ ምክር ቤት ከአሁን በፊት የሐጅ ማጣሪያ አገልግሎት ብቻ ይሰጥ እንደነበር ፕሬዚዳንቱ አስታዉሰዋል።

በዘንድሮ ዓመት የሐጅ ምዝገባ ሂደት ሙሉ በሙሉ በመጅሊሱ የሚካሄድ በመሆኑ ለተከሩ ለአሏህ እንግዶች ፈጣን ፣ ግልፅ መሰተንግዶ ለመስጠት ሰፊ ዝግጅት ሲያደረግ መቆየቱን ፕረዚዳንቱ ገልፀዋል።

የ1445/2016 የሐጅ ምዝገባ የሳውዲ አረቢያ ሐጅ ሚኒስቴር መስሪያ ቤት ባስተላለፈው መመሪያ መሠረት ጥር 25/16 ( ረጀብ 22/1445 ምዝገባ ተጀምሮ የካቲት 27/16(ሻዕባን 25፣1445 ዓ.ሒ) ምዝገባዉ እንዲጠናቀቅ ሚኒስቴር መስሪያ ቤቱ ትዕዛዝ ማስተላለፉን ፕረዚዳንቱ
ተናግረዋል።

የምክር ቤቱ የሐጅና ዑምራ ክፍል ኅላፊ ሐሺም አ ብደላ በምክር ቤቱ ምዝገባ ከተጀመረ ከጥር 25/16(ረጀብ 22/1445 ) የተከበሩ የአሏህ እንግዶች ምዝገባ መጀመራቸውን ተናግረዋል።

በምክር ቤቱ ምንም እንኳን የሐጅ ምዝገባን ሙሉ በሙሉ በዘንድሮ አመት የጀመረ ቢሆንም የምዝገባ ስርዐቱ ቀልጣፋ እንዲሆን በቂ ባለሙያ :ምቹ የቢሮ ዝግጅትና የቁሳቁስ ዝግጅት ከቀድሞ በመጠናቀቁ በአሁኑ ሰ ዓት አ ንድ ሐጅ የምዝገባ ስርዐቱን በአማካይ በአምስት ደቂቃ መስተናገድ መቻሉን ሐሺም አብደላ ተናግረዋል።

በአዲስ አበባ መጅሊስ የሐጅ ምዝገባ ጣቢያ የሐጅ ኒያ ያደረጉ የአሏህ እንግዳን ሲያስመዘግቡ ያገኘናቸው የማዕከላዊ ኢትዮጵያ እስልምና ጉዳዮች ከፍተኛ ምክርቤት ምክትል ፕረዚዳንት ሼይኽ አብዱልሐብ ሼይኽ በድረዲን የዘንድሮ የሐጅ ምዝገባ ቀድሞ በመጀመሩ ምክንያት መዘናጋት ስለሚኖሮ ሐጅ የሚወጅባቸውን ሑጃጆችን የምዝገባ ቀኑ ከመጠናቀቁ በፊት መመዝገብ እንደሚኖርባቸው አሳስበዋል።

​******
​ሻዕባን 12፣ 1445 ዓ.ሒ
******​
​ይከታተሉን | Follow us፡
ፌስቡክ | Ethiopian Islamic Affairs Supreme Council
​ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ
የጠቅላይ ምክር ቤቱ ፕሬዚደንት በዓሊሞች ፎረም ላይ ለመሳተፍ አልጀርስ ገቡ።

የካቲት 16፣ 2016 (አዲስ አበባ) - የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሒም ቱፋ በነገው ዕለት በአልጄሪያ በሚካሄደው የዓልጄሪያ ሙስሊሞች ፎረም ላይ ለመሳተፍ አልጀርስ ገቡ።

ሼይኽ ሐጂ ኢብራሒም ወደ አልጀርስ የተጓዙት ነገ በሚጀመረው የአልጄሪያ ሙስሊሞች ፎረም ጉባዔ ላይ በክብር እንግድነት እንዲገኙ ከአልጄሪያ የሙስሊሞች መሪ በሆኑት ሼይኽ ሙሐመድ አል መሙን ሙስጠፋ በተደረገላቸው ጥሪ መሠረት ነው።

የክብር ዶክተር ሼይኽ ሐጂ ኢብራሒም አልጀርስ ዓለም አቀፍ አውሮፕላን ማረፊያ ሲደርሱ በአልጄሪያ የኢትዮጵያ ባለሙሉ ሥልጣን አምባሳደር ነቢያት ጌታቸውና የአልጄሪያ ሙስሊሞች ዓሚር ሼይኽ ሙሐመድ አል መሙን ሙስጠፋ አቀባበል እድርጎላቸዋል።

የክቡር ዶክተር ሼይኽ ሐጂ ኢብራሒም በአልጀርስ በ ሚመረቀው ትልቁ መስጂድ ላይም በ ክብር እንግድነት እንደሚገኙ በቦታው የሚገኘው የጠቅላይ ምክር ቤቱ ቃል አቀባይ ገልጿል።

****
​ሻዕባን 15፣ 1445ዓ.ሒ
****
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ
ጠቅላይ ምክር ቤቱ የኢትዮጵያ ኪነ ጥበብ ፌስቲቫል ላይ ተሳተፈ

የካቲት 16፣ 2016 (አዲስ አበባ) - የኢትዮጵያ እስልምና ጉዳዮች ጠቅላይ ምክር ቤት የባህልና ቅርስ ዘርፍ ከየካቲት15- 17 በግዮን ሆቴል በሚካሄደው 'የኢትዮጵያ ኪነ ጥበብ ፌስቲቫል' ላይ የካሊግራፊ (calligraphy) ጥበብን በማቅረብ እየተሳተፈ ይገኛል።

የጠቅላይ ምክር ቤቱ የባህልና ቅርስ ዘርፍ ኃላፊና የሥራ አመራር ሸይኽ መሐመድ አሚን ሰዒድ የፌስቲቫሉን አስፈላጊነት ሲገልፁ፣ ጠቅላይ ምክር ቤቱ እስላማዊ ጥበባት እና ታሪካዊ ቅርሶች ተገቢውን ትኩረት እንዲያገኙ ይጥራል ብለዋል።

በአረብኛ ፊደላት ላይ የተመሠረተው ካሊግራፊ በእስላማዊ የጥበብ ታሪክ ውስጥ የራሱ ታሪክ እና ቦታ ያለው፣ የእጅ ጽሑፍ ጥበብ መኾኑን ሸይኽ መሐመድ አሚን ተናግረዋል።

እስልምና በየትኛውም ዘርፍ የራሱ ማንነትና መገለጫ እንዳለው የጠቀሱት ሸይኽ መሐመድ አሚን፣ በካሊግራፊ እስላማዊ አስተምህሮት ጥበባዊና ዐይነ ግቡ በሆነ መልኩ እንደሚቀርብ ጠቁመዋል።

ጠቅላይ ምክር ቤቱ በእስልምና ባህል፣ ታሪክ፣ ጥበብ እና ቅርስ ታሪክ ዙሪያ የሚሠሩትን ያበረታታል፤ ተባብሮም ይሠራል ብለዋል።

በዚህ የኪነ ጥበብ ፌስቲቫል ላይ የካሊግራፊ ሥራዎቹን ያቀረበዉ አቶ ባህሩ ጀማል ይህን መድረክ በምክር ቤቱ አማካኝነት እንዳገኘው ገልጾ፣ የካሊግራፊ ጥበብ በሙስሊሙ ዓለም ውስጥ ጠቃሚ የኪነ ጥበብ ዘዴ እንደኾነ ተናግሯል።

ካሊግራፊ በአረብኛ ፊደላት ላይ የተመሠረተ እስላማዊ የአጻፃፍ ጥበብ መኾኑን የጠቀሰው ባህሩ ጀማል፣ በዚህ ጥበብ ለማኅበረሰብ እስላማዊ መልዕክትን ማስተላለፍ እንደሚቻል ተናግሯል።

ማኅበረሰቡ ዳዕዋን በጥበባዊ መንገድ እንዲያገኝ ያስችላል ያለው ባህሩ፣ ስነ-ህንፃ ከማስዋብ ባሻገር ሃይማኖታዊ ተልዕኮን ለመወጣት ያስችላል ብሏል።

ከአቶ ባህሩ በተጨማሪ፣ ተማሪ አረቢ አብዱልዋሲጥ እና ተማሪ ሀይደር ሰባህም
በፌስቲቫሉ ላይ የካሊግራፊ ሥራቸውን አቅርበዋል።

እስላማዊ ካሊግራፊ መልዕክትን ምስላዊ አድርጎ የሚያስውብ፣ የቁርኣን አናቅፅ በጥበብ የሚገለጹበት በመሆኑ፣ በሙስሊሙ ዓለም ትኩረት ይሰጠዋል ሲሉ ተናግረዋል።

የአዲስ አበባ ባህልና ቱሪዝም ቢሮ ባዘጋጀው በዚህ 'የጥበብ ፌስቲቫል' ላይ የመውሊድ እና የሀሪማዎችን እሴቶች የሚያሳዩ ባህላዊ ቁሶችም ለዕይታ ቀርበዋል።

*****
ሻዕባን 15፣ 1445 ዓ.ሒ
****
የጠ/ምክር ቤቱ የሕዝብ ግንኙነት ዘርፍ
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ
ፕሬዚደንቱ በአልጄሪያ የጀምዓተል ጀዛኢር የመስጂድ ምርቃት ላይ በመገኘት ንግግር አደረጉ።

የካቲት 17፣ 2016 (አዲስ አበባ) - በአልጄሪያ የዓሊሞች ፎረም ላይ ለመሳተፍ ወደ አልጀርስ ያቀኑት የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ፣ የጀምዓተል ጀዛኢር የመስጂድ ምርቃት ላይ ተገኝተው ንግግር አደረጉ።

ሸይኽ ሐጂ በንግግራቸው ዛሬ በአልጀርስ ከተማ በውቡ የጀምዓተል ጀዛኢር መስጂድ ምርቃት ላይ በመገኘታቸው የተሰማቸውን ደስታ በራሳቸውና በጠቅላይ ምክር ቤቱ ስም ገልፀዋል።

ፕሬዚደንቱ አክለውም የኢትዮጵያ እስልምና ጉዳዮች ጠቅላይ ምክር ቤት በፍትኃዊዉ ንጉሥ አስሃመተል ነጃሺ ስም በአፍሪካ ሕብረት ዋና መሥሪያ ቤት ፊት ለፊት ደረጃውን የጠበቀ መስጂድ ለመገንባት ቅድመ ዝግጅት ላይ መኾኑን ተናግረዋል፡፡

የመስጂደል ጀዛኢር መስጂድ በአልጀሪያው ፕሬዚደንት አብዱልነጂብ ቲቦኒ ተመርቋል፡፡

ፕሬዚደንት አብዱልነጂብ በዚሁ ጊዜ ባደረጉት ንግግር መሃል ለኢትዮጵያ እስልምና ጉዳዮች ጠቅላይ ምክር ቤት ፕሬዚዳንት ለክቡር ዶክተር ሸይኽ ሐጂ ኢብራሒም እና ለኢፌዲሪ ጠቅላይ ሚኒስትር ዐብይ አሕመድ (ዶክተር) የክብር ሰላምታቸውን አቅርበዋል።

ዛሬ በአልጀርስ በድምቀት የተመረቀዉ መስጂደል ጀዛኢር በስፋቱ ከመካ እና ከመዲና ቀጥሎ የሦስተኝነት ደረጃ እንደሚኖረው ተነግሯል።

የክብር ዶክተር ሼይኽ ሐጂ የአልጄሪያ የሙስሊሞች አሚር በሆኑት ሸይኽ ሙሐመድ አል መሙን ሙስጠፋ አል ቃሲሚ በተደረገላቸው ጥሪ መሠረት በጉባዔዉ ተሳታፊ ኾነዋል።

የመስጂደል ጀዛኢር የምርቃት ስነ ስርዓት ላይ ከመላው ዓለም የተጋበዙ ዓሊሞች መታደማቸውን በቦታው የተገኘው የጠቅላይ ምክር ቤቱ ቃል አቀባይ ለክፍላችን የላከው መረጃ ያመላክታል።

****
ሻዕባን 16፣ 1445 ዓ.ሒ
****
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ

ፕሬዚደንቱ በአልጀርሱ የዓሊሞች ፎረም ላይ በመገኘት ንግግር አደረጉ።

የካቲት 18፣ 2016 (አዲስ አበባ) - በአልጄሪያ የዓሊሞች ፎረም ላይ ለመሳተፍ ወደ አልጀርስ ያቀኑት የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ በፎረሙ ላይ ንግግር አድርገዋል።

ሸይኽ ሐጂ በንግግራቸው በአልጄሪያ የዓሊሞች ፎረም ላይ ተገኝተው ንግግር ለማድረግ በመቻላቸው ለፈጣሪያቸው ለአላህ (ሱ.ወ.) ምሥጋናቸውን በማቅረብ ፎረሙን ላዘጋጁት አካላት በጠቅላይ ምክር ቤቱ ስም ምሥጋና አቅርበዋል።

በንግግራቸውም፣ እስልምና መዲና ከመግባቱ በፊት ወደ ኢትዮጵያ መግባቱን አውስተዋል።

በዚህም ሀገራችን ኢትዮጵያ ለእስልምና ብርሃን መስፋፋት ባለውለታ ሀገር መሆኗን፣ የቢላል ኢብኑ ረባህ፣ የዑሙ ዐይመን እና የፍትኃዊዉ ንጉሥ የአስሐመተል ነጃሺን ታሪክ በአብነት ጠቅሰዋል።

አስልምና ለእስላማዊ ወንድማማችነት እና እህትማማችነት ከፍተኛ ቦታ እንደሚሰጥ የተናገሩት ፕሬዚደንቱ፣ በዑማው ላይ ሊደርስ የሚችለውን ችግርና መከራ አንድነታችንን በመጠበቅ መቀነስ እንደሚቻል ተናግረዋል።

ሰላም ለሰው ዘር ሁሉ አስፈላጊ እንደኾነ የጠቀሱት ሸይኽ ሐጂ ኢብራሂም፣ በሰላም እጦት ምክንያት እምነታቸዉን በነፃነት ማምለክ ላልቻሉት የፍልስጥኤም፣ የአዘርባጃን እና የኢስቶኒያ ሕዝቦች ዓለም ትኩረት ሊሰጣቸው እንደሚገባ አሳስበዋል።

በዛሬዉ የፎረሙ ውሎ በአወያይነት ከተሰየሙ የአምስት ሀገራት ዓሊሞች ውስጥ የጠቅላይ ምክር ቤቱ ፕሬዚደንት ሸይኽ ሐጂ ኢብራሂም ቱፋ አንዱ ሆነዋል።

ከአፍሪካ ትልቁና ከዓለም በትልቅነቱ ሦስተኛ ይኾናል በተባለው የመስጂድ አል ጀዛኢር ምርቃት ትላንት የተጀመረው የአልጀርሱ የዓሊሞች ፎረም በዛሬው ውሎው በተለያዩ ዲናዊ ጉዳዮች ላይ ውይይት በማድረግ ተጠናቅቋል።

በአልጄሪያ የኢትዮጵያ ባለሙሉ ሥልጣን አምባሳደር ነቢያት ጌታቸውና የኤምባሲው ሠራተኞች ለሸይኽ ሐጂ ኢብራሒም ቱፋ ክብር በዛሬው ዕለት የእራት ግብዣ እንዳደረጉላቸው ከፕሬዚደንቱ ጋር አብሮ የተጓዘው የመጅሊሱ ቃል አቀባይ ገልጿል።

****
ሻዕባን 17፣ 1445 ዓ.ሒ
****
የሕዝብ ግንኙነት ክፍል
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

ቀልጣፋ የሐጅ ምዝገባ በአዲስ አበባ መጅሊስ እየተካሄደ ነው።

የካቲት 19፣ 2016 (አዲስ አበባ) - ጠቅላይ ምክር ቤቱ ለዘመናት የሕብረተሰቡ የቅሬታ መንስዔ የነበረውን የሐጅ ምዝገባ በማዘመን ፈጣን አገልግሎት እየሰጠ መሆኑን የጠቅላይ ምክር ቤቱ ምክትል ፕሬዚደንት ተናገሩ።

በጠቅላይ ምክር ቤቱ ምክትል ፕሬዚደንትና የሐጅና ዑምራ ዘርፍ ተጠሪ ሸይኽ አብዱልአዚዝ ሸይኽ አብዱልዋሊ የተመራው ልዑክ የአዲስ አበባ መጅሊስ የሐጅ ምዝገባ ጣቢያን የሥራ ሂደትን ጎብኝቷል።

"የዘመነ አገልግሎት ለአልረህማን እንግዶች" በሚል መሪ ቃል የ1445/2016 የሐጅ ምዝገባ የሐጅ ኒያ ላላቸው ተመዝጋቢዎች ቀልጣፋ፣ ምቹ እና ግልፅ የምዝገባ ሥርዐት በመዘርጋት በዘንድሮ በተከፈቱ 27 የምዝገባ ጣቢያዎች እየተሰጡ መኾኑን ሸይኽ አብዱልአዚዝ ተናግረዋል።

ዛሬ በተጎበኘው የአዲስ አበባ እስልምና ጉዳዮች የሐጅ የምዝገባ ጣቢያ እየተሰጠ ባለው የምዝገባ ሂደት የተመዝጋቢውን እንግልት የቀነሰ መሆኑን እንደተመለከቱ ሸይኽ አብዱልአዚዝ ተናግረዋል።

የሐጅና ዑምራ ዘርፍ ኃላፊ አብዱልፈታህ ሙሐመድ ናስር የሳዑዲ አረቢያ የሐጅ ሚኒስቴር መሥሪያ ቤት ባወጣዉ መመሪያ መሠረት የዘንድሮ ዓመት የሐጅ ምዝገባ ቀድሞ የጀመረ ቢሆንም፣ ለሁሉም የምዝገባ ጣቢያዎች ለሐጅ ምዝገባ ሠራተኞች ሥልጠና የዌብ ሲስተም ዝርጋታና የሐጅ ምዝገባ ሶፍትዌርን አጠቃቀም ሲሰጥ መቆየቱን እና ጥር 25/16 (ረጀብ 22፣ 1445) ምዝገባ መጀመሩን ተናግረዋል።

ጠቅላይ ምክር ቤቱ ከኢምግሬሽን የዜግነት ጉዳዮች ባለው መልካም ግንኙነት የጉዞ ሰነዳቸው (ፓስፖርት) ያገልግሎት ጊዜው የተጠናቀቀ ለማደስ አዲስ ማውጣት ለሚያስፈልጋቸው የአሏህ እንግዶን ጠቅላይ ምክር ቤቱ በሚፅፈው የድጋፍ ደብዳቤ መሰረት እየተስተናገዱ መኾናቸውን ተናግረዋል።

የአዲስ አበባ እስልምና ጉዳዮች ከፍተኛ ምክር ቤት ሥራ አስኪያጅ ሪያድ ጀማል ከአሁን በፊት የአዲስ አበባ መጅሊስ ለሐጅ ተመዝጋቢዎች የእስልምና ማረጋገጫ ሰነድ ብቻ በመስጠት የምዝገባ ሒደቱ በጠቅላይ ምክር ቤቱ ብቻ በመሰጠት ምክንያት ሰፊ የኅብረተሰብ ቅሬታ እንደነበር አስታውሰዋል።

ሥራ አሥኪያጁ፣ ጠቅላይ ምክር ቤቱ በአሁኑ ሰዓት እየተጠቀመ ባለው ያልተማከለ የአሠራር ሥርዓት መሠረት መጅሊሱ ራሱን ችሎ መሥራት በመቻሉ፣ የምዝገባ ሥርዓቱ ቀልጣፋ እንዲሆን ዓይነተኛ ሚና መጫወቱን ተናግረዋል።

በ1445/2016 የትውልደ ኢትዮጵያ የአላህ እንግዶች ምዝገባን በተመለከተ ለሳዑዲ አረቢያ የሐጅ ሚኒስቴር ተደጋጋሚ ደብዳቤዎች ከጠቅላይ ምክር ቤቱ ቢፃፍም፣ እስካሁን አዎንታዊ ምላሽ ማግኘት አለመቻሉን ለማወቅ ተችሏል።

****
ሻዕባን 18፣ 1445 ዓ.ሒ
****
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ

ቢላሉል ሐበሺ የልማትና መረዳጃ ማኅበረሰብ የመጀመሪያውን የቢላል የክብር እውቅና መሰናዶ አካሄደ።

የካቲት 19፣ 2016 (አዲስ አበባ) - ቢላሉል ሐበሺ የልማትና መረዳጃ ማኅበረሰብ የመጀመሪያውን የቢላል የክብር እውቅና መሰናዶ ትናንት በሸራተን አዲስ አካሄደ።

ቀጣይ እንደሚኾን በተነገረው በዚህ የክብር እውቅና መስጫ መሰናዶ፣ በትላንትናው ዝግጅት አራት ግለሰቦች እና አንድ ትውልድ የክብር እውቅና ተሰጥቷቸዋል።

"መልካም ሠሪዎችን ማመሥገን፣ መልካም ሠሪዎችን ይወልዳል" በሚል መርኅ የተካሄደው ይህ የክብር እውቅና መርኃ ግብር፣ ቢላሉል ሐበሺ በቋሚነት እንደሚያካሂደው የዝግጅቱ አስተባባሪ ኮሚቴ ምክትል ሰብሳቢ ሐጅ መሐመድኑር ሙሐመድሳኒ ተናግረዋል።

1ኛ/ የአባድር ትምህርት ቤት መሥራች አባት ሐጅ አቡበከር ኢብራሂም ሸሪፍ፣

2ኛ/ ፕሮፌሰር ሑሴን አሕመድ (የኢትዮጵያ እስልምና የታሪክ ጥናት አባት)

3ኛ/ ፕሮፌሰር ላጵሶ ጌ. ድሌቦ (የኢትዮጵያ እስልምና ታሪክን በማጥናት ምሁራዊ አበርክቶ ያደረጉ)

4ኛ/ በንጉሡ ዘመን ለሙስሊሞች የእኩልነትና የዜግነት ክብር የታገለው ቀዳሚ ትውልድ

5ኛ/ ዳግማዊ አባ ጂፋር

የኢትዮጵያ እስልምና ጉዳዮች ጠቅላይ ምክር ቤት ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን፣ ከአምስቱ የክብር እውቅና ተጎናጻፊዎች አንዱ ለኾኑት ለታሪክ ምሁሩ ፕሮፌሰር ላጵሶ ጌ. ድሌቦ፣ የክብር እውቅናውን ሰጥተዋል።

የመጀመሪያው የቢላል የክብር እውቅና በአብዛኛው በ20ኛው መቶ ክፍለ ዘመን በማኅበራዊ ንቅናቄ፣ ፖለቲካዊ ተጋድሎ እና ምሁራዊ አርበኝነት ላይ ተሳትፎ በማድረግ እንቅስቃሴ ያደረጉ ሰዎች ላይ ያተኮረ ነው።

በመርኃ ግብሩ ላይ የክብር እውቅና የተሰጣቸው ግለሰቦች የሠሩትን ሥራ የሚያሳይ ከፊል ዘጋቢ ፊልም ለዕይታ ቀርቧል።

በዝግጅቱ ላይ የጠቅላይ ምክር ቤቱ ዋና ፀሐፊ ሸይኽ ሐሚድ ሙሳ፣ የአዲስ አበባ እስልምና ጉዳዮች ከፍተኛ ምክር ቤት ፕሬዚደንት ሸኽ ሡልጣን አማን ኤባ እና ጥሪ የተደረገላቸው የሙስሊሙ ማኅበረሰብ አባላት ተገኝተዋል።

****
ሻዕባን 18፣ 1445 ዓ.ሒ
****
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/e

بِسْمِ ٱللَّهِ ٱلرَّحْمَٰنِ ٱلرَّحِيمِ

የነጃሺ መስጂድና እስላማዊ ማዕከል የኪነ ሕንጻ ንድፍ ማሻሻያ እንዲደረግበት ፕሬዚደንቱ አሳሰቡ

የካቲት 21፣ 2016 (አዲስ አበባ) - የነጃሺ መስጂድና ማዕከል ንድፍ እስላማዊና ታሪካዊ እሴታችንን ባካተተ መልኩ ማሻሻያ እንዲደረግበት የኢትዮጵያ እስልምና ጉዳዮች ጠቅላይ ምክር ቤት ፕሬዚደንት አሳሰቡ።

የክብር ዶክተር ሸይኽ ሐጂ ኢብራሂም ቱፋ ይህን ያሳሰቡት፣ የነጃሺ መስጅድና እስላማዊ ማዕከል ግንባታ ዐብይ ኮሚቴና የኪነ-ሕንጻ ንድፍ ውድድሩ ዳኞች በዛሬው ዕለት ለጠቅላይ ምክር ቤቱ ፕሬዚደንትና የሥራ አስፈጻሚ ኮሚቴ አባላት ስለ ዳኝነቱ ሂደትና ስለ አሸናፊው የኪነ ሕንጻ ንድፍ ማብራሪያ በሰጡበት ጊዜ ነው።

የኪነ ሕንጻ ንድፍ ውድድሩ የዳኞች ቡድን ዘጠኝ ባለሙያዎችን ያካተተ እንደነበረና፣ ሂደቱም ምሥጢራዊና ፍትኃዊ አካሄድን የተከተለ እንደነበር በዚሁ ጊዜ ተነግሯል።

የዳኝነት ቡድኑ አባላት፣ በውድድሩ ተመርጠው ደረጃ ያገኙትን የኪነ ሕንጻ ንድፎች 'በ3-D አኒሜሽን' ለዕይታ በማቅረብ ከማሳየታቸውም በላይ፣ የማወዳደሪያ መስፈርቶችን በተመለከተ ሰፋ ያለ ገለጻ አድርገዋል።

የጠቅላይ ምክር ቤቱ ፕሬዚደንት የክብር ዶክተር ሸይኽ ሐጂ ኢብራሂም ቱፋ ገለጻውን ካደመጡ በኋላ በሰጡት አስተያየት፣ የሚገነባው ታሪካዊ መስጂድ የኢትዮጵያ ሙስሊም በአፍሪካ ደረጃ የሚታወቅበት ሊሆን ይገባል ብለዋል።

ፕሬዚደንቱ አክለውም፣ በእስልምና ታሪክ ከፍ በሚያደርገን ንጉሥ ስም የምንገነባው የነጃሺ መስጂድና ማዕከል ያለ ሚናራ የሚታሰብ አይሆንም በማለት አሳስበዋል።

ሸይኽ ሐጂ በተጨማሪም፣ በውድድሩ ከፍ ያለ ነጥብ ያገኘው የኪነ ሕንጻ ንድፍ እስላማዊና ታሪካዊ ማንነታችንን ባካተተ መልኩ ማሻሻያ ሊደረግበት ይገባል ብለዋል።

መስጂድ በቅርጽ ደረጃ ከሚታወቅበት መገለጫ አንዱ ሚናራ በመኾኑ፣ ይህ ታሪካዊ መስጂድ ወጪን በቆጠበ መልኩ አራት ሚናራ ቢታከልበት አይበዛበትም ሲሉ ተናግረዋል።

አስተያየታቸውን እንዲሰጡ ዕድል የተሰጣቸው የጠቅላይ ምክር ቤቱ የሥራ አመራር አባላትም ንድፉ በባለሙያ ዐይን ደረጃውን የጠበቀ ሊኾን ቢችልም፣ የእስልምናንና የሙስሊሞችን እሴት የሚገልፅ የመስጂድ ባህሪ የለውም ብለዋል።

የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን እና የምክር ቤቱ ዋና ጸሐፊ ሸይኽ ሐሚድ ሙሳ ንድፉ የእስልምና እሴትን ያካተተ አይደለም በማለት ንድፉ ላይ ያላቸውን ቅሬታ ተናግረዋል።

በመጨረሻም ለነጃሺ መስጂድና እስላማዊ ማዕከል ግንባታ የተመሠረተው ዐብይ ኮሚቴና የኪነ-ሕንጻው የሙያ ዳኞች ከጠቅላይ ምክር ቤቱ ከፍተኛ አመራር የቀረበውን አስተያየትና ቅሬታ ተቀብለው፣ በተሰጠው አቅጣጫ መሠረት ማሻሻያ እንደሚያደርጉ የጋራ ግንዛቤ መወሰዱን ተናግረዋል።

**
ሻዕባን 19፣ 1445
*****
የኢ.እ.ጉ.ጠ.ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/eiasc1

ኢስላሚክ ዩኒቨርስቲ ኦፍ ሜኒሶታ ያስተማራቸውን ተማሪዎች በሸራተን አዲስ ሆቴል ያስመርቃል።

የካቲት 22/16( አዲስ አበባ)ኢስላሚክ ዩኒቨርስቲ ኦፍ ሜኒሶታ 50 በሁለተኛ ዲግሪና 16 በዲፕሎማ ያስተማራቸውን ተማሪዎች በሸራተን አዲስ ሆቴል ከደቂቃዎች በኋላ የማሰመረቅ መርሐ ግብሩን ያካሂዳል።

በዛሬዉ የዩኒቨ ርስቲዉ የምርቃት መርሐግብር ተመራቂዎች ዉስጥ ሁለት የኢትዮጵያ እስልምና ጉዳዮች ጠቅላይ ምክር ቤት ስራ አስፈፃሚዎች እንደሚገኙበት ለማወቅ ተችሏል።

እንደ አውሮፖ አቆጣጠር በ2016 ማስተማር የጀመረው መቀመጫዉን በአሜሪካ ያደረገው ኢስላሚክ ዩኒቨርስቲ ኦፍ ሜኒሶታ የቅርንጫፍ ፅ/ቤቱን በኢትዮጵያ ከከፈተ በኋላ የዛሬው ምርቃት የመጀመሪያው ነው።

****

ሻዕባን 20፣ 1445 ዓ.ሒ

ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.co

بِسْمِ ٱللَّهِ ٱلرَّحْمَٰنِ ٱلرَّحِيمِ

​የሲዳማ ክልል እስልምና ጉዳዮች ከፍተኛ ምክር ቤት አስቸኳይ ጠቅላላ ጉባዔ አዳዲስ አመራሮችን ሰየመ።

የካቲት 28፣ 2016 (አዲስ አበባ) - የሲዳማ ክልል እስልምና ጉዳዮች ከፍተኛ ምክር ቤት አስቸኳይ ጠቅላላ ጉባዔ፣ የተጣለባቸውን ኃላፊነት በአግባቡ መወጣት ባልቻሉት አመራሮች ምትክ፣ አዳዲስ አመራሮችን መረጠ።

መጋቢት 30፣ 2015 በተካሄደ ጠቅላላ ጉባዔ ተመርጦ የነበረው የሥራ አስፈጻሚ የተጣለበትን ከፍተኛ ኃላፊነት መወጣት ካለመቻሉም በላይ፣ የተጣለበትን ኃላፊነት ወደ ጎን በመተው በጭቅጭቅ በመጠመዱ፣ የኢትዮጵያ እስልምና ጉዳዮች ጠቅላይ ምክር ቤት ችግሩን ለመፍታት ተደጋጋሚ ጥረት ሲያደርግ ቆይቷል።

ይሁንና፣ ሁኔታው ሊሻሻል ባለመቻሉ፣ ጉዳዩ አስቸጋሪ ሁኔታ ላይ ከመድረሱ በፊት ጠቅላይ ምክር ቤቱ በሕገ መጅሊሱ አንቀፅ 23፣ ንኡስ አንቀፅ 7 በተደነገገዉ መሠረት፣ የእርምት እርምጃ ለመዉሰድ ተገድዷል።

ለችግሩ መፍትኄ ለመስጠት የመጅሊሱ ከፍተኛ አመራር በተገኘበት በዛሬው ዕለት፣ በተካሄደው ጠቅላላ ጉባዔ፣ የሥራ አስፈፃሚ ሹም ሽር አድርጓል። በዚህም መሠረት፣

1. ሸኽ አብዱሽኩር አብዱልቃድር ሽብሩ - ፕሬዚደንት
2. ሸኽ ናስር ሸኽ ዑስማን አማን - ምክትል ፕሬዚደንት
3. ሐጅ ኑሪ ናስር አማራ - ዋና ፀሐፊ
4. ሐጅ ዑመር ሑሴን አደም - አባል
5. ሸኽ ሙኽታር ሙስጠፋ ማህሙድ - አባል
6. አቶ መሐመድ አብዱልቃድር ሬቦ - አባል
7. ሸኽ ጀማል አብዱሽኩር - አባል
8. ሸኽ ከድር ጀማል - አባል
9. ሸኽ ዓሊ አደም - አባል
10. ሸህ ሱለይማን ዑስማን - አባል
11. ኢንጂነር ሚፍታህ መሐመድ አባል በመሆን ተመርጠዋል።

​****
ሻዕባን 26፣ 1445 ዓ.ሒ
****
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.co

بِسْمِ ٱللَّهِ ٱلرَّحْمَٰنِ ٱلرَّحِيمِ
በጠቅላይ ምክር ቤቱ ባለቤትነት የዕርቀ ሠላም ኮንፈረስ የመጀመሪያ ዙር ወይይት ተጀመረ

የካቲት፣ 29/2016(አዲስ አበባ)
በኢትዮጵያ እስልምና ጉዳዮች ጠቅላይ ምክር ቤት ባለቤትነት በሱማሌና በአፋር ክልሎች መካከል የተፈጠሩ አለመግባባቶችን ለመፍታት የተዘጋጀ የዕርቀ ሠላም ኮንፈረስ የመጀመሪያ ዙር ወይይት በሸራተን አዲስ በመካሄድ ላይ ይገኛል።

በእዚህ የዕርቀ ሠላም ኮንፈረስ ከሁለቱም ወንድም ሕዝቦች የተወከሉ ኡጋዞች፣ ዑለሞች ፣የሀገር ሽማግሌዎች ፣ሱልጣኖችና ተዋቂ ሰዎች ተገኝተዋል።
***
የኢ.እ.ጉ.ጠ. ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/ei

بِسْمِ ٱللَّهِ ٱلرَّحْمَٰنِ ٱلرَّحِيمِ
የጠቅላይ ምክር ቤቱ ፕሬዚደንት የረመዳን መልክት አስተላለፉ።

የካቲት 29፣ 2016 (አዲስ አበባ) -
ታላቁ የረመዳን ወር የእዝነት፣ የመተሳሰብ፣ የምህረት ወር በመኾኑ ደካሞችን፣ ችግረኞችን፣ ተፈናቃዮችን እንዲሁም ወላጅ አልባ ሕጻናትን በመርዳትና ማዕዳችንን በማካፈል በመተሳሰብና አላህን በመለመን ልናሳልፈው ይገባል ሲሉ ሸይኽ ሐጂ ኢብራሂም ቱፋ ተናገሩ።

የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሂም ቱፋ ዛሬ በሸራተን አዲስ በሰጡት የረመዳን ዋዜማ መግለጫ፣ የምንቀበለው የረመዳን ወር የእዝነት፣ የምህረትና ከእሳት ነጃ የምንወጣበት፣ አላህ ዘንድ ተቀባይነት ያለው የዒባዳ ወር ይሁንልን ሲሉ መልካም ምኞታቸውን ገልፀዋል።

ፕሬዚደንቱ በዚሁ መግለጫቸው ለመላው ሙስሊም ማኀበረሰብ እንኳን ለ1445 ዓ.ሂ /2016 የረመዷን ወር በሰላም አደረሳችሁ በማለት የመልካም ምኞት መልዕክት አስተላልፈዋል።

ፕሬዚደንቱ መንፈሳዊ ልዕልና የሚኖረው ሰላም ሲኖር በመኾኑ፣ ለሀገራችን ሰላም እና ለሕዝባችን ደኅንነት ዱዐ ልናደርግ ይገባል ሲሉም ጥሪ አቅርበዋል።

በመግለጫው ላይ የጠቅላይ ምክር ቤቱ ተቀዳሚ ምክትል ፕሬዚደንት ሸይኽ አብዱልከሪም ሸይኽ በድረዲን እና የሐጅ ዘርፍ ኃላፊው ሸይኽ አብዱልአዚዝ ሸይኽ አብዱልወሊ ተገኝተዋል።

****
ሻዕባን 27፣ 1445 ዓ.ሒ
****

የኢ.እ.ጉ.ጠ. ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/ei

بِسْمِ ٱللَّهِ ٱلرَّحْمَٰنِ ٱلرَّحِيمِ

ሙስሊሙ ማኅበረሰብ ለአካል ጉዳተኞች ትኩረትና ድጋፍ እንዲሰጥ ጥሪ ቀረበ።

የካቲት 30፣ 2016 (አዲስ አበባ) - ሙስሊሙ ማኅበረሰብ ታላቁን የረመዳን ወር ሲቀበል፣ ለአካል ጉዳተኛ ሙስሊም ወገኖቹ ትኩረት ሊሰጥ፣ ሊያግዝና ሊደግፋቸው እንደሚገባ የኢትዮጵያ እስልምና ጉዳዮች ጠቅላይ ምክር ቤት ዋና ፀሐፊ ጥሪ አቀረቡ።

ዋና ፀሐፊው ሸይኽ ሐሚድ ሙሳ ይህን ጥሪ ያቀረቡት "የመስሊም አካል ጉዳተኞች ጉዳይ ምን እና የማን?" በሚል መሪ ቃል ከ'ኸይራት የአካል ጉዳተኞች እስላማዊ ማኀበር' ጋር በመተባበር በተዘጋጀ መድረክ ላይ ነው።

በአካል ጉዳተኛ ሙስሊሞች ፍላጎቶች ላይ ባተኮረው በዚህ መድረክ ላይ፣ ሸይኽ ሐሚድ ሙሳ አካል ጉዳተኝነት ማለት አለመቻል ማለት አለመኾኑን ጠቅሰው፣ በአካለ ጸጋ ወንጀል ሰብስቦ ከመጠየቅ እንደሚያድን አብራርተዋል።

ሸይኽ ሐሚድ አክለውም፣ መላው ሙስሊም ማኅበረሰብ ለአካል ጉዳተኞች አስፈላጊውን ድጋፍና ተገቢውን ትኩረት እንዲሰጣቸው ጥሪ አቅርበዋል።

የኢትዮጵያ እስልምና ጉዳዮች ጠቅላይ ምክር ቤት ዋና ሥራ አስኪያጅ ሐጂ ከማል ሀሩን መጅሊስ ለማንኛውም መስሊም አገልግሎት የመስጠት ኃላፊነት አንዳለበት ጠቅሰው፣ "በአካል ጉዳተኞች ዙሪያ ያለው ክፍተት ሰፊ በመኾኑ፣ መጅሊሱ ይህን መሰል ማኅበራትን ያበረታታል፣ ያግዛልም" ብለዋል።

በኮንፈረንሱ ላይ የተገኙት የጠቅላይ ምክር ቤቱ የትምህርትና ማኀበራዊ አገልግሎት ዳይሬክተር ዶክተር አብደላ ኸድር በበኩላቸው፣ "ከማኅበሩ ጋር በትምህርት ዙሪያ አቅም በፈቀደ መጠን አካል ጉዳተኞች ተጠቃሚ የሚሆኑበትን ትስስር እንፈጥራለን" ብለዋል።

ዑስታዝ ባህሩ ዑመር በእስልምና ታሪክ ውስጥ አካል ጉዳተኛ ሆነው ትልልቅ ገድል የፈፀሙ የነቢዩ (ሶ.ዐ.ወ.) ባልደረባዎች፣ የእስልምና ባለውለታዎች፣ ሙጃሂድና ሸሂድ የኾኑ ትልልቅ ሰብዕናዎች ዙሪያ ሰፋ ያለ ደርስ አቅርበዋል።

የኸይራት የአካል ጉዳተኞች እስላማዊ ማኀበር ፕሬዚደንት አቶ ሡልጣን ኢሰሙ፣ አካል ጉዳተኞች በሚፈልጓቸው አገልግሎቶች እና ድጋፎች ላይ ያተኮረ ጽሑፍ አቅርበዋል።

በአዲስ አበባ ዩኒቨርሲቲ መምህር የኾኑት እጩ ዶክተር በፈንታው ዓለሙ ቴክኖሎጂ ለአካል ጉዳተኞች አስቻይ መኾኑ ስላለው ጠቀሜታ ማብራሪያ የሰጡ ሲኾን፣ ከመድረኩ በተነሱ ሐሳቦች ዙርያ ተሳታፊዎች ሰፋ ያለ ውይይት አድርገዋል።

በመድረኩ ላይ የተገኙት የባቡል ኸይር ተቋም ዋና ሥራ አስኪያጅ ወይዘሮ ሀናን ሙሐመድ፣ "ኸይራት የአካል ጉዳተኞች እስላማዊ ማኀበር ዓላማውን ለማሳካት የሚያደርገውን እንቅስቃሴ ማገዝ የሥራችን አካል ስለኾነ፣ ምንጊዜም ከጎናችሁ ነን" ብለዋል።

"ስለ እኔ" የተባለው የበጎ አድራጎት ማኅበር የ6ኛ ዙር ሠልጣኞች በበኩላቸው፣ ለኸይራት የአካል ጉዳተኞች ማኀበር ግምቱ ከ45 ሺህ ብር በላይ የኾነ ተሽከርካሪ ወንበር እና የብሬል ቁርአን ድጋፍ አድርገዋል።

የኸይራት የአካል ጉዳተኞች እስላማዊ ማኀበር ዋና ሥራ አስኪያጅ ሁሉም በየዘርፉ ላደረገው አስተዋጽዖ አመሥግነው፣ "የአካል ጉዳተኞች ማኀበር የማቋቋም ፋይዳው ሙስሊም አካል ጉዳተኞች የዲን ትምህርት እንዲያገኙ ምቹ ሁኔታ መፍጠር በመኾኑ ደጋፋችሁ አይለየን" ብለዋል።

***
ሻዕባን 28፣ 1445 ዓ.ሒ
***
የኢ.እ.ጉ.ጠ. ም/ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | twitter.com/ei

بِسْمِ ٱللَّهِ ٱلرَّحْمَٰنِ ٱلرَّحِيمِ

በታላቁ የረመዳን ወር ምዕመናን የተቸገሩ ወገኖችን በመርዳት እንዲያሳልፉ የጠቅላይ ምክር ቤቱ ፕሬዚደንት አሳሰቡ።

መጋቢት 4፣ 2016 (አዲስ አበባ) - ታላቁ የረመዷን ወር ከመቼውም በላይ የአብሮነትና የመተሳሰብ ወር በመሆኑ፣ ምዕመናኑ የተቸገሩ ወንድምና እህቶችን በመደገፍ እንዳያሳልፉ የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሸይኽ ሐጂ ኢብራሒም ቱፋ አሳሰቡ።

ታላቁ የረመዳን ወር ቀኑን በፆም፣ ምሽቱን በኢባዳ የምናሳልፍበት ታላቅ ወር በመኾኑ፣ መስሊሙ ማኅበረሰብ ወሩን በተለያዩ የበጎ አድራጎት ሥራዎች ላይ ተጠናክሮ መቀጠል እንዳለበት ተናግረዋል።

ረመዷን የአብሮነት ወር በመኾኑ ጠቅላይ ምክር ቤቱ ይህን የኢፍጣር መርኃ ግብር ማዘጋጀቱን ፕሬዚደንቱ ተናግረዋል።

የፕሬዚደንቱ ልዩ አማካሪ ዑስታዝ አቡበከር አሕመድ ታላቁ የረመዷን ወር የመተሳሰብ፣ የመረዳዳትና የአብሮነት ወር በመኾኑ ሙስሊሙ ማኅበረሰብ የተቸገሩ ወገኖቻችንን በመርዳት እንዲያሳልፍ ጠይቀዋል።

በመርኃ ግብሩ ላይ የጠቅላይ ምክር ቤቱ ሥራ አስፈፃሚዎች፣ የዓሊሞች ጉባዔ የሥራ ኃላፊዎች፣ የኢፌዲሪ ሴቶችና ማኅበራዊ ጉዳይ ሚኒስትር ክብርት ዶ/ር ኤርጎጌ ተስፋዬ፣ የተለያዩ ሀገራት አምባሳደሮች፣ የክልል መጅሊስ ሥራ አፈፃሚዎች፣ ዱዓቶችና የተለያዩ የኅብረተሰብ ክፍል ተወካዮች ታድመዋል።

****
ረመዷን 4፣ 1445 ዓ.ሒ
****
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር |https://x.com/eiasc1

بِسْمِ ٱللَّهِ ٱلرَّحْمَٰنِ ٱلرَّحِيمِ

ማሳሰቢያ

• የሐጅ ምዝገባ ክፍያዎን በተጠቀሱት ባንኮች ብቻ ይፈጽሙ።

የኢትዮጵያ እስልምና ጉዳዮች ጠቅላይ ምክር ቤት ለ1445 ዓ.ሒ (የ2016 ዓ.ል) የሐጅ ጉዞ፣ "የዘመነ መስተንግዶ ለአል-ረህማን እንግዶች" በሚል መሪ ቃል፣ በ27 የምዝገባ ጣቢያዎች ከጥር 25፣ 2016 ዓ.ል ጀምሮ ምዝገባ እያካሄደ መኾኑ ይታወቃል።

ጠቅላይ ምክር ቤቱ በዚህ ዓመት የሐጅ መስተንግዶ ክፍያ እንዲሰበስቡ ለባንኮች ባወጣው የማወዳደሪያ መስፈርት መሠረት ከ12 ባንኮች ጋር ስምምነት በማድረግ በመሥራት ላይ ይገኛል።

በዚህም መሠረት፣ የሐጅ መስተንግዶ ክፍያ እንዲሰበስቡ ከጠቅላይ ምክር ቤቱ ጋር ስምምነት ያደረጉት ባንኮች የሚከተሉት ናቸው:-

1. የኢትዮጵያ ንግድ ባንክ
2. አዋሽ ባንክ
3. የኦሮሚያ ኅብረት ሥራ ባንክ
4. ዘምዘም ባንክ
5. ወጋገን ባንክ
6. ኦሮሚያ ባንክ
7. ዳሸን ባንክ
8. ሒጅራ ባንክ
9. አቢሲኒያ ባንክ
10. ራሚስ ባንክ
11. ሲንቄ ባንክ
12. ቡና ባንክ።

ከላይ ከተራ ቁጥር 1 እስከ 12 ከተጠቀሱት ባንኮች ውጪ፣ ጠቅላይ ምክር ቤቱ የሐጅ መስተንግዶ ክፍያን እንዲሰበስብ ውል የሰጠው ባንክ የለም። በመኾኑም ሕብረተሰቡ ይህን አውቆ ፣ አስፈላጊውን ጥንቃቄ እንዲያደርግና የሐጅ መስተንግዶ ክፍያውን በተጠቀሱት ባንኮች ብቻ እንዲፈጽም ጠቅላይ ምክር ቤቱ ያሳስባል።

መጋቢት 6፣ 2016 ዓ.ል
(ረመዷን 5፣ 1445 ዓ.ሒ)
**
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1

بِسْمِ ٱللَّهِ ٱلرَّحْمَٰنِ ٱلرَّحِيمِ

እስላማዊ ወንድማማችነትን በማጠናከር ልዩነቶችን ማጥበብ እንደሚገባ ፕሬዚደንቱ አሳሰቡ።

መጋቢት 9፣ 2016 (አዲስ አበባ) - የኢትዮጵያ እስልምና ጉዳዮች ጠቅላይ ምክር ቤት ፕሬዚደንት የክብር ዶክተር ሼይኽ ሐጂ ኢብራሂም ቱፋ የዓለም ሙስሊሞች ሊግ ባዘጋጀው ዓለም አቀፍ ጉባዔ ላይ ንግግር አደረጉ።

ሼይኽ ሐጂ ኢብራሂም በንግግራቸው እስልምና አንድነትን ጠብቀን ተባብረን በሰላም እንድንኖር ማስተማሩን ቅዱስ ቁርኣንና የነቢዩ ሙሐመድ (ሶ.ዐ.ወ) ሐዲስን በማጣቀስ ተናግረዋል።

ልዩነቶች ተፈጥሯዊ መሆናቸውን የጠቀሱት ፕሬዚደንቱ፣ ልዩነቶች ሲከሰቱ ወደ ቁርኣን እና ሐዲስ በመዉሰድ መፍታት እንደሚገባ ተናግረዋል።

በመካ እየተካሄደ የሚገኘው ዓለም አቀፍ
ጉባዔ "በእስልምና መዝሐቦች መካከል ድልድይ መገንባት" በሚል መሪ ቃል በሙስሊሙ የእርስ በርስ አንድነት፣ ሰላምና መተባበር ላይ ያተኮረ እንደኾነ ለማወቅ ተችሏል።

ሸይኽ ሐጂ የዓለም ሙስሊሞች ቂብላ በሆነችው በቅድስቲቱ መካ ከተማ፣ በታላቁ የረመዷን ወር በዚህ የዓሊሞች ጉባዔ ላይ ንግግር የማድረግ ዕድል በማግኘታቸው የተሰማቸውን ደስታ በኢትዮጵያ እስልምና ጉዳዮች ጠቅላይ ምክር ቤትና በራሳቸው ስም ገልፀዋል።

የእስልምና አስተምህሮዎች ያላቸውን ልዩነት በውይይት ማጥበብን ዓላማ ባደረገው በዚህ ዓለም አቀፍ ጉባዔ "መዝሐቦች በእስልምና እንዴት ይደጋገፋሉ?" እና "መዝሐቦች በዩኒቨርሲቲዎችና በትምህርት ተቋማት ተባብረው እስልምናን እንዴት ይገነባሉ?" በሚሉ መነሻ ሐሳቦች ዙርያ ጽሑፎች ቀርበው በተሳታፊዎች ውይይት ተደርጎባቸዋል።

በመካ እየተካሄደ በሚገኘው ዓለም አቀፍ ጉባዔ ላይ የጠቅላይ ምክር ቤቱ ተቀዳሚ ምክትል ፕሬዚደንት ሼይኽ አብዱልከሪም ሼይኽ በድረዲንን ጨምሮ፣ ከመላው ዓለም የመጡ ሙፍቲዎችና ዓሊሞች ተሳታፊ እንደሆኑ የጠቅላይ ምክር ቤቱ ቃል አቀባይ ከላከው መረጃ ለማወቅ ተችሏል።

**
(ረመዷን 8፣ 1445 ዓ.ሒ)
**
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም | t.me/eiasc1
ትዊተር | https://x.com/eiasc1