خو د هري فیصلي سمه بدله باید ورکې

فلم د ګوا په هغه وخت کي پیلیږي چي سیمه لا د پرتګالي واک لاندي ده. رایا (Raya) له ډېري سختي او تاوتریخجن ماشومتوب څخه راوتلی ځوان دی. هغه د خپلي خور ګنګا (Ganga) ترڅنګ لویېږي او له هماغه کوچنیوالي د ځواک پیسو او واک په لټه کي وي. ګنګا هم د خپل ورور د لوړ مقام لپاره هر ډول خطر منلو ته چمتو وي.

رایا کرار کرار د ګوا د جرمي نړۍ په منځ کې خپل ځای پیدا کوي او د سالویدار (Salvador) په نوم د یوه ځواکمن مافیا مشر تر لاس لاندي کار کیي. هغه د قاچاق او غیرقانوني سوداګرۍ له لاري خپل نفوذ زیاتوي او بالاخره د سالویدار له تر ټولو باوري کسانو څخه ګرځي. ګنګا هم کوښښ کوي چي د رایا قدرت لا پیاوړی سي.

په همدې وخت کي رایا له نادیا (Nadia) سره اشنا کېږي. نادیا د یوه سرکس هنرمنده ده یا نڅا کوونکې او د رایا له ژوند سره داسي اړیکه پیدا کوي چي د هغه ټول پلانونه بدلوي. د دوی له اړیکي وروسته یو زوی پیدا کیږي چي نوم یې ټکیټ (Ticket) وي.

خو رایا د کورنۍ پر ځای خپل قدرت او جرمي سلطنت ته ډېره ارزښت ورکوي. د نادیا او رایا اړیکه خرابېږي او ټکیټ د خپل پلار له میني او پاملرني پرته لویېږي. د پلار پرېښودل د ټکیټ په ذهن کي ژور زخم جوړوي او د رایا پر وړاندي د کرکي او غچ احساس پیدا کوي.

رایا په همدې موده کي خپل جرمي کاروبار لا پراخوي او په ګوا کي د جرمونو له تر ټولو ځواکمنو کسانو څخه کېږي. وروسته خپل نفوذ تر مکاو پوري غځوي او یو لوی جرمي امپراتوري جوړوي. خو د دې بریا په بدل کي یې کورنۍ، اړیکي او د هغه د ژوند نږدې کسان یو په بل پسې د لاسه ورکوي.

کلونه وروسته ټکیټ د یو بالغه ځوان په توګه بیرته د رایا ژوند ته راګرځي. هغه د خپل پلار څخه د تېر وخت د ظلمونو حساب او غچ غواړي او د رایا د جوړ کړي سلطنت د له منځه وړلو کوښښ کوي. ټکیټ د رایا پر کسانو او کاروبارونو بریدونه کوي او کرار کرار د هغه ټول جوړ کړی نظام ته سرخوږی جوړیي .

رایا په دې باوری وي چي ټکټ د ده زوی دی او د خپل پلار د پرېښودلو او تیري زمانې د درد له امله د غچ لپاره راغلی دی. ټکیټ حتی د رایا دویم زوی ادم (Adam) هم تښتوي او کوښښ کوي له هغه سره هغه څه وکړي چې رایا په ماشومتوب کي له ټکټ سره کړي وو.

خو د ټکیټ په چلند کي یو عجیب راز سته.
هغه کله د رایا د وژلو چانس پیدا کوي خو پر ځای یې هغه نه وژني او حتی په ځینو حالاتو کي یې له خطره ژغوري. د رایا ذهني حالت هم ورځ تر بلي خرابېږي، ځکه د هغه د تېر ژوند دردونه، د ګنګا او نادیا له لاسه ورکول او د ټکټ د ماشومتوب پیښي یې ذهن ځوروي.

بالاخره د فلم په پای کي تر ټولو لوی راز څرګندېږي: هغه بالغه ټکیټ چي موږ د فلم په اوږدو کي وینو، په حقیقت کي د رایا په ذهن کي یو جوړ سوی خیال / بیره ده هیڅ ټکیټ نسته. ریښتینی ټکیټ ډېر کلونه مخکي مړ سوی و. رایا د خپل زوی د مرګ او د هغه د ژوند د تباه کېدو له امله دومره سخت ذهني صدمه ویني چي د ټکیټ یو خیالي وجود یې په ذهن کي ژوندی ساتلی وي.

یعني د فلم ډېری هغه صحنې چي ټکیټ پکښي د رایا پر وړاندي راځي، د رایا د مات سوي ذهن او د هغه د پښېمانۍ له زاویې لیدل کېږي. ټکټ د رایا لپاره د هغه د ټولو تېرو ګناهونو، پښېمانۍ او د خپل زوی د له لاسه ورکولو سمبول ګرځي.

په وروستیو شیبو کي رایا بالاخره له خپل تېر، خپل جرمونو او هغه درد سره مخ کیږي چي کلونه یې ترې تېښته کړې وه. هغه د ټکیټ خیالي وجود مني او داسي ښکاري چي د خپل زوی د منلو او د خپل تېر ژوند د حقیقت منلو کوښښ کوي. په پای کي د واوري د سترې ښوېدني پر مهال د رایا او ټکیټ ترمنځ وروستۍ صحنه د پلار او زوی د اړیکي یوه استعاري بڼه اخلي او فلم په قصدي ډول د رایا د برخلیک په اړه یو څه ابهام پرېږدي.

په اصل کي Toxic یوازي د یو ګنګسټر د قدرت کیسه نه ده؛ د رایا د جرمونو، کورنۍ له لاسه ورکولو، پښېمانۍ، رواني صدمې او د یوې کورنۍ له یوه نسل څخه بل نسل ته د درد د انتقال کیسه ده.

#ټوکسیک
فلم دلته خوند وکی
چی کله دی دا فکر کوی چی دده زوی ژوندی دی او دده سره په جنگ اخته دی
خو اصلا دده زوی په کوچنیوالی لا دده د بی غوری سخه مڔ سوی یی
او دهغه یو کرکټر دده په زهن کی جوڔ سوی
کم څه چی دده سره کیږی هغه اصلا دده فکر دی وقعت نه دی
#د_فلم_اصلی_مطلب
خیانت باید ونکې
بی غوری او غفلت نه دی ښه
د نشه یی توکو داستعمال تاوانونه
د وژدان عذاب

دداسی نورو ویډیوګانو لپاره زموږ فیسبوک فیج درسره فعالو کی او نوی ویډیو درسره لایک او خپلوملګرو ته درسره شیر کی

دداسی نورو ویډیوګانو لپاره زموږ فیسبوک فیج درسره فعالو کی او نوی ویډیو درسره لایک او خپلوملګرو ته درسره شیر کی

𝙀𝙃𝙎𝘼𝙎 𝙈𝙀𝘿𝙄𝘼