إذا قرأ الغبي الكثير من الكتب، سيتحول إلى غبي مزعج و خطير جداً، لأنه سيصبح غبياً واثقاً من نفسه...وهنا تكمن الكارثة!!!

الوادم الماناسبتهم
قسمة، بس ماناسي بتهم

أحطنّك بلب أحشاي وأصوغنك صياغة لمنحري گلادة

أسمعها هاي وروح ماتدري چنّك
الينّزع بالباب صار أغلى من منّك

لا تجين..
أبقي يم أهلچ عَزيزة
وآني يم أهلي حزين
محد من أهلي يهتم من أضوج
أهلي عالـ وَن راهمين
أنتوا فيروز وأغاني بكل صَباح
وأحنا ياس و طَن جگاير شابعين
لا تجين..
لاتجين..

يمتعبني…
شبعد وياك واعلى الذمم نتباره
اعلى شاطيك عشت عطشان
صباره…

عشرتي وياك مثل الحاط چيلاته بظهر غافل
غافل موش فجاره.

دريت بفشلته وعاره.

(جيثوم) وتحط بالروح
واگول افيش.. تسياره

(نهيش) اجرب الك بيه
استلذ و الدمه يتجاره

يمتعبني…
بلايه (اوگى) وشلت منك وجع كاره.

حيره وياك…

مثل الباگه خطاره
ابناته.. أورّجوا جاره
يطرده الصوچ نابت بيه
يكرمه.. الهضم ياناره
شيسوي العيب بكتاره

حيرة وياك

روحي آنه فر_خ برحي
وجيت بحيل طباره
تهزّر بي لعب بطران
لعب ماكلت جماره

غشيم آنه وصدت گلبي.
بشبچ… لا نتل سناره
طعمْ شصك حلاة السان عياره

يمتعبني (لكد) مهرة بظهر غاره
العليها مسنعه اخباره
خذوا منه (خَشلْ)مرته وعباة امه
وطلب ثاره.

وحيد آنه ..
ذبيحك يارجل (ساره)

يمن تتنفس گبالي عجاج البر
وآنا گبالك
ادور اعلى الهوى ادواره

يمتعبني شگل للناس
إذا شافوك ناجر دنيتي نجاره
يحز بالرگبة منشاره
يدگ بالضلع بسماره
اشتهى يسحگ ثنايه الروح
مدني جسور عباره.

يمتعبني شوكت ووداعة الله تگول…
شبعد وياك واعلى الذمم نتباره..

اذا انت بحلاتك ذابح الناس
ادوس آنه علراسك بالتواضع

_

ﷺ

يا عُمر يخلص بدونك وأنتَ ع الفرگة حريص
الك بالكنتور صوره
" هيَّ تختار القميص "

ياضفيرة غافيه بلون العصر ..
بيه لعيونك گلايد .. تترس دروبك شذر ..

خذني گرداله ... لگذلتك
ضمني ترجيه لكشختك

زتني نجمه إهناك .. بزلوف العطر ..
يادفو العنبر لون ليلي ثلج

شبگتك تنزار من دمي يوج
يالحن ... بلَل حجينه

وغازل إشموع المدينه
وسامر اولايات صبري وغنه لايامي الخضر..

ياضفيرة عافيه بلون العصر ..
حطني فيّ يرويك لو جاسك تعب

مانه بسمة ماي .. بشفاف العتب
لوحني بنسمة مشيتك

يا ربيع الله .. إشتهيتك .
تعتني لظلمة عتبتي . وتوكف إبابي فجر ..

ياظفيرة عافيه بلون العصر ..
ياصبح غافي بشناشيل العگد

غني_للجمار ... بشفاف البرد
ياحبيبي .. لو بدينه
رهن ماتسكت مرينه
ألمع برصعات خدك . وأشتري لعمرك عمر ..
ياضفيرة عافيه بلون العصر ..

ـ سلام الجبوري

حرز ياصوغة الدرويش
يليلو ازواگ دشداشه

يروف حديثه بالخندوز
يجف بدويه حياشه

أغن يابلبل ام بروم
يلبلابه وتحوم عليك فراشه

يدعج يانبي الجلباب
كاشان الجمال البيك
شما يعتگ
يگوم
ويلصف فراشه

اصعدك والگط المرطوب
وغيري تصير طواشه
حن اطوير گلبي وطار
اوعليه زرزر گنيص الشوك
ياواشه

رد انه الـ أغازل بيك
الغزل بجفاك يتلاشه

انه حضني كهف مهجور
لمن فارگيته عليك
وطوط حيل خفاشه

هجرك مثل جتف الماي
وانه احذاه
مگرم حرت بگياشه

مثل جيس التتن هالروح
طاحت بيد حشاشه

ـ حيدر النعاس

اخذ طبع الجلاده ولا تعض ابهام
وكابر فوك حيلك لليكرهونك
اتوطن للمنايه من تجيك اكبال
وحاذر خاف ركه تبين بلونك
وجد كون شانك تسكب العفرين
وتخير سدر عن لا يخيرونك
ضل هبريح ناحر ضد مهب الريح
خل صدكان عدوانك يهابونك
ها بالك تدامن عشرة الوهواس
تره جتال الك من يطب لضنونك
لا تلزم رجيج ولاتصيد ارخيص
لا تهتز لون رادو يوازونك
لا تحجي العزيزه بلوجت الديوان
هم تخسر الغالي ومايسمعونك
اذا ما تنشد بالك تبين راي
اتريض بلسوالف من ينشدونك
ضم سر الخلك صدكان لو عدوان
وضل مامون للسر من ينشدونك
ابعد عن يمينك صادكن جذاب
احج واقع ايمانك من يشهدونك
غذاك اليرضي نفسك واللبس المعقول
اهل الشور بهدومك يلكدونك
بالك لا تفارك صحبت المعروف
ولتعاشر نذل بلموزمه ايخونك
ترز بلوجوه وروج بلديوان
وابسلهم بسل حين اليلاونك
تجاسر للتشوفه ايريد يرهه اعليك
اتوازن للشماته بنصبة امتونك
شج عينك بعينه الكابحك بلروح
وشد حيل المناحر لليلاكونك
اذا ندهوك توصف للحديث افنون
بدروس اللفظ راويهم افنونك
خل ضحكك مثل طبع السبع مهيوب
اتحفظ لايغرك واهس اسنونك
اكتل وحشتك بمداور الحسبات
اروي اضماك سكته بعبرة اعيونك
سل سيف الرهاوه بخطت الميدان
ولا ترضه بجبيلك كونه مادونك
خيط كل حلك يوشيلك اعلناس
واخذ طبع الجبل عن لايهزونك
راددهم بخاطر جلت اجويريد
وخيب اضنون عدوان اليجيدونك
مو كلمن جنه الشارب صبح رجال
ولا كل التحشمه كالك عونك
ولا كل التحط ايدك اعليه مضمون
ولا كل التطعمه ايصون ماعونك
ولا كلمن توده ايواددك بلروح
اهوايه العدهه شحه بكلمة اشلونك
خل جودك اديون بركبة اهل الجود
تره مو كل البشر توفيلك اديونك

احمد سريح الزريجاوي

آني ذاك الگاعد متانيلة
صدفة تلمة بيچ
آني ذاك الشاف كومة
وجوه حلوة
وگلبه مارف بس عليچ

آية من الجمال ويصعب التفسير
ومنو آني وأفسر للبشر آية

اخذ مرّة گعد يم المراية احتار
دنت نفسه على روحه وباس المراية