#So'ragan_edingiz

❓119-SAVOL:
Mandat chiqdi. Ammo men oʻqishga kirolmabman. Endi nima qilsam boʻladi? Men oʻqishni juda xohlayman. Iltimos menga maslahat bering.

✅ JAVOB:
Hukumatimiz tomonidan yoshlarning, xususan talabalikka tavsiya etilmagan abituriyentlarning taʼlim olish va bandligini taʼminlash uchun bir qator imkoniyatlar yaratib berilgan. Xususan, abituriyent:

1️⃣ tanlagan taʼlim yoʻnalishlaridan biriga tabaqalashtirilgan toʻlov-kontrakt asosida talabalikka tavsiya etilishi (bunda, belgilangan mezonlarga mos kelgan talabgor OTM rektori nomiga ariza bilan murojaat qilishi zarur);

2️⃣ OTMda mavjud qoʻshma taʼlim dasturlariga hujjat topshirib, oliy taʼlim olishi (hujjatlar qabuli davom etmoqda);

3️⃣ kollej va texnikumlarga hujjat topshirib, kasb va mutaxassisliklarni egallashlari (bunda, dual taʼlim asosida ham oʻqib, ham ishlashi) mumkin:

👉 Kollejlar uchun elektron platforma — https://kollej.edu.uz.

✔️Abituriyentlar uchun 176 ta kollejda jami 170 dan ortiq kasblar va mutaxassisliklar mavjud.

👉 Texnikumlar uchun elektron platforma — www.texnikum.edu.uz.

✔️Abituriyentlar uchun 197 ta texnikumda jami 138 dan ortiq mutaxassisliklar mavjud.

➡️ Kollej va texnikumlarga onlayn hujjat topshirish 10-sentabrga qadar davom etadi.

➡️ Qoʻshma taʼlim dasturlariga hujjat topshirish boʻyicha oliy taʼlim muassasalarining rasmiy veb-saytlari orqali maʼlumot olish mumkin.

👉 Bungacha berilgan savollarga javoblar
________
Vazirlikning rasmiy sahifalari:
Telegram | Instagram | Facebook | YouTube

DIQQAT! MUHIM EʼLON!

Test sinovlarida ishtirok etgan va natijasidan norozi bo‘lgan abituriyentlarning apellatsiya arizalarini berish tartibi maʼlum boʻldi.

🔰 Unga koʻra, oliy ta’lim muassasalarining bakalavriat ta’lim yo‘nalishlariga kirish test sinovlarida ishtirok etgan va natijasidan norozi bo‘lgan abituriyentlar bugun, 5-sentabr soat 09:00 dan boshlab apellatsiya.dtm.uz sayti orqali apellatsiya shikoyati berishlari mumkin bo‘ladi.

🔚 Apellatsiya arizalari 14-sentabrga qadar 10 kunda davomida onlayn qabul qilinadi.

✔️ Bunda apellatsiya arizasini bermoqchi bo‘lgan abituriyent dastlab apellatsiya.dtm.uz saytining “Bakalavr-2021” bo‘limiga kirib, pasport seriyasi va raqami hamda shaxsiy identifikatsiya raqamini kiritishi lozim.

🖥 Agar abituriyent haqiqatdan ham test sinovlarida ishtirok etgan va test sinovlaridan chetlatilmagan bo‘lsa, apellatsiya arizasini berishi mumkin bo‘ladi va ariza berish oynasi ochiladi.

🔖 Mazkur sahifaga tegishli ma’lumotlarni kiritish orqali apellatsiya arizasi beriladi.

📋 Apellatsiya arizasini bergan abituriyentlarga uni ko‘rib chiqish sanasi va vaqti ko‘rsatilgan xabarnoma beriladi.

❗️Abituriyent xabarnomada belgilangan vaqtda shaxsini tasdiqlovchi hujjat, xabarnoma va abituriyent ruxsatnomasi bilan Davlat test markaziga kelishi shart.

📆 Apellatsiya shikoyatlarini ko‘rib chiqish apellatsiya komissiyasi tomonidan 2021-yil 7-sentabrdan boshlanadi.

❕ Izoh: apellatsiya.dtm.uz saytida uchta bo‘lim mavjud bo‘lib, magistratura mutaxassisliklariga kirish imtihonlarining chet tili fani va xorijiy davlatlardan o‘qishni ko‘chirish bo‘yicha apellatsiya arizalari mazkur imtihonlarning yakuniy natijalar e’lon qilingandan so‘ng ishga tushiriladi.
_______
Kanalga ulanish 👇
https://t.me/joinchat/Rfn4C07nmVy_NS2j

​⚡️DIQQAT! MUHIM!!

▪️DTM test sinovlari natijasi bo‘yicha apellatsiya shikoyatlarini ko‘rib chiqish tartibi haqida maʼlumot berdi.

🔸 Unga koʻra, apellatsiya shikoyatini bergan abituriyentlarga uni ko‘rib chiqish sanasi va vaqti ko‘rsatilgan xabarnoma beriladi.

🔹 Abituriyent xabarnomada belgilangan vaqtda shaxsini tasdiqlovchi hujjat, xabarnoma va abituriyent ruxsatnomasi bilan Davlat test markaziga kelishi shart.

🔸DTMda apellatsiya shikoyati ko‘rilayotgan abituriyentga uning javoblar varaqasi nusxasi, test topshiriqlari noto‘g‘ri bajarilgan javoblar ro‘yxati hamda test sinovlarida abituriyentga taqdim etilgan test topshiriqlari kitobi beriladi.

🔹Taqdim etilgan hujjatlar asosida abituriyent har bir noto‘g‘ri deb hisoblangan test topshirig‘iga o‘zining javoblarini yozma ravishda bayon qiladi va qabul qilib olgan barcha test materiallari bilan birga apellatsiya komissiyasiga taqdim etadi.

🔸 Apellatsiya shikoyati apellatsiya komissiyasi tomonidan faqat abituriyent ishtirokida, uning yozma javoblari asosida ko‘rib chiqiladi.

🔹Abituriyentning yozma javoblari o‘z tasdig‘ini topmagan bo‘lsa, apellatsiya komissiyasi test sinovlari natijalarini o‘zgarishsiz qoldirish va apellatsiya shikoyatini qanoatlantirishni rad etish to‘g‘risida qaror qabul qiladi.

🔸Abituriyent murojaat qilganda unga apellatsiya shikoyati bo‘yicha qabul qilingan qarordan ko‘chirma beriladi.

❗️Abituriyentning javoblar varaqasi, test topshiriqlari kitobi Davlat test markaziga belgilangan tartibda yetkazilmagan, yirtilgan bo‘lsa, shuningdek, test sinovlaridan chetlashtirilgan yoki o‘zining javoblarini yozma ravishda bayon qilmagan abituriyentning apellatsiya shikoyati ko‘rib chiqilmaydi.

📌 Apellatsiya komissiyasining qarori O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi tomonidan tasdiqlangandan so‘ng kuchga kiradi.
________
Vazirlikning rasmiy sahifalari:
Telegram | Instagram | Facebook | YouTube

⚡️Ayni damda magistratura mutaxassisliklari boʻyicha natijalar chiqishi kutilmoqda!
________
Vazirlikning rasmiy sahifalari:
Telegram | Instagram | Facebook | YouTube

DIQQAT! E'LON!!!

Kasb-hunar maktablarining 1—2-bosqich hamda texnikum, kollej va akademik litseylarning 2-bosqich o‘quvchilari diqqatiga!

Professional ta’lim muassasalari va akademik litseylarda 2021/2022-o‘quv yili 6-sentabrdan boshlab an’anaviy ta’lim shaklida boshlanadi.

Ta’lim muassasalarida yangi o‘quv yilining ilk dars mashg‘ulotlari — “Mustaqillik darslari” belgilangan metodik tavsiyalarga muvofiq “Yangi O‘zbekistonda erkin va farovon yashaylik” shiori ostida tashkil etiladi.

✔️Eslatma oʻrnida, kollej va texnikumlarga 2021/2022-oʻquv yili uchun onlayn hujjat topshirish 10-sentabrga qadar davom etadi.
________
Vazirlikning rasmiy sahifalari:
Telegram | Instagram | Facebook | YouTube

#Ochiq_muloqot

❗️Oʻqishni koʻchirish mavzusida ovozli chat

Bugun, 5-sentabr kuni soat 20:00 dan boshlab huquqshunos Xushnudbek Xudoyberdiyev kanali orqali Oliy va oʻrta maxsus taʼlim vazirligi bosh boshqarma boshligʻi Abduvali Xoliqov bilan ovozli chat tashkil qilinmoqda.

Chat davomida quyidagi mavzular haqida suhbatlashiladi:

— Xorijiy OTMdan Oʻzbekistonga oʻqishini koʻchirish;

— Oʻzbekistondagi bir davlat OTMdan boshqasiga oʻqishni koʻchirish;

— Oʻzbekistondagi nodavlat OTMdan davlat OTMga oʻqishni koʻchirish;

— ichki «perevod»lar;

— taʼlim shaklini oʻzgartirish (kunduzgidan sirtqiga, sirtqidan kunduzgiga va h.k.);

— oʻqishni koʻchirishdagi toʻlovlar, kontrakt narxlari va boshqa shu mavzuga oid savollar.

Bosh boshqarma boshligʻi A.Xoliqovga ovozli chat davomida bevosita savol yoki taklif bermoqchi boʻlsangiz, Xushnudbek.uz kanalida fikringizni yozib qoldiring.

👉 @xushnudbek 👈

#Magistratura_2021

Bugun obunachilarimizdan kelgan eng ko'p savol

❓Bugun magistratura javoblari chiqishi haqida xabar qo'yildi. Natijalarni qaysi saytdan bilsak bo'ladi?

✅ JAVOB:
Magistratura mutaxassisliklari bo'yicha natijalarni https://mandat.dtm.uz/ saytida ID raqamingizni kiritish orqali bilishingiz mumkin.
_________
Vazirlikning rasmiy sahifalari:
Telegram | Instagram | Facebook | YouTube

​#Murojaat

Farzandini xorijga oʻqishga yubormoqchi boʻlgan ota-onalar diqqatiga!

Soʻnggi vaqtlarda respublika oliy taʼlim muassasalariga oʻqishga topshirib, kirolmagan farzandini keyingi yil Oʻzbekistonga “perevod” qilish ilinjida (yoki oʻzi) xorijga oʻqishga yubormoqchi boʻlgan ota-onalar koʻp uchramoqda.

Maʼlumki, joriy yil 15-iyuldan boshlab talabalar oʻqishini koʻchirish boʻyicha bir qator yangi tartiblar joriy qilindi, jumladan, endilikda oʻqishini xorijiy mamlakatlardan davlat oliy taʼlim muassasalarining mos va turdosh boʻlmagan taʼlim yoʻnalishlariga koʻchirishga ruxsat etilmasligi hamda mos va turdosh taʼlim yoʻnalishlarga koʻchirishda esa Davlat test markazi tomonidan test va oliy taʼlim muassasalari tomonidan kasbiy (ijodiy) imtihonlar oʻtkazilishi belgilandi.

Shuningdek, keyingi yillardan boshlab test sinovlari va kasbiy (ijodiy) imtihonlar boʻyicha oʻtish ballari joriy oʻquv yilida taʼlim yoʻnalishlari boʻyicha oʻtish ballariga mos ravishda tenglashtirilishi koʻzda tutilmoqda.

Shu oʻrinda, Hukumatimiz tomonidan yoshlarning, xususan, talabalikka tavsiya etilmagan abituriyentlarning oliy taʼlim olish va bandligini taʼminlash uchun bir qator imkoniyatlar yaratib berilayotganini alohida qayd etish lozim.

Xususan, soʻnggi 5 yilda oliy taʼlim bilan qamrovni kengaytirish boʻyicha xorijiy OTM bilan hamkorlikda 58 ta respublika oliygohlarida ikki tomonlama davlat namunasidagi diplomlar berish koʻzda tutilgan qoʻshma taʼlim dasturlari joriy etildi.

Mazkur qoʻshma taʼlim dasturlarining bir qator afzalliklari mavjud boʻlib, jumladan:

✔️ ishonchliligi (yaʼni, mazkur qoʻshma taʼlim dasturlari davlat OTM bilan hamkorlikda yoʻlga qoʻyilganligi);

✔️ talabalar oʻquv jarayonining bir qismini xorijiy OTMda amalga oshirishi;

✔️ dars mashgʻulotlarining xorijiy malakali professor-oʻqituvchilari tomonidan olib borilishi;

✔️ bitiruvchilarning 2 ta, xususan, respublika va xorijda tan olinadigan diplomga ega boʻlishlari;

✔️ taʼlim jarayoni xorijiy OTM tomonidan tayyorlangan oʻquv rejalari, fan dasturlari, oʻquv materiallari asosida olib borilishi;

✔️ shuningdek, kunduzgi va sirtqi taʼlim shakllarining mavjudligini alohida koʻrsatib oʻtish lozim.

Yuqoridagilardan kelib chiqqan holda, Oliy va oʻrta maxsus taʼlim vazirligi talabalikka tavsiya etilmagan abituriyentlar hamda farzandini xorijga oʻqishga yubormoqchi boʻlgan ota-onalarga murojaat qilib, yurtimizda mavjud OTM bilan hamkorlikda yoʻlga qoʻyilgan qoʻshma taʼlim dasturlarida oliy taʼlim olishlarini tavsiya etadi.
________
Vazirlikning rasmiy sahifalari:
Telegram | Instagram | Facebook | YouTube

⚡️ Rasman magistratura mutaxassisliklariga kirish imtihonlarining yakuniy natijalari eʼlon qilindi

📌 2021-2022-o‘quv yili uchun davlat oliy ta’lim muassasalarining magistratura mutaxassisliklariga kirish imtihonlarining yakuniy natijalari e’lon qilindi.

✅ Imtihonlarda ishtirok etgan talabgorlar tanlov natijalarini 4 xil usulda bilishlari mumkin.

1️⃣ magistr.dtm.uz sayti orqali:

magistr.dtm.uz saytiga talabgorning pasport seriyasi va raqami hamda shaxsiy identifikatsiya raqamini kiritgan holda.

2️⃣ mandat.dtm.uz sayti orqali:

mandat.dtm.uz saytining “Magistratura-2021” bo‘limidan talabgorning ID raqamini kiritgan holda.

3️⃣ Davlat test markazining quyidagi telegram botlari orqali (talabgorning ID raqamini yuborgan holda):

👉 @mandat2021bot
👉 @mandat_2021_1_bot
👉 @mandat2021_2_bot
👉 @mandat2021_3_bot
👉 @mandat2021_4_bot

4️⃣ Test natijalari qaydnomasi orqali:

Shuningdek, test natijalari qaydnomasi oliy ta’lim muassasalariga taqdim etiladi.
________
Vazirlikning rasmiy sahifalari:
Telegram | Instagram | Facebook | YouTube

O‘zbekiston Respublikasi mustaqilligining 30 yilligiga bag‘ishlangan loyihaning navbatdagi qahramoni – Xalqaro press-klub raisi, O‘zbekiston jurnalistika va ommaviy kommunikatsiyalar universiteti rektori Sherzodxon Qudratxo‘ja.
—
Герой очередного выпуска проекта, посвященного 30-летию независимости Республики – председатель Международного пресс-клуба, ректор Университета журналистики и массовых коммуникаций Узбекистана Шерзодхон Кудратхужа.

Prezident.uz|Facebook|Instagram|YouTube|Twitter