#Қонунчилик_янгиликлари

⚡️Педагогик таълимни ривожлантириш бўйича республика кенгаши ташкил этилади

➡️Президентнинг “Педагогик таълим сифатини ошириш ва педагог кадрлар тайёрловчи олий таълим муассасалари фаолиятини янада ривожлантириш чора-тадбирлари тўғрисида”ги қарорига мувофиқ:

✔️2022/2023 ўқув йилидан бошлаб кундузги таълим шаклидаги 2–4-босқич талабалар учун ҳафталик ўқув машғулотлар “4+2”, жумладан дарсларнинг 4 куни ОТМда, 2 куни умумий ўрта таълим муассасаларида амалиёт ўташ тартибида олиб борилади.

🗓2023/2024 ўқув йилидан бошлаб:

👉14 та таълим йўналишида сиртқи таълим шаклига қабул бекор қилинди;

👉14 та таълим йўналишидан ташқари сиртқи таълим шакли бўйича ўқишга педагогик фаолиятга оид камида 5 йиллик иш стажига эга бўлганлар қабул қилинади.

👉педагогик ОТМнинг қўшма таълим дастурларида таҳсил олаётган талабаларнинг ўқиш даври учун тўлов-контракт қийматини Давлат бюджети маблағлари ҳисобидан қоплаб бериш тартиби жорий этилади;

👉тажриба тариқасида педагогик таълим муассасалари ҳузуридаги академик лицейларга қабул икки босқичли саралаб олиш тизими – ёзма имтиҳон ҳамда тест синовлари асосида ташкил этилади.

🔖 Педагог кадрлар тайёрловчи олий таълим муассасалари ўртасида академик мобиллик тизими йўлга қўйилади.

📎Ҳар йили камида 5 фоиз профессор-ўқитувчилар хорижий давлатларга танлов асосида малака ошириш ва стажировкага юборилади.

◾️Шунингдек, қарор билан таълимнинг барча босқичларида узвийлик ва узлуксизликни таъминлаш мақсадида Педагогик таълимни ривожлантириш бўйича республика кенгаши ташкил этилади.

🔗 Telegram | Instagram | Facebook | YouTube

#Жамоатчилик_муҳокамаси

⚡️Талабалар лойиҳалари учун 100 млрд. сўм имтиёзли кредит ажратилади

📜 Норматив-ҳуқуқий ҳужжатлар лойиҳалари муҳокамаси порталига Президентнинг “Республика олий таълим муассасалари талабалари бандлигини таъминлаш ва уларнинг бўш вақтларини самарали ташкил этиш чора-тадбирлари тўғрисида"ги қарори лойиҳаси муҳокамага қўйилди.

📌Ҳужжатда қуйидагилар назарда тутилмоқда:

✅Талабалар бандлигини таъминлаш ва уларнинг бўш вақтини самарали ташкил этишнинг асосий йўналишлари белгиланади.

✅Республика ОТМда Маркетинг ва талабалар амалиёти бўлимлари негизида кенг тармоқли “Карьера марказлари” ташкил этилади.

➡️2022 йил 1 сентябрдан бошлаб:

➖талабалар томонидан қўшимча пуллик таълим, консалтинг ва хизмат кўрсатиш бўйича тадбиркорлик фаолиятини ташкил этиш учун ОТМ бино ва иншоотларининг бўш турган ҳудудлари “ноль” қийматда ижарага берилади;

➖талабаларнинг ўқиш давомида меҳнат фаолияти олиб борганлигини ҳисоблаш тартиби жорий этилади;

➖Бош вазир ўринбосарлари, вазирлик ва идораларнинг биринчи раҳбарлари, Қорақалпоғистон Республикаси Жўқорғи Кенгаши раиси, вилоятлар ва Тошкент шаҳар ҳокимлари талабалар билан ҳар чоракда бир маротаба очиқ мулоқотлар ўтказиб боради.

✅Олимпия ва Паралимпия, Осиё ўйинлари, жаҳон ва Осиё чемпионатлари ҳамда кубокларининг охирги беш йилдаги, Ўзбекистон чемпионатлари ҳамда кубокларининг охирги икки йилдаги ғолиб ва совриндорлари бўлган талабаларнинг тренерлик фаолияти билан шуғулланишига рухсат берилади.

✅Олий ва профессионал таълим муассасаларининг бир қатор йўналишларида пуллик консалтинг хизматлари йўлга қўйилади.

📣 Муҳокамаларда фаол иштирок этиб, таклифларингизни regulation.gov.uz ва Edu.uz сайтлари орқали қолдиринг.

🔗 Telegram | Instagram | Facebook | YouTube

“Халқ сўзи” газетасининг 25 июнь сонида Ўзбекистон Республикаси Конституциясига ўзгартиш ва қўшимчалар киритиш бўйича қонун лойиҳаси матни эълон қилинди.

👉 @eduuz

​​#Марафон

⚡️Эртага “Янги нафас” югуриш марафони ўтказилади

🔰 26 июнь куни эрта тонгдан мамлакатимизнинг саккизта шаҳрида “Ёшлар куни” ва “Халқаро олимпия” кунига бағишланган “Янги нафас” югуриш мусобақаси бўлиб ўтади.

➡️Югуриш марафони мамлакатимизда ёшлар тарбиясига алоҳида эътибор бериш, аҳолининг барча қатламлари ўртасида соғлом турмуш тарзини янгича форматда кенг тарғиб этиш мақсадида ташкил этилмоқда.

✔️Марафонда умумий таълим ва спорт мактабларининг ўқувчилари, олийгоҳ талабалари, жамоат арбоблари иштирок этади. Югуриш масофаси 3 км ни ташкил қилади. Иштирокчиларни рўйхатдан ўтказиш жараёни 06:30 да, тадбирнинг ўзи эса – 07:30 да бошланади.

📍Фарғона, Наманган, Чирчиқ, Гулистон, Жиззах, Самарқанд, Шаҳрисабз ва Тошкентнинг марказий кўчалари бўйлаб ташкил этиладиган спорт фестивалига 20 мингдан зиёд киши қамраб олинади. Масофа ғолиблари қимматбаҳо совғалар билан тақдирланади.

☑️Тошкентда мусобақанинг старт нуқтаси “Humo Arena” мажмуаси майдони ҳисобланади.

🔖 Марафонда ҳар бир инсон иштирок этиши мумкин. Спорт трассасининг пухта равишда тайёрланиши, шунингдек имконияти чекланган югурувчиларнинг ҳам хавфсиз иштирок этиши учун барча шароит яратилади.

🔗 Telegram | Instagram | Facebook | YouTube