#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓44-САВОЛ:
Мен 2-гуруҳ кўзи ожизман ва шунга кўра имтиёз билан грант асосида Бухоро давлат университетига ўқишга кириб, 1-курсни тугатдим. Ҳозир оиламиз билан Тошкент шаҳрига кўчиб ўтдик. Ўқишимни ўз йўналишим бўйича Ўзбекистон Миллий университетига кўчирсам грантим сақланиб қоладими?

✅ ЖАВОБ:
Кўзи ожиз ва ногиронлиги бўйича имтиёз асосида давлат грантига ўқишга қабул қилинган талабаларнинг ўқишини мос ва турдош таълим йўналишларига давлат гранти асосида кўчирилишига рухсат этилади. Шунга кўра, Сиз ўқишингизни кўчириш учун жорий йилнинг
5 августига қадар бўлган муддатда “transfer.edu.uz” электрон тизим орқали рўйхатдан ўтишингиз лозим.

❓45-САВОЛ:
Мен ҳозирда Россиядаман. Ўқишимни Ўзбекистонга кўчирмоқчиман. Ўқишимни кўчириш учун Ўзбекистонга боришим шартми?

✅ ЖАВОБ:
Хориждан ўқишни кўчиришда аризаларни рўйхатдан ўтказиш онлайн шаклда амалга оширилади. Бунда, фуқаро хорижий давлатлардан туриб ҳам рўйхатдан ўтиши мумкин.
Хориждан ўқишни кўчириш учун ўтказиладиган махсус синовларга фуқаро шахсан иштирок этиши лозим. Шунга кўра, Сиз ўқишингизни кўчириш учун онлайн рўйхатдан ўтишингиз ҳамда махсус синовларда иштирок этиш учун жорий йилнинг 6 августдан 30 августгача бўлган муддатда Ўзбекистон Республикаси ҳудудида бўлишингиз тавсия этилади.

❓46-САВОЛ:
Академик лицей ўқувчиларини бир академик лицейдан бошқасига кўчириш қандай тартибда амалга оширилади?

✅ ЖАВОБ:
Ўқишини бир академик лицейдан бошқасига кўчириш учун ўқувчи таълим олаётган академик лицейга қуйидаги ҳужжатларни тақдим этиши керак. Жумладан: Ўқишини кўчириш тўғрисида ариза, рейтинг дафтарчаси нусхаси, ўқувчи ҳамда ота-онасининг доимий яшаш жойи кўрсатилган паспорти нусхаси.

❓47-САВОЛ:
Фарзандим умумтаълим мактабининг 10-синфини тугатди. Уни ўқишини академик лицейга кўчирсам бўладими?

✅ ЖАВОБ:
Ўзбекистон Республикаси Вазирлар Маҳкамасининг 2018 йил
23 мартдаги 212-сон қарорига мувофиқ умумтаълим мактабларининг 10-синф ўқувчиларини ўқишини академик лицейларга кўчириш белгиланмаган.

👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ | 24-27 САВОЛ-ЖАВОБ | 28-31 САВОЛ-ЖАВОБ | 32-35 САВОЛ-ЖАВОБ | 36-39 САВОЛ-ЖАВОБ | 40-43 САВОЛ-ЖАВОБ
———
👀 Eduuz ни кузатишда давом этинг!

#Қабул_2021

⚡️ Эртага абитуриентларни онлайн рўйхатга олиш якунланади

📆 2021 йил 22 июль олий таълим муассасаларининг бакалавриат таълим йўналишларига кириш учун онлайн рўйхатдан ўтишнинг сўнгги куни бўлиб, 22 июль куни (эртага) соат 23:59 да абитуриентларни онлайн рўйхатга олиш якунланади.

👨🏻‍💻 Абитуриентлар мазкур муддат давомида Ягона интерактив давлат хизматлари портали my.gov.uz сaйти ва Давлат тест марказининг my.dtm.uz сaйти орқали олий таълим муассасаларига кириш учун онлайн рўйхатдан ўтишлари, ўз маълумотларини ўзгартиришлари ва тест синови учун тўловни амалга оширишлари (олдинги йиллар битирувчилари) мумкин.

📌 Барча абитуриентларга муваффақият тилаган ҳолда қабулнинг сўнгги соатларини кутмасдан эртароқ рўйхатдан ўтишларини ҳамда таълим йўналишлари ва танлов устуворлигини белгилашда эътиборли бўлишларини тавсия қиламиз.
———
👉 👀 Eduuz ни кузатишда давом этинг!

#Қабул_2021 | #Касбий_(ижодий)_имтиҳон

⚡️ АБИТУРИЕНТЛАР ДИҚҚАТИГА!

ЎзДЖТСУда ижодий имтиҳонлар санаси аниқ бўлди

🔰Ўзбекистон давлат жисмоний тарбия ва спорт университетининг Мактабгача ва бошланғич таълимда жисмоний тарбия ва спорт ҳамда Спорт фаолияти (фаолият турлари бўйича) бакалавриат таълим йўналишларида касбий (ижодий) имтиҳонларни ўтказиш муддатлари тасдиқланди.

🗓Касбий (ижодий) имтиҳонлар жорий йилнинг 25 июлдан 7 август кунига қадар ҳудудлар кесимида ҳамда спорт турлари бўйича бўлиб ўтади.

👉Батафсиl: https://jtsu.uz/uz/e/admission-pages/193-imtixon
———
👀 Eduuz ни кузатишда давом этинг!

​#Қабул_2021 | #Абитуриентлар_диққатига

🇺🇿 ДИҚҚАТ ЭЪЛОН!

Ҳурматли абитуриентлар!

▶️ “МЭИ” миллий тадқиқот университети” Федерал давлат бюджети олий таълим муассасасининг Тошкент шаҳридаги филиалига 2021/2022 ўқув йили учун қабул бошланди.

🔚 Ҳужжатлар жорий йилнинг 20 август кунига қадар филиалнинг қуйидаги расмий веб-сайти орқали онлайн тарзда қабул қилинади:

👉 qabul.mpei.uz

✔️ Ариза берувчилар рўйхатдан ўтиш учун электрон портал орқали қуйидаги ҳужжатларни тақдим этишлари лозим:

— шахсни тасдиқловчи ҳужжат (паспорт ёки ID-card);
— умумий ўрта ёки ўрта махсус маълумот олганликни тасдиқловчи ҳужжат (диплом ёки шаҳодатнома);
— фотосурат ¾ (оқ фон).

📳 Қабулга оид барча янгиликлар ва ўзгаришлар филиалнинг ижтимоий тармоқлардаги саҳифаларида эълон қилиб борилади.
————

🇷🇺 ОБЪЯВЛЕНИЕ!

Уважаемые абитуриенты!

▶️ Начался прием в Филиал Федерального государственного бюджетного образовательного учреждения высшего образования «Национальный исследовательский университет «МЭИ»» в городе Ташкенте на 2021/2022 учебный год.

🔚 До 20 августа текущего года заявки будут приниматься онлайн через официальный сайт филиала.

Абитуриенты смогут зарегистрироваться по нижеследующему электронному адресу:

👉 qabul.mpei.uz

✔️Для регистрации абитуриентам необходимо предоставить через электронный портал следующие документы:

1. подтверждающий документ личности (паспорт или ID-карта);
2. документ, подтверждающий получение общего среднего или среднего специального образования (диплом или аттестат);
3. фото ¾ (300 dpi, белый фон).

📳 Все новости и изменения, связанные с приемом, будут сообщаться на страницах филиала в социальных сетях.

🔰Батафсил |Подробно:

🌐Сайт: mpei.website
📱Телеграм: @mpeiuz
📞Телефон: 95 145-77-41, 95 145-77-42, 95 145-77-43, 95 145-77-44, 95 145-77-45
———
👀 Eduuz ни кузатишда давом этинг!

​"Олий ва ўрта махсус таълим вазири Абдуқодир Тошқуловга мурожаат" номли видеомурожаат юзасидан расмий баёнот

Facebook ва Telegram ижтимоий тармоқларидаги мазкур видеомурожаатда “Олий ва ўрта махсус таълим вазири Абдуқодир Тошқуловга мурожаат йўллаяпман. Хорижда таҳсил олаётган талабаларнинг ўқишини Ўзбекистонга кўчиришга доир қарорда чалкашликлар мавжуд. 10-15 кун қолганда имтиҳон бўлади деб эълон қилишди. Ҳолбуки, бундай муҳим қарорлар камида бир йил олдин эълон қилиниши керак. Бу борада саволллар кўп, аммо уларга тизим вакиллари ҳам жавоб бера олмаяпти”, деган фикрлар билдирилган.

Мурожаатчи бу фикрлари билан айни қабул жараёнининг қизғин дамларида хориждан ўқишини кўчириш истагида бўлганларнинг кўнглига ғулғула солиб, асл мақсадларидан чалғитмоқда.

Олий ва ўрта махсус таълим вазирлиги мазкур фикрлар юзасидан қуйидагиларни маълум қилади.

Маълумки, Вазирлар Маҳкамасининг 2017 йил 20 июндаги 393-сон қарори билан тасдиқланган низомнинг 23-бандига кўра хорижий олий ўқув юртлардан ўқишини Республика олий таълим муассасаларига кўчириш ва кўчириб қайта тиклаш истагини билдирган Ўзбекистон фуқаролари ўқиши кўчирилаётган олий таълим муассасаларининг муайян таълим йўналишидаги ўқишга кириш фанлари бўйича ўқийдиган тилида махсус синов (комиссия томонидан белгиланган тест ёки ёзма иш ёки касбий (ижодий) имтиҳон шаклида) топшириши белгиланган.

Шунга кўра бугунги кунга қадар хориждан ўқишини кўчириш истагини билдирганлар махсус комиссия томонидан белгиланган тест ёки ёзма (ёхуд касбий (ижодий) имтиҳон) шаклидаги синовлардан ўтказиб келинган.

Давлатимиз раҳбари томонидан жорий йил 22 июнда ПҚ–5157-сон билан тасдиқланган қарорга мувофиқ хориждан ўқишни кўчириш учун талабадан алоҳида иқтидор талаб этиладиган таълим йўналишлари бўйича касбий (ижодий) имтиҳонлар, бошқа таълим йўналишлари бўйича тест синовлари бўлиб ўтади. Бунда, касбий (ижодий) имтиҳонлар тегишли олий таълим муассасаси томонидан, тест синовлари Давлат тест маркази томонидан ўтказилади.

Бундан кўринадики, шу кунга қадар хориждан ўқишни кўчириш бўйича имтиҳонлар фақат олий таълим муассасалари томонидан ўтказилган бўлса, 2021 йилдан бошлаб эса синовлардан ўтишда шаффофликни ошириш ва очиқликни таъминлаш мақсадида касбий (ижодий) имтиҳонлар тегишли олий таълим муассасалари томонидан, тест синовлари Давлат тест маркази томонидан ўтказиладиган бўлди.

Юқоридагилардан келиб чиққан ҳолда видеомурожаатчининг “10-15 кун қолганда имтиҳон бўлади деб эълон қилишди” деган фикри асоссиз эканини, ўқишни кўчириш бўйича имтиҳонлар бундан олдинги йилларда ҳам ўтказилганлигини англашимиз мумкин.

Шу ўринда ўқишни кўчириш билан боғлиқ ўзгаришлар бўйича Олий ва ўрта махсус таълим вазири Aбдуқодир Тошқулов томонидан «Тошкент беш ташаббус ҳаракати» фестивали доирасидаги очиқ мулоқотда айнан жорий йилда ўқишни кўчириш бўйича тест синовлари Давлат тест маркази томонидан олинсагина турли коррупцион ҳолатларнинг олди олиниши мумкинлиги таъкидланган эди.

Шунингдек, Президентнинг ПҚ–5157-сон қарори эълон қилинганидан сўнг мазкур қарор мазмун-моҳиятини тушунтириш мақсадида ташкил этилган матбуот анжуманида ва турли медиа тадбирлар доирасидаги журналист ва блоггерлар билан бўлган онлайн мулоқотларда Олий ва ўрта махсус таълим вазири ҳамда мутахассислар томонидан мазкур масала юзасидан кўплаб саволларга жавоб берилди.

Бундан ташқари бугунги кунда олий ва ўрта махсус таълим тизимига доир савол, таклиф ва тавсиялар учун Олий ва ўрта махсус таълим вазири ва вазир ўринбосарларининг мурожаатлар платформаси ишга туширилган. Ушбу мурожаатлар платформаси орқали келиб тушган саволлар юзасидан жавоблар Eduuz расмий телеграм канали орқали мунтазам равишда бериб борилмоқда.
———
👀 Eduuz ни кузатишда давом этинг!

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓48-САВОЛ:
Менинг маълумотим олий ва олий таълим муассасасини 5 йиллик диплом билан битирганман. Докторантурада ўқишни давом эттирсам бўладими?

✅ ЖАВОБ:
Олий таълимдан кейинги таълим институтига қабул қилинаётган магистр ёки клиник ординатурага (тиббиёт фанлари учун) ёки мутахассислик дастурлари бўйича (1997 йилгача) олинган олий маълумот тўғрисидаги дипломга эга бўлиш белгиланган. Докторантурада ўқишни давом эттиришингиз мумкин.

❓49-САВОЛ:
Касб-ҳунар мактабларига кириш имтиҳонлари бўладими?

✅ ЖАВОБ:
Ушбу масала касб-ҳунар мактабларига ўқишга қабул қилиш бўйича тасдиқланган қабул параметрларига нисбатан келиб тушган аризалар сони, таълим муассасаси ўқитиш қуввати инобатга олган ҳолда Олий ва ўрта махсус таълим вазирлиги томонидан кўриб чиқилади.
Шунингдек, белгиланган қабул параметрларидан ортиқча ҳужжатлар қабул қилинмаган таълим муассасаларида (касблар кесимида таҳлил қилинган ҳолда) ҳужжат топширган абитуриентлари тўлиқ ўқишга қабул қилинади.

❓50-САВОЛ:
Давлат гранти асосида таҳсил олаётган талабаларнинг қайси тоифаларига стипендия берилмайди?

✅ ЖАВОБ:
Фанлардан ўзлаштириш кўрсаткичларининг 30 фоизи ва ундан ортиқ қисми «қониқарли» баҳо бўлган талабаларга навбатдаги ўқув семестри мобайнида стипендия тайинланмайди. Тўлиқ давлат таъминотида бўлган етим болалар ва ота-она қарамоғидан маҳрум бўлган болалар сирасига кирувчи ҳамда 1 ва 2-гуруҳ ногиронлиги бўлган талабалар бундан мустасно.

❓51-САВОЛ:
Мен тарих йўналишини тамомладим. Ҳозирда академик лицей директори ўринбосари лавозимида фаолият кўрсатмоқдаман. Саволим мен магистратура мутахассислигини мақсадли грант асосида ўқимоқчиман. Бу учун тавсиянома олиш тартиби қандай, мен ишлаб турган академик лицей ОТМ раҳбари берадими ёки мен ҳужжат топширмоқчи бўлган ОТМ?

✅ ЖАВОБ:
Олий таълим муассасаларининг магистратурасига ўқишга қабул қилиш тартиби тўғрисида Низомга мувофиқ айрим магистратура мутахассисликлари бўйича ҳудудлар кесимида, шунингдек, кадрлар буюртмачилари кесимида мақсадли қабул квоталари тасдиқланган тақдирда, танлов ҳар бир ҳудуд, шунингдек, кадрлар буюртмачилари (олий таълим муассасаси) бўйича алоҳида ўтказилади.
Мақсадли қабул бўйича танловда етарли балл тўплай олмасдан талабалик сафига тавсия этилмаган абитуриентлар тўплаган балли билан умумий танловда иштирок этадилар.
Мақсадли қабул бўйича магистратурага қабул қилинган талабалар ўқишга киргандан сўнг “талаба – буюртмачи ОТМ – ва таълим олаётган ОТМ” орасида буюртмачи муассасасида ўқишни тамомлагандан сўнг камида 5 йил ишлаб бериш кўзда тутилган тегишли шартнома тузилади.
Магистратура бўйича мақсадли қабул учун рўйхатдан ўтиш ва танловда қатнашиш учун ҳеч қандай тавсиянома талаб этилмайди.

❓52-САВОЛ:
Техникум ва коллежларда сиртқи таълим шаклида ўқиш имконияти мавжудми?

✅ ЖАВОБ:
Техникум ва коллежларида сиртқи таълим шаклида ўқиш имконияти мавжуд. Сиртқи таълим шакли бўйича кадрлар тайёрлаш йўлга қўйиладиган таълим муассасалари рўйхати (касб ва мутахассисликлар бўйича) 2021/2022 ўқув йили учун абитуриентларнинг ҳужжатларини қабул қилиш жараёни бошлагунига қадар эълон қилинади.

👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ | 24-27 САВОЛ-ЖАВОБ | 28-31 САВОЛ-ЖАВОБ | 32-35 САВОЛ-ЖАВОБ | 36-39 САВОЛ-ЖАВОБ | 40-43 САВОЛ-ЖАВОБ | 44-47 САВОЛ-ЖАВОБ
———
👀 Eduuz ни кузатишда давом этинг!

| 📢 ДИҚҚАТ!

⚡️Вазирликнинг CALL CENTER хизмати телефон рақами янгиланди

🔹2021/2022 ўқув йили учун ОТМга қабул жараёни даврида абитуриентлар ва уларнинг ота-оналарига қулайлик яратиш ҳамда уларни қизиқтирган саволларига тезкор жавоб бериш мақсадида Олий ва ўрта махсус таълим вазирлигида ташкил этилган CALL CENTER хизмати телефон рақами янгиланди.

☎️ Фуқаролар 71-230-64-64 телефон рақами орқали CALL CENTER хизмати билан боғланиб, ОТМда ташкил этиладиган ижодий имтиҳонлар, республиканинг бир ОТМдан бошқа ОТМга ёки бир ОТМ доирасида ўқишни кўчириш, касб-ҳунар мактаблари ва магистратура мутахассисликларига қабул жараёнларига оид ўзларини қизиқтирган саволларига жавоб олишлари мумкин.

❗️Ушбу хизмат ҳафтанинг якшанба кунидан ташқари ҳар куни соат 9:00дан 17:00га қадар фаолият кўрсатиб келмоқда.

Эслатма ўрнида, Олий ва ўрта махсус таълим вазири ҳамда вазир ўринбосарларининг мурожаатлар платформаси орқали ҳам фуқаролар ўз саволларига жавоб олиши йўлга қўйилган.

👉 @eduuz

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓53-САВОЛ:
Биз “5140900-Касб таълими” йўналишини битирганмиз, аммо биз тамомлаган йўналиш бўйича турдош йўналишлар рўйхати шаклланмаган, қайси йўналишга топшира оламиз?

✅ ЖАВОБ:
2021/2022 ўқув йили учун республика давлат ОТМ магистратурасига қабул бўйича турдош олий таълим йўналишларининг рўйхати тасдиқланган. Мазкур рўйхатга кўра “Касб таълими (бакалавриат таълим йўналишлари бўйича)” йўналишлари бўйича битирган бакалаврлар таълим йўналишига мос ва турдош йўналиш мутахассисликлари бўйича танловда қатнаша олиши белгиланган (рўйхатнинг энг қуйи қисмига қаранг).
Масалан, “Касб таълими: иқтисодиёт” таълим йўналишини тамомлаган битирувчи “Иқтисодиёт (тармоқлар ва соҳалар бўйича)” таълим йўналиши, “Касб таълими: Бино ва иншоотлар қурилиши” таълим йўналиши битирувчилари эса “Бино ва иншоотлар қурилиши (турлари бўйича)” таълим йўналишинг мос ва турдош йўналиш мутахассисликлари бўйича танловда иштирок эта олади.

❓54-САВОЛ:
Мен хорижий давлат фуқаросиман. Чет элда бакалавриатни тугатганман. Ўзбекистондаги олий таълим муассасаларига магистратурага ўқишга қабул тартиби тўғрисида тушунтириш беришингизни сўрайман.

✅ ЖАВОБ:
Амалдаги қонунчиликка биноан, хорижий фуқаролар ўзлари танлаган Ўзбекистон ОТМга онлайн ҳужжат топширадилар ва ОТМ томонидан белгиланадиган тартибда ўтказиладиган суҳбат натижасига кўра ўқишга қабул қилинади. Шу муносабат билан Сиз ўзингизни қизиқтирган ОТМ веб-сайти орқали рўйхатдан ўтишингиз тавсия этилади.

❓55-САВОЛ:
Мен банкда 11 йилдан бери ишлайман. Маълумотим ўрта-махсус. 5 йил иш стажига эга бўлганларни суҳбат асосида имтиҳонларсиз қабул қилиш айтилган эди. Мен шу имтиёз орқали ўқишга кира оламанми?

✅ ЖАВОБ:
Республика ОТМнинг сиртқи ва кечки таълим шаклига суҳбат натижаларига кўра табақалаштирилган тўлов-контракт асосида ўқишга тавсия этиш ҳуқуқига эга бўлган вазирлик, идора ва йирик хўжалик бирлашмаларининг рўйхати ҳар йили Давлат комиссияси томонидан тасдиқланади. 2021/2022 ўқув йили учун тавсиянома бериш ҳуқуқига эга бўлган вазирлик ва идоралар рўйхати тасдиқлангандан сўнг, Сиз фаолият кўрсатаётган банкнинг республика бош офиси томонидан берилган тавсияномага асосан суҳбат асосида имтиҳонларсиз, табақалаштирилган контракт бўйича ўқишга киришингиз мумкин. Маълумот учун: 2020/2021 ўқув йили учун тавсиянома бериш ҳуқуқига эга бўлган вазирлик ва идоралар рўйхатида Ўзбекистон Республикаси Марказий банки, тижорат банклари назарда тутилган эди.

❓56-САВОЛ:
Мен амалий машғулотларда талабалар фойдаланиши учун услубий кўрсатма тайёрлаган эдим. Мазкур кўрсатмани чоп этишга тавсия этиш учун қайси кенгашга мурожаат қилиш мумкинлиги тўғрисда маълумот берсангиз?

✅ ЖАВОБ:
Ўзбекистон Республикаси Вазирлар Маҳкамасининг 2018 йил 10 октябрдаги 816-сонли қарорига мувофиқ услубий кўрсатма – таълим муассасасининг кенгаши қарори асосида нашр этишга тавсия этилади.

❓57-САВОЛ:
Магистратурага ҳужжат топширган эдим, аризамнинг қабул қилинганлигини қандай билсам бўлади?

✅ЖАВОБ:
Ариза қабул қилиш жараёни қуйидаги кетма-кетликда амалга оширилади. Барча жараёнларни magistr.edu.uz профилингиздаги «Ариза ҳолати» бўлими орқали кузатиб боришингиз мумкин. Агар онлайн онлайн ариза топширишда камчиликлар мавжуд бўлса қуйидаги ҳолларда рад қилинади:
Ариза рад қилинди – абитуриент ҳужжат топширган ОТМ томонидан ариза рад қилингандаги ҳолат. Бунда, рад қилиш сабаблари изоҳда қолдирилади. Ариза рад қилинганда абитуриент томонидан аризани таҳрирлаш имконияти пайдо бўлади.
Диплом рад қилинди - абитуриент томонидан киритилган диплом маълумотларини бакалавр дипломини берган ОТМ томонидан сабаблар кўрсатилган ҳолда рад қилинади. Ариза рад қилинганда абитуриент томонидан аризани таҳрирлаш имконияти пайдо бўлади.

👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ | 24-27 САВОЛ-ЖАВОБ | 28-31 САВОЛ-ЖАВОБ | 32-35 САВОЛ-ЖАВОБ | 36-39 САВОЛ-ЖАВОБ | 40-43 САВОЛ-ЖАВОБ | 44-47 САВОЛ-ЖАВОБ | 48-52 САВОЛ-ЖАВОБ
———
👉 Eduuz

#Қонунчиликдаги_янгиликлар

Президент мактаблари битирувчилари учун қўшимча имтиёзлар жорий қилинди

🔰 “Президент, ижод ва ихтисослаштирилган мактаблар фаолиятини янада такомиллаштириш бўйича қўшимча чора-тадбирлар тўғрисида”ги Президент қарори (ПҚ–5188-сон, 19.07.2021 й.) қабул қилинди.

▪️Қарорга кўра, Президент, ижод ва ихтисослаштирилган мактабларни ривожлантириш агентлиги – Президент таълим муассасалари агентлиги этиб қайта номланди.

☑️ 2021 йил 1 сентябргача:

🔸 халқаро (International Advanced Levels) дастурлар талабларига мувофиқ ўқувчи ва педагог кадрларнинг STEAM фанлари бўйича билим ва кўникмаларни баҳолаш ҳамда уларга халқаро даражадаги AS ва A-LEVEL сертификатларини бериш амалиёти йўлга қўйилади;

🔸 Президент мактабларида ўқувчиларни касб-ҳунарга йўналтириш, уларга кейинчалик ўқишини давом эттириш учун ОТМларни танлашда кўмаклашишга қаратилган “Мактаб маслаҳатчиси” (School Councillor) дастури жорий этилади;

💰 2021/2022 ўқув йилидан Ўзбекистондаги хорижий ОТМ ва уларнинг филиаллари ҳамда нодавлат олий таълим ташкилотларига тўлов-контракт асосида ўқишга кирган Президент мактаблари битирувчиларига тўлов-контракт суммасини қоплаш учун субсидия тўланади.

🔘 Шунингдек, қуйидагиларга тест синовларисиз ва қўшимча имтиҳонларсиз ўқишга кириш ҳуқуқи берилади:

➖ Президент мактаблари битирувчиларига давлат олий таълим ташкилотларига умумий белгиланган давлат гранти асосидаги қабул кўрсаткичларига нисбатан қўшимча давлат гранти асосида;

➖ Агентлик тизимидаги ихтисослаштирилган мактабларнинг битирувчиларига ихтисослик йўналишидан келиб чиқиб давлат олий таълим ташкилотларининг кимё, биология, физика ва ахборот технологиялари соҳалари учун кадрлар тайёрлайдиган бакалавриат таълим йўналишларига умумий белгиланган қабул параметрларидан ташқари базавий тўлов-контракт асосида;

➖ Агентлик тизимидаги ижод мактабларининг битирувчиларига ихтисослик йўналишидан келиб чиқиб давлат олий таълим ташкилотларининг тилшунослик, адабиёт, педагогика, таржимонлик, журналистика соҳалари учун кадрлар тайёрлайдиган бакалавриат таълим йўналишларига умумий белгиланган қабул параметрларидан ташқари базавий тўлов-контракт асосида.

📌 Халқаро (International Advanced Levels) дастурларнинг A ва B даражадаги A-LEVEL сертификатларига эга абитуриентлар давлат олий таълим ташкилотларига ўқишга киришда сертификат берилган фан бўйича кириш имтиҳонидан озод этилади ҳамда уларга мазкур фандан максимал балл берилади.
———
👀 Eduuz дан йироқлашманг!

#Профессионал_таълим

ЭСЛАТМА!!!

⚡️Касб-ҳунар мактабларига онлайн ҳужжат топшириш якунланишига 1 кун қолди

🔰Маълумки, касб-ҳунар мактабларига www.kasb.edu.uz электрон платформаси орқали онлайн ҳужжат топширишнинг сўнги муддати 2021 йил 25 июль (шу куни ҳам) қилиб белгиланган.

🔹Қабул якунлангунига қадар электрон платформа орқали онлайн аризангиз ҳолатини текширишингиз ва ўзгартиришлар киритишингиз мумкин.

☝️Электрон платформа орқали келиб тушган 9-синф битирувчиларининг онлайн аризалари статусида “Камчиликка эга” белгиси қабул якунлангунига қадар электрон платформа орқали онлайн аризангиз ҳолатини текширишингиз мумкин.

‼️Шу боис, www.kasb.edu.uz электрон платформасига ўз ЛОГИН (телефон рақами) ва ПАРОЛингиз (СМС код) орқали киринг ҳамда аризангиз статусини “Қабул қилинди” белгиси чиққанлигига ишонч ҳосил қилинг.
———
👀 Eduuz дан йироқлашманг!

#Қабул_2021 |#Абитуриентлар_диққатига

⚡️Абитуриентлар ва уларнинг ота-оналари диққатига!

🔹2021/2022 ўқув йили қабул жараёнлари учун абитуриентлар ва уларнинг ота-оналарига қулайлик яратиш ҳамда уларни қизиқтирган саволларига тезкор жавоб бериш мақсадида ОТМда ҳам Call-center хизмати фаолият кўрсатиб келмоқда.

🔗 Қуйидаги ҳаволалар орқали Қорақалпоғистон Республикаси ва Хоразм вилоятидаги ОТМ тўғрисида тўлиқ маълумот олишингиз мумкин.

🔘 Қорақалпоғистон Республикасидаги ОТМ:

👉 Ажиниёз номидаги Нукус давлат педагогика институти;
👉 Бердақ номидаги Қорақалпоқ давлат университети;
👉 Қорақалпоғистон тиббиёт институти;
👉 Қорақалпоғистон қишлоқ хўжалиги ва агротехнологиялар институти;
👉 Тошкент ахборот технологиялари университети Нукус филиали;
👉 Ўзбекистон давлат санъат ва маданият институти Нукус филиали;
👉 Самарқанд ветеринария медицинаси институти Нукус филиали;
👉 Навоий давлат кончилик институти Нукус филиали;
👉 Ўзбекистон давлат жисмоний тарбия ва спорт университети Нукус филиали.

🔘Хоразм вилоятидаги ОТМ:

👉 Урганч давлат университети;
👉 Тошкент тиббиёт академияси Урганч филиали;
👉 ТАТУ Урганч филиали.

☎️ Эслатма, Олий ва ўрта махсус таълим вазирлигида ташкил этилган Call-center хизмати телефон рақами – 71-230-64-64.
———
👀 Eduuz дан йироқлашманг!

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволга жавоб

❓58-САВОЛ:
Агар мен Ўзбекистон ҳудудидаги нодавлат олий таълим муассасаси (масалан Kokand University)да ёки хорижий олий таълим муассасасининг филиали (Turin Polytechnic University in Tashkent) нинг бакалавр босқичида таҳсил олаётган бўлсам ўқишимни давлат олий таълим муассасасига кўчирсам бўладими? Бундай ҳолатда кўчириш қандай тартибда амалга оширилади?

✅ ЖАВОБ:
Сиз ўқишингизни Ўзбекистон Республикасидаги нодавлат олий таълим муассасаси ёки республикамиздаги хорижий олий таълим муассасасининг филиалидан давлат олий таълим муассасасига мос ёки турдош йўналиш бўйича кўчириш учун рўйхатдан ўтсангиз ушбу таълим йўналишига кириш фанларидан махсус синов (тест) топширасиз ва махсус синов натижасига кўра ўқишингизни кўчириш масаласи кўриб чиқилади.
Агар Сиз ўқишингизни давлат олий таълим муассасасининг турдош бўлмаган таълим йўналишига кўчириш бўйича рўйхатдан ўтсангиз, ушбу таълим йўналиши учун белгиланган табақалаштирилган тўлов-контрактнинг минимал миқдоридаги бир марталик тўловни амалга оширишингиз лозим бўлади.

👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ | 24-27 САВОЛ-ЖАВОБ | 28-31 САВОЛ-ЖАВОБ | 32-35 САВОЛ-ЖАВОБ | 36-39 САВОЛ-ЖАВОБ | 40-43 САВОЛ-ЖАВОБ | 44-47 САВОЛ-ЖАВОБ | 48-52 САВОЛ-ЖАВОБ | 53-57 САВОЛ-ЖАВОБ
———
👀 Eduuz дан йироқлашманг!