#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓24-САВОЛ:
Мен Россия фуқаросиман Ўзбекистондаги ОТМдан бирига ўқишга кирмоқчиман. Буни қандай тартибда амалга ошириман?

✅ ЖАВОБ:
Ўзбекистон Республикасидаги олий таълим муассасаларига хорижий фуқароларни ўқишга қабул қилиш олий таълим муассасаси томонидан ўтказиладиган суҳбат натижаларига кўра амалга оширилади. Бунда, хорижий фуқаролар ўзларини қизиқтирган олий таълим муассасасининг сайти орқали абитуриент сифатида рўйхатдан ўтади.

❓25-САВОЛ:
Мен Ўзбекистон миллий университетининг фалсафа йўналишининг 1-курсини тугатдим. Ўқишимни Тошкент давлат иқтисодиёт университетининг иқтисодиёт йўналишига кўчирмоқчиман. Бу тўлов асосида бўладими, агар бўлса, тўлов маблағи қанча бўлади?

✅ ЖАВОБ:
Фалсафа таълим йўналиши иқтисодиёт (тармоқлар ва соҳалар бўйича) таълим йўналишига турдош эмас. Шунга кўра Сиз ўқишингизни табақалаштирилган тўлов-контракт асосида кўчиришингиз мумкин.
Ўтган ўқув йили учун иқтисодиёт (тармоқлар ва соҳалар бўйича) таълим йўналишига табақалаштирилган тўлов-контрактнинг минимал миқдори базавий контракт (стипендиясиз) тўловининг 10 баробари этиб белгиланган бўлса, базавий контракт ушбу таълим йўналиши учун 8,2 млн. сўмни ташкил этган. Бундай ҳолатда Сиз ўқишингизни кўчиришингиз учун 82 млн. сўм миқдоридаги тўловни амалга оширишингиз керак бўлади.
Жорий ўқув йили учун базавий контракт тўлови миқдори ҳамда табақалаштирилган тўлов-контрактнинг минимал баравари белгилангандан сўнг ўқишингизни кўчиришда тўланадиган маблағнинг аниқ миқдори тўғрисидаги ахборотни олий таълим муассасасидан олишингиз мумкин.

❓26-САВОЛ:
Ўқишни кўчиришда ҳам бакалавриатга киришдаги каби 5 та таълим йўналишини танлаш мумкинми?

✅ ЖАВОБ:
Ўқишни кўчириш учун рўйхатдан ўтишда фақатгина битта таълим йўналишини танлаш мумкин (битта JSHIR орқали бир марта рўйхатдан ўтиш мумкин).

❓27-САВОЛ:
Мен Ўзбекистондаги хорижий институтда ўқийман ва ўқишимни давлат олий таълим муассасасига кўчирмоқчиман. Менинг қарорда белгиланган узрли сабабим бор. Шу узрли сабаб туфайли ўқишимни тест топширмасдан кўчиришим мумкинми?

✅ ЖАВОБ:
Хорижий ва нодавлат олий таълим муассасаларидан ўқишни кўчириш танланган бакалавриат таълим йўналишига кириш фанларидан махсус синов (тест, касбий (ижодий) имтиҳон) топшириш орқали амалга оширилади. Бунда, узрли сабаблар учун имтиёзлар кўзда тутилмаган. Шунга кўра, ўтказиладиган махсус синовларни топширишда Сизга омад тилаймиз.


👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ
———
👀 Eduuz ни кузатишда давом этинг!

#Қабул_2021 |#Эслатма

⚡️⚡️⚡️ АБИТУРИЕНТЛАР ДИҚҚАТИГА!

👨🏻‍💻 Маълумки, олий таълим муассасаларининг бакалавриат таълим йўналишларига ўқишга кириш учун абитуриентларни онлайн рўйхатга олиш давом этмоқда.

📆 Рўйхатга олиш жараёни Ягона интерактив давлат хизматлари портали ва Давлат тест марказининг my.dtm.uz сайти орқали амалга оширилмоқда ва 22 июлга қадар (шу куни ҳам) давом этади.

📌 Қабул жараёнлари якунланишига ҳам кам фурсат қолганлигини, айрим абитуриентлар шахсий маълумотларини киритган бўлса-да, ҳалигача таълим йўналишларини танламаганлигини, олдинги йиллар битирувчилари рўйхатдан ўтгандан сўнг тест синови учун тўловни амалга оширишлари кераклигини, чет тилидан хорижий сертификатларни текшириш маълум вақт талаб этишини инобатга олган ҳолда абитуриентларга қабулнинг охирги кунини кутмасдан эртароқ рўйхатдан ўтишларини тавсия қиламиз.

✅ Абитуриентлар онлайн рўйхатдан ўтиш бўйича видеороликлар орқали рўйхатдан ўтишнинг барча босқичлари тўғрисида батафсил маълумот қуйида 👇

👉 Ўзбек тилида

👉 Рус тилида

👉 Тест синовлари учун онлайн рўйхатдан ўтишнинг барча босқичлари бўйича энг муҳим маълумотлар
———
👀👉 Eduuz ни кузатишда давом этинг!

#Қабул_2021 | #Академик_лицей

⚡️АКАДЕМИК ЛИЦЕЙЛАРГА ҲУЖЖАТ ТОПШИРГАН ЎҚУВЧИЛАР ВА УЛАРНИНГ ОТА-ОНАЛАРИ ДИҚҚАТИГА!

🔙 Республика махсус комиссияси қарорига кўра, очиқ ва ёпиқ ҳудудларда оммавий тадбирлар ўтказилишининг тўхтатилиши муносабати билан академик лицейларга дастлабки саралаш ҳамда асосий имтиҳонларни ўтказиш вақти маълум бир муддатга сурилди.

📅 Эпидемиологик вазиятдан келиб чиққан ҳолда академик лицейларга саралаш имтиҳонларининг ўтказилиши жорий йил сентябрь ойининг биринчи ярмида режалаштирилмоқда.

✔️ Ушбу тадбирларни ўтказишнинг аниқ муддатлари юзасидан қўшимча маълумотлар вазирликнинг расмий веб-сайти edu.uz ҳамда @eduuz телеграм канали орқали эълон қилинади.
———
👀👉 Eduuz ни кузатишда давом этинг!

#Мурожаат

✍️ Фирибгарлар тузоғига тушиб қолманг!

Ҳурматли абитуриентлар ва уларнинг ота-оналари!

ОАВ ва ижтимоий тармоқлар орқали кузатиб, гувоҳи бўлаётганингиздек ўқишга киритиб қўйиш, ўқишни кўчириш масаласида ёрдам таклиф қилувчи фирибгарларнинг кирдикорлари фош этилмоқда.

Сизлардан илтимосимиз ушбу каби ҳолатларнинг иштирокчиси бўлиб қолманг.

Давлатимиз томонидан имтиҳон жараёнлари шаффоф ва адолатли тарзда ўтиши учун барча шароитлар яратилган.

Бу имкониятларни тўғри баҳолаб, ундан самарали фойдаланишга чақириб қоламиз.

Конгратбой Шарипов,
Тошкент давлат иқтисодиёт университети ректори
———
👀 Eduuz ни кузатишда давом этинг!

Шавкат Мирзиёев: Бизнинг олдимизда Марказий ва Жанубий Осиё, умуман, бутун Евроосиё минтақасини барқарор, иқтисодий ривожланган фаровон ҳудудга айлантириш вазифаси турибди.
—
Шавкат Мирзиёев: Нам вместе предстоит превратить Центральную и Южную Азию и весь наш Евразийский континент в стабильное, экономически развитое и процветающее пространство.

#konferensiya #mintaqaviybogliqlik #MarkaziyOsiyo #JanubiyOsiyo

Prezident.uz|Facebook|Instagram|YouTube|Twitter

​#МУҲИМ | #Эслатма | #Қабул_2021

⚡️‼️my.dtm.uz САЙТИ ОРҚАЛИ РЎЙХАТДАН ЎТГАН АБИТУРИЕНТЛАР ДИҚҚАТИГА!!!

📌 Маълумки, олий таълим муассасаларининг бакалавриат таълим йўналишларига ўқишга кириш учун абитуриентларни онлайн рўйхатга олиш Давлат тест марказининг my.dtm.uz сайти орқали ҳам амалга ошириш имконияти яратилган эди.

👨🏻‍💻 Ҳозирда кўплаб абитуриентлар my.dtm.uz сайти орқали мазкур хизматдан фойдаланмоқдалар.

🖥 Шу кунларда айрим абитуриентлар my.dtm.uz сайтида олдин рўйхатдан ўтган бўлсалар-да, қайта янгидан рўйхатдан ўтишга ҳаракат қилмоқда.

☎️ Абитуриентларнинг паспорт маълумотлари фақат битта телефон рақамига бириктирилганлиги учун олдин рўйхатдан ўтган абитуриентларга унинг паспорт маълумотлари қайси телефон рақамига бириктирилгани кўрсатилади.

✅ Мазкур абитуриентлар my.dtm.uz сайтида қайта рўйхатдан ўтишлари шарт эмас ва улар олдин рўйхатдан ўтган телефон рақами орқали тизимга кириб фойдаланишлари мумкин.

❕ Агар абитуриент телефон рақамини йўқотиб қўйган бўлса ва телефон рақамини тиклаш имкони мавжуд бўлмаса, Давлат тест маркази ва унинг ҳудудий бўлимларидан бирига шахсини тасдиқловчи ҳужжат билан мурожаат қилса, унинг телефон рақами ўзгартириб берилади.
———
👀👉 Eduuz ни кузатишда давом этинг!

#Сўраган_эдингиз

❓Сиз ўқишингизни кўчирмоқчимисиз?

Олий ва ўрта махсус таълим вазирлиги Ахборот хизмати раҳбари Сардор УСМАНОВ томонидан “Даракчи” газетаси таҳририятига фуқаролардан ўқишни кўчириш бўйича келиб тушган мурожаатлар асосида маълумотлар берилди.
———
👀👉 Eduuz ни кузатишда давом этинг!

#РЕКТОР_МУРОЖААТИ

Огоҳ бўлинг! Коррупция - келажак кушандаси!

Ҳурматли абитуриентлар ва уларнинг ота-оналари!

ОАВ ва ижтимоий тармоқлар орқали кузатиб, гувоҳи бўлаётганингиздек ўқишга киритиб қўйиш, ўқишни кўчириш масаласида ёрдам таклиф қилувчи фирибгарларнинг кирдикорлари фош этилмоқда.

Ўзбекистон Республикаси қонунларида пора берган билан бирга пора таклиф қилувчи ҳам жавобгарликка тортилиши белгиланган.

Баҳодир Шермуҳаммадов,
Фарғона давлат университети ректори
———
👀👉 Eduuz ни кузатишда давом этинг!

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓28-САВОЛ:
Мен ҳозирда кундузги таълим шаклида 2-курсда ўқийман. Бир вақтнинг ўзида иккита олий таълим муассасасида ўқишим мумкинми?

✅ ЖАВОБ:
Ўзбекистон Республикасидаги олий таълим муассасаларида таҳсил олаётган талабаларнинг шахсий йиғма жилдлари (тегишли ҳужжатларнинг асли) олий таълим муассасаларида сақланади. Шу билан бирга, бакалавриатнинг кундузги таълим шаклида ўқиётган талабаларнинг фақатгина дарсдан бўш вақтларидагина (куннинг иккинчи ярмида) бошқа фаолият билан шуғулланишларига рухсат этилган.
Юқоридагиларни инобатга олган ҳолда, Сизнинг бир вақтнинг ўзида Ўзбекистон Республикасида фаолият юритаётган 2 та давлат олий таълим муассасасида таҳсил олишингиз имкони мавжуд эмас.

❓29-САВОЛ:
Ўқишини хориждан Ўзбекистонга кўчирмоқчи бўлган талабалар бир вақтнинг ўзида ҳам ўқишни кўчириш учун ва шу билан бирга Ўзбекистондаги олий таълим муассасаларига абитуриент сифатида ўқишга кириш учун ҳужжат топшириши мумкинми?

✅ ЖАВОБ:
Фуқаролар ўқишини кўчириш ҳамда абитуриент сифатида ўқишга кириши учун рўйхатдан ўтказиш бошқа-бошқа электрон тизимлар орқали амалга оширилади. Шу билан бирга, амалдаги қонунчилик ҳужжатларида мазкур масала бўйича чекловлар назарда тутилмаган.
Юқоридагиларни инобатга олган ҳолда, хориждан ўқишини кўчириш бўйича рўйхатдан ўтган фуқаро бакалавриатга кириш учун абитуриент сифатида рўйхатдан ўтиши мумкин.
Аммо, ушбу фуқаро икки томонда ҳам кириш синовларидан муваффақиятли ўтган тақдирда биттасини танлаши шарт.

❓30-САВОЛ:
Мен фуқаролиги йўқ шахс сифатида бакалавриатга ўқишга кириш учун онлайн тартибида рўйхатдан ўта олмаяпман. Мен кабиларга бошқача тартиб борми?

✅ ЖАВОБ:
Фуқаролиги йўқ шахсларни бакалавриатга кириш учун рўйхатдан ўтказиш олий таълим муассасалари қабул комиссиялари томонидан амалга оширилади.
Шунга кўра, Сиздан ўзингизни қизиқтирган олий таълим муассасаси қабул комиссиясига мурожаат қилишингиз сўралади.

❓31-ВОПРОС:
В этом году я закончила первый курс Ташкентского областного Чирчикского государственного педагогического института. Мы с семьёй переезжаем в Казахстан в город Алматы, и я хотела бы продолжить свое обучение там. Можно ли сделать перевод в ВУЗ Казахстана из Узбекистана и что для этого необходимо сделать?

✅ ОТВЕТ:
По данному вопросу Вам следует обратиться в международный отдел вуза в Казахстане, в который вы планируете перевестись. После того как принимающий вуз в Казахстане подтвердит свое согласие на перевод Вашего обучения из Узбекистана, Вы сможете обратиться в Ташкентский областной Чирчикский государственный педагогический институт с заявлением об отчислении и выдачи Вам соответствующих документов.

👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ | 24-27 САВОЛ-ЖАВОБ
———
👀 Eduuz ни кузатишда давом этинг!

#Талабалар_амалиёти

🔰Бугунги кунда олий таълим тизимида амалга оширилаётган ислоҳотлар жараёнида энг муҳим йўналишлардан бири талабалар амалиётини тўғри ва самарали ташкил этиш ҳисобланади.

🏛 Андижон давлат университетида ҳам ислоҳотларга ҳамоҳанг тарзда талабалар амалиётини ташкил этишга алоҳида эътибор қаратилмоқда.

✔️ Андижон давлат университети табиий фанлар факультети экология ва биология таълим йўналишлари талабалари дала-ўқув амалиётини ўтадилар.

➡️ Амалиёт 10 кунга мўлжалланган бўлиб, бой табиати ва гўзал манзараси билан инсонларни ўзига жалб этиб келган Хўжаобод тумани Карнайчи қишлоғидаги университетнинг ёзги оромгоҳида ташкил этилди.
———
👀 Eduuz ни кузатишда давом этинг!

👉 @eduuz

#Мурожаат

ЎЗ | ТДЮ профессори қабул жараёнларида коррупция ва фирибгарлик ҳолатларининг олдини олиш бўйича абитуриентлар ва уларнинг ота-оналарига мурожаат билан чиқди

——————————
RU | Профессор ТГЮУ выступил с обращением к абитуриентам и их родителям по вопросу предотвращения случаев коррупции и мошенничества в процессе приема

——————————
EN | A professor of TSUL addressed applicants and their parents on the issue of preventing corruption and fraud in the admission process
———
👉👀 Eduuz ни кузатишда давом этинг!

#АБИТУРИЕНТЛАР_ДИҚҚАТИГА

Танишув: Андижон қишлоқ хўжалиги ва агротехнологиялар институти

🔰 Андижон, Наманган ва Фарғона вилоятлари бўйича қишлоқ хўжалиги соҳасидаги ягона олий таълим муассасасининг бу йил абитуриентларга қандай янгиликлари бор?

🌐 Институтнинг ижтимоий тармоқлардаги саҳифалари👇

➡️ t.me/AQXAI_pressa

➡️ facebook.com/andqxai.press

➡️ twitter.com/AndQXAIPressa

➡️ instagram.com/andqxai_pressa
———
👀👉 Eduuz ни кузатишда давом этинг!

⭕️ #Илмий_салоҳият

ОТМ РАҚАМЛАРДА

⁉️ Қарши давлат университети илмий соҳада нималарга эришмоқчи?

🔰 Ушбу инфографика орқали университетда илмий йўналишда амалга оширилиши режалаштирилган ишлар билан танишишингиз мумкин.
———
👉👀 Eduuz ни кузатишда давом этинг!

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓32-САВОЛ:
Самарқанд давлат университетининг Ўзбекистон-Финляндия педагогика институти тўғрисида маълумот берсангиз. Ушбу институтда ўқув жараёни қачондан бошланади?

✅ ЖАВОБ:
Самарқанд давлат университетининг Ўзбекистон-Финляндия педагогика институти Вазирлар Маҳкамасининг 2021 йил 30 июндаги 408-сон қарори билан Самарқанд давлат университетининг Педагогика институти негизида ташкил этилди.
Институтда ўқув жараёни 2021/2022 ўқув йилидан бошланади. Ҳозирда ушбу Институтга кириш учун абитуриентларни умумий тартибда рўйхатдан ўтказиш давом этмоқда.

❓33-САВОЛ:
Мен Қуролли Кучлар Академиясининг 2-курсида ўқиётганимда соғлиғим туфайли талабалар сафидан четлатилдим. Мен ўқишимни фуқаролик институтларига тикласам бўладими? Бунда тўлов қанча миқдорда бўлади?

✅ ЖАВОБ:
Сиз ўқишингизни Ўзбекистон Республикасидаги давлат олий таълим муассасаларининг мос ва турдош таълим йўналишига кўчириб тиклаш бўйича Олий ва ўрта махсус таълим вазирлигининг “transfer.edu.uz” электрон тизими орқали рўйхатдан ўтишингиз мумкин. Ушбу ҳолатда ўқишни кўчириб тиклаш базавий тўлов-контракт асосида амалга оширилади.

❓34-САВОЛ:
Ўқишни мос ва турдош йўналишга кўчирмоқчи бўлса, лекин узрли сабаблари бўлмаса, тўлов қилинадими ёки йўқми?

✅ ЖАВОБ:
Узрли сабаблар мавжуд бўлмаган ҳолатларда ўқишни мос ва турдош таълим йўналишларига кўчириш ҳам ушбу йўналиш учун белгиланган табақалаштирилган тўлов-контракт миқдоридаги бир марталик тўлов орқали амалга оширилади.

❓35-САВОЛ:
Мен Андижон давлат университетини шу йил битирдим. Яқинда коронавирус бўлиб қолдим. Шунинг учун якуний давлат аттестациясида иштирок эта олмадим. Энди нима қилсам бўлади?

✅ ЖАВОБ:
Узрли сабаб билан якуний давлат аттестацияси синовларига келмаган талабалар ректорнинг буйруғи билан якуний давлат аттестация комиссиясининг иши якунланишига қадар бошқа муддатларда ўтказиладиган якуний давлат аттестацияси синовларига киритилиши мумкин.
Шунга кўра, Сиз якуний давлат аттестация синовларини топшириш учун бевосита олий таълим муассасасига мурожаат қилишингиз сўралади.

👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ | 24-27 САВОЛ-ЖАВОБ | 28-31 САВОЛ-ЖАВОБ
———
👀 Eduuz ни кузатишда давом этинг!

#ЭЪЛОН

⚡️Креатив фикрлайдиган ёшлар, истеъдодли профессор-ўқитувчилар, ёш олимлар ва илмий тадқиқотчилар, педагоглар ва мутахассислар диққатига❗️

🌐“Эл-юрт умиди” жамғармаси томонидан 2021-2022 ўқув йили учун нуфузли хорижий давлатларда:

- бакалавриат таълим дастури учун
69 ўрин;

- магистратура таълим дастури учун 112 ўрин;

- докторантура таълим дастури учун
91 ўрин;

-жами 272 ўрин стипендиялар ажратилиши маълум қилинди.

👨🏻‍🎓👩🏻‍🎓Номзодларнинг ҳужжатлари
2021 йил 20 июлдан – 20 августга қадар, республиканинг барча ҳудудлар вакиллари учун ягона тартиб ва тенг имконият асосида, онлайн режимда ва электрон тарзда қабул қилинади.

🖥Саралаш босқичлари 2021 йил 20 августдан – 20 сентябрга қадар давом этади.

💠 Батафсил маълумотлар “Эл-юрт умиди” жамғармасининг www.eyuf.uz сайти орқали батафсил эълон қилиб борилади.
———
👀 Eduuz ни кузатишда давом этинг!

#Сўраган_эдингиз

📢 Олий ва ўрта махсус таълим вазири ҳамда вазир ўринбосарларининг мурожаатлар платформаси орқали келиб тушган саволларга жавоблар

❓36-САВОЛ:
Олий таълим муассасаларида тўлов-контракт маблағларини тўлаш муддатлари тўғрисида маълумот берсангиз.

✅ ЖАВОБ:
Талабаликка тавсия этилган абитуриентлар (шу жумладан табақалаштирилган тўлов-контракт асосида), яъни 1-босқич талабалари учун тўлов-контракт маблағларини ўтказиш муддатлари Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан белгиланади.
2020/2021 ўқув йилидан бошлаб олий таълим муассасаларида тўлов-контракт асосида таҳсил олаётган талабалар ўқиш учун тўловларни тенг улушларда 4 (тўрт) бўлиб, қуйидаги муддатларда амалга оширишлари мумкин:

➖ белгиланган тўлов миқдорининг камида 25 фоизини талабаликка тавсия этилган абитуриентлар учун 15 сентябргача ёки Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан белгиланган муддатгача ҳамда иккинчи ва ундан кейинги босқич талабалар учун 1 октябргача ёки олий таълим муассасаси ректори (филиал директори) томонидан узайтирилган муддатгача;

➖ белгиланган тўлов миқдорининг камида 50 фоизи 1 январгача, 75 фоизи 1 апрелгача ва 100 фоизи 1 июлгача ёки олий таълим муассасаси ректори (филиал директори) томонидан узайтирилган муддатларгача;

➖ табақалаштирилган тўлов-контракт асосида талабаликка тавсия этилган абитуриентларга ўқув йилининг биринчи ярми учун тўловларни амалга ошириш муддати ва миқдорлари Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан ва қолган қисми олий таълим муассасаси ректори (филиал директори) томонидан белгиланган муддатларгача амалга оширилади.

❓37-САВОЛ:
Техникум ва коллежларга қабул қачондан бошланади?

✅ ЖАВОБ:
2021/2022 ўқув йили учун коллеж ва техникумларга абитуриентларнинг ҳужжатларини қабул қилиш жараёни онлайн тарзда www.kollej.edu.uz ва www.texnikum.edu.uz электрон платформалари орқали 2021 йил 10 августдан 10 сентябрга қадар (шу куни ҳам) амалга оширилади.

❓38-САВОЛ:
Касб-ҳунар мактабини 2 йил давомида ўқиганимдан сўнг олий таълим муассасасига ўқишга кириш имконияти мавжудми?

✅ ЖАВОБ:
Бошланғич профессионал таълим дастурларини, яъни касб-ҳунар мактабини муваффақиятли тамомлаган ва давлат намунасидаги диплом олган битирувчилар мазкур диплом асосида олий таълим муассасаларида таълимни давом эттириш учун ҳужжат топширишлари мумкин.

❓39-САВОЛ:
Мен олий таълим таълим муассасасининг бакалавр дипломини олганман ва 5 йиллик стажга эгаман. Олий таълимдан кейинги таълим институтида мустақил изланувчилик асосида фалсафа доктори (PhD) диссертациясини ҳимоя қилишим мумкинми?

✅ ЖАВОБ:
Вазирлар Маҳкамасининг “Олий ўқув юртидан кейинги таълим тизимини янада такомиллаштириш чора-тадбирлари тўғрисида” 2017 йил 22 майдаги 304-сонли қарорига мувофиқ магистрлик ёки клиник ординатура (тиббиёт фанлари учун) дипломига эга бўлишингиз лозим.

👆1-4 САВОЛ-ЖАВОБ | 5-7 САВОЛ-ЖАВОБ | 8-11 САВОЛ-ЖАВОБ | 12-15 САВОЛ-ЖАВОБ | 15-20 САВОЛ-ЖАВОБ | 21-23 САВОЛ-ЖАВОБ | 24-27 САВОЛ-ЖАВОБ | 28-31 САВОЛ-ЖАВОБ | 32-35 САВОЛ-ЖАВОБ
———
👀 Eduuz ни кузатишда давом этинг!