​​#ОТМ_янгиликлари

Британиялик профессорлардан талабалар учун тренинг

Ўзбекистон давлат санъат ва маданият институтида Буюк Британиянинг Голдсмит университети қошидаги Креатив ва маданий тадбиркорлик институти профессорлари Шаун Приме, Никола Тёрнер ва Адриан де ла Cоуртлар тренинг олиб боришди.

Машғулотлар инглиз тилида “Санъатда бизнес моделлаштириш”, “Креатив тадбиркорликда маркетинг” мавзуларида санъат ва маданият соҳасида креатив тадбиркорлик кўникмаларини ривожлантириш, янги ғояларни амалга ошириш бўйича бизнес хариталарни тузишда ёш ижодкорларда бой кўникмаларни шакллантириш мақсадида ўтказилди.

Маълумот учун, Голдсмит университети санъат ва дизайн, ижтимоий фанларга ихтисослашган бўлиб, сўнгги йилларда жаҳон олий таълим муассасалари рейтингида ўз йўналиши бўйича 15-ўринда бормоқда. Санъат ва маданият таълимидаги IQ бўйича эса Қиролликда 4-, Европада 5- ҳамда жаҳонда 12- ўринда туради.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#ОТМ_янгиликлари

Талабалар учун китоб ярмаркаси ташкил этилди

Олий ва ўрта махсус таълим вазирлиги ташаббуси билан талабаларни китоб мутолаасига қизиқтириш мақсадида ОТМларда китоб ярмаркалари, ёзувчи ва шоирлар билан учрашувлар ташкил этилмоқда.

Бугун, 11 март куни Тошкент фармацевтика институтида китоб ярмаркаси ўтказилди. Ярмаркада ўзбек ва жаҳон адабиётининг нодир асарлари, илмий адабиётлар ва бошқа нашрлар савдоси ташкил этилди.

Институт томонидан талабаларнинг ярмарка бўйича фикр-мулоҳазалари ўрганилиб, улар келгусида ташкил этиладиган китоб ярмаркаси ва кўргазмаларида инобатга олинади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#ОТМ_янгиликлари

Ҳамкорлик шартномаси имзоланди

Қорақалпоқ давлат ва Каспий давлат технология ва муҳандислик университетлари ўртасида малакали кадрлар тайёрлаш бўйича ҳамкорлик шартномаси имзоланди.

Бу борада келишувга Ш.Есенов номидаги Каспий давлат технология ва муҳандислик университети ректори Б.Ахметов бошчилигидаги делегациянинг университетга ташрифи доирасида эришилди.

Ҳамкорлик шартномасига кўра, университетлар ўртасида профессор-ўқитувчилар алмашиш, илмий ва маданий ҳамкорлик йўлга қўйилади.

Учрашув давомида томонлар нефть-газ, қурилиш, бизнес-иқтисодиёт ва гуманитар соҳалар бўйича бакалавриат “3+1”, магистратура “1+1” дипломи дастурига доир ҳужжатларни тайёрлаш ва ишлаб чиқиш бўйича масъулларни белгилашди.

Маълумот учун, ҳозирда Каспий давлат технология ва муҳандислик университетида 800 нафардан ортиқ хорижлик талабалар таҳсил олса, шундан 100 нафардан ортиғини ўзбекистонлик талабалар ташкил қилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#Эълон

Хитой Халқ Республикасининг Ренмин университети ҳузуридаги (Renmin University of China) Ипак йўли институти магистратурада таҳсил олиш учун грант танловини эълон қилади.

Ўқиш қуйидаги мутахассисликлар бўйича олиб борилади:

👉 Хитой сиёсати;
👉 Хитой иқтисодиёти;
👉 Хитой маданияти;
👉 Хитой ҳуқуқшунослиги.

Ўқув жараёнлари инглиз тилида ташкил этилади.

Аризалари 2019 йил 30 мартга қадар online тарзда қабул қилинади.

Батафсил: http://grs.ruc.edu.cn/

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

#ОТМ_янгиликлари

📆 16-mart shanba kuni Toshkent davlat iqtisodiyot universitetida UzGeeksning navbatdagi "UzGeeks March2019 Meetup" bo'lib o'tadi.

📚 Bu galgi meetupimizda quyidagi mavzular bo'yicha dokladlar bo'ladi:

1. Yosh dasturchilar yo'l qo'yadigan 5 ta xato va ularning yechimlari - Islomjon Tursunov (CITY MEDIA);

2. How to write your own Python web framework - Jahongir Rahmonov (Super Dispatch);

3. VertX texnologiyasi: 5 daqiqada web server - kuching yetsa buzib ko'r! - Saidolim Djuraev (Net Extensions).

🕰 Meetup odatiy ravishda bepul bo'lib, soat 14:00 da boshlanadi va unda ishtirok etish uchun oldindan ro'yxatdan o'tish kerak bo'ladi.

✍️ Ro'yxatdan o'tish: www.uzgeeks.uz
🏷 Tadbir Facebookda: http://s.yordam.uz/mar2019

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#ОТМ_янгиликлари

Тошкент давлат шарқшунослик институти Академик инновациялар фонди томонидан эълон қилинган грант танловида “Халқаро алоқаларнинг янги босқичида таълим сифатини ошириш ва синхрон-таржимонларни тайёрлашда замонавий шароитларни яратиш” лойиҳаси билан иштирок этиб, ғолибликни қўлга киритди.

Лойиҳадан кўзланган асосий мақсад шарқ тиллари бўйича синхрон таржимонларни тайёрлаш жараёнида таълим сифатини ошириш ҳамда меҳнат бозорида синхрон таржимонларга бўлган талабни қондириш саналади.

140 минг АҚШ долларига тенг молиялаштириш ҳажмига эга мазкур грант доирасида институтга синхрон таржима учун мўлжалланган махсус техник жиҳозларни харид қилинади.

Лойиҳа Корея Республикасининг нуфузли Ханкук чет тиллари университети билан ҳамкорликда амалга оширилади.

Маълумот учун, Академик инновациялар фонди томонидан эълон қилинган грантлар танлови Олий ва ўрта махсус таълим вазирлиги ҳамда Жаҳон банки ҳамкорлигидаги олий таълим тизимини модернизация қилишга қаратилган лойиҳа доирасида амалга оширилмоқда.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#ОТМ_янгиликлари

Хитой элчиси лицей ўқувчилари учун очиқ дарс ўтказди

Бугун Хитой Халқ Республикасининг мамлакатимиздаги Фавқулодда ва мухтор элчиси Цзян Янь хоним Низомий номидаги Тошкент давлат педагогика университети қошидаги академик лицейга ташриф буюрди.

Элчи хоним лицей ўқувчилари учун “Хитой маданияти” мавзусида очиқ дарс ўтказди.

Унда Хитой маданияти, ўзига хос жиҳатлари, урф-одатлари, хитой ва ўзбек халқлари маданиятининг ўхшаш жиҳатлари ҳақида ўқувчиларга сўзлаб берди.

Ташкил этилган давра суҳбатида Ўзбекистон - Хитой муносабатларининг ҳозирги ҳолати, истиқболли келажаги ҳамда ўқувчиларнинг чет тилларини ўзлаштириш даражалари, дунё янгиликлардан хабардорликлари юзасидан қизғин муҳокамалар бўлиб ўтди.

Шунингдек, элчи хоним лицей ўқувчиларининг мавзуга оид қизиқтирган саволларига жавоб берди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

#Объявление

Общая рассылка для студентов

16 марта 2019 года в г. Ташкент на базе Национального университета Узбекистана имени Мирзо Улугбека пройдет Международная студенческая олимпиада по ядерным физике и технологиям.

Олимпиада проводится Национальным исследовательским ядерным университетом «МИФИ» (НИЯУ МИФИ, Москва) – победители и призеры получат существенные льготы при поступлении в магистратуру НИЯУ МИФИ на технические направления подготовки.

К участию в олимпиаде приглашаются студенты 4 курса физических специальностей.

Олимпиада пройдет 16 марта 2019 г. в 14:00 по адресу: Ташкент, Университетская улица, д. 4, корпус Физического факультета, ауд. 218.

Контактное лицо: Делов Максим (+998 90 329 74 00, midelov@mephi.ru)

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​Талабалар Оролбўйида боғ яратиш ташаббуси билан чиқди

Ўзбекистон Миллий ва Қорақалпоқ давлат университетларининг биология ва табиатшуносилк факультетлари профессор-ўқитувчилари ҳамда талабалари иштирокида ташаббускор талаба-ёшлар ўқув-илмий экспедицияси бошланди.

«Орол ва ёшлар» шиори остидаги ушбу экспедиция доирасида талабалар Мўйноқ тумани «Шағирли» овулининг тупроқ ва иқлимига мослашган
12 турдаги мевали, манзарали ўсимликлардан иборат 2 гектар майдонда ўқув-илмий майдон ташкил этадилар.

Ўқув-илмий экспедиция аъзолари шу йилнинг 18 март куни Орол денгизига қадар бориб, минтақанинг тупроғи, ўсимликлари, суви, унинг таркиби ва хусусиятларини ўрганиш мақсадида улардан намуналар олишади.

Ўрганишлар жараёнида Буюк Британиянинг Кембриж ва Россия давлат аграр университетлари профессорлари билан онлайн мулоқот олиб борилади.

Батафсил: http://edu.uz/uz/news/view/1182

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#ОТМ_янгиликлари

Тошкент ахборот технологиялари униерситети Академик инновациялар фондидан грант ютиб олди

Университети Академик инновациялар фонди томонидан эълон қилинган грант танловида “ТАТУда АҚШ университетлари магистратураси ўқитиш технологиялари трансфери” лойиҳаси билан иштирок этиб, ғолибликни қўлга киритди.

Лойиҳа АҚШнинг Вебстер университети билан ҳамкорликда амалга оширилиб, унда магистрларни ўқитиш бўйича америка университетларининг илғор технологиялари ТАТУда жорий этилади.

Лойиҳанинг қиймати 140 минг АҚШ долларига тенг бўлиб, унинг доирасида университетга мультимедия ўқитиш дастурлари, масофавий ўқитиш тизими, молиявий лабораторияни ташкил этиш ва ишга тушириш учун махсус техник жиҳозлари харид қилинади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​Ином Маджидов талабалар билан онлайн мулоқот ўтказди

Бугун, 15 март куни Олий ва ўрта махсус таълим вазири Ином Маджидов республика олий таълим муассасалари талабалари билан онлайн мулоқот ўтказди.

Мулоқотда жойлардаги студиялардан барча ОТМларида таҳсил олаётган имконияти чекланган, ногиронлиги бўлган, ижтимоий муҳофазага муҳтож ҳамда иқтидорли ва ташаббускор талаба-ёшлар вакиллари иштирок этди.

Икки соатдан кўпроқ вақт давом этган мулоқотда вазир талабаларни қизиқтирган саволларга жавоб берди.

Хусусан, ўқув жараёнларини самарали ташкил этиш; тўлов-контракт асосида ўқиш шартлари ва стипендия; имконияти чекланган ва ногиронлиги бор талабаларнинг ўқиш учун зарур шароит, турар жой ҳамда махсус адабиётлар билан таъминланиши; хорижда таълим олиш ва бошқа мавзуларда қизиқарли мулоқот бўлиб ўтди.

Онлайн мулоқотда ёшлар олдидан чиқадиган тўсиқларни айланиб ўтишга эмас, балки уларни енгиб ўтишга одатланишлари кераклиги, ҳозирда талабалар учун имтиёзлар кўплиги, келгусида уларнинг сони оширилиши, бироқ имтиёзларга таяниб қолиш келажакда меҳнат бозорида ўз ўрнини топишга тўсқинлик қилиши мумкинлиги таъкидланди.

Суҳбат якунида талабалар томонидан билдирилган таклиф ва мулоҳазалар тўлиқ кўриб чиқилиши қайд этилди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#Маълумот_учун

Олий таълим муассасалари томонидан жорий йилнинг март-май ойларида халқаро ва республика миқёсидаги 30 дан ортиқ илмий анжуман ва семинарлар ўтказилади.

Мазкур конференция ва семинарларда профессор-ўқитувчилар, илмий изланувчилар, иқтидорли талабалар ўзларининг илмий мақола ва тезислари билан иштирок этишлари мумкин.

Батафсил: http://edu.uz/uz/pages/conference-and-seminars

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​Самарқандда Тошкент давлат иқтисодиёт университетининг филиали иш бошлайди

Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Тошкент давлат иқтисодиёт университетининг Самарқанд филиалини ташкил этиш”ги қарори лойиҳаси жойлаштирилди.

Лойиҳага кўра, Филиал Ўзбекистон Республикаси Президенти Шавкат Мирзиёевнинг 2019 йил 11 январь куни Самарқанд вилоятига ташрифи давомида берган топшириқларидан келиб чиқиб, шунингдек иқтисодиётнинг барча соҳа ва тармоқлари ҳамда рақамли иқтисодиётни ривожлантириш мақсадида ташкил этилади.

Унинг асосий вазифалари этиб ҳудудда иқтисодиёт соҳа ва тармоқларининг ривожланиш истиқболларини ҳисобга олган ҳолда Германия ва бошқа ривожланган мамлакатларнинг етакчи университетлари билан яқин ҳамкорликда вилоятда эҳтиёж юқори бўлган қуйидаги ва бошқа мутахассисликлар бўйича малакали иқтисодчи кадрларни тайёрлаш белгиланган:

👉 “Рақамли иқтисодиёт”;
👉 “Озиқ-овқат ва ресурслар иқтисодиёти”;
👉 “Агробизнес ва маркетинг”;
👉 “Бухгалтерия ҳисоби ва аудит” ва б.

Қарор лойиҳасида Филиалга Ўзбекистон Республикаси Президентининг 2018 йил 21 сентябрдаги ПФ-5544-сон Фармони билан тасдиқланган 2019 – 2021 йилларда Ўзбекистон Республикасини инновацион ривожлантириш стратегиясини амалга ошириш бўйича “Йўл харитаси”га мувофиқ кадрларга бўлган эҳтиёждан келиб чиққан ҳолда мустақил равишда қабул квоталарини белгилаш ҳуқуқи берилган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#Соҳа_янгиликлари

Олий ва ўрта махсус таълим вазири Жиззахда ҳарбий хизматга чақирилганларни муддатли ҳарбий хизматга тантанали кузатиш тадбирида иштирок этди.

Учрашувда вазир ҳарбий хизматни ўтаган ёшларга ОТМга киришда бериладиган имтиёзлар, шунингдек, ҳарбий хизматчиларнинг фарзандларини ОТМга ўқишга қабул қилишдаги имкониятларга тўхталиб ўтди.

Ином Мажидов ҳарбий хизматга чақирилган йигитларни жамиятимизда кечаётган ўзгаришларга мос равишда модернизация қилинаётган олий таълим олиш имкониятидан фойдаланишга чақириб, халқаро стандартлар асосида замонавий мутахассисликларни эгаллашларида, жумладан ҳарбий касб сирларини қунт билан чуқур ўрганишларида муваффақиятлар тилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

#ОТМ_янгиликлари

Украина Фанлар академияси А.Чуйко номидаги юзакимёси институти илмий ходими, кимё фанлари номзоди Л.Андрийко шу йилнинг 11 март кунидан бошлаб Қорақалпоқ давлат университети талабаларига маъруза ўқимоқда.

Людмила Андрийко талабалар билан бугунги кунда жаҳон кимё соҳасида амалга оширилаётган лойиҳалар хусусида муҳокамалар ҳам ўтказиб, уларни қизиқтирган саволларга жавоб қайтарди.

Украиналик олима, шунингдек университетнинг тегишли фан кафедралари профессор-ўқитувчилари билан фанни ўқитишдаги илғор халқаро тажрибалар бўйича фикр алмашмоқда, ёш тадқиқотчи-олимларга илмий изланишлари юзасидан қимматли маслаҳатлар бериб, маҳорат дарслари ўтмоқда.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​#ОТМ_янгиликлари

Тошкент педиатрия тиббиёт институти делегацияси ҳамкорлик масаласини муҳокама қилиш учун Санкт-Петербургга борди.

2018 йилнинг 18-19 октябрь кунлари илк маротаба ўтказилган Ўзбекистон-Россия таълим форумида Тошкент педиатрия тиббиёт институти ва Санкт-Петербург давлат педиатрия тиббиёт университети ўртасида қўшма факультетни ташкил этиш тўғрисида битим тузилган эди.

Тошкент педиатрия тиббиёт институти ўқув ишлари бўйича проректор Қаҳрамон Хаитов бошчилигидаги институт делегацияси имзоланган битим бўйича ишларни жонлантириш мақсадида Санкт-Петербургга борди.

Санкт-Петербург давлат педиатрия тиббиёт университети ректори, Россия Федерацияси Соғлиқни сақлаш вазирлигининг бош неонатологи Дмитрий Иванов раислигида университети вакиллари билан қўшма факультетни ташкил этиш масаласи муҳокама қилинди.

Янги факультетда талабалар россиялик етакчи мутахассислар билан ҳамкорликда ишлаб чиқилган педиатриянинг махсус ўқув дастури бўйича таълим олишади.

Бундан ташқари, иқтидорли ўзбекистонлик талабалар ўқишни Санкт-Петербург педиатрия университетида давом эттириши режалаштирилган.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

Олий таълимга қамров кенгаймоқда

Охирги икки йилда олий таълим муассасаларига ёшларни қабул қилиш бўйича қамров 9 фоиздан 15 фоизга ошди.

Бугунги кунда республика олий таълим муассасаларида 361 739 нафар бакалаврлар 276 та таълим йўналишларида, 11 744 нафар магистрантлар 433 та мутахассисликларда тайёрланмоқда. Жами – 373 483 нафар талаба таҳсил олмоқда.

Республикада олий таълим муассасалари сони янги ташкил этилган маҳаллий ҳамда нуфузли хорижий университетлар ва филиаллар ҳисобига сўнги икки йилда 75 тадан 100 тага етди.

Натижада олий таълим муассасаларига талабалар қамрови кенгайиб, жорий ўқув йилидан бошлаб қуйидаги университетларда талабалар сони 10 минг нафардан ошди:

1. Самарқанд давлат университети – 13 047 нафар;
2. Урганч давлат университети – 12 824 нафар;
3.Тошкент давлат техника университети – 11 618 нафар;
4. Бухоро давлат университети – 11 385 нафар;
5. Термиз давлат университети – 10 992 нафар;
6. Фарғона давлат университети – 10 586 нафар;
7. Қарши давлат университети – 10 412 нафар;
8. Андижон давлат университети – 10 377 нафар;
9. Қорақалпоқ давлат университети – 10 087 нафар;
10. Ўзбекистон миллий университети – 10 000 нафар;

Олий ва ўрта махсус таълим вазирлиги 2019-2020 ўқув йилида мамлакатимизда битирувчиларни олий таълим билан қамраб олиш даражасини 20 фоизга етказиш йўлида амалий ҳаракатларни бошлаб юборди.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

Тошкентда Вебстер университети очилди

Ўзбекистон Республикаси Президентининг 2019 йил 20 мартдаги ПҚ-4245-сонли қарори билан Тошкент шаҳрида Вебстер университетининг таълим дастурларини амалга ошириш маркази ташкил этилди.

Марказ Олий ва ўрта махсус таълим вазирлиги ҳамда Вебстер университети томонидан таъсис этилади.

Вебстер университетининг Тошкент марказида 2019/2020 ўқув йилидан ўқув жараёнлари бошланади ва бу ерда бакалавриатнинг асосий 14 та таълим йўналишлари ҳамда 16 та магистратура мутахассисликларида кадрлар тайёрланади.

Марказда ўқитиш кундузги таълим шаклида, тўлов-контракт асосида, инглиз тилида, жумладан электрон таълим ва масофавий таълим технологияларини қўллаган ҳолда Вебстер университети томонидан тасдиқланган ўқув режалар ва дастурлар асосида амалга оширилади.

Битирувчиларга Ўзбекистон Республикасида олий маълумот тўғрисидаги ҳужжат сифатида тан олинадиган Вебстер университетининг дипломи берилади.

Абитуриентлар қабули ва битирувчилар аттестацияси Олий ва ўрта махсус таълим вазирлиги билан келишган ҳолда Вебстер университети томонидан белгиланган талаб, тартиб ва муддатларга мувофиқ амалга оширилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

​​В Ташкенте открылся Вебстерский университет

Постановлением Президента Республики Узбекистан №ПП-4245 от 20 марта 2019 года создан Центр реализации образовательных программ университета Вебстер в городе Ташкенте.

Центр учреждается Министерством высшего и среднего специального образования Республики Узбекистан и Вебстерским университетом.

Образовательная деятельность в Центре осуществляется начиная с 2019/2020 учебного года и здесь будет налажена подготовка кадров по 14 основным направлениям бакалавриата и 16 специальностям магистратуры.

Обучение в Центре осуществляется на платно-контрактной основе на английском языке по очной форме образования, в том числе с применением дистанционных образовательных технологий, по учебным планам и программам, утвержденным Вебстерским университетом.

Выпускникам Центра выдается диплом установленного образца Университета, признаваемый документом о высшем образовании в Республике Узбекистан.

Прием абитуриентов и аттестация выпускников Центра осуществляется в соответствии с требованиями, порядком и сроками, определяемые университетом по согласованию с Министерством высшего и среднего специального образования Республики Узбекистан.

Подключение к телеграммному каналу Министерства высшего и среднего специального образования 👇👇👇 https://t.me/joinchat/AAAAAEX5-AtLUa14zQYfsw

Вебстер университетининг Тошкент марказида қуйидаги таълим йўналишлари ва мутахассисликлари бўйича малакали кадрлар тайёрланади:

Бакалавриатнинг 14 та асосий таълим йўналишлари

👉 Бошқарувнинг ахборот тизимлари (фан бакалаври);
👉 Интерфаол рақамли медиа (санъат бакалаври);
👉 Медиакоммуникациялар (санъат бакалаври);
👉 График дизайн (санъат бакалаври);
👉 Реклама ва маркетинг коммуникациялари (санъат бакалаври);
👉 Информатика (фан бакалаври);
👉 Тадбиркорлик (санъат бакалаври);
👉 Иқтисодиёт (санъат бакалаври);
👉 Халқаро муносабатлар (санъат бакалаври): халқаро иқтисодиётга эътибор қаратилади;
👉 Бухалтерия ҳисоби (фан бакалаври);
👉 Европа тадқиқотлари (санъат бакалаври);
👉 Глобал журналистика (санъат бакалаври);
👉 Жамоатчилик билан алоқалар (санъат бакалаври);
👉 Кино, телевидение ва видео ишлаб чиқарилиши (санъат бакалаври).

16 та магистратура мутахассисликлари

👉 Ахборот технологиялар бошқаруви (санъат магистри);
👉 Коммуникациялар бошқаруви (санъат магистри);
👉 Бизнес бошқаруви (бизнесни бошқариш бўйича магистр);
👉 Бизнес ва ташкилий хавфсизлик бошқаруви (санъат магистри);
👉 Савдо бошқаруви (санъат магистри);
👉 Медиакоммуникациялар (санъат магистри);
👉 Реклама ва маркетинг коммуникациялари (санъат магистри);
👉 Таълим ва инновациялар (санъат магистри)
👉 Таълим технологиялари (санъат магистри);
👉 Амалий педагогик психология (санъат магистри);
👉 STEM (санъат магистри);
👉 Инглиз тилини иккинчи тил сифатида ўқитиш (санъат магистри);
👉 Менежмент ва лидерлик (санъат магистри);
👉 Экология менежменти (санъат магистри);
👉 Соғлиқни сақлаш бошқаруви (санъат магистри);
👉 Суд ҳисоби (фан магистри).

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw

Узлуксиз таълим тизими учун педагог кадрлар тайёрлаш салмоғи ошмоқда

Ўзбекистонда педагогика соҳасига ихтисослашган 7 та олий таълим муассасасида узлуксиз таълим тизимининг барча бўғинлари учун соҳанинг асосий таълим йўналишлари ва мутахассисликлари бўйича жами 50 077 нафар педагог кадрлар тайёрланмоқда. Жумладан,

👉 Жиззах ДПИ – 9734 нафар;
👉 Навоий ДПИ – 8874 нафар;
👉 ТДПУ – 8560 нафар;
👉 Нукус ДПИ – 8153 нафар;
👉 Қўқон ДПИ – 7894 нафар;
👉 Тошкент вил. Чирчиқ ДПИ – 5063 нафар;
👉 ТДПУ Термиз филиали – 1136 нафар.

2019-2020 ўқув йилида педагогика таълим йўналишларида мақсадли қабул жараёнлари кенгайтирилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.me/joinchat/AAAAAEX5-AtLUa14zQYfsw